"Қиын жағдайда қалған" адамды үйіне кіргізген Түркістан тұрғыны сан соғып қалды
(Жаңартылды 12:01 20.12.2020)
Алаяқ жәбірленушінің үйіне алдап кіріп, 120 мың теңгенің ұялы телефонын ұрлап кетті. Күдіктіні учаскелік инспектор ұстадыНҰР-СҰЛТАН, 20 желтоқсан – Sputnik. Түркістанда полицейлер бірнеше рет сотты болған қызылордалық азаматты бейнебақылау камераларының жазбасы арқылы ұстады.
Түркістан қалалық полиция басқармасының кезекші бөліміне жергілікті тұрғын хабарласып, белгісіз ер адам үйінен ұялы телефонын ұрлап кеткені туралы арызданған.
"Алаяқ жәбірленушінің сеніміне кіріп, қиын жағдайға тап болдым деген сылтаумен ақша сұраған. Содан кейін олардың байқамай тұрған сәтін пайдаланып, "Samsung" маркалы ұялы телефоны мен оның құжаттарын ұрлап, белгісіз бағытқа қашып кеткен", - деп хабарлады Polisia.kz.
Жәбірленушілерге жалпы сомасы 120 мың теңгеден астам шығын келді.
Оқиға орнына жедел-тергеу тобының қызметкерлері мен Түркістан ҚПБ-ның учаскелік полиция инспекторлары жетті. Тәртіп сақшылары жақын маңдағы барлық аумақты, көшелер мен үйлерді аралап шықты, бейнебақылау камераларын тексерді, куәгерлер мен көршілерден жауап алды.
Оқи отырыңыз: Отырар ауданының тұрғыны үйіне ұрлыққа түскен көршісі екенін білді
Учаскелік инспектор күдіктіні түсірген бейнекамералар арқылы бірнеше сағат ішінде оның ізіне түсіп, ұстады. Күдікті бұрын бірнеше рет сотталған Қызылорда облысының тұрғыны болып шықты.
Тергеу барысында күдіктінің Түркістан, Шымкент қалаларында және Қызылорда облысында жасалған 6 алаяқтық пен ұрлыққа қатысы бар екені анықталды. Қазіргі уақытта күдіктіге қатысты сотқа дейінгі тергеу амалдары жүргізіліп жатыр. Айғақ зат ретінде алынған телефон мен құжаттар заңды иелеріне қайтарылды.
Нұра өзенінде жоғалған кәсіпкерге қатысты тың ақпарат шықты
НҰР-СҰЛТАН, 15 сәуір – Sputnik. Төтенше жағдайлар министрі Юрий Ильин Нұра өзені маңайында із-түзсіз жоғалып кеткен фермерді іздестіру шаралары туралы айтты, деп хабарлайды Sputnik Қазақстан тілшісі.
Жоғалған кісіні іздестіру шаралары әлі де жалғасып жатыр. Ал бірнеше күн бұрын оның көлігі өзен жағасынан 10 метр шалғай жерде табылған.
"Құтқарушылар көлікті алып шықты. Бірақ ішінде ешкім болған жоқ. Қазір іздестіру жұмыстары өзеннің төменгі жағында жүргізіліп жатыр. Оған құтқарушылар, еріктілер мен фермердің туған-туыстары қатысуда", – деді Ильин орталық коммуникациялар қызметінде өткен онлайн брифингте.
Оның айтуынша, өзеннен 63 жастағы Нұрлан Сүлейменовтің сыртқы киімі де табылған. Бірақ өзі жоқ. Құтқарушылар эхолотты қолданып жатыр. Бұдан бөлек, іздестіру шараларына сүңгуірлер де тартылды. Осы орайда министр әдетте іздестіру жұмыстарының 10-14 күн атқарылатынын жеткізді. Ал фермер 8 сәуірде жоғалған.
"Өкінішке қарай, оның тірі табылатыны екіталай. Дегенмен, іздестіру шаралары жалғаса береді. Әдетте біз 10-14 күн іздейміз де, сосын жағдайға қарай жұмысты жалғастыруға немесе тоқтатуға шешім қабылдаймыз. Бірақ бұған дейін Шығыс Қазақстан облысында балықшылар жоғалғанда іздестіру шаралары 20 күн жүргізілген. Осы жолы да туған-туыстарының өтініші бойынша тиісті жұмысты жалғастырамыз", – деп атап көрсетті Ильин.
Министр суда қауіпсіздік шараларын барынша сақтау қажеттігін де атап өтті. Себебі көп жағдайда қайғылы оқиғаларға адам факторы себеп болып жатады.
"Мәселен, жақында Қостанай облысында К-744 тракторы аударылып қалды. Кабинада төрт адам болған. Біреуі шығып үлгерген, ал үшеуін құтқарушылар алып шықты. Өкінішке қарай, олар көз жұмды", – деді министр.
Кәсіпкер қалай жоғалды
10 сәуірде түнгі сағат 3:00-де облыстық төтенше жағдайлар департаментіне Нұра ауданында адамның жоғалып кеткені туралы хабар түскен. Арыз түсірген адамдардың сөзіне қарағанда, жоғалған азамат 8 сәуірге қараған түні Кәрім Мыңбаев ауылынан Тассуат ауылына көлікпен шыққан. Бірақ діттеген жеріне бармады.
Облыстық полицияның хабарлауынша, ер адам көлігімен аудан орталығына қарай кеткен, содан кейін оны ешкім көрмеген. Артынан Нұра өзенінен кәсіпкердің көлігі табылды.
"Көлікте ешкім болған жоқ. Бірақ жүргізуші тұсындағы әйнек мен артқы әйнегі ашық тұрды. Бұл адамның көліктен шығуға тырысқанынан хабар берсе керек. Бәлкім, шыққан да шығар", – дейді облыстық төтенше жағдайлар департаменті бастығының орынбасары Ақылбек Ахметжанов.
Оқи отырыңыз: Қостанайда өзеннен жоғалған ер адамның денесі табылды
Жергілікті тұрғындардың болжауынша, Нұрлан Сүлейменов көлігімен Нұрадан үйінді өткел арқылы өтуге тырысып, суға түсіп кеткен. Көктемде қолдан жасалған конструкцияны еріген қардың суы басады. Сол кезде өткелден өту қауіпті. Ал жергілікті билік үйінді өткелден өтуге тыйым салып отыр. Себебі 30 шақырым шалғай жерде арнайы көпір бар.
Кілт сөздер:
Балқаш көлінің маңында алапат өрт болды – фото, видео
(Жаңартылды 15:53 15.04.2021)
Министрлік ұсынған дерекке сүйенсек, өрт салдарынан балық қабылдау пункті мен балық өсіретін шаруашылықтарға зиян келгенНҰР-СҰЛТАН, 15 сәуір – Sputnik. Әлеуметтік желіде Балқаш көлінің маңында болған алапат өрттің суреттері мен видеосы кең тарауда.
Посмотреть эту публикацию в Instagram
Экология, геология және табиғи ресурстар министрлігінің хабарлауынша, Алматы облысындағы орман шаруашылығына тиесілі далалы аймақта екі өрт оқиғасы болған.
Посмотреть эту публикацию в Instagram
Оның біріншісі – 14 сәуірде Балқаш ауданының аумағында орын алған дала өрті қатты желдің әсерінен "Тау-Құм" орманшылығын шарпыған. 15 сәуірде "Қазәуеорманқорғау" мекемесінің ұшағымен әуеден бақылау жүргізіліп, желдің екпіні бәсеңдегендіктен, өрттің таралуы тоқтағаны анықталды.
"Қазіргі уақытта "Күрті орман шаруашылығы" мекемесі, аудандық төтенше жағдайлар бөлімі мен "Қазәуеорманқорғау" кәсіпорны және Желтораңғы ауылдық округінен 42 адам мен арнайы техникалар оқиға орнында жұмыс істеуде. Өрт сөндіру жұмыстары кезінде адам шығыны мен жарақаттануы болған жоқ", – делінген хабарламада.
Ведомство өкілдері өрт аумағы мен келтірілген залал көлемі, тілсіз жау толық сөндірілген соң есептеліп, жарияланатынын атап өтті.
Посмотреть эту публикацию в Instagram
Ал екінші өрт оқиғасы 15 сәуірде сағат 12.00-де "Іле-Балқаш" мемлекеттік табиғи қорығының Іле сағасы филиалының Наурызбай кардонынан батыс бағытта 10-15 шақырым жерде болған. Өрт ошағы сулы-батпақты аумақта өрши түскен. Тілсіз жауды сөндіруге қорықтың 2 көлігі мен 9 адам жіберілген.
Оқи отырыңыз: Жаңатастағы трагедия: өрт шыққан үйдің көршілері оқиға қалай болғанын айтты
Министрлік ақпараты бойынша, өрт салдарынан балық қабылдау пункті мен балық өсіретін шаруашылықтарға зиян келген. Сонымен қатар, шаруашылықтың бір қызметкері ауруханаға жатқызылған.
Кілт сөздер: