НҰР-СҰЛТАН, 16 қараша – Sputnik. Қазгидромет мамандарының мәлімдеуінше, алдағы үш күнде Қазақстанда ауа-райы күрт суытады, деп хабарлайды Sputnik Қазақстан.
Негізгі өзегі Самараның үстінде орналасқан солтүстік-батыс антициклоны Қазақстанның ауа-райына кері әсерін тигізеді.
"Кей жерлерде қар жауады делінгенімен, оның басымдығы оңтүстік пен оңтүстік-шығыстағы таулы аймақтарда байқалады. Антициклон әсерінен түнде ауа температурасының төмендеуі солтүстік облыстарда 18-26 градусқа, ал оңтүстік облыстарда 5-15 градусқа дейін жетеді", – дейді метеорологтар.
Республиканың кей жерлерінде тұман түседі. Елдің оңтүстігінде – көктайғақ, ал солтүстігінде бұрқасын болады.
Мегаполистердегі ауа райы
- Нұр-Сұлтанда түнде минус 15-17 градус, күндіз 10-12 градус аяз күтіледі.
- Алматыда түнде минус 5-7, күндіз 2-4 градус.
- Шымкентте түнде минус 5-7 градус, күндіз 1-3 градус.
Оқи отырыңыз: Қазақстанда қыс қандай болады – синоптиктердің болжамы
