Қолдағы ақша, архивтегі сурет

Ақтөбеде қылмыстық топ құрықталды видео

260
Қылмыстық топтың заңсыз әрекетінен 3,5 миллиард теңгенің салықтары мен төлемдері қазынаға түспей қалған

НҰР-СҰЛТАН, 12 қазан – Sputnik. Ақтөбе қаласында бюджетке қыруар шығын келтірген қылмыстық топ ұсталды, деп хабарлайды Sputnik Қазақстан қаржы мониторингі комитетіне сілтеме жасап.

Ресми мәліметке сәйкес, "СТОП-Обнал" жедел профилактикалық шара аясында ұзақ уақыт бойы жалған шот-фактуралар жазып келген қылмыстық топтың әрекеті әшкереленді. 

Посмотреть эту публикацию в Instagram

Публикация от КФМ МФ РК (@kfm_mf.rk)

"Осы іске қатысты қала тұрғыны өзінің достары мен туыстарына 15 кәсіпорынды тіркеп, құжат жүзінде басқа серіктестіктерге тауар жеткізігендей және қызмет ұсынғандай етіп көрсеткен. Алайда, шын мәнінде, ешқандай жұмыс та, қызмет те жасалмаған. Осылайша, ірі сомаға шот-фактуралар жазылған", – дейді тергеушілер.

Қылмыстық топтың заңсыз әрекетінен бюджетке қыруар шығын келген. Атап айтқанда, 3,5 миллиард теңгенің салықтары мен төлемдері қазынаға түспей қалған.

"Тергеу амалдары Қылмыстық кодекстің 216-бабы – "іс жүзінде жұмыстар орындалмай, қызметтер көрсетілмей, тауарлар тиеп-жөнелтілмей шот-фактура жазу бойынша әрекеттер жасау" бойынша жүргізілді. Іс сотқа жолданды", – деп атап өтті мамандар.

Оқи отырыңыз: Қазақстанда қаржы пирамидасына қатысы бар қанша қылмыстық топ анықталды

260
Кілт сөздер:
Ақтөбе, қылмыстық топ
Тақырып бойынша
Алматыда 800-ге тарта адамды алдап кеткен қылмыстық топ қолға түсті
Қарағандыда қаруланған қылмыстық топ ұсталды 
Қазақстанның оңтүстігіндегі қыздарды құлдыққа сатқан қылмыстық топ ұсталды
Қызылорда облысында ұйымдасқан қылмыстық топ ұсталды
Жамбыл облысында есірткі тасымалдаған қылмыстық топ сотталды
Мешітке кіреберіс есік

Камерадан да қымсынбады: мешіт тонаған ұрының әрекеті видеоға түсіп қалды

2
Полицейлердің мәлімдеуінше, 25 жастағы тұтқындалған жігіттің 40-тан астам ұрлыққа қатысы болуы мүмкін

НҰР-СҰЛТАН, 23 қазан – Sputnik. Түркістан облысындағы Түлкібас ауданының полицейлері мешіттегі қайырымдылық жәшігін тал түсте тонаған сәті видеоға түсіп қалған жас жігітті ұстады.

Бұл туралы Түлкібас аудандық полиция бөлімінің бастығы өзінің Facebook парақшасында арнайы жазба жариялады. 

 
"Түлкібас аудандық полиция бөлімінің қызметкерлері бірнеше мешітте ұрлық жасаған күдіктіні ұстады. Қызылорда облысының 25 жастағы тұрғыны қайырымдылық жәшіктерін бұзып, ішіндегі барлық ақшаны алып кеткен", – деп жазды Данияр Мейірхан.

Полицейлердің мәлімдеуінше, бұл күдіктінің бірінші ұрлығы емес көрінеді. Оның осыған ұқсас Шымкентте 20, Түркістанда 7, Ордабасы ауданы мен Алматы қаласында үш-үштен және Таразда 10 қылмысқа қатысы болуы мүмкін деген күдікке ілінген.

Оқи отырыңыз: Жамбыл облысында Паралимпиада чемпионын тонаған ер адам ұсталды

Қазіргі кезде Қылмыстық кодекстің 188-бабы бойынша (ұрлық) сотқа дейінгі тергеу басталды. Кінәсі дәлелденген жағдайда күдікті жеті жылға дейін бас бостандығынан айырылуы мүмкін.

2
Кілт сөздер:
Түркістан облысы, тонаушылық, ұры
Тақырып бойынша
Алматыдағы банкті тонау: кассирдің ондаған миллион теңгесі қолды болды
Ақтауда орын алған дүкенді тонау видеоға түсіп қалды
Павлодар облысында банкоматты жарып жіберген ұры ұсталды - видео
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды
Далалы аймақтағы өрт

Қызылорда облысында жайылып жүрген 700 қой жанып кетті: шығынды кім өтейтіні белгісіз

66
(Жаңартылды 08:56 23.10.2020)
Қазіргі таңда шығын көлемін арнайы құрылған комиссия есептеп жатыр. Қырылған мал саны арта түсуі мүмкін

НҰР-СҰЛТАН, 23 қазан – Sputnik. Қызылорда облысында 700 бас асыл тұқымды қой, жайылып жүріп жанып кетті. Тағы бірнеше қозы күйіп қалған. Жаңақорған ауданындағы жағдайды жіті тексеруге арнайы комиссия құрылды, деп хабарлайды "АстанаТВ" арнасы.

Ресми дерек бойынша, "Түгіскен" шаруа қожалығы күріштік алқабын өртеген. Жалын сол жерде жайылып жүрген "Ынтымақ" жауапкершілігі шектеулі серіктестігінің малына қарай ұшқан. Шопан оттың лезде күшейгенінен қорқып, өзі бас сауғалап қашқанын айтады.

"Малды осы жерге дейін қуып келіп, игере алмай қалдым. Маңайдың бәрін өрт басып кетті да, малды тастап өзім қашып кеттім", – деді шопан Сәбит Әуелбеков.

Серіктестік асыл тұқымды мал басын көбейтумен айналысады. 25 жыл бойы жиғаным күлге айналды деген құрылтайшы, шығынға шаш етектен батқанын жеткізді.

"Аналық бастың кемі алпыс мың теңге ғой. Асыл тұқымды қой. Тоқты бар оның ішінді 500 бас тоқты бар тұғын. Бәрі семіз күйікке түсуге дайын тұрған. 90 мыңнан қошқар әкеліп қосқанбыз, олар да жанып кетті", – дейді "Ынтымақ" ЖШС құрылтайшысы Мейіржан Құтыбаев.

Күріш алқабының қожайындары, жиын-терімнен кейін жерді тазалау мақсатында алқапқа от қойыпты. Олар отар қойдың жайылып жүргенін де көрген. Бірақ мұның соңы бұлай болады деп ойламаған.

"22-23-іне қарай жауын бар деген. Сол үшін біз тез өртеп, зәкке дайындауымыз керек болған. Мысалы анау алтыншы картада от қойған. Мал бірақ мына жақта болған, шығар деп ойлаған. Сол екі арада жел күшейіп кеткен. Әйтпесе, дәл мал жатқан атызға ешкім әдейіліп от қоймаған", – дейді "Түгіскен" шаруа қожалығының төрағасы Ғабит Иасев.

Қазіргі таңда шығын көлемін арнайы құрылған комисссия есептеп жатыр. Күйік шалған төлдердің есебінен қырылған мал саны артуы да мүмкін. Ал оны кім өтейтіні қазірше белгісіз.

"Егер сот шешімі өтелуге тиіс деп қабылдайтын болса, онда бюджеттің арасынан өтеледі. Бұл алдын ала ескертілді. Сол жерде мал жаюға болмайды деген. Өрт қойылады деген хабар да бар. Егер де ескертпей, оның малын алып кетуге мүмкіндік бермей өртеп жіберген болса екінші жақ, бұның бәрін аудандық ішкі істер бөлімі шешеді", – дейді облыстық ауыл шаруашылығы басқармасы бастығының орынбасары Қайратбек Сәрсенбаев.

Оқи отырыңыз: Орман өртеніп, 70-тен астам адам тірідей жанып кетті — видео

Қазіргі кезде егіс алқабында мал өлекселерінен тазалау жұмыстары жүргіліп жатыр. Ал олардың арнайы орынға емес, сол маңға көмілуі көпшіліктің көңілінін күпті етіп отыр.

66
Кілт сөздер:
Қызылорда облысы, мал, өрт
Тақырып бойынша
Павлодарда моншаға түсіп жатқан әйел балаларымен бірге тірідей жанып кетті
Нұр-Сұлтан әуежайында көлік жанып кетті – видео
Төрт адам жанып кетті: Ақтөбе облысындағы жантүршігерлік апаттың мән-жайы
Алматыда жолаушылар автобусы түгі қалмай жанып кетті - видео
Алматыдағы алапат өрт: дүкен тып-типыл жанып кетті – фото