Зорлық-зомбылық

Ақтау тұрғыны өзін зорламақ болғандардың қылмысын дәлелдей алмай жүр

289
(Жаңартылды 11:15 11.02.2021)
Ақтауда екі жыл бұрын таксист пен оның досы бойжеткенді соққыға жығып, тонаған және зорламақ болған

НҰР-СҰЛТАН, 11 ақпан – Sputnik. Ақтау тұрғыны Анастасия Елхимова екі жыл бойы әділдік іздеп, күдіктілерді жауапқа тарта алмай жүр. Ол таксиге отырған кезде өзіне шабуыл жасалғанын айтуда. Бірақ, арада біраз уақыт өткен соң, істің жабылғаны анықталып отыр, деп хабарлайды "Астана" телеарнасы.

2019 жылдың шілде айында ол құрбысының үйінен шығып, танымал мобильдік қосымша арқылы үйіне қайту үшін такси шақырады. Көлікте жүргізушіден бөлек тағы бір ер адам болған. Анастасия бұған еш мән бермей, көлікке отырады. Бірақ, біршама уақыттан кейін көліктің басқа бағытқа қарай бұрылғанын байқайды. Сол уақытта екі ер адам оған шабуыл жасаған. Бойжеткен қарсылық көрсетіп, сытылып шығады. Алайда, таксиде ұялы телефоны мен ақшасы қалып кетеді.  Тартыс кезінде оның құлағынан түсіп қалған сырға дәйекзат ретінде қарастырылған.

Анастасия бірден полицияға шағымданған соң, зорлауға әрекет ету фактісі бойынша іс қозғалды. Жәбірленушіден бес тергеуші жауап алғанына қарамастан, олар таксист пен оның досының қылмысын әшкерелейтін дәлел таппаған. Құқық қорғау қызметкерлері көше камераларындағы жазбаларды да алмаған. Анастасия "қылмыс құрамының жоқ болуына" байланысты істің жабылғанын естіген. Бұл жөнінде оған хабарламағаны тағы бар.

"Мен олардың бір-біріне қарап жымиғанын көрдім. Себебі, олардың дос екенін және түрмеге отырмаудың бір амалын табатынын естідім. Ол өз жауабын сегіз рет өзгертті", - дейді Анастасия Елхимова.

Бірақ, Ақтау тұрғыны қол қусырып отырмақ емес. Заңгерлер де жабылған істі қайта қозғауға болатынын айтты

"Қылмыстық-процестік кодекстің 106-бабына сәйкес, кез келген тұлға істің жабылуына сот тәртібінде шағымдана алады. Тергеу соты қабылданған шешімнің қаншалықты заңды екеніне қатысты шектеулі мерзім ішінде баға беруі керек", - дейді заңгер Алексей Божков.

289
Кілт сөздер:
қылмыс, Ақтау
Жол апатынан үш адам қаза болды

Атырау облысында жеңіл көлік пен автобустың соқтығысуынан үш адам қаза болды

91
"Жол қозғалысы ережесін бұзу" бабы бойынша қылмыстық іс қозғалды. Бұл бап бес жылдан он жылға дейінгі мерзімге бас бостандығынан айыру жазасын қарастырады  

НҰР-СҰЛТАН, 19 маусым – Sputnik. Атырау облысында жол апатынан үш адам көз жұмды.

"Ақ Жайық" сайтының хабарлауынша, жол апаты жұма күні, 18 маусымда күндіз болған. Күндізгі сағат төрт шамасында Доссор-Құлсары тасжолында Toyota Camry жолаушылар автобусымен соқтығысқан.  

Салдарынан үш адам сол жерде көз жұмды, тағы екеуі түрлі жарақатпен Мақат аудандық ауруханасына жеткізілді.

Жергілікті полицияның мәліметінше, 345-бап "Жол қозғалысы ережесін бұзу" бойынша тергеу басталды. Айта кетейік, бұл баптың төртінші бөлігіне сәйкес кінәлі адам бес жылдан он жылға дейін бас бостандығынан айырылады.

91
Түркістан облысының әкімі Өмірзақ Шөкеев

Шөкеев неліктен "Керуен сарайдың" құрылысына пенопласт қолданылғанын түсіндірді

1124
(Жаңартылды 19:19 19.06.2021)
"Керуен сарай" арматурадан, темірбетоннан салынған, ал пенопласт - қарапайым әрлеу материалы, деп атап өтті Шөкеев. Ол блогердің жазбасы құрылыс компаниясының беделіне нұқсан келтірді деп санайды

НҰР-СҰЛТАН, 19 маусым – Sputnik. Түркістан облысының әкімі Өмірзақ Шөкеев "Керуен сарай" жаңа туристік кешені құрылысының сапасын сынға алған блогердің сөзіне ашуланды.

"Кейде қайран боласың, кейбір блогерлер кішкентай бала сияқты, бір нәрсені көрсе, оны бірден жан жаққа таратып жебереді, сонымен бірге жұқалап айтқанда, біліксіздігін көрсетіп қояды", - деді Шүкеев сенбідегі баспасөз конференциясында.

Ол "Керуен сарайдың" ұзындығы бір шақырымға жуық екенін айтты.  

"Мен мұнда күн сайын жүрдім, ол тұтас темірбетоннан, арматурадан тұрады. Өңірде сейсмикалық қауіп төмен екеніне қарамастан, барлығы артығымен жасалған. Әр түрлі әрлеу материалдары қолданылады. Ол (блогер – Sputnik) сол материалды көріп, тұтас "Керуен сарай" содан салынған деп ұйғарған – ол кәдімгі материал. Егер ол құрылыс саласынан бірдеңе түсінсе, олай жазбас еді", - деп жалғастырды өңір басшысы.

Әкім жобаны "өз беделін өте жоғары бағалайтын" Sembol компаниясы жүзеге асырғанын айтты.  

"Олар мұндай нәрселер үшін жауапкершілікке тартуды талап ете алады, беделге нұқсан келді, әрине, мен оны қаламаймын.

Шын мәнінде бұл пенопласт барлық жерде қабырға материалы ретінде қолданылады. Шымкентте жаңа үйлерде қасбет материалы ретінде қолданылып келеді, мұнда, Түркістанда да салынып жатыр, онда тұрған ештеңе жоқ", - деген Шөкеев пенопласт өте арзан және тиімді материал екенін атап өтті.  

"Жалпы алғанда қазіргі заманда барлық затқа пластмасса қолданылады. Міне, сіздер отырған орындық пластмассадан жасалған, қаламсап – пластмасса, микрофон, iPhone-ның корпусы – пластмасса", - деп өңір басшысы мысал келтірілді.

Шөкеевтің пікірінше, бұл жағдайда жоқ нәрседен "түсініксіз хайп" жасалған.

"Бірақ кейде, әрине, мұндай сөздер айтылған кезде жауапкершілік болуы керек. Өйткені біз турист тартқымыз келеді, соған тырысып жатырмыз, шетелдік инвестор өз ақшасын салды, кредит алды, кепілге қойды, жеке кепілдік берді, ал біз осылай ірі компанияның беделіне нұқсан келтіреміз", - деп түйіндеді әкім.  

Бұған дейін Шыңғыс Лепсібаев есімді қолданушы "Керуен сарайдың" қаптамасы бүлінген жерін фотоға түсіріп, желіде жариялаған болатын.

1124
Тақырып бойынша
Елбасының Түркістанға не үшін барғаны белгілі болды - видео
Назарбаев жұртты таңғалдырып жатқан қаланы аралап көруге кеңес берді
Ежелгі шаһар тарихын бейнелейтін нысан: Тараздағы "Тектұрмас" этно-тарихи кешені – фото
Түркістан алдағы бес жылда қалай өзгереді – кешенді жоспар таныстырылды
"Қазақстандағы Венеция": Түркістанда "Керуен-Сарай" туристік кешені ашылды – фото

Дәрінің орнына жарқын бояу: суретші емдік әсері бар картиналар салады видео

0
Сатып алушылардың айтуынша, шебердің қылқаламынан шыққан ерекше, жарқын картиналар емдік қасиетке ие. Суретшінің шеберханасынан видео

Әзербайжан суретшісі Мир Азер Абдуллаев қылқаламды қолына алғаш рет үш жасында алған. Ата-анасы ұлдарының таланты мен сурет салуға деген бейімін бірден байқайды.

Қазір ол көптеген жұмыстың авторы.

Абдуллаевтың картиналарын сатып алған адамдар туындылардың емдік әсері бар екенін айтады.

Шебердің жұмыстары түрлі-түсті ашық бояулармен және ерекше техникамен ерекшеленеді.

0
Кілт сөздер:
видео, картина, суретші