Коронавирустың "қызыл" аймағында тек бір қала тұр

НҰР-СҰЛТАН, 14 желтоқсан — Sputnik. Қазақстанда коронавирустың таралуына байланысты "қызыл" аймақта тек астана ғана қалды. 

Өңірлердегі эпидемиологиялық жағдайды бағалау матрицасына сәйкес, 14 желтоқсандағы жағдай мынадай:

• "қызыл" аймақта - Нұр-Сұлтан;
• "сары" аймақта - Алматы қаласы, Атырау, Шығыс Қазақстан, Солтүстік Қазақстан, Қостанай, Ақмола және Павлодар облыстары;
• "жасыл" аймақта: Маңғыстау, Қызылорда, Алматы, Жамбыл, Ақтөбе, Түркістан, Қарағанды, Батыс Қазақстан облыстары және Шымкент қаласы.

Еске сала кетсек, елорда "қызыл" аймаққа 10 желтоқсанда енген болатын.

Өткен тәулікте елде 747 адам COVID-19 жұқтырды. Пандемия басталғалы көрсеткіш - 142 325 жағдай.