НҰР-СҰЛТАН, 9 ақпан – Sputnik. Сәрсенбі, 10 ақпанда елдің басым бөлігінде ауа райы құбылмалы болады. Бұл атмосфералық фронттар өтуімен байланысты.

Солтүстікте қар жауады, оңтүстік те де жауын-шашын болады, деп хабарлады "Қазгидромет".

Дабылды ескерту

Атырау облысында тұман, көктайғақ болып, оңтүстік-шығыстан соққан жел жылдамдығы секундына 15-20 метрге жетеді.

Батыс Қазақстан облысында боран, тұман, көктайғақ болады деген болжам жасалып отыр. Жел жылдамдығы - 15-20 м/с.

Ақмола облысында бұрқасын болады. Солтүстік-батыстан соққан желдің жылдамдығы - 15-20 м/с.

Маңғыстау облысында - тұман, көктайғақ. Желдің екпіні 15-20 м/с-ке жетеді.

Солтүстік Қазақстан облысында да бұрқасын мен тұман болады. Желдің жылдамдығы - 15-20 м/с.

Қарағанды облысында жел күшейеді (15-20 м/с) көктайғақ, тұман және боран.

Ірі қалалардағы ауа райы

Елордада 10 ақпанда күндіз минус 21-23 градус, желдің жылдамдығы - 9-14 м/с, күндіз екпіні секундына 15-20 метрге жетеді. Түнде ауа температурасы 27-29 градус суық.

Алматыда жауын-шашын болуы мүмкін. Күндіз плюс 2-4 градус, жел жылдамдығы 2-7 м/с. Түнде 2-4 градус жылы.

Шымкентте жаңбыр жауады. Күндіз 7-9 градус жылы, жел жылдамдығы 8-13 м/с. Түнде -1+1 градус.

НҰР-СҰЛТАН, 8 наурыз – Sputnik. Қостанай облысы полиция департаментінің бастығы Бекет Аймағамбетов 8 наурызға қараған түні Қостанай полициясының қызметкері жасаған қылмыстың жай-жапсарын баяндады. Жанжалдасқан екеу сыныптас екені анықталды.

Облыс полициясының бастығы қарсыласын тіркелген қарумен атып тастаған қызметкердің департамент құрылымында басшылық қызмет атқармағанын, қарапайым бағдарламашы болғанын атап өтті. Ол қақтығысқа не себеп болғанын да хабарлады.

"Екі сыныптастың арасында жанжал шыққан. Ол оннан астам адам тіркелген чатта жалғасқан. Бағдарламашыға сыныптасы қоқан-лоқы жасаған", - деп жазды Аймағамбетов өзінің Facebook парақшасында.

Оның айтуынша, полицейдің сыныптасы оған қарулы адамдар жібергенін айтып, өлтіремін деп қорқытқан. Ондай хабарламаны бірнеше рет жазған.

"Бұрын сотталған сыныптас ішімдік ішіп, 8 наурызда түнгі сағат үш шамасында танысымен бірге полицейдің үйіне келген. Ол оған тағы да қоқан-лоқы жасаған. Өзінің атына тіркелген қаруды алып шыққан полицей оқ атқан, жәбірленуші көз жұмды", - деді Қостанай облысы полиция департаментінің бастығы.

Аймағамбетов қазіргі уақытта полиция қызметкері қамауға алынғанын хабарлады.

Қазақстан Қылмыстық кодексінің 99-бабы 1-бөлігі – "Адам өлтіру" бойынша сотқа дейінгі тергеуден бөлек, ішкі қауіпсіздік басқармасының қызметкерлері қызметтік тексеріс жүргізіп жатыр. Іс ерекше бақылауға алынды.

Оқи отырыңыз: Қостанайда ер адам құрдасын өлтірді - полицей ұсталды

Еске сала кетейік, бұған дейін 8 наурызға қараған түні Қостанайдағы Тәуелсіздік көшесінде ер адам ерегіскен қарсыласын атып өлтіргені хабарланған болатын.

Кейін күдіктінің құқық қорғау органының қызметкері екені белгілі болды. Егер оның кінәсі дәлелденсе, сегіз жылдан он бес жылға дейінгі мерзімге бас бостандығынан айырылуы мүмкін.