Жігіт пен қыз, архивтегі фото

Сүйіктісімен жыныстық қатынасқа түскені үшін сотталған бозбала қамаудан босатылды

1825
(Жаңартылды 14:58 13.01.2021)
Сот алқасы жас жігіттің кәмелетке толмағанын, оның өкінгенін, оң мінездеме берілгенін, жәбірленуші мен оның заңды өкілінің пікірін ескерді  

АЛМАТЫ, 13 қаңтар – Sputnik. Ақтөбе облыстық сотының апелляциялық инстанциясы 15 жастағы сүйіктісімен жыныстық қатынасқа түскен 17 жастағы бозбалаға қатысты жазаны жеңілдетті. Оған үш жылға бас бостандығынан айырудың орнына бір жарым жылға бас бостандығын шектеу жазасы тағайындалды.

Ақтөбе облыстық соты Қазақстан Қылмыстық кодексінің 122-бабы үшінші бөлігінің бірінші тармағы "16 жасқа толмаған адаммен бірнеше рет жыныстық қатынасқа түсу" бойынша сотталған азаматқа қатысты қылмыстық істі апелляциялық тәртіпте қарады.

Оқи отырыңыз: Ақтөбелік бозбала сүйіктісімен жыныстық қатынасқа түскені үшін үш жылға сотталды 

Егер жыныстық қатынас бірнеше жасалған болса, 10 жылдан 15 жылға дейін бас бостандығынан айыру жазасы қарастырылады. Бұл ерекше ауыр қылмысқа жатады. Заң егер жазаны жеңілдететін ерекше мән-жайлар болса, неғұрлым жеңіл жазаны қолдануға мүмкіндік береді (Қылмыстық кодекстің 55-бабы, 4-бөлігі).

"Сот алқасы бозбаланың кәмелетке толмағанын, оның өкінгенін, оң мінездеме берілгенін, жәбірленуші мен оның заңды өкілінің пікірін осындай мән-жайларға жатқызды", - деп хабарлады сот.

Осыған байланысты сот жасөспірімге бір жыл алты айға бас бостандығын шектеу жазасын тағайындап, қамаудан босатты.

1825
Тақырып бойынша
Батыс Қазақстанда 11 жасар қызды зорлады деген күдікті ұсталды
Қызылордалық әйел кәмелетке толмаған қызды қорқытып, жезөкшелікке тартқан
Жасөспіріммен жыныстық қатынасқа түсу бабын қатаңдату керек пе – заңгер пікірі
"Кастрация жасалғанда қатты қиналдым": педофил журналистермен сөйлесті
Павлодарда кішкентай қызды бірнеше жыл бойы зорлаған өгей әке сотталды
Ақтауда шәкіртін зорлаған бапкерге сот үкімі шықты
Құбырдан аққан су

Қостанай облысында су мұнарасы опырылып құлады

18
(Жаңартылды 09:31 27.01.2021)
Нысанның не себепті ортасынан опырылып түскені әзірге белгісіз. Аудан басшысы су желісін қайта қалпына келтіру үшін кемінде екі ай қажет дейді

НҰР-СҰЛТАН, 27 қаңтар – Sputnik. Қостанай облысының Аманкелді ауданындағы Байғабыл елді мекенінде су мұнарасы құлап, ауыл тұрғындары сусыз сергелдеңге түсіп отыр, деп хабарлайды AstanaTV арнасы.

Ал нысанның тұрғызылғанына алты-ақ жыл болған екен.

Ауылға орталықтандырылған су желісін тартуға 156 миллион теңге жұмсалған. 2014 жылдан бері тәулік бойы тоқтаусыз ауыз су пайдаланып келген бұқара енді тығырыққа тірелді.

Қазір ауылда тәулігіне 4 сағат қана су беріледі. Жергілікті билік осылайша тұрғындарды мүлдем сусыз қалдырмаудың қамына кіріскен.

Оқи отырыңыз: Қостанайда су құрамы қауіпті бұлақ көздері анықталды

Ал су мұнарасы құлаған күні қатты жел болмаған. Нысанның не себепті ортасынан опырылып түскені әзірге белгісіз. Аудан басшысы су желісін қайта қалпына келтіру үшін кемінде екі ай қажет дейді.

"Арнайы комиссия келіп тексеріп қарады. Бірақ ешқандай тұжырым жасаған жоқ. Не себепті құлағанын ешкім айта алмайды. Қазір оның себебін білу үшін темірін кесіп алып сараптамаға береміз. Содан кейін ғана белгілі болады. Біз үшін қазір халықты сумен қамтамасы зету басты мақсат. Сол бағытта жұмыс істеп жатырмыз", – деп атап көрсетті аудан әкімі Әмірхан Асанов.  

18
Кілт сөздер:
Қостанай облысы, су
Тақырып бойынша
Ауылдағы ауыз су бағасы өзгереді – заң президентке жіберілді
Қапшағай мұз құрсауында – су қоймасының таңғажайып видеосы
Нұр-Сұлтанда көпір құлады – фото
Су кодексіне түзету енгізілді: Тоқаев заңға қол қойды
Оралда шомылатын ойықтан су алмақ болған ер адам көз жұмды
Бойжеткен, иллюстративті фото

Семейде сұлулық байқауының жеңімпазы басшылық қызметке тағайындалды

33
Екі жыл бұрын "Семей ханымы" байқауының жеңімпазы атанған Диана Шаяхметова бүгінде төрт баланың анасы

НҰР-СҰЛТАН, 27 қаңтар – Sputnik. Семей қаласының тұрғын үй-коммуналдық шаруашылығы бөлімінің бастығы қызметіне "Миссис-2019" байқауының жеңімпазы тағайындалды. Ол мұндай міндетті бұрынғы бастығының жұмыстан босатылуына байланысты уақытша атқаратын болды.

"Диана Шаяхметова 25 қаңтардан бастап Семей қаласының тұрғын үй-коммуналдық шаруашылық бөлімінің бастығы қызметіне тағайындалды. Ол екі жыл бұрын "Семей ханымы-2019" байқауына қатысып, жеңімпаз атанған болатын", – деп жазады облыстық Arnapress басылымы.

Осы кезге дейін Шаяхметова аталған бөлім бастығының орынбасары қызметін  атқарып келген.

34 жастағы келіншек бүгінде төрт баланың анасы.

Ал бөлімнің бұрынғы басшысы Амантай Өтелбаевтың қызметінен босатылуына қатысты әлі ресми ақпарат жоқ. Басылым дерегінде оның Семей қаласының тұрғын үй-коммуналдық секторын дамытуға қосқан үлесі ұшан-теңіз екені айтылған.

Оқи отырыңыз: Дауға қалған Семей полициясының бастығы қандай жағдайда қызметінен кететінін айтты

Айта кетейік, 25 қаңтарда Семей қаласының әкімі ауысты. Облыс әкімі Даниал Ахметовтің өкімімен Нұрымбет Сақтағанов жаңа әкім болды. Оның кандидатурасы қалалық мәслихаттың кезектен тыс екінші сессиясында мақұлданды.

Ахметов экс-әкім Ермак Сәлімовке жұмысы үшін алғыс білдіріп, оның бұдан әрі облыс әкімінің тұрғын үй және құрылыс мәселелері жөніндегі кеңесшісі болып қала беретінін атап өтті.

33
Кілт сөздер:
Семей, жаңа қызмет
Тақырып бойынша
Семей медицина университетінің басшылығы билікке үндеу жасады
"Бір көзді баланы ертіп жүрдім": Семей өңірінің тұрғыны полигонның зардабы жайлы айтты
Семей полицейлері тұрғындарды ұйқыдан оята алмай, үйге көршінің қақпасы арқылы кірді
Абайдың отаны Семей туралы қызықты деректер
Сұлулық байқауы жеңімпазының жансыз денесі табылды – қылмыстық іс қозғалды
Мұхамедқалы Абылғазиев

Қырғызстанның бұрынғы премьер-министрі ұсталды

0
(Жаңартылды 10:08 27.01.2021)
Бұған дейін Абылғазиевке елден шығуға тыйым салынып, егер ол республикадан тыс жерге шығуға әрекет жасаса, дереу қамауға алынатыны ескертілген

НҰР-СҰЛТАН, 27 қаңтар – Sputnik. Қырғызстанның бұрынғы премьер-министр Мұхаммедқалы Абылғазиев қамауға алынды, деп хабарлады Sputnik Қырғызстан ішкі істер министрлігінің ақпарат көздеріне сілтеме жасап.

Абылғазиев үлкен дау-жанжалдан кейін қызметінен кеткен болатын. Енді ұлттық қауіпсіздік комитетінің нұсқауымен ол қамауға алынды. Бұған дейін қаржы полициясы оның елден шығуына тыйым салған.

Ал егер бұрынғы премьер республикадан тыс жерге шығуға әрекет жасаса, бірден қамауға алынатыны ескертілген. Артынан жауап алу үшін шақырды. Бірақ ол кезде нақты қай іс бойынша жауап алынатыны туралы айтылмаған.

Сейсенбі, 26 қаңтарда Абылғазиевті тағы жауап алу үшін шақырды. Содан соң қамап тастады.

Былтыр күзде Қырғызстанның бас прокуратурасы денсаулық сақтау министрлігінің өкілдеріне қатысты бірнеше қылмыстық іс қозғалғанын хабарлаған. Олар пандемия кезінде заңсыз әрекет жасағаны үшін айыпталды. Оған экс-премьердің қатысы бар болып шықса, оны да жазалайды деген ақпарат тараған. Абылғазиевке қатысты сотқа дейінгі тергеу шаралары басталып, алайда нақты қандай айыптың тағылғаны жарияланған жоқ.

Радиожиіліктерге қатысты дау

Абылғазиев радиожиіліктерге қатысты дау-жанжалдан кейін отставкаға кетуге өтініш жазды.

Былтыр мамыр айында мемлекеттік байланыс агенттігінің экс-басшысы Наталья Черногубова ұсталған болатын. Ол мемлекеттік ақпараттық технологиялар комитеті мен ұялы операторлардың бірімен сөз байласқаны үшін айыпталды. Артынан сыбайлас жемқорлық ісі бойынша тағы бес адамның ұсталғаны белгілі болды. Олардың ішінде ұлттық қауіпсіздік комитетінің бес қызметкері де бар.

Сол кезде Жогорку кенештің депутаты Жанар Ақаев үкіметтің екі радиожиілікті арзан бағаға сатып жібергенін мәлімдеді. Оның ойынша, премьер-министр Мұхаммедқалы Абылғазиевтің рұқсаты болмаса, ондай келісімді рәсімдеу мүмкін емес. Ақаев мемлекетке келген шығында 5 миллиард сомға (58,9 миллион доллар) бағалады. Абылғазиев көп ұзамай, тергеуге қысым жасады деген айыптар болмасын деп, қысқа мерзімді демалысқа шығып кетті.

Оқи отырыңыз: Қырғызстанның жаңа президенті алғашқы сапарын қай елден бастайтыны белгілі болды

Ал маусым айында осы іске қатысы бар деген күдікпен "Ала-ТВ" компаниясының құрылтайшысы ұсталды деген ақпарат шыққан. Дәл осы компанияның радиожиіліктері ұялы байланыс операторына сатылды. 

15 маусыда Мұхаммедқалы Абылғазиев осы іске қатысым жоқ деп, отставкаға кетуге өтініш жазды. Осылайша, ол 19 күнге созылған демалыстан кейін бірден жұмыстан кеткен болатын.

0
Кілт сөздер:
ұстау, Қырғызстан
Тақырып бойынша
Павлодар облысында Қырғызстанның екі азаматы үсіп қала жаздады
Қырғызстан президентінің міндетін атқарушы Тоқаевқа алғыс білдірді
Қырғыз елінің жаңадан сайланған президенті Қазақстан халқына алғыс айтты
Қырғызстан барлық шетелдікке елге кіруге рұқсат етті
Қырғызстан президентінің инаугурациясына қарапайым азаматтар қатысады