НҰР-СҰЛТАН, 21 қаңтар — Sputnik. Батыс Қазақстан облысы коронавирусты инфекцияның таралу қарқыны бойынша "қызыл" аймаққа енді. Ал, Алматы қаласы "сары" аймаққа ығысты, деп хабарлады COVID-19 таралуына жол бермеу жөніндегі ведомствоаралық комиссия.
2021 жылдың 21 қаңтарындағы Қазақстан аймақтарындағы эпидемиологиялық жағдайды бағалау матрицасы мынадай:
"қызыл" аймақта: Нұр-Сұлтан, Ақмола, Атырау, Батыс Қазақстан, Қостанай, Павлодар, Солтүстік Қазақстан облыстары;
"сары" аймақта: Алматы қаласы, Қарағанды және Алматы облыстары;
"жасыл" аймақта: қалған өңірлер.
Бұған дейін Алматы "жасыл" аймақта болатын.
18 қаңтардан бастап Нұр-Сұлтанда жаңа шектеулер күшіне енді. Бас қаладағы сауда орталықтарының демалыс күндері жұмыс істеуіне тыйым салынды. Бұл нысандардағы дәріханалар мен азық-түлік дүкендерінің ғана сенбі және жексенбі күні жұмыс істеуге рұқсат берілді.
