НҰР-СҰЛТАН, 15 қазан – Sputnik. Қазақстан президенті Қасым-Жомарт Тоқаев Семейге жұмыс сапарымен келді.
"Мемлекет басшысы Қасым-Жомарт Тоқаев Семейге жұмыс сапарымен келді. Сапар барысында президент "Ұлы ақын Абай ұлдарымен" ескерткішінің ашылу салтанатына қатысып, Абайдың "Жиделі-Бөрлі" мемлекеттік тарихи-мәдени және әдеби-мемориалдық қорық-мұражайын аралап көреді", – деп хабарлады президенттің баспасөз хатшысы Берік Уәли.
Сапар барысында Қасым-Жомарт Тоқаев "Қарағайлы" шағынауданындағы құрылыс жұмыстарымен танысады. Бұдан бөлек ақынның сирек кітаптар қорының көрмесін тамашалап, "Абай әлемі" сериясымен шыққан кітаптарды көріп, абайтанушы ғалымдармен кездесуі жоспарланған.
Қасым-Жомарт Тоқаев сапар соңында Жидебайға барып, "Абай-Шәкәрім" мемориалдық кешені мен ақынның мұражай-үйінің тыныс-тіршілігімен танысады.
Оқи отырыңыз: "Абай айтқан жалқаулық жиі кездесетіні қынжылтады": Тоқаев мақала жариялады
Айта кетейік, биыл Қазақстанда жазба әдебиеттің негізін қалаушы, ақын және ағартушы Абай Құнанбаевтың 175 жылдығын атап өтуде.
Мерейтойлық іс-шаралар аясында жоспарланған ауқымды іс-шаралар коронавирустық пандемияға байланысты тоқтатылды.
