Рөлде отырған ер адам

Көлік тізгіндеген 6 жасар бала әйелді қағып, мүгедек қылды: оқиғаның мән-жайы

1815
(Жаңартылды 17:14 21.01.2021)
Бүгінде арнайы құралсыз жүре алмайтын Дарина жарты жыл өтсе де, тергеу аяқталмағанын және нәтижесі көрінбейтінін айтады

НҰР-СҰЛТАН, 21 қаңтар – Sputnik. Рөлге отырған кішкентай бала әйелді ғана емес, оның екі баласын да қағып кеткен. Петропавл қаласының тұрғыны 6 жасар баланың ата-анасын жауапқа тартуды талап етіп отыр, деп хабарлайды Sputnik Қазақстан.

Оқиға өткен жылдың шілде айында болған. Содан бері Дарина Түгімбаеваға ота жасалды. Мүгедектігі расталып, жәрдемақы тағайындалды. Бірақ ол рөлге отырған баланың ата-анасына әділ жаза бермеді деп санайды. Сол себепті енді ғана әлеуметтік желідегі парақшасы арқылы барлық мән-жайды жариялап отыр. 

Посмотреть эту публикацию в Instagram

Публикация от Darina (@darina_armanovna)

Оның айтуынша, жол-көлік апаты 19 шілде күні кешкі уақытта болған. Сол күні олар отбасымен бірге Новокаменка ауылына жақын жерде Есіл өзеніне суға түсуге барған.

"Жолдасым соңғы рет суға түсіп аламын деп, өзенге қарай кеткен. Біз болсақ, сіңлім екеуіміз балаларды алдық та, отыратын жерімізге барып жайғастық. Сол кезде жанымызда серуендеп жүрген ер адамның балаларын мақтап жатқан дауысын естідім. Ол өз сөзінде балалары көлікті от алдыра алатынын, ауылға барар жолда жүргізгенін, тіпті, сол жерде көлге дейін және кейін жүргізіп қайта алатынын айтты. Дәл сол сөзі есімде қалып қойды", – деп жазды Түгімбаева.

Одан кейін "бері кел, қалай от алдыратынын көрсет" деген сөздерді де естіген. Бірақ Дарина сіңлісі екеуі оған мән бермеген. Себебі балаларға қарап отырған.

"Бірнеше минуттан кейін біздің артымызда тұрған көлік от алды. 6 жасар бала рөлде отырған машина маған қарай жүріп келе жатқанын көрдім. Арамызда бір-ақ метр болғандықтан, ештеңе істей алмадым. Балалар да, мен де көлік астында қалдық. Абырой болғанда балалар қатты жарақат алған жоқ. Ал мені тура жамбас тұсымнан басып өтіп, 3-4 метрдей сүйреді", – дейді Түгімбаева.

Жарты сағаттан кейін медициналық жедел жәрдем қызметі келіп, Даринаны ауруханаға алып кеткен. Ауруханада ортан жіліктің орнынан тайғаны және жамбастың бірнеше тұстан сынғаны анықталды. Содан Нұр-Сұлтан қаласында екі рет ауыр операция жасалған.

"Мен екі ай қозғалмай жаттым. Операциядан кейін үш ай бойы сол аяқты баса алмадым. Ал бес айдан кейін II дәрежедегі мүгедектікті тағайындады. Бүгінде арнайы құралсыз жүре алмаймын. Балдақты да тастамаймын. Жарты жыл өтті, тергеу әлі аяқталған жоқ. Нәтижесі көрінбейді. Айыпталушылар жағы адам сияқты кешірім де сұраған жоқ. Ал материалдық көмек жайында тіс жарып айтпады. Мен әділдікті қалаймын! Айыпталушы баласына қарамағаны үшін заң бойынша жауап беруі тиіс", – деп жазады Дарина.

Құзырлы орган қандай уәж айтады

Sputnik Қазақстан тілшісі Солтүстік Қазақстан облыстық полиция басқармасына хабарласып, осы оқиғаға қатысты қандай шаралардың қолға алынғанын сұрады.

Ресми мәліметке сәйкес, "Mercedes-benz E220" маркалы көліктің 35 жастағы жүргізушісі Әкімшілік құқық бұзушылық туралы кодекстің екі бабы (593 – "Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау" және 611 – "Жүргізушінің жол-көлік оқиғасына байланысты міндеттерді орындамауы") бойынша әкімшілік жауапкершілікке тартылды. Бұдан бөлек, Қылмыстық кодекс бойынша іс қозғалып отыр.

Оқи отырыңыз: Ата-анасынан айырылып, мүгедек болып қалды: павлодарлық әйелдің жантүршігерлік оқиғасы

"Аталған факті Қылмыстық кодекстің 349-бабы, 2-бөлігі ("Басқаруға құқығы жоқ жүргізушінің көлiк құралын басқаруына жол беру") бойынша сотқа дейінгі тергеудің бірыңғай тізіліміне енгізіліп, соның шеңберінде бірқатар қажетті сот сараптамалары тағайындалды және жүргізілді. Қылмыстық іс бойынша істің мән-жайын толық және объективті зерттеуді қамтамасыз етуге бағытталған тергеу әрекеттері жүргізілуде. Оның нәтижесі бойынша процессуалдық шешім қабылданады", – дейді полицейлер.

1815
Кілт сөздер:
Петропавл, таптап кетті
Тақырып бойынша
Көкшетауда кішкентай қызды құтқарған ер адам мүгедек болып қалды – видео
Солтүстік Қазақстанда көлік тоқтатып тұрған ауыл тұрғынын "ГАЗель" қағып кетті
Бұрынғы "Әлем аруын" автобус қағып кетті – ауруханада қайтыс болды
Петропавлда жолаушыны екі бірдей көлік қағып кетті: оқиғаның мән-жайы
Жамбыл облысында полицей қызметтік көлігімен әйелді қағып өлтірді
Полицей, архивтегі фото

Түркістанда жүргізуші полиция қызметкерін көлігімен сүйрей жөнелді видео

721
Ол мұндай әрекеті үшін миллиондаған айыппұл төлеп, қоғамдық жұмыстарға тартылуы немесе үш жылға дейін бас бостандығынан айырылуы мүмкін

НҰР-СҰЛТАН, 13 сәуір — Sputnik. Түркістан облысында полиция тәртіп сақшысын 30 метр қашықтыққа сүйреген жүргізушіге қатысты сотқа дейінгі тергеу жүргізіп жатыр.

Оқиға Жетісай ауданында болған. Жергілікті полиция қызметкерлері көшелердің бірінде патрульдеу кезінде терезесі қараңғыланған автокөлікті тоқтатқан, деп хабарлады Түркістан облысы полиция департаментінің баспасөз қызметі.

Құжат тексеру барысында патрульдік қызмет инспекторы полиция майоры Ертау Саурамбаев автокөлік терезесін қараңғылау неліктен заңға қайшы екенін түсіндіріп жатқан. Полиция қызметкері Әкімшілік құқық бұзушылықтар туралы кодекстің 590-бабының 5-бөлімі "Көлік құрадарын пайдалану ережелерін бұзу" бойынша әкімшілік хаттама толтырған. Аталған бапқа сәйкес көлік иесі 5 айлық есептік көрсеткіш (14,5 мың теңге немесе 4 доллар) көлемінде айыппұл төлеуге тиіс.

"Тәртіп сақшысы автомобиль иесінен көліктегі қараңғылайтын қабыршақты алып тастауды сұраған кезде жүргізуші талапқа бағынбай, жасырынбақ болған. Адам өміріне төнген қауіпке қарамастан, құқық бұзушы полиция қызметкерін автокөлікпен 30 метр қашықтыққа сүйрей жөнелген. Мұның барлығы патрульдік полицейдің бейнежетонына түсіп қалған", - деді департамент.

Нәтижесінде полиция Қылмыстық кодекстің 380-бабының 1-бөлімі – "Билік өкіліне қатысты күш қолдану" бойынша сотқа дейінгі тергеуді бастады. Бұл бап 3 000 АЕК (8,7 миллион теңге немесе 20 мыңнан астам доллар) көлемінде айыппұл төлеуді немесе үш жылға бас бостандығын шектеуді немесе дәл осы мерзімге бас бостандығынан айыруды қарастырады.

Заңға қайшы әрекет жасаған азаматтың көлігі айып тұрағына қойылды. Істің мән-жайын анықталып жатыр.

721
өлі балық

Ақтөбе облысында балық қырылды экологтар зерттеу жүргізеді

12
Балықтың жаппай қырылуы тіркелген су айдыны малды суару үшін қолданылады, жақын маңда өндірістік нысан жоқ

НҰР-СҰЛТАН, 13 сәуір — Sputnik. Суаттан бірнеше тонна өлі балық табылғаннан кейін экологтар Кузьмин тоғанындағы суға лабораториялық зерттеу жүргізетін болды.

Экология министрлігінің ақпараты бойынша, өлі балықтың жалпы салмағы 4 тоннаны құрады. Мөңке балықтарды жою бойынша жұмыстар ұйымдастырылды.

12 сәуірде балықтың жаппай қырылуы тіркелді. Бұл туралы хабарлама Экология, геология және табиғи ресурстар министрлігінің балық шаруашылығы комитетінің Тобыл-Торғай облысаралық бассейн инспекциясына келіп түсті.

Дәл сол күні инспекция мамандары ветеринарлық бақылау және қадағалау комитетінің Ақтөбе облыстық өңірлік инспекциясы және Ақтөбе облыстық табиғи ресурстар басқармасының қызметкерлерімен бірлесіп аталған тоғанға тексеру жүргізді.

"Лабораториялық зерттеу жүргізу үшін су мен балық сынамалары алынды. Алдын ала болжам бойынша балықтың жаппай қырылуына қыс мезгілінде су деңгейінің төмендігіне байланысты (1,0-1,5 метр) судағы оттегінің жетіспеушілігі себеп болған", - деп жазылған хабарламада.

Лабораториялық зерттеу жүргізілгеннен кейін балықтың жаппай қырылуының нақты себебі туралы хабарланады.

Кузьмин тоғаны Ақтөбеден 140 километр қашықтықта Қобды ауданындағы Жарсай ауылдық округінде орналасқан. Тоған аумағы шамамен 3 гектарды құрайды. Ол балық шаруашылығы суаттары тізіміне енбеген.

Суат малды суару үшін қолданылып келген. Оған жақын маңда өндірістік нысандар жоқ.

12
Кілт сөздер:
балық, Ақтөбе
Ан-26 ұшағының апатқа ұшыраған жері

"Кез келген сәтте тұтануы мүмкін еді": дәрігерлер ұшақ апаты кезінде қалай жұмыс істеді

8
(Жаңартылды 18:55 13.04.2021)
Осыдан тура бір ай бұрын Алматы әуежайына жақын маңда Ан-26 ұшағы апатқа ұшырады. Оқиға жайлы толығырақ Sputnik Қазақстан материалынан оқыңыз

НҰР-СҰЛТАН, 13 сәуір — Sputnik. 13 наурызда Алматы маңында апатқа ұшыраған ұшақтағы адамдарға алғашқы көмек көрсеткен жедел жәрдем қызметкерлері оқиғаның қалай болғанын және сол сәттегі өз сезімдері жайлы Sputnik Қазақстан тілшісіне айтып берді.

Алматы жедел жәрдем қызметі директорының міндетін атқарушы Пархат Надыров жедел жәрдем қызметкерлері апат болған орынға дабыл бойынша шұғыл жөнелтілгенін айтты. Жедел жәрдем қызметінің басшылығы жеке автокөлікпен тез арада оқиға орнына жеткен.

И.О. директора службы скорой помощи Алматы Пархат Надыров
© Sputnik/ Ольга Тонконог
Алматы жедел жәрдем қызметі директорының міндетін атқарушы Пархат Надыров

"Біз өте жылдам жеттік. Ол үшін жол полициясы қызметкерлеріне алғыс айтамын. Мен олардың көлігін көрген сәтте тоқтап, аты-жөнімді, қызметімді және шұғыл түрде әуежайға жету керектігімді жеткіздім. Дабыл бойынша біздің барлық ішкі қызмет жұмылдырылып, он бригада әуежайға бет алды. Жақын маңда орналасқан ауруханаларға апат салдарынан зардап шеккендерді жаппай қабылдауға дайын болуы туралы ескертілді. Себебі о баста түрлі ақпарат келді. Бірі ұшақ десе, екіншісі тікұшақ апатқа ұшырады деді. Тіпті кейбірі ұшақ аспанда жанып кеткенін айтты", - деп еске алды Пархат Надыров.

Қоршаудан секіріп өтіп, апат орнына жетті

Ол оқиға орнына жеткен кезде Алматы облысының жедел жәрдем қызметкерлері бірінші болып жеткенін көрген. Надыровтың айтуынша, олар қоршаудан секіріп өтіп, өрт сөндірушілер тілсіз жаумен күресіп жатқанда, фельдшерлер жанып жатқан ұшақтан екі зардап шеккен азаматты алып шыққан. Осыдан кейін қалалық жедел жәрдем қызметі жетіп, аман қалғандар №4 қалалық ауруханаға жеткізілген.

"Осы ретте фельдшерлердің ерлігін атап өткім келеді. Олар үйлесімді түрде әрекет етіп, ұшақпен бірге жарылып кетуден қорыққан жоқ. Айналада керосин төгіліп жатты. Ол кез келген сәтте тұтануы мүмкін еді. Өмірлерін қауіпке тікті. Мұның барлығы менің көз алдымда болып жатты", - дейді Алматы жедел жәрдем қызметі директорының міндетін атқарушы.

Ол дәл сол фельдшерлер бір кездері алматылық станциялардың бірінде жұмыс істегенін айтты. Алайда белгілі бір себептермен облысқа көшкен. Бірақ қайта ауысқылары келген.

"Мен оларды біздегі жедел жәрдем қызметіне шақырдым. Енді олар осында еңбек етіп жатыр. Бұл олар жайлы айтуға да, жазуға да тұрарлық батыр азаматтар", - деді Пархат Надыров.

Батыр фельдшерлер

Рахымжан Гаитов пен Абдрим Абдрашитов Алматының жедел жәрдем қызметінде бір айдан бері жұмыс істеп жатқанын растады.

Гаитов Рахимжан Аркинович
© Photo : из личного архива фельдшеров
Фельдшер Рахымжан Гаитов

Рахымжан Гаитов сол күні апат туралы қоңырау 17.50-де болғанын еске алды. Ең алдымен оның досы әрі әріптесі Абдрим Абдрашитов 10 бригада құрамында жолға шыққан. Одан кейін Гаитов мінген көлік жеткен.

"Ол келіп, зардап шеккен азаматқа көмек көрсетті. Пациентті алып кетті, мен сол жерде қалдым. Ұшақ құлаған орынға барып, тағы да зардап шеккендер бар-жоғын білу үшін кабинаға кірдім. Ол уақытта зардап шеккендердің бірін Алматы жедел жәрдемі, екіншісін менің досым мінген медицина көлігі алып кеткен болатын. Ол жерде тағы төрт адамның мәйіті жатты. Біз жеткен кезде Пархат Талғатұлы сонда болды, ол көмектесіп, нұсқау беріп отырды", - дейді фельдшер.

Рахымжан Гаитов түнгі сағат 10-ға дейін оқиға орнында кезекшілікте болған.

Абдрашитов Абдрим Зунунбекович
© Photo : из личного архива фельдшеров
Абдрим Абдрашитов

"Апат жайлы хабарлама келген кезде біз қайда бара жатқанымызды және не істеу керек екенімізді білдік. Сондықтан жедел іске кірісіп, ештеңені ойламастан, алғашқы көмек көрсетіп, адам өмірін құтқару керек болды. Осыны ғана ойладым", - деп еске алды Рахымжан Гаитов.

Ал Абдрим Абдрашитов ол келген кезде ұшақтағы өрт сөндірілгенін айтты. Ол зардап шеккен азаматты ауруханаға жеткізген. Қалған бригадалар апат орнында жұмыс істеу үшін қалған.

"Әдеттегідей қоңыраудан кейін жеттік. Ұшақ күнде құлап жатпаса да, біз көңіл-күй мен сезімді екінші орынға ысырып қоямыз. Біз Пархат Талғатұлының жетекшілік етуімен өте жылдам әрекет еттік. Көмек көрсеттік. Мен өз көңіл-күйім жайлы ойлаған жоқпын. Мен үшін ең бастысы кәсіби міндетімді атқару болды", - деді фельдшер.

Айта кету керек, фельдшерлер толық жазылғаннан кейін ұшқыштармен кездескілері келетінін айтты.

Алматы маңындағы ұшақ апаты

Сенбі, 13 наурызда Алматы әуежайының маңындағы Қызыл Ту ауылының іргесіне әскери ұшақ апатты жағдайда қонуға мәжбүр болған. Алайда Ан-26 ұшағы қону алаңына жақындағанда отқа оранып құлады.

Оқи отырыңыз: Әскери ұшақ апаты: оқиға орнынан түсірілген видео

Ұшақ бортында алты адам болған. Төрт әскери қызметші оқиға орнында қаза тапты. Олар: аға лейтенант Досжан Баймұратов, сержант Евгений Васильков, лейтенант Мұхтар Сағынбаев және майор Ғабит Барлықбаев.

Екі әскери ғана аман қалды. Олар апат орнынан №4 қалалық клиникалық ауруханаға шұғыл түрде жеткізілді. Ұлттық қауіпсіздік комитеті апатқа ұшыраған әуе көлігі ведомствоның авиация қызметіне қарасты екенін растады. Қазір ҰҚК оқиғаның анық-қанығын анықтап тергеу жүргізуде.

8
Кілт сөздер:
Алматы, ұшақ апаты
Тақырып бойынша
Алматы маңында құлаған ұшақ "қара жәшігін" тексеру басталды
Қазақстанда ұшақ апатынан көз жұмған әскерилерді жерлеу рәсімі өтті
Алматы түбіндегі ұшақ апаты: аман қалған екі әскери қызметкер есін жиды
Алматы түбінде ұшақ апатынан қаза болған әскеридің жұбайы: Әлі есеңгіреп тұрмын