Данияр Әбдіразақ

"Әр түп миллиондап табыс әкеледі": жамбылдық жігіт лимон өсіріп жатыр

181
Меркі ауданының тұрғыны бір жыл бұрын лимон егуді қолға алып, 25 түп отырғызған. Бір жылдың ішінде әр ағаш 4-5 жеміс берді. Енді ол бірнеше жылдан кейін әр ағаштан миллиондап табыс табуды жоспарлап отыр

АЛМАТЫ, 10 ақпан – Sputnik. Лимон егіп, миллиондап пайда табуға болады. Алайда оған қомақты қаржы мен шыдам керек. Себебі бұл өсімдік бірден өнім бермейді. Бұл – Жамбыл облысы Меркі ауданы Ақтоған ауылында тұратын 27 жастағы Данияр Әбдіразақтың пікірі. Ауыл тұрғыны ауласына жылыжай салып, лимон өсіріп отыр. Цитрус өнім бергенше шығынды жабу жолын да тапқан.

Sputnik Қазақстан тілшісі Даниярдың бақшасына барып, кәсібінің қыр-сырымен танысты.

Лимонмен миллионға

Алматыда бакалавр мен магистратураны тәмамдаған соң Данияр жеті ай Оңтүстік Кореяда тағылымдамадан өткен. Аула ішіне жылыжай салып, лимон егу туралы ой сол кезде келген. Оңтүстік Кореяда шетелдіктердің тау мен тастың арасында жылыжай салып, өнім алып отырғанын көрген соң бар жиған-тергенін осы кәсіпке салыпты.

Лимонның бір түбі 50-60 келі өнім береді
© Sputnik / Александр Мироглов
Лимонның бір түбі 50-60 келі өнім береді

"Біздің аймақтағы ауа райы Кореядағы жағдайға ұқсайды. Ол жақта ылғал жоғары, ал бізде жер құнарлы. Бұл кәсіппен қатар мал шаруашылығымен айналысамын, сондықтан арнайы тыңайтқыш қажет емес. Малдың тезегі бар. Корея таулы аймақта орналасқан, ешқандай бос жатқан жер жоқ. Тау мен тастың арасында жылыжай өсіріп отыр. Сондай сәтте неге біздің кең байтақ жерге өсірмеске деген ой келді", - дейді Данияр.

Айтуынша, ауылға келіп, бұл кәсіпті бастауына отбасылық жағдайы да себеп болған.

"Үйдің кенжесі болған соң үш жыл бұрын ауылға келдім. Әке-шешемнің жанында болу парызым ғой. Содан кейін лимон өсіру ісін қолға алдым. Бұл бастамамды бизнес жоба ретінде қорғап, кәсіпкерлікті қолдауға бағытталған 2,5 миллион теңге грант ұттым", - дейді ол.

Жылыжайды салуға да екі миллион теңгеден астам қаражат кеткен. Оның қабырғасы пластиктен жасалған, төбесі целлофанмен жабылған. Даниярдың сөзінше, пластикті ауыстырып отырудың қажеті жоқ, себебі ол 40 жылға шыдайды. Ал целлофанды екі жылда бір рет өзі ауыстырып отырады.

Қыс мезгілінде жылыжайдағы температура 0 градустан түсіп кетпеуі керек
© Sputnik / Айгерім Таубай
Қыс мезгілінде жылыжайдағы температура 0 градустан түсіп кетпеуі керек

Даниярдың лимон еккеніне бір жылдан асты. Әзірге ол айтарлықтай мол өнім бермейді. Ал жылыжайды көмірмен жылыту керек. Жарық пен суға да ақша кетеді. Сол шығынды өтеу үшін лимон ағашының ортасына қияр егеді.

"Әзірге 25 түп отырғыздым. Ташкенттен әкелінген лимонның әр түбі 4 500 теңге болды, бұған үйге дейін жеткізу құны да кіреді. Лимон қазір өнім бермейді, 5 жылдан кейін бір түбі 50-60 келі өнім береді. Қазір лимонның бір келісі 1000 теңге тұрады. Демек, әр түп миллиондап табыс әкеледі", - дейді Данияр.

Айтуынша, лимон өсірудің қиярмен салыстырғанда жұмысы аз.  Лимон алма ағашы сияқты өседі. Тек қыстыгүні температура 0 градустан түсіп кетпеуі керек.

Фермер жарық пен судың шығынын өтеу үшін лимон ағашының ортасына қияр егеді
© Sputnik / Айгерім Таубай
Фермер жарық пен судың шығынын өтеу үшін лимон ағашының ортасына қияр егеді

"Қиярдан алғашқы өнімді 2019 жылдың соңында жинап алдым, сол кезде бірінші рекордымды орнаттым – бір маусымда осы жылыжайдан үш тонна қияр алдым. Бұл жер көмірмен жылиды. Көмірді жылына 150-200 мың теңгеге түсірсем, қиярдан 400 мың теңге табыс бар. Ар жағындағы 200 мың кішкене болсын менің тапқан пайдам", - дейді ол.

Бәсеке бизнесті дамытады

Данияр лимонның бірнеше жылдан кейін өнім беретініне сенімді. Алайда ол бос отырмай лимон ағашының арасына құлпынайдың "Альбион" сортын отырғызбақ. Сондай-ақ, ауласына 3 жыл бұрын отырғызған 60 түп алма ағашы да өнім беруге дайын.

Ташкенттен әкелінген лимонның әр түбі 4 500 теңгеге түскен
© Sputnik / Айгерім Таубай
Ташкенттен әкелінген лимонның әр түбі 4 500 теңгеге түскен

Лимон кәсібі табысты екеніне көзі жеткен соң ауыл тұрғыны жылыжай аумағын кеңейтуге ниетті. Алайда өзінің 23 соттық жері жетпейтіні анық. Ал көршілері көкөніс егуге жерін бергісі келмейді.

"Келешекте бұдан да көп жерге егу жоспарда бар. Алайда аулада бос жатқан жер жоқ. Мысалы әр көршімде 25 соттық жер бар. Бәрі 5-6 жылдан бері бос жатыр. Үш көршімнен бос жатқан жерге бірдеңе егейін, беріңдер деп сұрадым. Ақшасын төлейін дедім. Бермеді. Бірақ өздері де ештеңе екпейді", - деп күлді Данияр.

Даниярдың ауласында бұдан бөлек ірі қара мен 90 бас тауық бар. Ауыл шаруашылығына дендеп кіріскен Данияр Әбдіразақ келешекте басқа да экзотикалық жемістерді өсіруге ниетті. Алайда дәл қазір қай жемісті таңдайтынын нақты шешпеген.

Даниярдың ауласында бұдан бөлек ірі қара мен 90 бас тауық бар
© Sputnik / Айгерім Таубай
Даниярдың ауласында бұдан бөлек ірі қара мен 90 бас тауық бар

Осыдан үш жыл бұрын Меркіде лимон өсіретін бірде-бір адам болмаған. Даниярдан кейін бұл істі тағы 4-5 адам қолға алыпты. Ал Данияр бәсекелестік болған жерде бизнес дамитынын, жерлестеріне көмектесуге әрқашан дайын екенін айтты.

181
Қостанай облысында малшы құтқарылды

Қар астында көміліп жатқан: бір апта бұрын жоғалған малшы табылды - видео

1794
(Жаңартылды 18:00 27.02.2021)
Жергілікті шаруашылықтардың бірінде малшы болып істейтін 49 жастағы ер адам жылқыларды іздеуге шығып, адасып кеткен

НҰР-СҰЛТАН, 27 ақпан – Sputnik. Қостанай облысында бір апта іздестірілген малшы аман табылды, деп хабарлады төтенше жағдайлар министрлігінің баспасөз қызметі.

Амангелді Тұржанов 20 ақпанда Амангелді ауданында жоғалып кеткен. Ол түнде жылқыларды іздеуге шыққан.

"Іздеу жұмыстарына елуге жуық адам қатысты, бұл полицейлер, құтқарушылар және жергілікті тұрғындар. Сондай-ақ 49 жастағы ер адамды іздеуге 26 ақпанда Нұр-Сұлтаннан тікұшақ жіберілді. Тікұшақтан жылқыны көрдік, оның жанынан ер адам табылды. Ол қар басқан қамыстың астында жатып аман қалған", - дейді құтқарушылар.

Лошадь, которая была с пастухом
© Photo : МЧС Республики Казахстан
Құтқарылған малшының жылқысы

Ауыл тұрғыны құтқарылғаннан кейін медициналық көмек көрсету үшін Жезқазғанға жеткізілген.

Айта кетсек, бұған дейін тағы бір Қостанай тұрғыны Федор Попов Ақтөбеден қайтып келе жатқанда өлім құша жаздаған болатын. Ол құтқарушыларды қар құрсауында бір тәуліктен аса уақыт күтті. Ер адам көп қозғалғанның арқасында аман қалған.

1794
Бала, архивтегі сурет

СҚО тұрғыны 10 жасар баланы зорлады деген күдікке ілінді - оқиғаның мән-жайы

1479
(Жаңартылды 14:01 27.02.2021)
Полицияда кәмелеттік жасқа толмағандарға жыныстық сипаттағы қылмыс жасау ерекше бақылауда екенін атап өтті. Аса ауыр қылмыс санатына жатады

ПЕТРОПАВЛ, 27 ақпан — Sputnik. Солтүстік Қазақстан облысында 16-дағы бозбала 10 жасар баланы зорлады деген күдікке ілінді, деп хабарлайды Sputnik Қазақстан.

Жәбірленушінің тәтесі кінәліні жазалауды талап етіп, үндеу жариялады.

"Мен Ясновка ауылының тұрғынымын. 10 жасар бауырымды 16 жастағы бозбала зорлады. Явленка аудандық полиция бөлімі арызды жанжалмен қабылдады. Петропавл қаласында сараптама тағайындалды. Бауырымды тексерген кезде жәбірлеу фактісі анықталды. Енді қорытындыда еш жағдай болмағаны айтылған", - деді әйел.

Оның айтуынша, бозбаланың өзі зорлық болғанын мойындаған. Әйел іс тоқтап қалып, күдікті тиісті жазасын алмайды деп қорқады.

Солтүстік Қазақстан облысы полиция департаментінің тергеу басқармасы қылмыстық іс қаралып жатқанын хабарлады.

Тиісті сараптама тағайындалған, сотқа дейінгі тергеу жүріп жатыр. Полицияда кәмелеттік жасқа толмағандарға жыныстық сипаттағы қылмыс жасау ерекше бақылауда екенін атап өтті. Аса ауыр қылмыс санатына жатады.

Болған жағдайды айтып, қоғамдық резонанс тудырған әйел де қылмыстық жауапкершілікке тартылуы мүмкін. ҚК 423-бабы 1-бөлігіне ("Сотқа дейінгі іс жүргізудің немесе жабық сот талқылауының деректерiн жария ету") сәйкес, 2 АЕК (1 АЕК - 2 917 теңге)  айыппұл салынады немесе 2 жылға дейін бас бостандығын шектеу немесе осы мерзімге бас бостандығынан айыру жазасы қарастырылған.

1479
Кілт сөздер:
зорлық-зомбылық, жасөспірім, СҚО
Тақырып бойынша
Алматы облысында екі мұғалім оқушы қыздарды зорлады деп айыпталып жатыр
Үштөбеде оқушыны зорлады деген күдікке ілінген мұғалімдерге қатысты ақпарат жарияланды
Екібастұздық блогер бала зорлады деген күдікпен қамалды – видео
Танысын зорлады: Алматыда бұрынғы прокурор мен банк менеджері сотталды
Әлемге әйгілі актерге әйел зорлады деген айып тағылды – БАҚ
Нұр-Сұлтан

Қазақстанда 28 ақпанда қандай маңызды оқиғалар болады

5
(Жаңартылды 18:23 27.02.2021)
Sputnik Қазақстан 28 ақпан мен 1 наурыз аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

28 АҚПАНҒА ЖОСПАРЛАНҒАН ШАРАЛАР

АЛМАТЫ  

10.30 – Бэби - "Приключение в лесу" спектаклі ("Жас сахна" театры, Абай даңғылы 117).

10.30 – Бэби – "Коза-Дереза" спектаклі (Алматы қаласы Мемлекеттік қуыршақ театры, Пушкин көшесі, 63).

11.00 – "Туған күн" спектаклі (Ғабит Мүсірепов атындағы театр, Абылай хан даңғылы, 38).

11.00 – Бэби – "Сиқырлы қала" спектаклі ("Трансформа" кеңістігі, Байзақов көшесі, 280).

12.00 – "Ақшақар" спектаклі ("Жас Сахна" театры, Абай даңғылы 117).  

12.00 - "По-щучьему веленью" спектаклі (La Boheme театры, 2-павильон, Зенков көшесі, 24).

12.00 – "Красавица и Чудовище" спектаклі (Н. Сац атындағы театр, Шаляпин көшесі, 22).

14.00 – "Көңілді қонжықтар" спектаклі (Алматы қаласы Мемлекеттік қуыршақ театры, Пушкин көшесі, 63).

18.00 – "Сыныптастар. Өмір сабақтары" спектаклі ("Жас Сахна" театры, Абай даңғылы 117).

18.00 - "Лист подарочной бумаги" спектаклі (Республикалық неміс драма театры, Папанин көшесі, 70/1).

18.30 – "Телғара (Жас Абай)" спектаклі (Ғабит Мүсірепов атындағы театр, Абылай хан даңғылы, 38).

18.30 – "Жүз жылдық махаббат" спектаклі (Әуезов атындағы драма театр, Абай даңғылы, 103).

19.30 - "Дипфейк" спектаклі ("Трансформа" кеңістігі, Байзақов көшесі, 280).

20.00 – "Любовь это... COSTя" спектаклі (BUNKER ART-баспана, Досмұхамедов көшесі, 78а).

1 НАУРЫЗҒА ЖОСПАРЛАНҒАН ШАРАЛАР

НҰР-СҰЛТАН

11.00 –"Мал ұрлығымен күрес" тақырыбында ішкі істер министрлігінің онлайн брифингі. Спикер: Таев Думан Ашкенұлы – Қазақстан ІІМ криминалдық полиция департаментінің бастығы.

11.00 – Алғыс айту күніне арналған "Қазақ еліне мың алғыс!" монументінің жанында салтанатты түрде алғыс айту рәсімі. Іс-шараға Қазақстан халқы Ассамблеясының мүшелері, Қазақстан парламенті мәжілісінің депутаттары, этномәдени бірлестіктердің өкілдері, қоғам қайраткерлері, жастар, елорда тұрғындары мен қонақтары қатысады. Салтанатты шара аясында ҚХА жастар қанатының өкілдері сөз сөйлейді. Журналистер аккредитациядан өтуі керек: Ботагөз Жақсымбетова 8771 555 44 89, Данагүл Амантай 8747 688 09 62 (Түркістан көшесі – Бұқар жырау көшесінің бұрышы).

11:00 - Алғыс айту күніне арналған "Мың алғыс саған, ұлы далам!" халықаралық дөңгелек үстелі. Іс-шараға отандық және шетелдік ғалымдар, ұлтаралық қатынастар саласындағы зерттеушілер, сарапшылар, этно-мәдени бірлестіктердің өкілдері қатысады. Дөңгелек үстел Қазақстан Республикасының Тұңғыш Президенті – Елбасы кітапханасы музейінің жаңа ғимаратында (Ә. Бөкейхан к-сі, 1А) өтеді. Аккредитация бойынша мына нөмірлерге хабарласу керек: +7 /7172/ 69 30 53, +7 /7172/ 69 30 57.

АЛМАТЫ

12.00 – "COVID-19 пандемиясы кезінде Алматы қаласының тұрғындары мен медицина қызметкерлерінен өтініш қабылдау үшін "Қауырт желі" телефонының жұмысын ұйымдастыру" тақырыбында баспасөз конференциясы. Баспасөз конференциясының спикерлері: Бақыт Түменова, "Аман-саулық" ҚҚ президенті, Зүлфия Байсақова, Алматы қаласы Қоғамдық кеңесі жанындағы әлеуметтік әл-ауқат мәселелері жөніндегі комиссияның төрағасы. Баспасөз конференциясына жеке қатысу үшін журналистер Қазақстан баспасөз клубына шақырылады (карантиндік шектеу 10 адам. Алдын ала аккредиттеу арқылы ғана кіруге болады). Аккредитация мәселелері бойынша мына телефонға хабарласыңыз: 87017490200, Әсел Берімжарова (Самал-2 ықшам ауданы, 58 үй, бірінші кіреберіс, 2-қабат. Трансляция: https://www.facebook.com/KazakhstanPressClub).

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

5