Бозжыра шатқалы

Бозжырада қонақ үй салуға қатысты экологтар пікір білдірді

169
2020 жылы Бозжыра шатқалында қонақ үй салынатыны туралы хабар тараған соң, қазақстандықтар құрылысқа қарсы шықты. Ал соңғы кезде қонақ үйдің қорық аумағынан тыс жерде бой көтеретіні айтылып жүр. Экологтар оның салынуына қатысты пікір білдірді

АЛМАТЫ, 16 ақпан – Sputnik. Бозжыра шатқалында қонақ үй салу мәселесі біраз уақыттан бері қызу талқыланып жатыр. Көпшілік оған қарсы шыққан соң президент үкіметке жобаны қайта қарау туралы тапсырма берді. Кейіннен экология министрі нысан құрылысы Бозжыра шатқалы орналасқан "Жабай ұшқан" қорығы аумағынан тыс жерге салынатынын хабарлады.

Таяуда ғана мәдениет және спорт вице-министрі Ғабидолла Әбдірахымов шатқал маңына қонақ үй салу туралы жобаның ойға қонымды екенін, нысан экологиялық жағынан қауіпсіз жерге салыну қажет екенін айтты.

Sputnik Қазақстан тілшісі бірнеше экологқа хабарласып, жаңа нысанның табиғи аумақтан неше шақырым жерде бой көтергені жөн екенін сұрады. Сондай-ақ қашықтықта орналасқан нысанның келешекте табиғи орынға қандай да бір зияны тиюі мүмкін бе деген сұраққа жауап іздеді.

Инфрақұрылым қажет, алайда...

Эколог Тимур Елеусізовтің айтуынша, экологиялық жағынан қауіпсіз қашықтық – сол жердің экологиялық жүйесі бұзылмайтын аумақ.

"Туризмді сөзсіз дамыту қажет. Осы орайда экологияға мүмкіндігінше аз зиян келтіретіндей инфрақұрылымды салған жөн. Экотуризм деген – бір сөмкені асынып, жаяу шығатын саяхат. Экожүйеге аз зиян келтіретіндей 1-2 күнге жоспарланады. Ал қонақ үй толық құрылысты талап ететіндіктен ол мемлекеттік парктің нақты шекарасында немесе шекарасынан тыс жерде бой көтеруі қажет", – дейді Елеусізов.

Айтуынша, ол нысан қаншалықты алыс салынса да табиғатқа залал келтіреді.

"Себебі ол жерде біріншіден кәріз жүйесі болады. Екіншіден, сол жерде еркін жүріп үйренген жабайы аңдардың тыныс-тіршілігіне кері әсер етеді. Демек, адам бұл экожүйеге араласқан соң кейбір жабайы аңдардан айырылып қалуымыз мүмкін. Ал бұл уақыт өте келе жалпы экожүйеге әсер етеді", – дейді эколог.

Инфрақұрылым міндетті түрде керек, алайда келешекте ол шешімнің құны қандай болатыны әзірге белгісіз, деп түйіндеді ол.

"Ұлттық паркке орындық та қоймау керек..."

Ал эколог Әділқасым Жарылқасын қорық аумағына туристерге қажетті жағдай жасаудың да қажеті жоқ деген пікірде.

"Бозжыра аумағында сирек кездесетін жануарлар мекендейді. Соған байланысты мамандар қандай да бір нысан 20 шақырым жерде салыну қажет деп санайды. Мен бұған келісемін. Себебі Бозжыра – бірегей жер. Ол жерге тікұшақ алаңын, қонақ үй, спа-салон салу – дарақылық. Ал 20 шақырым жерге салса, жергілікті тұрғындарға да ыңғайлы болады", – дейді ол.

Эколог мұндай жағдайда халықтың да жұмыспен қамтылатынын, ал Бозжыраға барғысы келетіндер жаяу, велосипедпен немесе атпен бара алатынын айтты.

Дей тұрғанмен, қонақ үй қай жерге салынғанына қарамастан, сол жер мен соған жақын маңның бәрі бүлінеді.

"Адам аяғы басқан жердің бәрі бүлінеді. Бізде көптеген ұлттық парк бар. Ол жерлерге демалу үшін орындықтар, қалдықтарды тастайтын жәшіктер қойып жатыр. Ол жерге орындық қоюдың қажеті жоқ, себебі ол қорғалатын аймақ. Оны мемлекет қорғауы керек. Ол демалатын орын емес қой. Әрі-бері жүріп кететін орын. Ал бізде барып, от жағады. Бұның бәріне тыйым салу керек", – дейді Жарылқасын.

Ұлттық саябаққа адамдар барсын, бірақ ол жаққа ойын-сауық нысандарын орнатуға түбегейлі қарсымын. Шетелде бір сөмкемен саяхатқа шығып, табиғатта демалып, қоқысты қайтадан қалаға алып қайтады. Сондықтан ұлттық парк аумағы жаққа қоқыс тастайтын жәшік қойып, қоқысты алып кететін көлік жүргізудің қажеті жоқ, дейді ол.

"Бізде ондай мәдениет дамымаған. Бірақ бұған дейін президенттің өзі экологиялық білімді мектептен бастап үйретуді тапсырып жатыр. Келешекте экологиялық мәдениеті бар азаматтар өсіп шығатынына сенемін", – деді Жарылқасын.

Ал эко-белсенді Думан Қапасовтың ойынша, көпшілік қонақ үйдің қалай салынатынын дұрыс түсінбей жатыр. Соған байланысты халықты көбірек ақпараттандыру қажет деп санайды.

"Шатқал маңына қонақ үй салмас бұрын шетелдердегі осыған ұқсас тәжірибелермен танысу қажет. Ішінен ең тиімді деген жолын таңдау керек. Әрине, қоғам болып талқылаған жөн. Қонақ үй салынатын болса, шатқалдан мүмкіндігінше алыстау жерде бой көтергені жақсы", – дейді эко-белсенді.

Оқи отырыңыз: Берік Уәли президенттің Бозжыраға қатысты тапсырмасын түсіндірді

Айта кетейік, Бозжыра шатқалы Ақтау қаласынан 300 шақырым жерде орналасқан табиғи нысан. Ол "Жабай ұшқан" табиғи қорығының аумағына кіреді.

Қорық Маңғыстау облысы әкімінің 2012 жылғы қаулысына сәйкес құрылды. Ол облыстың табиғи ресурстар және табиғатты пайдалануды реттеу басқармасының "Қызылсай" мемлекеттік аймақтық табиғи паркіне жатады.

2020 жылы Бозжыра шатқалында қонақ үй салынатыны туралы БАҚ-та хабарланды. Соған байланысты қазақстандықтар әлеуметтік желілер арқылы табиғаты ерекше осы аймақта құрылыс жүргізуге қарсы шығып жатыр.

169
Кілт сөздер:
Маңғыстау облысы, ұлттық саябақ
Тақырып бойынша
Маңғыстау әкімі Бозжыра шатқалында қонақ үй салуға қатысты ойын айтты
Маңғыстауда ауыл шаруашылығын дамытуға мүмкіндік бар ма – әкім жауап берді
Президенттің әлеуметтік желідегі әлеуеті: Тоқаев 2020 жылы қанша твит жариялады
Экология министрі Бозжыра шатқалындағы құрылысқа қатысты жазба жариялады
Бозжырада қонақ үй салу ойға қонымды деп ойлаймын – Ғабидолла Әбдірахымов
Архивтегі фото

"Малсың деген": Желіде тараған видеодағы қыздың анасы оқиғаның қалай болғанын айтты

311
Дүкенде тұрған 3 қыздың біреуі ер адаммен сөзге келіп қалып, оған "мал" деп айтқан. Ол бұл сөзді менің қызым айтты деп ойлап қалған, дейді жәбірленушінің анасы

НҰР-СҰЛТАН, 26 ақпан – Sputnik. Павлодарда орталық көшелердің бірінде ер адамның 13 жастағы қызды не үшін тепкілеп тастағаны белгілі болды.

Посмотреть эту публикацию в Instagram

Публикация от Это Павлодар, детка 🤷🏼‍♂️ (@pavlo.detka)

Айта кетейік, ер адамның жасөспірімді қуып барып, құлатып, ұрып, теуіп жатқаны сол маңдағы дүкеннің бейнебақылау камерасына түсіп қалған. Алайда ешкім оған араша болмаған. Оқушы қыздың анасы оқиғаның қалай болғанын телефон арқылы айтып берді, деп хабарлады "Астана" телеарнасы.

"Ол менің қызымды басқа қызбен шатастырып алыпты. Дүкенде 3 қыз тұрған. Қыздардың біреуі онымен сөзге келіп қалып, ер адамға "мал" деп айтқан. Ер адам бұл сөзді менің қызым айтты деп ойлап қалып, оған тап беріпті. Осы сәтте ол дүкеннен қашып шыққан. Кейін қылмысын жасыру үшін жаңағы жігіттің әйелі менің қызыма 2 мың теңге беріпті. Күні бойы күттік. Тіпті, кешірім де сұраған жоқ. Енді тиісті жазасын алуын сұраймын", - дейді зардап шегушінің анасы.

Аты-жөнін атамауды сұраған қыздың анасы баласының түрлі дене жарақатын алғанын айтады. Қолы мен аяғы көгеріп, арқасы ауырып қалған.

Тәртіп сақшылары күдіктіні дереу тапты. Алайда ол кінәсін мойындаудан бас тартқан.

Оқи отырыңыз: Павлодарда жасөспірім қызды қуып жетіп, бір тепкен ер адам тергеуге алынды – видео 

Полиция оның қылмысы дәлелденсе, 2 жылға бас бостандығынан айырылуы немесе 2 АЕК көлемінде айыппұл төлеуге міндеттелуі мүмкін екенін хабарлады.

Әзірге аталған факті бойынша арнайы сараптама жасалып, тексеруге жөнелтілген.

311
Теміртау қаласы

Қақаған аязда қала жылусыз қалды: Теміртау әкімі жағдай қашан қалыпқа келетінін айтты

31
Қала әкімінің айтуынша, тұтынушылар үшін жылуға ақы төлеу мәселесі қарастырылып, қайта есеп жүргізілетін болады

НҰР-СҰЛТАН, 26 ақпан – Sputnik. Жылу электр станциясындағы апатқа байланысты жылу беру тоқтатылған Теміртау қаласының әкімдігі жұма күні жағдай қалыпқа келетіндігін мәлімдеді.

Бейсенбі күні Теміртау қаласының тұрғындары ЖЭО-2-дегі жөндеу жұмыстарына байланысты жылусыз қалған болатын. Қала әкімі Қайрат Бегімов "АрселорМиттал Теміртау" ЖЭО-2 қазандығындағы жағдайды түсіндіріп, қала тұрғындарынан кешірім сұраған.

Сонымен қатар, ол тұтынушылар үшін жылуға ақы төлеу мәселесі қайта есептелетінін ескертті.

"Сағат 07.00-дегі жағдай бойынша ЖЭО-2-дегі 3 қазандық жұмыс істеп тұр, екеуінде жөндеу жұмыстары аяқталды. Қазандықтар сағат 11.00 мен 13.00 аралығында іске қосылады. Жалпы қаладағы температуралық режим сағат 13.00-ге дейін қалпына келтіріледі", – деп жазды ол Instagram парақшасында.

Айта кетейік, Теміртауда бейсенбіде күні ауа температурасы -25 градусқа дейін төмендеп, желдің жылдамдығы секундына 18 метрге жетті. Ал жұма күні қалада -27 градус аяз болды.

Оқи отырыңыз: Павлодарда құбыр жарылып, бірнеше тұрғын үй жылусыз қалды – видео

Ауа райының қолайсыздығына байланысты қалалық білім басқармасы 0-11 сынып оқушылары үшін қашықтықтан форматта сабақ өтетіндігін хабарлады.

31
Кілт сөздер:
"АрселорМиттал Теміртау" АҚ, жылу
Тақырып бойынша
Қай қала тұрғындары жылу үшін ең көп ақша төлейді
Ақмола облысындағы ауыл мектебінде қазандық өртенді, құрбан болғандар жоқ
Қошанов Шаханда жарылған қазандық жайында: апат қайталанбайды
Екі есе ақыны не үшін төлейміз: елорда тұрғындары жылу бағасына наразылық білдірді
Алматының қақ ортасында жылу құбыры жарылды: төрт адам күйіп қалды - видео
Архивтегі фото

Жұмаға қараған түні белгісіз біреулер мектепке баса-көктеп кірді

0
Нигерияда террористер түнгі уақытта қыздарға арналған мектепке басып кірген. Жергілікті тұрғындар оқушы қыздарды құтқару үшін содырларды іздестіріп жатыр

НҰР-СҰЛТАН, 26 ақпан — Sputnik. Нигерияның солтүстік-батысындағы Замфара штатында қаскүнемдер мектепке баса-көктеп кіріп, 300 оқушыны ұрлап әкетті, деп хабарлады РИА Новости жергілікті PM News газетіне сілтеме жасап.

Оқиға жұмаға қараған түні Джангебе елді мекенінде болған. Ондаған содыр мектеп жанындағы әскери бекетке оқ атып, одан кейін білім ордасына басып кірген. Адам ұрлығы түнгі сағат 02:00 шамасында болған.

5 маусымдағы қырғын: 2016 жылғы Ақтөбедегі терактінің белгісіз тұстары

Жергілікті басылым кейбір әскерилер жарақат алуы ықтимал екенін жазды, дегенмен оқыс оқиғадан көз жұмғандар бар-жоғы әзірге белгісіз. Елді мекен тұрғындары оқушы қыздарды құтқару үшін қаскүнемдерді іздестіріп жатыр.

Айта кетейік, өткен жылы Ниегрияның Кацина штатында осыған ұқсас жағдай болған.

0
Тақырып бойынша
Көп адам өлер еді: ҰҚК Алматыда жоспарланған терактіге қатысты мән-жайды айтты
13 жасында босанды: Сириядан оралған қазақстандық балалардың ауыр тағдыры - видео
Мешіттегі қанды қырғын: желіде оқиға орнында түсірілген видеолар жарияланды
Террористік топтардың қатарында қанша қазақстандық жүргені белгілі болды