Коронавирусқа қарсы вакцина

Алматыда 1300-ден аса медицина қызметкеріне вакцина салынды

47
Алматы қаласындағы әр ауданда вакцина салдыруға арналған екі кабинет бар. Барлығы талапқа сай жасақталған

АЛМАТЫ, 9 ақпан – Sputnik. Алматыда вакциналаудың бірінші кезеңінде 1 300-ден астам медицина қызметкері вакцина алды. Бұл туралы қалалық қоғамдық денсаулық басқармасының эпидемиолог маманы Эльвира Ибрагимова мәлімдеді, деп хабарлайды Sputnik Қазақстан тілшісі.

"Алматыда 1 315 медицина қызметкері вакцинаның алғашқы компонентін алды. Екінші компонент бір аптадан кейін келеді,  21 ақпанда бірінші дозаны алған қызметкерлерге екінші компоненті салынады. Бірінші кезеңде инфекциялық ауруханалардың, көпбейінді ауруханалардың қабылдау бөлімі, жедел жәрдем қызметі мен санитарлық-эпидемиологиялық қызметтің медицина қызметкерлері вакцина алды", - деді Ибрагимова.

Айтуынша, қаладағы әр ауданда вакцина салдыруға арналған екі кабинет бар. Барлығы талапқа сай жасақталған.

Сонымен қатар маман вакцинадан кейін дене қызуы көтерілуі заңдылық екенін айтты.

"Кез келген вакцинаға ағза реакция береді. Эпидемиолог дәрігер ретінде мен де вакцина салдырдым. Жеке тәжірбиемнен айтайын, егуден кейін дене қызуым көтерілді. Бұл бір күнге жалғасты. Келесі күні өзімді жақсы сезіндім. Мұндай әсер кез келген вакцинадан кейін болады. Ал Алматы қаласы бойынша вакцина салдырғаннан кейін жанама әсер тіркелген жоқ", - деді маман.

Сонымен қатар маман қазірдің өзінде вакцина салдыруға ниетті тұрғындардың көбейгенін айтты. Айтуынша, шамамен вакциналаудың екінші кезеңінен бастап олар да вакцинаны ерікті түрде салдыра алады.

"Қазірдің өзінде вакцина салдыруға ниетті адамның көп екенін байқап отырмыз. Біз алдымен медицина қызметкерлеріне салудан бастадық. Қазір бұл мәселе талқыланып жатыр. Медицина қызметкерлеріне вакцина салынғаннан кейін полицейлер мен мұғалімдерге салынады. Жалпы екінші кезеңнен бастап халықтың басқа топтарына да вакцина салынуы мүмкін", - деді Ибрагимова.

Оқи отырыңыз: Қазақстанда 1 ақпаннан халықты вакциналау басталды - маңызды 10 сұрақтың жауабы

Айта кетейік, 1 ақпанда Қазақстанда коронавирусқа қарсы "Спутник V" вакцинасын салу науқаны басталды.

Вакцина инфекцияны жұқтыру және тарату қаупі жоғары халықтың осал топтарына кезең-кезеңмен салынады. Олардың ішінде медицина қызметкерлері, педагогтар, құтқарушылар, полицейлер, әскерилер, созылмалы ауруы бар адамдар бар. Екпе тегін және ерікті түрде егіледі.

Ресейде өндірілген "Спутник V" вакцинасының бірінші партиясы Қазақстанға 31 қаңтарда 22 мың доза мөлшерінде жеткізіліп, барлық аймаққа таратылды.

47
Кілт сөздер:
медицина, вакцина, Алматы
Тақырып:
COVID-ке қарсы вакцина (103)
Тақырып бойынша
Мәжіліс депутаттары коронавирусқа қарсы вакцина салдырды
Вакцина салдырған қазақстандықтарға QR-код беріледі
Вакцина салдырғаннан кейін маска тақпауға бола ма – вице-министр жауабы
Дариға Назарбаева қандай вакцина салдыратынын айтты
Коронавирусқа қарсы вакцина кейбір адамдарға көмектеспейді – вирусолог түсініктеме берді
Шымкент қаласы

Шымкенттің бас санитар дәрігері жаңа қаулы шығарды

21
(Жаңартылды 19:09 05.03.2021)
Бұған дейін қаланың бас санитары ас беру шараларын өткізуге рұқсат берген. Бірақ ғимаратты 30 проценттен артық толтыруға және 50 адамнан көп жиналуға тыйым салынады

НҰР-СҰЛТАН, 5 наурыз – Sputnik. Шымкент қаласының бас мемлекеттік санитарлық дәрігері Әбдіманап Түлебаев жаңа қаулыға қол қойды, деп хабарлайды Sputnik Қазақстан санитарлық-эпидемиологиялық бақылау департаментінің ресми сайтына сілтеме жасап. 

"Шымкент қаласының аумағында 2021 жылдың 8 наурызы сағат 00:00-ден бастап 2021 жылдың 29 наурызы сағат 00:00-ге дейін карантин және шектеу шаралары ұзартылсын", - делінген құжатта. 

Айта кетейік, бұған дейін қаланың бас санитары ас беру шараларын өткізуге рұқсат берген. Бірақ ғимаратты 30 проценттен артық толтыруға және 50 адамнан көп жиналуға тыйым салынады. Басқа шараларды, соның ішінде еске алу, туған күн, мерейтой, құдалық, беташар және тойды өткізуге болмайды.

Ашық алаңда және ғимаратта орналасқан қоғамдық тамақтану нысандарын 50 процентке дейін толтыруға рұқсат беріліп отыр. Алайда жалпы адамдар саны 50-ден аспауы тиіс. Балаларға арналған ойын-сауық орталықтары да жұмыс істейді. Адам санына қарай шектеу бар.

Жанар-жағармай станциялары мен ондағы дүкендер, автоэкспресс, автожуу, көліктер, сағаттар, телефондар, компьютерлер мен аяқкиім жөндеу, тігін ательесі, кір жуу, химиялық тазалау, кілттерді жасау, қонақ үйлер, шипажайлар, демалыс үйлері мен туристік базалар қалыпты режимде жұмыс істейді.

Бұдан бөлек, спорттық шаралар өткізуге рұқсат беріліп отыр. Бірақ көрермен саны ғимарат сыйымдылығының 20 процентінен аспауы қажет. Ал кеңсе қызметкерлерінің 30 проценті қашықтан жұмыс істеуге көшірілуі шарт.

Ресми мәліметке сәйкес, осы уақытқа дейін республика бойынша коронавируспен 216 467 адам тіркелген. Соңғы бір тәуліктің ішінде ПТР-тест арқылы тағы 857 адамның инфекция жұқтырғаны анықталды. Соның ішінде Шымкент қаласында тіркелген 27 науқас бар.

 

21
Тақырып:
Коронавирус эпидемиясы
Тақырып бойынша
Полиция Шымкентте жұртты шошытқан жағдайға байланысты түсініктеме берді
Шымкентте куәгерлер "қыз алып қашқандарды" видеоға түсіріп алды
Шымкентте 41 жастағы әйел оныншы рет сәбилі болды
Вакцинаның әсері: Цой эпидемиологиялық жағдайға болжам жасады
Шымкентте із-түзсіз жоғалып кеткен оқушы қыз табылды
Алтын құймасы

Ақмола облысында ірі мөлшерде алтын ұрланды полиция істің мән-жайын жариялады

1049
Қазіргі кезде Қылмыстық кодекстің 188-бабы, 4-бөлігі бойынша сотқа дейінгі тергеу шаралары жүргізіліп жатыр

НҰР-СҰЛТАН, 5 наурыз – Sputnik. Ақмола облысында "Қазақалтын" компаниясына тиесілі 122 миллион теңгенің алтыны ұрланды, деп хабарлады облыстық полиция департаменті.

Ресми мәліметке сәйкес, 2 наурызға қараған түні "Қазақалтын" тау-кен комбинатында катодтық алтын ұрлап кеткен. Компанияға ірі көлемде шығын келді.

Қазіргі кезде Қылмыстық кодекстің 188-бабы, 4-бөлігі (ұрлық) бойынша сотқа дейінгі тергеу шаралары жүргізіліп жатыр. Шығынның жалпы көлемі 122 миллион теңгені құрап отыр.

"Осы іске қатысты адамдарды анықтау мақсатында арнайы шұғыл тергеу тобы құрылды. Оның құрамына криминалды полиция мен тергеудің тәжірибелі мамандары еніп отыр", – дейді полицейлер.

Оқи отырыңыз: Айдос Сарым жұрттың ашуын келтірген депутаттық төсбелгінің неге қымбат екенін түсіндірді

1049
Кілт сөздер:
Ақмола облысы, ұрлық
Тақырып бойынша
"Алтын қима": сұлулық қалай өлшенетінін білесіз бе – фото
Қазақстандық оқушылар халықаралық олимпиададан алтын медаль жеңіп алды
Қазақстандықтар 2020 жылы 21 мыңнан астам алтын құйма сатып алған
"Қара" алтын іздеушілер: кеніштердегі заңсыздарға тосқауыл болатын не
Қазақстандық миллиардер Абрамовичтен 900 млн долларға не сатып алғаны жарияланды