Қашықтықты сақтау

Облыстың бас санитар дәрігері жаңа қаулыға қол қойды

72
(Жаңартылды 17:09 13.01.2021)
Қаулыға сәйкес, конференциялар, көрмелер, форумдар, ойын-сауық, спорттық шаралар, адамдар көп жиналатын отбасылық жиындар өткізуге болмайды

АЛМАТЫ, 13 қаңтар – Sputnik. Ақтөбе облысы бас санитар дәрігерінің жаңа қаулысы жарияланды, деп хабарлайды Sputnik Қазақстан.

Қаулыға сәйкес, конференциялар, көрмелер, форумдар, ойын-сауық, спорттық шаралар, адамдар көп жиналатын отбасылық жиындар, митинг, шеру ұйымдастыруға тыйым салынған.

Ойын-сауық мекемелері (караоке, бильярд, компьютерлік клуб, түнгі клуб және боулинг орталықтары, кальян орталықтары, балалар ойын алаңдары және аттракциондар, батуттар), букмекерлік кеңселердің және лото-клубтардың қызметіне рұқсат берілмеген.

Сонымен қатар қызметіне тыйым салынды:

  • балаларды сауықтыру лагері қызметіне;
  • кезекші топтарды қоспағанда, мектепке дейінгі балалар мекемесінің қызметіне;
  • банкет залдары қызметіне;
  • аквапарк жұмысына;
  • бастауыш, орта және негізгі орта деңгейдегі білім беру, орта және жоғарғы оқу ұйымдарындағы асхана жұмысына.

InfoKazakhstan.kz сайтында электронды форматта берілетін санитарлық нормаларға сәйкестігі туралы акт болса, сауда ойын-сауық орталығы, сауда үйлерінің, базарлардың, сауда желілерінің, жәрмеңкелердің, сұлулық салондары, шаштараз, СПА орталықтардың қызметіне және бірқатар қызметке рұқсат беріледі.

Қоғамдық орындарда, халықтың келуіне, қызмет көрсетуіне және демалуына арналған үй-жайларда, қоғамдық көлікте (оның ішінде таксиде), қоғамдық орындарындағы ашық ауада болған кезде барлық адамдарға медициналық немесе мата бетперделерін міндетті түрде тағуы қажет. 

Қандай жағдайда бетпердесіз жүруге рұқсат етіледі:

  • бес жасқа дейінгі балаларға;
  • қоғамдық тамақтану орындарында әлеуметтік қашықтықты сақтай отырып, тамақ ішкен жағдайда;
  • әлеуметтік қашықтықты сақтай отырып, жеке және топ болып спортпен шұғылданған кезде.

Облыста 2020-2021 оқу жылының үшінші тоқсанынан бастап сыныптардағы балалар саны 15 адамға дейін, жалпы оқушы саны 300-ге дейі қалалық және ауылдық мектептер дәстүрлі форматта оқиды.

Ата-аналардың өтінішімен сыныптардың жинақталуын 15 баладан асырмай, жалпы білім беретін мектептерде 1-5 сыныптарды қоса алғанда, халықаралық мектептерде 7-сыныпты қоса алғанда кезекші сыныптар оқиды.
Арнайы, мамандандырылған ұйымдар, ерекше білім беру қажеттіліктері бар балаларға арналған арнайы мектеп-интернаттар, жалпы типтегі мектеп-интернаттар және дарынды балаларға арналған мектеп-интернаттар жұмыс істейді.

2020-2021 оқу жылының үшінші тоқсанынан бастап оқу бітіретін сыныптар (9, 11 (12) сыныптар) аптаның 6 күні аралас форматта оқиды.

Сабақтан тыс уақытта топтарда 5 адамнан аспайтын оқушыларды жеке оқытуға рұқсат берілген. Сонымен қатар екінші семестрден бастап колледждер мен жоғары оқу орындарының I курс студенттері штаттық режимде оқиды.

Қаулының толық нұсқасын сілтеме арқылы оқуға болады.

72
Кілт сөздер:
Ақтөбе облысы
Тақырып бойынша
Дүниежүзілік денсаулық сақтау ұйымы коронавирустың болашағын болжады
Адам ағзасынан коронавирустың таралуына әсер ететін зат табылды
47 жастағы әйелдің ағзасында коронавирустың 18 мутациясы анықталды
Министр Қазақстан коронавирустың қай аймағында тұрғанын айтты
Біле жүріңіз: дәрігерлер коронавирустың жаңа симптомын атады
Құбырдан аққан су

Қостанай облысында су мұнарасы опырылып құлады

15
(Жаңартылды 09:31 27.01.2021)
Нысанның не себепті ортасынан опырылып түскені әзірге белгісіз. Аудан басшысы су желісін қайта қалпына келтіру үшін кемінде екі ай қажет дейді

НҰР-СҰЛТАН, 27 қаңтар – Sputnik. Қостанай облысының Аманкелді ауданындағы Байғабыл елді мекенінде су мұнарасы құлап, ауыл тұрғындары сусыз сергелдеңге түсіп отыр, деп хабарлайды AstanaTV арнасы.

Ал нысанның тұрғызылғанына алты-ақ жыл болған екен.

Ауылға орталықтандырылған су желісін тартуға 156 миллион теңге жұмсалған. 2014 жылдан бері тәулік бойы тоқтаусыз ауыз су пайдаланып келген бұқара енді тығырыққа тірелді.

Қазір ауылда тәулігіне 4 сағат қана су беріледі. Жергілікті билік осылайша тұрғындарды мүлдем сусыз қалдырмаудың қамына кіріскен.

Оқи отырыңыз: Қостанайда су құрамы қауіпті бұлақ көздері анықталды

Ал су мұнарасы құлаған күні қатты жел болмаған. Нысанның не себепті ортасынан опырылып түскені әзірге белгісіз. Аудан басшысы су желісін қайта қалпына келтіру үшін кемінде екі ай қажет дейді.

"Арнайы комиссия келіп тексеріп қарады. Бірақ ешқандай тұжырым жасаған жоқ. Не себепті құлағанын ешкім айта алмайды. Қазір оның себебін білу үшін темірін кесіп алып сараптамаға береміз. Содан кейін ғана белгілі болады. Біз үшін қазір халықты сумен қамтамасы зету басты мақсат. Сол бағытта жұмыс істеп жатырмыз", – деп атап көрсетті аудан әкімі Әмірхан Асанов.  

15
Кілт сөздер:
Қостанай облысы, су
Тақырып бойынша
Ауылдағы ауыз су бағасы өзгереді – заң президентке жіберілді
Қапшағай мұз құрсауында – су қоймасының таңғажайып видеосы
Нұр-Сұлтанда көпір құлады – фото
Су кодексіне түзету енгізілді: Тоқаев заңға қол қойды
Оралда шомылатын ойықтан су алмақ болған ер адам көз жұмды
Бойжеткен, иллюстративті фото

Семейде сұлулық байқауының жеңімпазы басшылық қызметке тағайындалды

27
Екі жыл бұрын "Семей ханымы" байқауының жеңімпазы атанған Диана Шаяхметова бүгінде төрт баланың анасы

НҰР-СҰЛТАН, 27 қаңтар – Sputnik. Семей қаласының тұрғын үй-коммуналдық шаруашылығы бөлімінің бастығы қызметіне "Миссис-2019" байқауының жеңімпазы тағайындалды. Ол мұндай міндетті бұрынғы бастығының жұмыстан босатылуына байланысты уақытша атқаратын болды.

"Диана Шаяхметова 25 қаңтардан бастап Семей қаласының тұрғын үй-коммуналдық шаруашылық бөлімінің бастығы қызметіне тағайындалды. Ол екі жыл бұрын "Семей ханымы-2019" байқауына қатысып, жеңімпаз атанған болатын", – деп жазады облыстық Arnapress басылымы.

Осы кезге дейін Шаяхметова аталған бөлім бастығының орынбасары қызметін  атқарып келген.

34 жастағы келіншек бүгінде төрт баланың анасы.

Ал бөлімнің бұрынғы басшысы Амантай Өтелбаевтың қызметінен босатылуына қатысты әлі ресми ақпарат жоқ. Басылым дерегінде оның Семей қаласының тұрғын үй-коммуналдық секторын дамытуға қосқан үлесі ұшан-теңіз екені айтылған.

Оқи отырыңыз: Дауға қалған Семей полициясының бастығы қандай жағдайда қызметінен кететінін айтты

Айта кетейік, 25 қаңтарда Семей қаласының әкімі ауысты. Облыс әкімі Даниал Ахметовтің өкімімен Нұрымбет Сақтағанов жаңа әкім болды. Оның кандидатурасы қалалық мәслихаттың кезектен тыс екінші сессиясында мақұлданды.

Ахметов экс-әкім Ермак Сәлімовке жұмысы үшін алғыс білдіріп, оның бұдан әрі облыс әкімінің тұрғын үй және құрылыс мәселелері жөніндегі кеңесшісі болып қала беретінін атап өтті.

27
Кілт сөздер:
Семей, жаңа қызмет
Тақырып бойынша
Семей медицина университетінің басшылығы билікке үндеу жасады
"Бір көзді баланы ертіп жүрдім": Семей өңірінің тұрғыны полигонның зардабы жайлы айтты
Семей полицейлері тұрғындарды ұйқыдан оята алмай, үйге көршінің қақпасы арқылы кірді
Абайдың отаны Семей туралы қызықты деректер
Сұлулық байқауы жеңімпазының жансыз денесі табылды – қылмыстық іс қозғалды
Мұхамедқалы Абылғазиев

Қырғызстанның бұрынғы премьер-министрі ұсталды

0
(Жаңартылды 10:08 27.01.2021)
Бұған дейін Абылғазиевке елден шығуға тыйым салынып, егер ол республикадан тыс жерге шығуға әрекет жасаса, дереу қамауға алынатыны ескертілген

НҰР-СҰЛТАН, 27 қаңтар – Sputnik. Қырғызстанның бұрынғы премьер-министр Мұхаммедқалы Абылғазиев қамауға алынды, деп хабарлады Sputnik Қырғызстан ішкі істер министрлігінің ақпарат көздеріне сілтеме жасап.

Абылғазиев үлкен дау-жанжалдан кейін қызметінен кеткен болатын. Енді ұлттық қауіпсіздік комитетінің нұсқауымен ол қамауға алынды. Бұған дейін қаржы полициясы оның елден шығуына тыйым салған.

Ал егер бұрынғы премьер республикадан тыс жерге шығуға әрекет жасаса, бірден қамауға алынатыны ескертілген. Артынан жауап алу үшін шақырды. Бірақ ол кезде нақты қай іс бойынша жауап алынатыны туралы айтылмаған.

Сейсенбі, 26 қаңтарда Абылғазиевті тағы жауап алу үшін шақырды. Содан соң қамап тастады.

Былтыр күзде Қырғызстанның бас прокуратурасы денсаулық сақтау министрлігінің өкілдеріне қатысты бірнеше қылмыстық іс қозғалғанын хабарлаған. Олар пандемия кезінде заңсыз әрекет жасағаны үшін айыпталды. Оған экс-премьердің қатысы бар болып шықса, оны да жазалайды деген ақпарат тараған. Абылғазиевке қатысты сотқа дейінгі тергеу шаралары басталып, алайда нақты қандай айыптың тағылғаны жарияланған жоқ.

Радиожиіліктерге қатысты дау

Абылғазиев радиожиіліктерге қатысты дау-жанжалдан кейін отставкаға кетуге өтініш жазды.

Былтыр мамыр айында мемлекеттік байланыс агенттігінің экс-басшысы Наталья Черногубова ұсталған болатын. Ол мемлекеттік ақпараттық технологиялар комитеті мен ұялы операторлардың бірімен сөз байласқаны үшін айыпталды. Артынан сыбайлас жемқорлық ісі бойынша тағы бес адамның ұсталғаны белгілі болды. Олардың ішінде ұлттық қауіпсіздік комитетінің бес қызметкері де бар.

Сол кезде Жогорку кенештің депутаты Жанар Ақаев үкіметтің екі радиожиілікті арзан бағаға сатып жібергенін мәлімдеді. Оның ойынша, премьер-министр Мұхаммедқалы Абылғазиевтің рұқсаты болмаса, ондай келісімді рәсімдеу мүмкін емес. Ақаев мемлекетке келген шығында 5 миллиард сомға (58,9 миллион доллар) бағалады. Абылғазиев көп ұзамай, тергеуге қысым жасады деген айыптар болмасын деп, қысқа мерзімді демалысқа шығып кетті.

Оқи отырыңыз: Қырғызстанның жаңа президенті алғашқы сапарын қай елден бастайтыны белгілі болды

Ал маусым айында осы іске қатысы бар деген күдікпен "Ала-ТВ" компаниясының құрылтайшысы ұсталды деген ақпарат шыққан. Дәл осы компанияның радиожиіліктері ұялы байланыс операторына сатылды. 

15 маусыда Мұхаммедқалы Абылғазиев осы іске қатысым жоқ деп, отставкаға кетуге өтініш жазды. Осылайша, ол 19 күнге созылған демалыстан кейін бірден жұмыстан кеткен болатын.

0
Кілт сөздер:
ұстау, Қырғызстан
Тақырып бойынша
Павлодар облысында Қырғызстанның екі азаматы үсіп қала жаздады
Қырғызстан президентінің міндетін атқарушы Тоқаевқа алғыс білдірді
Қырғыз елінің жаңадан сайланған президенті Қазақстан халқына алғыс айтты
Қырғызстан барлық шетелдікке елге кіруге рұқсат етті
Қырғызстан президентінің инаугурациясына қарапайым азаматтар қатысады