Теңге, ақша

Шенеуніктер үйінде тінту жүргізілді құқық қорғаушылар видеосын көрсетті

271
(Жаңартылды 22:23 16.10.2020)
Құқық қорғаушылар екі шенеунікті ұстау және олардың үйіне тінту жасаған сәттің видеосын жариялады

НҰР-СҰЛТАН, 16 қазан – Sputnik. Сыбайлас жемқорлыққа қарсы іс-қимыл агенттігі екі облыста пара алғаны үшін ұсталған шенеуніктердің видеосын жариялады, деп хабарлайды Sputnik Қазақстан тілшісі. 

Ресми мәліметке сәйкес, Ақмола облысында аудан әкімінің орынбасары мен "Сәулет және қала құрылысы бөлімі" мемлекеттік мекемесінің басшысы тергеуге алынды. Шенеуніктер екі жер телімін пайдалану құқығын беру туралы оң шешім шығарғаны үшін кәсіпкерден 800 мың теңге сомасында пара алғаны үшін айыпталып отыр. 

Құқық қорғаушылар екі шенеунікті ұстау және олардың үйіне тінту жасау видеосын жариялады. Біреудің үйінде заңсыз ақша шкафтың арғы жағынан шықса, екіншісі баласының портфеліне және әйелі киетін күртесінің қалтасына тыққан. 

"15 қазанда күдіктілер ұсталып, Көкшетау қаласының уақытша ұстау изоляторына қамалды. Бұлтартпау шарасын таңдау туралы мәселе шешіліп жатыр. Тергеу жалғасуда", - дейді тергеуші мамандар. 

Ал Қарағанды облыстық әкімдікте басқарма басшысының орынбасары мен бас маманына қатысты сотқа дейінгі тергеу басталды.

Олар спорттық-сауықтыру кешенін пайдалануға қабылдау актісін келіскені үшін авторлық қадағалауды іске асыратын кәсіпорын директорынан 1 миллион теңге пара алды деген күдікке ілінді. Шенеуніктердің үйіне тінту жасау кезінде қаптың ішінен ақша шықты.

271
Тақырып бойынша
Парамен ұсталған шенеунік өзенге секіріп кетті - видео
Алматыда мәйітхана директорын ұстаған сәттің видеосы жарияланды
Түркістан облысында пара беріп баспаналы болғандар үйді босатуға мәжбүр
Шенеунік тергеушілердің көзінше дәлелдерді жеп қойды – видео
Талдықорғанда әскери госпиталь экс-басшысының қылмысы ашылды – видео
Валюта айырбастау

Маңғыстау облысында 500 доллар айырбастауға барған әйел 5 жылға түрмеге қамалды

2367
(Жаңартылды 17:55 20.10.2020)
Экономикалық тергеу департаментінің қызметкерлері жалған қаражатты сақтау және өткізу фактісі бойынша қылмыстық істі тергеуді аяқтады

НҰР-СҰЛТАН, 20 қазан – Sputnik. Маңғыстау облысында жалған шетелдік валютаны айырбастаған әйел бес жылға бас бостандығынан айырылды, деп хабарлайды Sputnik Қазақстан қаржы мониторингі комитетіне сілтеме жасап. 

Ресми мәліметке сәйкес, экономикалық тергеу департаментінің қызметкерлері Маңғыстау ауылының тұрғынына қатысты жалған қаражатты сақтау және өткізу фактісі бойынша қылмыстық істі тергеуді аяқтады. 

"Айыпталушы 2020 жылдың басында тауып алған 1500 АҚШ долларының жалған ақша екенін біле тұра, 1000 доллармен таныстарынан алған қарызын өтеген. Ал қалған 500 АҚШ долларын Мұнайлы ауданының Маңғыстау ауылында орналасқан "Халық Банкнің" кассасында айырбастамақ болған. Бірақ сол жерде қолға түсті", - дейді тергеушілер. 

Аудандық соттың үкімімен ауыл тұрғыны Қылмыстық кодекстің 231-бабы, 2-бөлігі бойынша ("жалған ақша немесе бағалы қағаздар жасау, сақтау, алып өту немесе өткізу") кінәлі деп танылып, 5 жылға бас бостандығынан айырылды.

2367
Кілт сөздер:
Маңғыстау облысы, әйел, түрме, доллар
Тақырып бойынша
"Сотқа жүгіну керек": сарапшы телефон арқылы ақша аударатындарға кеңес берді
Қолма-қол ақша арқылы вирус жұқтыру қаупі бар – ұлттық банк түсініктемесі
Коронавирус ақша мен телефон экранында қанша уақыт сақталады – ғалымдар зерттеу жасады
Алматы тұрғыны халықты бір миллион долларға алдап кеткен
Жаппай сатылым: долларды басып шығарудың арты не болады?
Первый снег в Нур-Султане

Биылғы қыс қандай болады синоптиктер болжам жасады

7183
(Жаңартылды 13:51 20.10.2020)
Алдағы қыс өткен жылғыдай болады деп болжанып отыр, жылы және жауын-шашын көп түседі, дейді мамандар

НҰР-СҰЛТАН, 20 қазан – Sputnik. Қазгидромет 2020 жылдың қарашасы мен 2021 жылдың наурызы аралығындағы ауа райы болжамын жариялады.

Қарашаға ауа-райы болжамы

Болжамға сәйкес, келесі айдың бірінші жартысында республиканың солтүстік бөлігінде, шығысында және орталығында қыстағыдай ауа райы болады.

"Жауын-шашын, көбінесе қар, қарлы боран, сондай-ақ көктайғақ пен тұман жиі түседі. Айдың бірінші жартысында ең суық күндерде термометр бағанасы түнде -10-23°C, күндіз -2-10°C дейін төмендейді. Суық ауа массалары жылыға ауысқанда термометрлердің бағаналары +5+12°С белгісіне жетеді", - дейді синоптиктер.

Ал еліміздің оңтүстігінде жауын-шашын (жаңбыр, жабысқақ қар) айдың екінші жартысында күтіліп отыр. Таулы жерлерде ертерек түсуі мүмкін. Температура түнде -5-12°С, күндіз -1+5°С дейін төмендейді.

"Бір ай бойы, көбінесе, солтүстік өңірлерде жылы күндер аязды күндермен алмасып тұрады. Осылайша, Қазақстанның басым бөлігінде ауа температурасы норма шамасында, мәселен, солтүстік-батыста – нормадан 1°С жоғары, ал оңтүстік, оңтүстік-шығыс және шығыстың таулы және тау бөктерлі аудандарында нормадан 1°С төмен болады деп болжанып отыр", - деді мамандар.

Биыл қыс қандай болады

Алдағы қыс өткен жылғы қысқа ұқсас болады деген болжам бар. Ауа-райы жылы және жауын-шашын көп түседі.

"Өткен жылдың қысында Қазақстан аумағына Атлантика аудандарынан жылы және ылғалды ауа массалары келген. Сол себепті республиканың басым бөлігінде мол жауын-шашын жауады. Алдағы қыста Қазақстан аумағы бойынша температуралық фон климаттық нормадан 1-2°С жоғары, тек еліміздің оңтүстік, оңтүстік-шығыс, шығыс аймақтарының таулы және тау бөктерлі аудандарында норма шамасында күтілуде", - дейді синоптиктер.

Желтоқсан мен қаңтар айларында еліміздің басым бөлігінде ауа райы жауын-шашынды болады, тек батыста аз түседі. Ал ақпан айында жауын-шашын мөлшері елдің басым бөлігінде нормадан көп, ал оңтүстік-батыс жартысында норма шамасында болады.

Наурызда ауа райы қандай болады

Мамандардың айтуынша, келесі жылы көктемнің басы, атап айтқанда, наурыз айы жылы және жауын-шашының мөлшері аз болады. Қазіргі болжам бойынша Қазақстан аумағының басым бөлігінде орташа ауа температурасы нормадан 1-2°С жоғары көтеріледі.

"Алматы және Шығыс Қазақстан облыстарының таулы және тау бөктеріндегі аудандарында нормаға жуық болжанады. Жауын-шашын мөлшері басым бөлігінде нормадан аз, қиыр солтүстікте және Шығыс Қазақстан мен Алматы облыстарының оңтүстік-шығыс бөлігінде норма шамасында, Шығыс Қазақстан обласының тауларда нормадан көп күтілуде", - деп атап көрсетті синоптиктер.

7183
Кілт сөздер:
ауа райы, қыс
Көлік қозғалысы

Нұр-Сұлтанда жаңа біржақты көше пайда болады

0
Бұл шешім тұрғындардың елорда әкімдігіне осы көшедегі қозғалысқа жасаған шағымынан кейін қабылданған

АЛМАТЫ, 20 қазан – Sputnik. Нұр-Сұлтанда 25 қазаннан бастап Family village ауданында Е652 көшесінде бір бағытты қозғалыс енгізу жоспарланып отыр.

Қала әкімдігінің баспасөз қызметінің хабарлауынша, бұл шешім тұрғындардың елорда әкімдігіне осы көшедегі қозғалысқа жасаған шағымынан кейін қабылданды. 

Елордалық көлік және жол-көлік инфрақұрылымын дамыту басқармасы мен әкімшілік полиция басқармасы бірлесіп, осы учаскелердің жол-техникалық жағдайын тексерген.

"Қозғалыс сағат тіліне қарсы бағытта болады. Белгіленген учаскеде бір бағытты қозғалысты енгізу көлік легінің үздіксіз қозғалысын қамтамасыз етуге, қарсы бағытпен қақтығыс жағдайын азайтуға, жол апатын болдырмауға мүмкіндік береді", - делінген әкімдік таратқан ақпаратта.

Сонымен қатар бұл өзгеріс жол қозғалысын оңтайландыру үшін және көше-жол желісіне жүктемені азайту мақсатында енгізіліп отыр.

0
Кілт сөздер:
көлік қозғалысы, көше, Нұр-Сұлтан
Тақырып бойынша
Көше сыпырып кеткен: Әблязовтің елге оралған сыбайластарының тағдыры белгілі болды
Нұр-Сұлтанда ерекше көше қиылысы пайда болды – видео
Америкалықты бір соққымен құлатқан қазақ па? Көше төбелесінің видеосы
Бұрынғы кәсіби футболшы көше сыпырып кетті – видео
Нұр-Сұлтанда бірнеше көше мен көпір жабылады