Архивтегі фото

Сарапшылар Алматы облысында салынып жатқан спорт кешенінің құлау себебін анықтады

56
(Жаңартылды 17:56 12.10.2020)
Индустрия министрлігінің комитеті облыс әкімдігіне заң бұзушылыққа жол бергендерді жауапқа тарту жайлы хат жолдады

АЛМАТЫ, 12 қазан – Sputnik. Алматы облысының Шонжы ауылында салынып жатқан дене шынықтыру-сауықтыру спорт кешенінің құлауына не себеп болғаны анықталды. Бұл туралы индустрия және инфрақұрылымдық даму министрлігінің құрылыс және тұрғын үй-коммуналдық шаруашылық істері комитеті хабарлады.

Апаттың себебін анықтау үшін оқиға орнына Қазақ құрылыс және сәулет ғылыми-зерттеу және жобалау институтының ("ҚазҚСҒЗИ" АҚ) мамандары жіберілді.  

Посмотреть эту публикацию в Instagram

Публикация от 👆ПОДПИШИСЬ☝️ Будь в курсе! (@chundja.vkurse)

"Тексеріс нәтижесі бойынша апат "9" және "10" өстері бойындағы фермаларда басталғаны анықталды. Апатқа жайластырылатын цемент-құм тұтастырғысына түсетін жүктеменің белгіленген жобалық мәнінен асып кетуі себеп болған. Сонымен қатар, жартылай фермалардың жоғарғы және төменгі белдіктерінің қосылыстарын монтаждау тораптары әр түрлі көлемдегі алты бұрандамамен бекітілген, бұл жобадан ауытқу болып саналады", - дейді құрылыс және тұрғын үй-коммуналдық шаруашылық істері комитетінің мамандары.

Тік жүктемелер кезінде фермалардың монтаждау тораптары алшақтай бастайтыны аталып өткен. Бұл бір бұранданың үзіліп,  көлденең жүктемелердің фермалардан бағандарға берілуіне және 3-блок конструкцияларының біртіндеп құлауына әкелген.

"Осылайша, 3-блоктағы апаттың себептерінің бірі бекітілген жобалау шешімдерінен ауытқу деп санауға болады", - деп атап өтті мамандар.

Сонымен қатар, жобалау құжаттамасында бағандармен қосылу тораптары көрсетілмеген және фермалардың тірек тағандарының құрылымы сипатталмаған, 2-блокқа жанасатын жерде 3-блок жабынының деңгейінде деформациялық жіктерді орнату бойынша шешімдер келтірілмеген. Осыған байланысты жобалық қателіктер болғаны жоққа шығарылмайды.

Комитет Алматы облысының әкімдігіне қолданыстағы заңнаманың бұзылуына жол берген тұлғаларды (мердігер, техникалық және авторлық қадағалау) жауапкершілікке тарту туралы тиісті хат жолдады.

"Бомба түскендей шулап жатыр": әкімдік спортзалдағы оқиғаға қатысты түсініктеме берді

Апаттың себептері туралы түпкілікті тұжырымдар блоктың тірек конструкцияларының элементтерінен іріктеп алынған үлгілерді есептеу және зертханалық сынау нәтижелері негізінде жасалады.

Еске сала кетейік, 21 қыркүйек күні Шонжы ауылындағы дене шынықтыру-сауықтыру кешенінің үшінші блогының жұмсақ жабынын орнату жұмыстары кезінде металл конструкциялар құлады. Құлаған блоктың ауданы 1058,4 шаршы метрді құрады. Ғимараттың бірінші және екінші блоктарына әсер еткен жоқ. Қаза болғандар мен зардап шеккендер жоқ.

Нысанның құрылысы 2019 жылдың қараша айында басталды және 2021 жылдың қаңтарына дейін аяқталуы тиіс. Жобаға 1,1 миллиард теңге бюджет қаражаты бөлінген.

56
Кілт сөздер:
Алматы облысы, спорт зал
Тақырып бойынша
Оралда темекі тартуға шыққан тұрғындар балконмен бірге құлап кетті
Мәскеуде 12 қабатты ғимарат адамдардың көз алдында құлады – видео
Салынып жатқан ғимарат опырылып түсті: адамдар үйінді астында қалды – видео
Зертхана қызметкерінің қолындағы пробирка

Семейде зертхананың әрбір екінші COVID анализі қате болып шықты

28
(Жаңартылды 10:23 27.10.2020)
Зертханада оң нәтиже көрсетілген 40 сынаманың 21-і немесе 52,5% қате болып шықты. Қайта тексеру кезінде олардан COVID-19 анықталмаған

НҰР-СҰЛТАН, 27 қазан – Sputnik. Қазақстанның шығысында коронавирусты анықтау қызметіне арнайы комиссия тексеру жүргізіп, қате тапты. Пациенттер алған әрбір екінші оң нәтиже дұрыс емес болып шықты, хабарлайды КТК арнасы.

"Облыстық репродуктивті медицина орталығындағы зертханалық ПТР зерттемелердің сыртқы анализіне тексеріс жүргізу нәтижесінде, сәйкес келмейтін оң үлгілердің республика бойынша ең жоғары пайызға ие екендігі анықталды. Семейдегі жекеменшік зертханада оң нәтиже көрсетілген 40 сынаманың 21-і немесе 52,5% қате болып шықты. Қайта тексеру кезінде олардан COVID-19 анықталмады", – дейді облыстағы тауарлар мен қызметтердің сапасын және қауіпсіздігін бақылау департаментінің баспасөз хатшысы Бағлан Тауанова.

Осындай олқылықтар анықталғаннан кейін аймақтағы жалпы статистика қайта қарала ма, жоқ па? Ол жағы қазірше белгісіз.

Айта кетейік, бүгінгі таңда Шығыс Қазақстан облысы коронавирустың анықталуы бойынша республика бойынша алдыңғы орында.

Ресми мәліметтерге сәйкес, облыста індет жұқтыру дерегі 9 167 адамда расталған.

Оқи отырыңыз: Ғалымдар коронавирус қалай таралатынын видео арқылы көрсетті

 

28
Кілт сөздер:
індет, коронавирус
Тақырып:
Коронавирус эпидемиясы
Тақырып бойынша
Коронавирус ақша мен телефон экранында қанша уақыт сақталады – ғалымдар зерттеу жасады
Қара бұрыш коронавирустан қалай қорғайды – ғалымдар жауабын айтты
Бекшин коронавирус жұқтырғандардың қай елдерден көп келетінін айтты
Ғалымдар ауадағы коронавирусты анықтайтын құрылғы ойлап тапты
Республикалық ветеринарлық зертхана қызметінің бастығы ұсталды – видео
Қашықтан оқу

Ақтөбе облыстық білім басқармасының былығы ашылды

89
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

89
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады
Мария Бутина, ресейлік публицист және қоғам қайраткері

Журналистер өз құқығын қалай қорғауы тиіс

0
Sputnik халықаралық ақпараттық агенттігі және радио SputnikPro білім беру жобасының онлайн-сессияларын жалғастыруда. Модульге қатысуға қазақстандық журналистер мен медиа сарапшылар шақырылады

НҰР-СҰЛТАН, 27 қазан – Sputnik. АҚШ-қа қарсы қастандық жасады деп айыпталып, тура бір жыл бұрын Ресейге оралған ресейлік әлеуметтік белсенді Мария Бутина ресейлік және шетелдік журналистерге "Егер сіз журналист болсаңыз, өз құқығыңызды қалай қорғауыңыз қажет?" тақырыбында вебинар өткізеді. Вебинар 30 қазан, жұма күні Sputnik халықаралық жаңалықтар агенттігі мен радиосының SputnikPro жобасы аясында сағат 16:00-де (Нұр-Сұлтан уақытымен) өтеді.

Мария Бутина шеберлік сабағында қатысушылар сауалдарына жауап береді. Модульге қатысу үшін мына сілтеме бойынша тіркелуге болады.

SputnikPro онлайн-маусымын наурыз айының ортасында ашты. Сессияларда коронавирустық пандемия контекстіндегі жұмыс ерекшеліктері, веб-сараптама мен авторлық құқық құралдарының көмегімен өзіңді және қолданушыны шатастырмауды, ақпараттың шынайылығын тексеру мен жаңалықтар ресурсына қолжетімділікті қамтамасыз етуді, сондай-ақ "жалған ақпараттардан" аулақ болып, жаңалықтар ресурстарындағы трафикке қол жеткізу мәселелері талқыланады. Қатысушылар чатта бір-біріне хабарламалар жібере отырып, бір мезетте пікір алмаса алады.

Оқи отырыңыз: SputnikPro вебинары: мамандар БАҚ-ты қалай ілгерілету керек екенін түсіндіреді

SputnikPro – Sputnik халықаралық ақпарат агенттігі мен радиосының журналистерге, жоғары оқу орындарының студенттеріне, баспасөз қызметінің өкілдері мен медиа менеджерлерге арналған, шетелдік әріптестермен тәжірибе алмасуға және кәсіби байланыстарды дамытуға бағытталған жоба. Жоба модулінің жүргізушілері ретінде Sputnik бөлімшелерінің жетекшілері, сондай-ақ басқа да ресейлік танымал журналистер мен сарапшылар сөз сөйледі. 2018 жылдың наурыз айынан бастап SputnikPro Армениядан Үндістанға, Грекиядан Қытайға дейін 22 елде шеберлік сабағы мен семинарлар өткізді. Әлемнің 80 елінен барлығы 3000-нан астам тыңдаушы қатысты. Жоба жаңалықтарымен Facebook-тегі парақшасынан таныса аласыз.

Sputnik – ауқымды халықаралық бұқаралық ақпарат құралдарының бірі. Ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарларды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілдерінде ақпарат жеткізеді. Sputnik ақпарат ресурсының аудиториясы – айына 80 миллион, ал оның әлеуметтік желідегі тіркелушілерінің саны 20 миллионнан асады. Бішкектен Кишиневке және Пекиннен Монтевидеоға дейінгі әлемнің 24 редакциялық орталығында мыңнан астам ондаған ұлт өкілдері жұмыс істейді. Sputnik "Россия сегодня" медиатобына кіреді. Бас кеңсесі Мәскеу қаласында орналасқан.

0
Кілт сөздер:
оқыту, баспасөз
Тақырып бойынша
SputnikPro сарапшысы қызықты тікелей эфирдің лайфхактарын бөлісті
Видеоролик жасау кезеңдері және оны безендіру ережесі – SputnikPro лайфхактары
SputnikPro жобасы редакциялық кәсіби шеберлік құпиясымен бөліседі
SputnikPro-да Беларусьтегі жағдай мен әлеуметтік желі мүмкіндігі талқыланады
Әлеуметтік желілер ықпалды саяси алаңға айналды – SputnikPro сарапшысы