Архивтегі фото

Атырауда өзенге құлап кеткен баланы сол маңда серуендеп жүрген адам құтқарып қалды

34
(Жаңартылды 09:36 09.10.2020)
Жайыққа құлап кеткен бала жақын маңдағы қалалық №5 емханаға жеткізілген, жағдайы ауыр, жансақтау бөлімінде жатыр

НҰР-СҰЛТАН, 9 қазан – Sputnik. Атырау тұрғыны Асанәлі Тасқалиев баланың абайсызда өзенге құлап кеткенін біліп, еш ойланбастан суға секіріп, баланы жағаға шығарды.

Оқыс оқиға қала шетінде, Жайық өзенінің жағасында болды, бұл кезде Асанәлі Тасқалиев немересімен серуендеп жүрген, деп жазды "Ақ Жайық" басылымы.

Оқи отырыңыз: Солтүстік Қазақстан облысында шекарашы ана мен баланы құтқарды  

Ер адамның айтуынша, оған екі кішкентай бала жүгіріп келіп, досы абайсызда суға құлап кеткенін айтқан. Ер адам көмекке жүгіріп, баланы судан шығарып алған.

"Баланың тамыры соғып жатқанын байқап, бірден алғашқы медициналық көмек көрсетуге кірістім, ауыз қуысын тазаладым. Қолымнан келгеннің бәрін жасадым. Бала есін жиып, жылай бастады. Мен қатты қуанып, оны киімге орап алдым", - дейді қала тұрғыны.

Ер адам жедел жәрдем көлігін күтсе, уақыт жоғалтатынын түсініп, жол-жөнекей көлікпен баланы №5 емханаға жеткізіп, дәрігерлерге тапсырған.

Басылымның хабарлауынша, зардап шеккен бала қазір жансақтау бөлімінде жатыр. Дәрігерлер оның жағдайы ауыр екенін хабарлады,  оған "мидың ісінуі" диагнозы қойылған.  

34
Кілт сөздер:
өзен, Атырау
Тақырып бойынша
Түркістан облысында 6 жасар бала өзен көпірінен құлап қайтыс болды
Талдықорғанда суға батқан көлік жүргізушісін оқиға куәгері құтқарды
Ақмола облысында әйелі мен туысын құтқармақ болған ер адам ажал құшты
Демалыстағы трагедия: қызды құтқарған астаналық ажал құшты
Батыс Қазақстандағы трагедия: көлікте отырған үш бала суға батып кетті
Құбыр жарылысының маңы, архивтегі сурет

Өскеменде жойқын жарылыстан жұрттың зәресі ұшты

7
(Жаңартылды 09:36 22.10.2020)
Қаладағы шағынаудан мен Күленов атындағы ауыл тұрғындары еден сықырлап, жер қоғазғалғандай әсер еткенін айтады

НҰР-СҰЛТАН, 22 қазан – Sputnik. 21 қазан күні түстен кейін жойқын жарылыстың дыбысы екі рет естіліп, тұрғындардың зәресі ұшты, деп хабарлайды YK-news.kz.

"Сағат 17.20 шамасында шыққан екінші жарылыс дыбысынан Қазақстан көшесінде тұрған көліктердің дабылқаққышы іске қосылып кетті. Ал КШТ шағынауданы мен Күленов атындағы ауыл тұрғындары еден сықырлап, жер қоғазғалғандай әсер еткенін айтып жатыр", – делінген ақпаратта.

Жұртты үрейлендірген Өскемендегі жойқын жарылыстар 25-шағын ауданда жоспарланған жұмыстар болып шықты. Қазіргі кезде инженерлік инфрақұрылымдар мен кварталішілік сумен жабдықтау желілерінің құрылысы жүргізіліп жатқандықтан, жару жұмыстарын "Kaz Explo Servis" ЖШС ұйымдастырған.

Оқи отырыңыз: "Бір көзді баланы ертіп жүрдім": Семей өңірінің тұрғыны полигонның зардабы жайлы айтты

7
Кілт сөздер:
Өскемен, жарылыс
Тақырып бойынша
"Оттан қорықпайтын адам жоқ": өмірін адам құтқаруға арнаған әулетпен сұқбат
Нұр-Сұлтанда құбыр жарылып, көшені су басты – видео 
Екі баласын бөлмеге қамап қойған: Шымкент тұрғыны үйді жарып жібермек болды
Ресейде әскери қоймадағы жарылыстан екі адам жарақат алды
Алматыда көшенің қақ ортасында ыстық су бұрқырап атқылады - видео
Петропавл халықаралық әуежайы

Қазақстанда халықаралық әуежай банкрот деп танылады

34
(Жаңартылды 08:53 22.10.2020)
Қазіргі кезде Петропавл қаласындағы әуежайдан Нұр-Сұлтан мен Алматы және Шымкентке ғана ұшақ қатынайды

НҰР-СҰЛТАН, 22 қазан – Sputnik. Петропавл қаласындағы халықаралық әуежайдың жұмысшылары Солтүстік Қазақстан облысының әкімі Құмар Ақсақаловқа бірнеше айдан бері айлықсыз отырғанын айтып шағымданды, деп хабарлайды жергілікті "Петропавловск.News" сайты.

Ал әкімдік өкілдері жұмысшылардың қаражаты кезең-кезеңмен төленіп, әуежайдың өзі мемлекет меншігіне қайтарылатынын мәлімдеп отыр.

"Әуежай жақын арада банкроттық процедурадан өтіп, мемлекет меншігіне қабылданады. Бұл өзгеріс әуежайды сақтап қалумен қатар, рейстер санын көбейтуге көмектеседі", – делінген хабарламада.

Айта кетейік, 2016 жылдың желтоқсанында әуежайдың ұшу-қону жолағы толығымен жаңартылып, жолаушылар терминалы да күрделі жөндеуден өткен болатын. Қайта құрылымдаудан кейін терминал сағатына 200 жолаушыны қабылдай алады деп жоспарланған. Сондай-ақ, әкімдік Ресей мен Қытай және Еуроодақ елдерімен байланыс орнатып, шет мемлекеттермен жаңа әуе қатынастарын ашамыз деп уәде берген.

Оқи отырыңыз: Алматы әуежайы кімге сатылады – министр жауабы

Алайда, жоғарыда аталған жоспардың ешбірі де іске асқан жоқ. Қазіргі кезде Петропавлдан тек Нұр-Сұлтан мен Алматы және Шымкентке ғана ұшақ қатынайды.

34
Кілт сөздер:
Петропавл, банкрот, әуежай
Тақырып бойынша
Ақтау әуежайы ресейлік холдингке сатыла ма – ресми жауап
Нұр-Сұлтан әуежайы жаңа ереже жариялады - рейске кімдер кірмеуі мүмкін
Түркістан қаласында жаңа әуежай іске қосылды: рәсімге Елбасы қатысты
Әуежай кодын NQZ-ке ауыстыру қанша тұрады
Bek Air ұшағының апаты: жолаушыларға көмектескен әуежай қызметкерлері марапатталды