Жаңа үй, архивтегі фото

Қарағанды полицейлері балконда отырған қыздың үйіне есікті бұзып кірді

138
Полиция қызметкерлері пәтердің темір есігін кілтпен ашқан, алайда ішкі есік жабық тұрғандықтан бұзуға тура келген

НҰР-СҰЛТАН, 19 қараша – Sputnik. Қарағандылық полицейлер көпқабатты үйдің балконынан секірмек болған қызды құтқарып қалды, деп хабарлады Polisia.kz.

18 қараша күні Қарағанды қалалық полиция басқармасына қарасты патрульдік полиция полкінің патрульдік жасағы –  полицейлер Бейбіт Байсеркин, Дарын Совет және Айбат Әкімжанов қала шетінде қызметте жүрген. Шамамен сағат 14:00 шамасында жедел басқару орталығынан патрульдік көпқабатты үйдің балконынан қыз баланың секіргелі тұрғаны туралы хабарлама түскен. Араға үш минут уақыт салып, полиция қызметкерлері оқиға орнына жетті.

"9 қабатты үйдің 8-қабатында қыз бала балконның қоршауынан аяғын шығарып отырды. Ол өзінің ешкімге керек емес екенін, сондықтан да осындай жолмен өміріне қол сұғатынын айтып айқайлап жатты. Далада, оқиға болған жерде бес-алты адам жиналып, қызға бұлай жасамау керек екенін айтып тұрды. Сол кезде куәгерлердің бірі маған қыз отырған балконнан түскен сөмкені әкеліп берді. Ішінен кілт тауып алып, әріптесім екеуміз бірден жоғары көтерілдік", – дейді Айбат Әкімжанов.

Полицей Бейбіт Байсеркин тоғызыншы қабатқа көтеріліп, секірмек болған қызды сөзге тартып, алдап тұрған.

Пәтердің темір есігін бірден ашқан полиция қызметкерлері ішкі есіктің жабық екенін анықтайды. Сондықтан да оны бұзып кірген.

"Пәтерге кірісімен, балконға жүгіріп, балконда отырған қызды ішке тартып алдық", – дейді Дарын Совет.

Оқи отырыңыз: Елордада полицейлер өз-өзіне қол жұмсамақ болған қызды құтқарып қалды – видео

Полиция қызметкерлері құтқарған қыз медицина қызметкерлеріне тапсырылды. Қыз бала анасымен ұрсысып қалып, осындай жолмен өмірімен қоштасқысы келгені анықталды. Полиция қызметкерлерінің жедел әрекетінің арқасында оқыс оқиғаға жол берілген жоқ.

138
Кілт сөздер:
полиция, Қарағанды, балкон
Тақырып бойынша
Қаскелеңде ер адам көпірден секірмек болды – видео
Атырауда әйел бес жасар баламен бірге көпірден секірмек болды
Арқалықта 5-қабаттан құлай жаздаған тұрғын балконның таянышынан ұстап үлгерді - видео
Атырауда көпірден секіргелі тұрған қызды полицейлер көріп қалды – видео
Нұр-Сұлтанда бір күнде екі рет өз-өзіне қол жұмсамақ болған жігіт құтқарылды – видео
Үйлену тойы

Алматыда "қайтып келген" қызға өз туыстары қысым көрсетті

1741
(Жаңартылды 20:45 29.07.2021)
Туыстары қызды еркінен тыс күйеуге берген. Кейін ол үйіне қайтып келгенде, осы әрекетін бетіне басып, намысына тиген

НҰР-СҰЛТАН, 29 шілде — Sputnik. Дағдарыс орталығының қызметкерлері 24 жастағы Алматы тұрғынын туыстарының қорлығынан арашалап қалды.

Алматылық ару туыстарының соққысы мен қорлығына төзуден шаршап, дағдарыс орталығының көмегіне жүгінген. Ол бұл орталықта бірнеше күн түнеп шыққан. Алайда бір күні жұмысқа кетіп, қайта оралмады. Мекеме қызметкерлері оның жай-күйіне алаңдап, полицияға шағым түсірді, деп хабарлайды "Еуразия бірінші арнасы"

"Ол дағдарыс орталығына қайтып келе жатқан кезде ағасы мен анасы көлікке отырғызып, үйіне алып кеткен. Полицияға хабарластық, қазір осы іс бойынша бірлесіп жұмыс жүргізіп жатырмыз. Мұндай әрекетке жол жоқ", - деді тұрмыстық зорлық-зомбылық құрбандарына арналған дағдарыс орталығы директорының орынбасары Татьяна Мидо.

Қыздың туыстарының үйіне келген тәртіп сақшылары алматылық аруды қамауда ұстап отырғанын анықтаған. Тұтқын босатылды.

Ол өзін еркіне қарсы күйеуге бергенін, алайда отбасылық өмірде қиындық туындап, үйіне оралғанын айтып берді. Барлық қиямет үйіне оралғанда басталған. 

"Мені балағаттап, намысыма тиді. Менің күйеуімнен кетпей, бар қиындыққа шыдап, қалуым керек деп, қайтып келгенімді бетіме басты. Осы жағдайға байланысты қазір жалғыз қалдым. Досым да, құрбым да жоқ. Оларға қарсы шағым жазбаймын. Қандай болса да, отбасым ғой", - дейді құтқарылған алматылық. 

Әйтседе ол полиция көмегіне жүгініп, өзін қорғау туралы өтініш түсірді: туыстарына оған жақындауға тыйым салынды.

1741
Тақырып бойынша
Атырау облысында бір апта "тұрмыста" болған 13 жасар қалыңдық үйіне қайтарылды
Үйлену тойының фотосессиясы кезінде бірнеше адам көз жұмды: арасында қалыңдық та бар
Үйлену тойында қайғылы оқиға болды: аспаз қайнап тұрған сорпаға құлап кетті
Шымкентте үйлену тойында түсірілген видео жарияланды
Қытайдағы үйлену тойы: су астында неке қию рәсімі – фото
Алматы тұрғындары

Коронавирустың төртінші кезеңі: Бекшин не дейді

942
(Жаңартылды 15:20 29.07.2021)
23 шілдеден бастап індет жұқтырғандар саны күніне мың адамнан асты. Өткен тәулікте 1 470 адамға жетті

АЛМАТЫ, 29 шілде – Sputnik. Алматыда 15 маусымда басталған коронавирус инфекциясының төртінші кезеңіне байланысты қаладағы эпидемиологиялық жағдай күрделеніп жатыр, деп мәлімдеді қаланың бас санитар дәрігері Жандарбек Бекшин.

Оның сөзінше, бұл кезең "дельта" штамымен байланысты болып отыр.

"Пандемия басталғалы қала үш толқыннан өтті, қазір төртінші толқынға кіріп жатырмыз. Сондықтан қаладағы эпидемиологиялық жағдай күрделеніп бара жатыр. Соңғы аптаны алсақ, өткен аптамен салыстырғанда науқастар саны 1,4 есеге көбейді, 5 790-нан 8 393 жағдайға дейін өсті", - деді Бекшин.

23 шілдеден бастап індет жұқтырғандар саны күніне мың адамнан асты. Өткен тәулікте 1 470 адамға жетті.
Бекшиннің сөзінше, тамызда төртінші толқын шарықтап, қыркүйектің басында ауру жұқтырғандар саны азаяды.

"Қазір бар күшімізді халықты вакциналауға арнап жатырмыз. Қалада вакцинаның бірінші компонентін екпе алуға рұқсат берілген тұрғындардың 35,2%-і салдырды. Қазір иммундық қабат 34%-ті құрайды", - деді Бекшин.

Бұған дейін қалалық қоғамдық денсаулық сақтау басқармасының басшысы Нариман Табынбаев ауру жұқтырғандар саны тамыздың алғашқы онкүндігінде шарықтайтынын айтты. Ол кезде коронавирус инфекциясы тәулігіне 1 600 адамнан анықталуы мүмкін.

10-11 тамызда бұл көрсеткіш 1 900-ге жетеді. Тамызда 34 500, қыркүйекте 4 500 жағдай тіркеледі деген болжам жасалды.

942
Кілт сөздер:
коронавирус, Жандарбек Бекшин, Алматы
Тақырып:
Коронавирус эпидемиясы
Тақырып бойынша
Тоқаев: былтыр жазда болған жағдайдың қайталануына жол беруге болмайды
Министр төсек-орын тапшылығы туралы: өлімнің күрт өсуіне әкелуі мүмкін
Коронавирус жалмап барады – бір тәулікте қайтыс болғандардың саны жарияланды
БҰҰ коронавирустың супер таратушысына айналуы мүмкін елді атады
28 жастағы "делдал" алматылықтарды 300 миллион теңгеге алдады
тауарлы поезд

Қазақстан, Ресей және Өзбекстан агроөнім тасымалдайтын "жасыл дәліз" құрады

0
Агроэкспресс пойыздар кешікпей, жылдам жүруі керек. Бұл тез бұзылатын өнімдерді жеткізу үшін аса маңызды

НҰР-СҰЛТАН, 29 шілде — Sputnik. Қазақстан мен Ресей агроөнімдерді тасымалдауға арналған "жасыл дәліз" құру жайын талқылап жатыр.

"Ресей – Өзбекстан" агрологистикалық дәлізі үшжақты болуы керек. Себебі тауарлардың жүк ағыны Қазақстан аумағы арқылы өтіп жатыр", - деді "Ресей экспорт орталығы" АҚ бас директоры Вероника Никишина.

Ол бұл туралы сауда және интеграция вице-министрі Қайрат Төребаевпен кездесу кезінде мәлімдеді, деп хабарлады министрлік.

"Пойыздар кешігусіз, жылдам жүруі үшін бақылаушы органдардың жұмысын үйлестіру керек болады. Себебі бұл жылдам бұзылатын тауарларды жеткізу үшін аса маңызды. Осылайша біз үш елдің бизнесіне бәсекелестік артықшылық ұсынып, мемлекеттер арасындағы тауар айналымын айтарлықтай ұлғайта аламыз", – деді Вероника Никишина.

Өз кезегінде қазақстандық вице-министр екі ел де оңтүстіктен тауар жеткізуді толыққанды қамтамасыз ету бойынша жұмыстар жүргізіп жатқанын айтты.

"Бізге осы жұмысты үйлестіріп, біріздендіру керек. Оның ішінде Ресейден Ауғанстанға дейінгі дәліз бойынша тиімді транзиттік тарифтер қалыптастыру мәселесі де бар", - деді Қайрат Төребаев.

Тараптар Орталық Азия – Қазақстан – Ресей тауарлар ағыны мен Еуразиялық тауар өткізуші жүйе қалыптастырудағы екі ел ынтымақтастығының келешегін талқылады.

Сонымен қатар "Қорғас" және "Орталық Азия" сауда-экономикалық ынтымақтастықтың халықаралық шекара маңындағы орталықтар базасында өнеркәсіптік кооперация бойынша бірлескен жобаларды жүзеге асыру жайы қаралды. Оның ішінде Орталық және Оңтүстік Азия мен Қытай сынды үшінші елдің нарығына бірлесіп дайындалған өнімді шығару мәселесі де бар.

Осы аталған мәселелер бойынша жұмысты үйлестіру және тәжірибе алмасу мақсатында тараптар жақын уақытта "Qaztrade" Сауда саясатын дамыту орталығы" АҚ мен "Ресей экспорт орталығы" АҚ арасында әріптестік туралы келісім жасау жөніндегі мәмілеге келді.

Бұл кездесу вице-министр Қайрат Төребаевтың "Ресей – Ислам әлемі: KazanSummit 2021" ХІІ Халықаралық экономикалық саммитінің жұмысына қатысуы аясында өті. Саммит шеңберінде Қазақстанның сауда-экономикалық миссиясы мен Қазақстан-Ресей бизнес-форумы да өтіп жатыр.

Оқи отырыңыз: Лавров Ресей – Еуроодақ саммитін өткізуге не кедергі екенін айтты

0
Кілт сөздер:
Өзбекстан, Ресей, Қазақстан
Тақырып бойынша
Досаев Тоқаевқа экономика өсімін 3,9% деңгейде жақсарту туралы айтты
Қазақстан халықаралық көрмеде алғашқы отандық дронды таныстырды
Мерзімі өтіп кеткен қандай азық-түлік өнімдерін жеуге болады