Полицей, архивтегі фото

Солтүстік Қазақстанда тағы бір аудан орталығы карантинге жабылды

8137
(Жаңартылды 09:25 11.10.2020)
Бұған дейін локдаун режимі Солтүстік Қазақстан облысындағы басқа бір аудан орталығы – Булаево қаласында енгізілген болатын

ПЕТРОПАВЛ, 11 қазан – Sputnik. Солтүстік Қазақстан облысында Есіл ауданының орталығы Явленка елді мекені коронавирустың таралуына байланысты карантинге жабылды, деп хабарлайды Sputnik Қазақстан тілшісі.

Облыстық тауарлар мен қызметтердің сапасы мен қауіпсіздігін бақылау департаментінің баспасөз қызметі Явленка ауылын жабу туралы қаулыға қол қойылғанын жеткізді.

Есіл ауданының бас санитар дәрігерінің қаулысы бойынша Явленка ауылының тұрғындары үшін қатаң шектеулер 11 қазан сағат 00:00-ден бастап енгізілді. Ауыл тұрғындары үйінен жұмысқа, медициналық мекемелерге, дүкенге, дәріханаға, су әкелуге және басқа да шұғыл қажеттіліктер үшін ғана шыға алады.  

"Автостанциялар мен ашық сауда базарларының жұмысы тоқтатылады. Явленка ауылына округ әкімі берген рұқсатнама болғанда ғана кіріп, шығуға рұқсат етіледі", - деп жазылған қаулыда.

Жерлеу шараларын өткізу кезінде 30 адамнан артық жиналуға болмайды, 2 метр арақашықтық пен маска режимі сақталуы тиіс.

Сонымен қатар Мамлют ауданының орталығы Мамлютка қаласында да карантин енгізу жоспарланып отыр.

"Мамлют ауданының бас санитар дәрігерінің Мамлютка қаласын карантинге жабу туралы қаулысы қол қоюға дайындалып жатыр", - деп нақтылады санитарлық ведомствоның баспасөз қызметі.

Оқи отырыңыз: Нұр-Сұлтанда карантин тәртібін қадағалау күшейтіледі 

Еске сала кетейік, 9 қазанда Мағжан Жұмабаев ауданының орталығы Булаево қаласы карантинге жабылған болатын.

"Соңғы екі аптада Мағжан Жұмабаев ауданында 24 адам коронавирус инфекциясын жұқтырды, оның ішінде 15 науқас аудан орталығы Булаево қаласында, 9-ы ауданның басқа елді мекендерінде анықталды", - деп түсіндірді ведомствоның баспасөз қызметі.

Есіл және Мамлют аудандарындағы науқастар туралы мәлімет дүйсенбі күні беріледі.  

8137
Кілт сөздер:
Солтүстік Қазақстан облысы, карантин, коронавирус
Тақырып:
Коронавирус эпидемиясы (1643)
Тақырып бойынша
Қатаң карантин енгізілсе, халық әлеуметтік төлем ала ма?  
Қазақстанда қалалардың бірі қатаң карантинге жабылды
Шымкентте карантин шаралары ұзартылды - жаңа қаулы шықты
Коронавирустың екінші толқыны кезінде 160 мыңнан аса адам жұмыссыз қалуы мүмкін
Петропавл халықаралық әуежайы

Қазақстанда халықаралық әуежай банкрот деп танылады

21
(Жаңартылды 08:53 22.10.2020)
Қазіргі кезде Петропавл қаласындағы әуежайдан Нұр-Сұлтан мен Алматы және Шымкентке ғана ұшақ қатынайды

НҰР-СҰЛТАН, 22 қазан – Sputnik. Петропавл қаласындағы халықаралық әуежайдың жұмысшылары Солтүстік Қазақстан облысының әкімі Құмар Ақсақаловқа бірнеше айдан бері айлықсыз отырғанын айтып шағымданды, деп хабарлайды жергілікті "Петропавловск.News" сайты.

Ал әкімдік өкілдері жұмысшылардың қаражаты кезең-кезеңмен төленіп, әуежайдың өзі мемлекет меншігіне қайтарылатынын мәлімдеп отыр.

"Әуежай жақын арада банкроттық процедурадан өтіп, мемлекет меншігіне қабылданады. Бұл өзгеріс әуежайды сақтап қалумен қатар, рейстер санын көбейтуге көмектеседі", – делінген хабарламада.

Айта кетейік, 2016 жылдың желтоқсанында әуежайдың ұшу-қону жолағы толығымен жаңартылып, жолаушылар терминалы да күрделі жөндеуден өткен болатын. Қайта құрылымдаудан кейін терминал сағатына 200 жолаушыны қабылдай алады деп жоспарланған. Сондай-ақ, әкімдік Ресей мен Қытай және Еуроодақ елдерімен байланыс орнатып, шет мемлекеттермен жаңа әуе қатынастарын ашамыз деп уәде берген.

Оқи отырыңыз: Алматы әуежайы кімге сатылады – министр жауабы

Алайда, жоғарыда аталған жоспардың ешбірі де іске асқан жоқ. Қазіргі кезде Петропавлдан тек Нұр-Сұлтан мен Алматы және Шымкентке ғана ұшақ қатынайды.

21
Кілт сөздер:
Петропавл, банкрот, әуежай
Тақырып бойынша
Ақтау әуежайы ресейлік холдингке сатыла ма – ресми жауап
Нұр-Сұлтан әуежайы жаңа ереже жариялады - рейске кімдер кірмеуі мүмкін
Түркістан қаласында жаңа әуежай іске қосылды: рәсімге Елбасы қатысты
Әуежай кодын NQZ-ке ауыстыру қанша тұрады
Bek Air ұшағының апаты: жолаушыларға көмектескен әуежай қызметкерлері марапатталды

Қонаевтың ескерткіші желіде қызу талқыланып жатыр: арнайы тексеріс болады

730
Бұған дейін облыстың мәдениет, архивтер және құжаттама басқармасы Дінмұхамед Қонаевтың ескерткішін орнатуға бюджеттен ақша бөлінбегенін хабарлады

АЛМАТЫ, 21 қазан – Sputnik. Алматы облысында Дінмұхамед Қонаевқа арналған ескерткішке қатысты облыстың мәдениет басқармасы түсініктеме берді. Эскиздегі ескерткіш пен желіде тараған фото арасындағы айырмашылықтың бар болуына байланысты арнайы жұмыс тобы құрылды, деп хабарлайды Sputnik Қазақстан.

"Мемлекет және қоғам қайраткері Дінмұхамед Ахметұлы Қонаевтың ескерткішін Балқаш ауданы Бақанас ауылындағы Қонаев саябағына орнатуды Балқаш аудандық әкімдігі ұсынды. 15 қазанда Алматы облысының тарих және мәдениет ескерткіштерін қорғау жөніндегі комиссиясы құжаттарды қарастырып, Нұр-Сұлтан қаласындағы мемлекеттік комиссия қарауына ұсынды", - деді мәдениет басқармасы Sputnik Қазақстан тілшісіне .

Облыстың мәдениет басқармасының хабарлауынша, құрылған жұмыс тобы айырмашылықтар мен заңбұзушылықтарды анықтау үшін Балқаш ауданына іссапарға кетті.

"Әлеуметтік желіде пайда болған ескерткіштің фотосы мен комиссияға ұсынылған эскиздік жобадағы ескерткіш фотосы арасында айырмашылықтар анықталды. Осыған орай айырмашылықтар мен заңбұзушылықтарды анықтау мақсатында арнайы жұмыс тобы құрылды", - деді басқарма өкілдері.

Айта кетсек, бұған дейін облыстың мәдениет, архивтер және құжаттама басқармасы Дінмұхамед Қонаевтың ескерткішін орнатуға бюджеттен ақша бөлінбегенін хабарлады. Барлығы демеушілер қаржысына жасалып жатыр.

730
Кілт сөздер:
ескерткіш, Дінмұхамед Қонаев, Алматы облысы
Тақырып бойынша
Қонаевтың жаңа ескерткіші төңірегінде дау туды – видео 
"Ол мені қорғап қалды" Дінмұхамед Қонаев туралы не білеміз?
Нұрғали Нүсіпжанов Дінмұхамед Қонаевтың өзіне не дегенін айтты
Нұр-Сұлтанда мектепке Қонаевтың есімін беру ұсынылды – әкім не дейді?
Дінмұхамед Қонаевтың қарындасы қайтыс болды