Кілт, иллюстративті фото

Алматыда 8 мыңнан астам пәтер кімдерге беріледі

1095
2021 жылы мемлекеттік және қалалық бағдарламалар аясында 8 292 пәтер бөлінеді. Оның ішінде халықтың әлжуаз тобы өкілдеріне 427 пәтер, көпбалалы отбасыларға – 452, жұмысшы жастарға 1 050 пәтер беріледі

АЛМАТЫ, 17 ақпан – Sputnik. Алматыда кезекте тұрғандарға 8 мыңнан астам пәтер беру жоспарланып отыр. Бұл туралы Алматы әкімі Бақытжан Сағынтаевтың халықпен кездесуі барысында белгілі болды, деп хабарлады Sputnik Қазақстан тілшісі.  

2021 жылы мемлекеттік және қалалық бағдарламалар аясында 8 292 пәтер бөлінеді. Оның ішінде халықтың әлжуаз тобы өкілдеріне 427 пәтер, көпбалалы отбасыларға – 452, жұмысшы жастарға 1 050 пәтер беріледі.

Сағынтаев ҚазҰУ жері жекеменшікке беріледі деген қауесетке жауап берді

Сондай-ақ, "Шаңырақ" бағдарламасы бойынша 3 578 пәтер, "Кредиттік баспана" бойынша – 1 411, "Бақытты отбасы" бағдарламасы бойынша 374 пәтер бөлінеді.

"Алматы жастары" бағдарламасы жалғасады, ол арқылы мың жас алматылық тұрғын үй ала алады.

Айта кетейік, 2020 жылы қолжетімді баспанамен қамтамасыз ету мақсатында қалада 2 948 пәтер бөлінді. Сонымен қатар мың жас отбасы "Алматы жастары" бағдарламасы бойынша жеңілдетілген кредит арқылы баспанаға қол жеткізді.

"Алматы жастары" бағдарламасының шарттары

  • қарыздың ең жоғары сомасы – 13 миллион теңгеге дейін;
  • пайыздық мөлшерлеме – 5%;
  • бастапқы жарна – 10%;
  • жаңа және қолданыстағы тұрғын үйді сатып алу мүмкіндігі.

Қатысушыларға қойылатын талаптар

Қатысушының жасы 35 жастан аспауы тиіс. Бағдарламаға негізгі қатысушы ретінде ерлі-зайыптының біреуі ғана қатыса алады.

Үміткерде және оның отбасы мүшелерінде меншік құқығында баспана, сондай-ақ, Қазақстан аумағында кейінгі 5 жыл ішінде тұрғын үй жағдайын әдейі нашарлату фактілері болмауы тиіс.

Сонымен қатар қатысушының меншігінде мемлекеттік бағдарлама бойынша алынған, отбасының басқа мүшелерінің ортақ бірлескен тұрғын үй болмауы керек.

Алматы қаласында қатысушының міндетті зейнетақы жарнасы аударылатын ресми жұмыс өтілі 6 айдан кем болмауы тиіс.

1095
Кілт сөздер:
баспана, Алматы
Тақырып бойынша
Тоқаевтың тапсырмасы толық орындалмады: депутат шенеуніктерді жазалауды ұсынды
Қазақстанда процентсіз ипотека алуға болады: жалақы қанша болу керек
Бәсекелестікті қорғау агенттігі баспананың қымбаттау себебін түсіндірді  
"Ақша төлеп тіркелуге мәжбүр": депутат көпбалалы отбасылар проблемасын көтерді
Жол апатынан үш адам қаза болды

Атырау облысында жеңіл көлік пен автобустың соқтығысуынан үш адам қаза болды

81
"Жол қозғалысы ережесін бұзу" бабы бойынша қылмыстық іс қозғалды. Бұл бап бес жылдан он жылға дейінгі мерзімге бас бостандығынан айыру жазасын қарастырады  

НҰР-СҰЛТАН, 19 маусым – Sputnik. Атырау облысында жол апатынан үш адам көз жұмды.

"Ақ Жайық" сайтының хабарлауынша, жол апаты жұма күні, 18 маусымда күндіз болған. Күндізгі сағат төрт шамасында Доссор-Құлсары тасжолында Toyota Camry жолаушылар автобусымен соқтығысқан.  

Салдарынан үш адам сол жерде көз жұмды, тағы екеуі түрлі жарақатпен Мақат аудандық ауруханасына жеткізілді.

Жергілікті полицияның мәліметінше, 345-бап "Жол қозғалысы ережесін бұзу" бойынша тергеу басталды. Айта кетейік, бұл баптың төртінші бөлігіне сәйкес кінәлі адам бес жылдан он жылға дейін бас бостандығынан айырылады.

81
Түркістан облысының әкімі Өмірзақ Шөкеев

Шөкеев неліктен "Керуен сарайдың" құрылысына пенопласт қолданылғанын түсіндірді

1008
(Жаңартылды 19:19 19.06.2021)
"Керуен сарай" арматурадан, темірбетоннан салынған, ал пенопласт - қарапайым әрлеу материалы, деп атап өтті Шөкеев. Ол блогердің жазбасы құрылыс компаниясының беделіне нұқсан келтірді деп санайды

НҰР-СҰЛТАН, 19 маусым – Sputnik. Түркістан облысының әкімі Өмірзақ Шөкеев "Керуен сарай" жаңа туристік кешені құрылысының сапасын сынға алған блогердің сөзіне ашуланды.

"Кейде қайран боласың, кейбір блогерлер кішкентай бала сияқты, бір нәрсені көрсе, оны бірден жан жаққа таратып жебереді, сонымен бірге жұқалап айтқанда, біліксіздігін көрсетіп қояды", - деді Шүкеев сенбідегі баспасөз конференциясында.

Ол "Керуен сарайдың" ұзындығы бір шақырымға жуық екенін айтты.  

"Мен мұнда күн сайын жүрдім, ол тұтас темірбетоннан, арматурадан тұрады. Өңірде сейсмикалық қауіп төмен екеніне қарамастан, барлығы артығымен жасалған. Әр түрлі әрлеу материалдары қолданылады. Ол (блогер – Sputnik) сол материалды көріп, тұтас "Керуен сарай" содан салынған деп ұйғарған – ол кәдімгі материал. Егер ол құрылыс саласынан бірдеңе түсінсе, олай жазбас еді", - деп жалғастырды өңір басшысы.

Әкім жобаны "өз беделін өте жоғары бағалайтын" Sembol компаниясы жүзеге асырғанын айтты.  

"Олар мұндай нәрселер үшін жауапкершілікке тартуды талап ете алады, беделге нұқсан келді, әрине, мен оны қаламаймын.

Шын мәнінде бұл пенопласт барлық жерде қабырға материалы ретінде қолданылады. Шымкентте жаңа үйлерде қасбет материалы ретінде қолданылып келеді, мұнда, Түркістанда да салынып жатыр, онда тұрған ештеңе жоқ", - деген Шөкеев пенопласт өте арзан және тиімді материал екенін атап өтті.  

"Жалпы алғанда қазіргі заманда барлық затқа пластмасса қолданылады. Міне, сіздер отырған орындық пластмассадан жасалған, қаламсап – пластмасса, микрофон, iPhone-ның корпусы – пластмасса", - деп өңір басшысы мысал келтірілді.

Шөкеевтің пікірінше, бұл жағдайда жоқ нәрседен "түсініксіз хайп" жасалған.

"Бірақ кейде, әрине, мұндай сөздер айтылған кезде жауапкершілік болуы керек. Өйткені біз турист тартқымыз келеді, соған тырысып жатырмыз, шетелдік инвестор өз ақшасын салды, кредит алды, кепілге қойды, жеке кепілдік берді, ал біз осылай ірі компанияның беделіне нұқсан келтіреміз", - деп түйіндеді әкім.  

Бұған дейін Шыңғыс Лепсібаев есімді қолданушы "Керуен сарайдың" қаптамасы бүлінген жерін фотоға түсіріп, желіде жариялаған болатын.

1008
Тақырып бойынша
Елбасының Түркістанға не үшін барғаны белгілі болды - видео
Назарбаев жұртты таңғалдырып жатқан қаланы аралап көруге кеңес берді
Ежелгі шаһар тарихын бейнелейтін нысан: Тараздағы "Тектұрмас" этно-тарихи кешені – фото
Түркістан алдағы бес жылда қалай өзгереді – кешенді жоспар таныстырылды
"Қазақстандағы Венеция": Түркістанда "Керуен-Сарай" туристік кешені ашылды – фото
Медицина қызметкерлері

Қазақстан медицина қызметкерлері күнін атап өтіп жатыр

0
Қазақстанда жыл сайын маусымның үшінші жексенбісінде медицина қызметкерлері күні мерекеленеді

АЛМАТЫ, 20 маусым – Sputnik. Бүгін – Қазақстанда медицина қызметкерлерінің кәсіби мерекесі.

Қазақстанда жыл сайын маусымның үшінші жексенбісінде медицина қызметкерлері күні мерекеленеді. Биыл бұл кәсіби мереке 20 маусымға түсті. Мереке Қазақстан президентінің жарлығымен 1998 жылы бекітілді.

Бұл күн өз кәсібін медицинамен байланыстырған, өзін адамдардың денсаулығы мен өмірін сақтауға арнаған адамдардың кәсіби мейрамы. Әсіресе былтырдан бері Covid-19 инфекциясының таралуына байланысты медицина мамандарының қызметіне деген құрмет артты.

Мереке қарсаңында Нұр-Сұлтанда дәрігерлердің аллеясы ашылды. Президент Қасым-Жомарт Тоқаев "Дәрігерлер аллеясындағы" "Алтын жүрек" ескерткішінің ашылуына қатысты.

"Дәрігерлер әрбір науқастың дертіне шипа іздеп, күндіз-түні жұмыс істеп жүр. Пандемия кезінде талай адамды өлім аузынан арашалап қалды. Дертіне дауа тапқан мыңдаған отандасымыз, бүкіл халқымыз ақ халатты абзал жандарға қарыздар. Сондықтан олар қандай құрметке де лайық",- деді президент ескерткіштің ашылу рәсімінде.

Тағы оқыңыз: Тоқаев кімдердің еңбекақысы кезең-кезеңімен көбейтілетінін айтты

Сондай-ақ президент медицина қызметкерлерінің қоғамдағы мәртебесін арттыру үшін "Қазақстан Республикасының еңбек сіңірген дәрігері" атағын енгізуді ұсынды. Атақпен бірге материалдық сыйақы да беріледі.

Айта кетейік, Қазақстанда қазір 260 мыңға жуық медицина маманы, оның ішінде 75 мыңнан астам дәрігер мен 185 мың орта медициналық қызметкер жұмыс істейді.

Біздің елімізде күн сайын 2 мыңнан астам операция жасалады, мыңнан астам адам босанады, емханаларда 420 мыңнан астам адамға және 18 мың жедел жәрдем шақыруларына қызмет көрсетіледі.

Елдің стратегиялық ресурсы

Қазақстанның денсаулық сақтау министрі Алексей Цой медицина мамандарының кәсіби мерекесі қарсаңында медицина қызметкерлерін еліміздің стратегиялық ресурсына балап, Қазақстанда өмір сүру ұзақтығы артып, туу көрсеткіші өсіп жатқанын айтты.

"Осы жетістіктердің әрқайсысының артында медицина қызметкерлерінің үлкен еңбегі тұр. Пандемия бізді көптеген құндылықтарды қайта қарауға мәжбүр етті, әсіресе ақ халаттағы адамдарға деген көзқарасты өзгертті. Олар екі жыл бойы көрінбейтін жаумен күресіп, әр науқастың өмірін сақтау үшін өз денсаулығына қауіп төндіреді", - деді Цой.

Аурудан сауыққандар артында пандемиямен күресте мыңдаған медицина қызметкерлерінің қажырлы еңбегі жатыр, деп толықтырды ол.

0
Кілт сөздер:
Қасым-Жомарт Тоқаев, дәрігерлер, медицина