Әскери қызметке шақыру, архивтегі фото

Ақтауда әскери комиссариатта ешкім күтпеген оқиға болды куәгерлердің видеосы

10628
(Жаңартылды 17:08 31.12.2020)
Жаңадан әскерге шақырылғандарды автобусқа отырғызып жатқанда олардың бірі сытылып шығып, бой тасаламақ болған

НҰР-СҰЛТАН, 31 желтоқсан – Sputnik. Ақтауда қашып кетпек болған әскерге шақырылушы ұсталды, деп хабарлайды Lada.kz.

Оқиға 30 желтоқсанда әскерге шақырылушыларды автобусқа отырғызып жатқан кезде болған. Жастардың бірі әскерге шақыру орнының қақпасынан қашып шыққан. Әскери комиссариаттың екі қызметкері оның соңынан қуады, бірақ қуып жете алмаған.

Оқиғаны куәгерлер видеоға түсіріп алған.

Жігітті полиция патрулі ұстап, әскери комиссариатқа қайтарды.

Еске сала кетейік, 8 желтоқсанда осыған ұқсас оқиға Оралда болған еді. Әскерге шақырылушылардың бірі терезеден секіріп кетті. Ол әскерге шақыру комиссиясының қызметкерлері қысым көрсетіп, күш қолданғанын айтты.

Терезеден секіріп кетті: Оралда әскери комиссариатта болған оқиғаның мән-жайы 

Жас жігіт омыртқасын жарақаттап, аяғын сындырып алған. Жалғыз баласына араша түскен анасы бұқаралық ақпарат құралдарына болған жағдай туралы айтып берді. Оның айтуынша, әскери комиссиядан әскери борышты өтеуді кейінге қалдыруда сұраған, бірақ олар бас тартқан. Әскери комиссариат қызметкерлері болған оқиғаға кінәлі емеспіз деп отыр.  

10628
Тақырып бойынша
Кімнің кредит төлеу мерзімі кейінге шегерілуі мүмкін екені айтылды
Қазақстанда әскерге шақырылған үш жігіттен коронавирус табылды
Әскерге шақыру басталды: полковник күзгі науқан несімен ерекшеленетінін айтты
Тоқаев дезинфекция жасап жүрген жігітті таныды - видео
Алматыда күзде әскерге мың жарым адам шақырылады
Қорғаныс министрлігі әскерге шақырылған жігіт терезеден не үшін секіріп кеткенін айтты
Қаруланған адам

Байқоңырға қаруланған адамдар кірмек болды

1127
Үш ер адам бейнебақылау камерасына түсіп қалғаннан кейін ұсталды, олардан тапанша мен шолақ мылтықтар табылды

НҰР-СҰЛТАН, 7 наурыз – Sputnik. Байқоңырда қару-жарақ пен оқ-дәріні заңсыз сақтаған күдіктілер ұсталды. Қалалық әкімшіліктің қауіпсіздік және режим басқармасының ақпаратынша, полиция қалаға кірмек болған қаруланған топтың жолын кесті.

"Байқоңыр" кешеніндегі Ресей ІІМБ кезекшілік бөліміне "БайконурСвязьИнформ" МУК бейнебақылау бөлімінің технигінен хабарлама түсті. Мониторинг барысында Ақай ауылдық округі жағынан қару-жараққа ұқсас заты бар бір топ адам көрінген,- деді Sputnik Қазақстанға қауіпсіздік және режим басқармасынан.  – Қалаға кірген адамдар жетінші шағын ауданына қарай бет алған, автокөлікке отырып, белгісіз бағытта кетіп қалған".

Полиция жедел іздестіру шараларын бастады, автокөлік те, видеоға түсіп қалған үш азамат та табылды.

"Ұсталғандардан 4 патрон және тегіс ұңғылы шолақ мылтық тәркіленді. Сонымен қатар, автокөлік жанынан қосауыз шолақ мылтық, маркасы белгісіз травматикалық тапанша мен 5 оқ табылды", - деді басқармадан.

Қаруланған топтан тәркіленген оқ-дәрі атуға арналған.

Ресей ІІМБ анықтау бөлімі Ресей Қылмыстық кодексінің 222-бабында (Қаруды, оның негізгі бөліктері мен оқ-дәріні заңсыз алу, беру, өткізу, сақтау, тасымалдау немесе өзімен бірге ұстау) көзделген қымыс белгілері бойынша қылмыстық іс қозғады.

Бұл бап бойынша 8 жылға дейін бас бостандығынан айыру жазасы қарастырылған, деп мәлімдеді басқармадан.

Еске салсақ, Ресей Қазақстаннан Байқоңырды 2050 жылға дейін жалға алған.

1127
Кілт сөздер:
қару-жарақ, Байқоңыр
Бұрқасын, адамдар жолдан өтіп барады

Қазақстанның 12 өңірінде дабылды ескерту жарияланды ертеңге ауа райы болжамы

2295
Елдің бірқатар облысында дабылды ескерту жариялауға тұман, бұрқасын және көктайғақ себеп болып отыр

НҰР-СҰЛТАН, 6 наурыз – Sputnik. Синоптиктердің болжамынша, республиканың басым аумағында көктайғақ, жаңбыр және бұрқасын, сондай-ақ тұман болады.

Дабылды ескерту

Атырау облысында тұман түседі, көктайғақ болады. Желдің жылдамдығы секундына 20 метрге дейін жетеді.

Жамбыл облысында тұман мен көктайғақ болжануда. Желдің күші секундына 20 метрге дейін барады.

Түркістан облысында қалың тұман түседі.

Ақтөбе облысында бұрқасын, көктайғақ, тұман, қатты жел болады.

Павлодар облысында кей жерлерде бұрқасындатып, тұман түседі, көктайғақ күтілуде.

Қарағанды облысында – тұман және көктайғақ.

Қызылорда облысында тұман түсіп, 15-20 м/с жел соғады.

Маңғыстау облысында да тұман және 15-20 м/с жел болжанып отыр.

Ақмола облысында тұман, көктайғақ және бұрқасын болады.

Батыс Қазақстан облысында қатты жел тұрып, тұман басады, бұрқасын соғады, көктайғақ болады.

Солтүстік Қазақстан облысында – қар, жаңбыр, тұман және көктайғақ.

Қостанай облысында бұрқасын, тұман және көктайғақ болады.

Мегаполистердегі ауа райы

Нұр-Сұлтанда күн бұлтты, түнде ауа температурасы -2-4°C, күндіз 0+2°C. Желдің жылдамдығы – секундына 15-20 метр.

Алматыда күн бұлтты, сынап бағанасы түнде 0+2°C, күндіз +10+12°C көрсетеді.

Шымкентте ауа райы жауын-шашынды. Желдің екпіні секундына 13 метрге дейін барады, ауа температурасы түнде +2+4°C, күндіз +7+9°C.

2295
Кілт сөздер:
дабылды ескерту, Қазгидромет, ауа райы болжамы
Архивтегі фото

Нұр-Сұлтанда және 9 облыста дабылды ескерту жарияланды

685
Дүйсенбіде Қазақстанның басым аумағында бұрқасындатып, көктайғақ болады, екпінді жел соғып, тұман түседі

НҰР-СҰЛТАН, 7 наурыз – Sputnik. Қазгидромет синоптиктері ауа райының нашарлауына байланысты Нұр-Сұлтан мен елдің 9 облысында дабылды ескерту жариялады. 

8 наурызда Нұр-Сұлтанда көктайғақ болып, жаяу бұрқасын соғады деп болжанып отыр. Оңтүстік-батыстан соққан жел солтүстік-батысқа ауысады, екпіні – 15-20 м/с.

8 наурызда Қарағанды ​​облысында кей жерлерде тұман түсіп, жаяу бұрқасын соғып, көктайғақ болады. Оңтүстік-батыстан, оңтүстіктен жел соғады, кей жерлерде екпіні 15-20 м/с жетеді. Қарағандыда боран соғып, көктайғақ болуы мүмкін.  

8 наурызда Қызылорда облысында кей жерлерде тұман түсіп, көктайғақ болады деп болжануда. Оңтүстік желі солтүстік-шығысқа ауысып, кей жерлерде жылдамдығы 15-20 м/с жетеді. Қызылордада түнде және таңертең көктайғақ болады.

8 наурызда Атырау облысында батыстан, оңтүстік-батыстан 15-20 м/с жылдамдықпен жел соғуы мүмкін. Атырауда 8 наурызда күндіз батыстан, оңтүстік-батыстан соққан желдің екпіні 15-18 м/с жетеді.

Оқи отырыңыз: Синоптиктер наурыз айында ауа райы қандай болатынын айтты 

8 наурызда Батыс Қазақстан облысында кей жерлерде тұман түсіп, жаяу бұрқасын соғады, көктайғақ болады. Оңтүстік-батыстан жел соғады, кей жерлерде екпіні 15-20 м/с жетеді. Оралда тұман түсіп, көктайғақ болуы мүмкін.

8 наурызда Ақтөбе облысында бұрқасындатып, көктайғақ, тұман болады деп болжанып отыр. Ақтөбеде солтүстік-батыстан соққан жел оңтүстік-батысқа ауысады, екпіні – 18 м/с.

8 наурызда күндіз Павлодар облысында жауын-шашын түседі. Кей жерлерде бұрқасын, тұман, көктайғақ болуы мүмкін, 15-20 м/с жылдамдықпен оңтүстік, оңтүстік-батыстан жел соғады, кей жерлерде екпіні 23 м/с жетеді. Павлодарда да жауын-шашын түсіп, көктайғақ болады.  

Дүйсенбіде Қостанай облысында бұрқасындатып, тұман түседі, түнде көктайғақ болады деп болжануда. Солтүстік-батыстан соққан жел оңтүстік-батысқа ауысады – 15-20, екпіні 23-28 м/с. Қостанайда 8 наурызға қараған түні жаяу бұрқасын соғып, көктайғақ болады.

8 наурызда Солтүстік Қазақстан облысында түнде жауын-шашын түседі. Кей жерлерде тұман түсіп, боран соғып, көктайғақ болуы мүмкін. Петропавлда түнде жаяу бұрқасын соғып, көктайғақ болады деп болжануда. Батыстан 15-20 м/с жылдамдықпен жел соғады.

8 наурызға қараған түні Түркістан облысында кей жерлерде тұман түседі. Оңтүстік-батыстан соққан желдің жылдамдығы күндіз кей жерлерде 15-20 м/с жетеді.

685
Кілт сөздер:
ауа райы, дабылды ескерту