Науқас, архивтегі фото

Атырауда науқас Жаңа жыл қарсаңында көз жұмды: кездейсоқтық па, салғырттық па?

3491
(Жаңартылды 18:27 17.02.2021)
Атырау облысының тұрғындары ауылдағы ауруханалардың бірінде туыстарының аяқ астынан көз жұмуын тергеуді талап етіп отыр. Жаңа жыл түнінде ауруханада кезекші дәрігер болмаған

НҰР-СҰЛТАН, 17 ақпан — Sputnik. Атырау облысындағы Құрманғазы аулының тұрғыны Бекдидар Құргенәлиев Жаңа жыл мерекесін отбасының ортасында, үш баласы және әйелімен, басқа ауылдан келген жақындарымен қарсы алып, президенттің құттықтау сөзін тыңдауды жоспарлағаны анық. Бірақ Бекдидар мен оның туыстары жаңа жыл түнін ауруханада өткізді. Ер адам 44 жаста еді. Оның артында он алты, он және тоғыз жастағы үш ұлы жетім қалды.

Бұл қайғылы оқиға ажал құшқан азаматтың дәрігерге қаралуынан басталған, ол аяғы үнемі тоңып жүретінін айтып шағымданған.

Екі күннен кейін бәрі қалпына келеді

Қайтыс болған азаматтың қарындасы Индира Мұханәлиева Sputnik Қазақстан агенттігіне берген сұқбатында ағасының қант диабетінен басқа денсаулығында ешқандай кінәрат болмағанын айтты. Ол бұрынырақта көші-қон полициясында жұмыс істеп, соңғы жылдары әкесінен қалған шаруа қожалығын дамытумен айналысқан.

"Бекдидар 29 желтоқсанда емханаға барып, аяғы үнемі тоңып жүретінін айтқан. Ол аздап ентіккенімен, дене қызуы көтерілмеген. Емханадағылар пневмония болуы мүмкін екенін ескертіп, ауруханаға жатуға кеңес берген. Жатты. Одан кейін ағамның әйелі емдеуші дәрігерге хабарласқанда ол мазасызданатын еш себеп жоқ екенін айтқан", - деді Мұханәлиева.

Осылайша Құрманғазы Құргенәлиев орталық аудандық ауруханасына жатады. Ол 30 желтоқсан күні таңертең әпкесімен сөйлесіп, палатаның салқын екеніне және дәрігерлер дұрыс қарамай жатқанына шағымданған. Туыстары ер адамды Атырау ауруханаларының біріне ауыстырмақ болғанда, бас дәрігер Гүлсара Мутиева оларды бұл ойынан айнытып, алаңдауға еш негіз жоқ екенін және дәрі-дәрмек жеткілікті екенін айтқан.

30 желтоқсан күні кешке қарай Құргенәлиевтің палатасына туысқан ағасы мен жеңгесі келіп, онымен бірге шай ішіп, науқасты Атырауға ауыстыру туралы дәрігерлерге тағы да өтініш білдірген.

Емдеуші дәрігер Н.Ш. екі күннен кейін барлығы өз орнына келеді деп жауап берген.

"Біз расымен де дәрігерлерге сендік қой!, – дейді Индира Мұханәлиева. – 31 желтоқсан күні Жаңа жыл қарсаңында Бекдидар жалғызсырамасын деп, менің жиен әпкем оның жанында болады деп ұйғардық. Ол да дәрігер. Ол 31 желтоқсан күні Ақтөбеден ұшып келді де, кешкі сегізде ауруханаға барды. Міне, бәрі осы уақытта басталды".

Дәрігерді іздеу

Индираның әпкесі палатаға кіргеннен-ақ туыс ағасының халі нашар екенін көреді. Ал ауруханада бірде-бір дәрігер болмаған. Ол медбикеден тағайындалған дәрілер парағын сұрап, науқасқа кешкі дәрі-дәрмек неге берілмегенін сұрайды. Ал медбике ауруханада дәрі жоқ екенін айтқан.

"Біз барлығымыз есеңгіреп қалдық. Басында медбике дәрігер ауруханада деді. Кейіннен менің ағамның жағдайы қатты нашарлап кеткенін көріп, біреуге қоңырау соға бастады. Ағам жағдайым нашар деп айқайлап, жүрек тұсын ұстап, көмек көрсетуді сұрады. Медбикенің қоңырауына ешкім жауап бермеді. Бас дәрігер бүгін кезекші дәрігер Ш. екенін айтты", - деп жалғастырды Индира Мұханәлиева.

Ол ағасын ауданнан облыстық ауруханаға жеткізу үшін қоңырау шала бастаған.

Дәл осы уақытта туыстары Құргенәлиевтің емдеуші дәрігері болған Н.Ш. үйін зорға іздеп тапқан. Мұның барлығы шамамен кешкі сағат сегізден түнгі он екіге дейін жалғасқан. Ал кейінірек Ш. жаңа жыл түнінде емдеуші дәрігер өзі болмағанын мәлімдеген.

"Ш. дәрігердің үйін зорға таптық. Ол сыртқа шығып, "Барлығыңыз мұнда неге келдіңіздер? Науқастың жағдайы тұрақты, неге келдіңіздер?" деген. Сөйтіп үйіне қайта кіріп кеткен. Туыстары оны далада бір жарым сағатқа жуық уақыт күткен. Олар полиция шақырғаннан кейін ғана Ш. ауруханаға баруға келіскен. Бұл түнгі сағат екі шамасы болатын", - деген Мұханәлиева ауруханаға бас дәрігердің де келгенін айтты.

"Ағама көмектесу үшін басқа бөлімдерден қажетті аппараттарды алып келді. Мұның барлығы уақыт алды. Маған тікұшақ таңертең жетеді деп уәде етті. Сондықтан ағам таңертеңге дейін шыдауы керек еді. Дәрігерлер оның жағдайы жақсарады деп, бізге өтірік айтуды жалғастырды. Ал біз тағы да сендік", - дейді ол.

Бұрын дәрігер болып қызмет атқарған туыс ағаларының бірі жиені комаға түсу мүмкін деп күдіктенген. Ал дәрігерлер Бекдидар ұйықтап жатыр деп сендірген.

"Таңертең тікұшақ келген кезде атыраулық дәрігерлер науқастың комаға түскеніне біраз уақыт болғанын айтқан. Олар ағамды құтқара алмады. Ол комада жатқан күйі көз жұмды. Оның жүрегі тоқтап қалған көрінеді. Мен атыраулық дәрігерлерге ризамын. Олар қолынан келгенін аямады. Бірақ, олар тым кеш жетті", - деді Мұханәлиева.

Коронавирус па, жоқ па?

Ресми құжатта коронавирус инфекциясының диагноз ретінде жазылуы да Индираның санасында сан сұрақтар тудырып отыр.

"Егер, бұл расымен де COVID-19 болса, ағамның жанында бетпердесіз жүрген туыстарымның ешқайсысы неге ауырған жоқ? Олар жас емес. Елуден асып, алпыс беске жақындаған жандар. Олар кейіннен ПТР-тест тапсырды. Тест нәтижесі коронавирустың жоқ екенін көрсетті", - дейді Мұханәлиева.

Қазір ол жалғыз бауырының ажалына кінәлілерді тауып, жазалауды көздеп отыр. Мұханәлиева полицияға шағымданып, адвокат жалдап қойды.

"Мен кінәлі адам өмір бойы түрмеде отырсын демеймін. Ағамды қайтара алмайтынымды жақсы түсінемін. Бірақ кінәлі қандай да бір жазаға тартылуы керек", - деп түйіндеді Мұханәлиева.

Ресми жауап

Атырау облысының денсаулық сақтау басқармасы Sputnik Қазақстан тілшісіне осы оқиғаға қатысты түсініктеме берді. Анықталғандай, Құрманғазы орталық аудандық ауруханасының әкімшілігі ішкі қызметтік тексеру жүргізген.

"Стационар дәрігерлерінің науқастың қайтыс болар алдында қойған диагнозы мынандай: " U07.1 ауыр дәрежедегі COVID-19 коронавирус инфекциясы. COVID-19 инфекциясының расталған жағдайы (30.12.2020 жылы анықталған №1782 COVID-19 коронавирусының ПТР РНҚ оң нәтиже көрсетті) ауруханадан тыс аралас екіжақты полисегментарлы бронхты пневмония, ауыр түрі. Ілеспе диагноз: екінші түрдегі қант диабеті, көптеген асқынуы бар қалпына келмеу сатысында. Диабеттік нефропатия. Аяқ-қолдың диабеттік полнейропатиясы. Басқа да созылмалы тубулоинтестициалды нефриттер. Жіті бүйрек жеткіліксіздігі", - деді басқарма.

Қазіргі уақытта қайтыс болған ер адамның мәйітін эксгумациялау мәселесі қаралып жатыр.

"Дәрігердің кінәсі анықталған жоқ. Н.Ш. тек емдеуші дәрігер болған. Науқастың жағдайы нашарлаған кезде ол кезекші дәрігер қызметінде болмаған. Аурухана басшылығын немесе дәрігерлердің бірін жазалау туралы мәселе тергеу аяқталғаннан кейін шешіледі", - деді басқармада.

Басқармадағылар Құрманғазы аудандық ауруханасында барлық қажетті дәрі-дәрмек болғанын ескертті.

Атырау облысының полиция департаменті Sputnik Қазақстан агенттігіне хабарлағандай, қазіргі уақытта тергеу жүріп жатыр.

Қылмыстық істі 25 қаңтар күні Қылмыстық кодекстің 17-бабының 3-бөлімі ("Медицина қызметкерінің кәсiптік мiндеттерiн тиiсiнше орындамауы абайсызда адам өлiмiне әкеп соққан іс-әрекеттер") бойынша Құрманғазы аудандық полиция бөлімі тіркеген. Егер күдік расталса, кінәлі азамат бес жылға дейін сотталуы мүмкін. Қазіргі уақытта іс Атырау облысы полиция департаментінің тергеу басқармасының қарауына берілді.

3491
Қаруланған адам

Байқоңырға қаруланған адамдар кірмек болды

892
Үш ер адам бейнебақылау камерасына түсіп қалғаннан кейін ұсталды, олардан тапанша мен шолақ мылтықтар табылды

НҰР-СҰЛТАН, 7 наурыз – Sputnik. Байқоңырда қару-жарақ пен оқ-дәріні заңсыз сақтаған күдіктілер ұсталды. Қалалық әкімшіліктің қауіпсіздік және режим басқармасының ақпаратынша, полиция қалаға кірмек болған қаруланған топтың жолын кесті.

"Байқоңыр" кешеніндегі Ресей ІІМБ кезекшілік бөліміне "БайконурСвязьИнформ" МУК бейнебақылау бөлімінің технигінен хабарлама түсті. Мониторинг барысында Ақай ауылдық округі жағынан қару-жараққа ұқсас заты бар бір топ адам көрінген,- деді Sputnik Қазақстанға қауіпсіздік және режим басқармасынан.  – Қалаға кірген адамдар жетінші шағын ауданына қарай бет алған, автокөлікке отырып, белгісіз бағытта кетіп қалған".

Полиция жедел іздестіру шараларын бастады, автокөлік те, видеоға түсіп қалған үш азамат та табылды.

"Ұсталғандардан 4 патрон және тегіс ұңғылы шолақ мылтық тәркіленді. Сонымен қатар, автокөлік жанынан қосауыз шолақ мылтық, маркасы белгісіз травматикалық тапанша мен 5 оқ табылды", - деді басқармадан.

Қаруланған топтан тәркіленген оқ-дәрі атуға арналған.

Ресей ІІМБ анықтау бөлімі Ресей Қылмыстық кодексінің 222-бабында (Қаруды, оның негізгі бөліктері мен оқ-дәріні заңсыз алу, беру, өткізу, сақтау, тасымалдау немесе өзімен бірге ұстау) көзделген қымыс белгілері бойынша қылмыстық іс қозғады.

Бұл бап бойынша 8 жылға дейін бас бостандығынан айыру жазасы қарастырылған, деп мәлімдеді басқармадан.

Еске салсақ, Ресей Қазақстаннан Байқоңырды 2050 жылға дейін жалға алған.

892
Кілт сөздер:
қару-жарақ, Байқоңыр
Бұрқасын, адамдар жолдан өтіп барады

Қазақстанның 12 өңірінде дабылды ескерту жарияланды ертеңге ауа райы болжамы

2171
Елдің бірқатар облысында дабылды ескерту жариялауға тұман, бұрқасын және көктайғақ себеп болып отыр

НҰР-СҰЛТАН, 6 наурыз – Sputnik. Синоптиктердің болжамынша, республиканың басым аумағында көктайғақ, жаңбыр және бұрқасын, сондай-ақ тұман болады.

Дабылды ескерту

Атырау облысында тұман түседі, көктайғақ болады. Желдің жылдамдығы секундына 20 метрге дейін жетеді.

Жамбыл облысында тұман мен көктайғақ болжануда. Желдің күші секундына 20 метрге дейін барады.

Түркістан облысында қалың тұман түседі.

Ақтөбе облысында бұрқасын, көктайғақ, тұман, қатты жел болады.

Павлодар облысында кей жерлерде бұрқасындатып, тұман түседі, көктайғақ күтілуде.

Қарағанды облысында – тұман және көктайғақ.

Қызылорда облысында тұман түсіп, 15-20 м/с жел соғады.

Маңғыстау облысында да тұман және 15-20 м/с жел болжанып отыр.

Ақмола облысында тұман, көктайғақ және бұрқасын болады.

Батыс Қазақстан облысында қатты жел тұрып, тұман басады, бұрқасын соғады, көктайғақ болады.

Солтүстік Қазақстан облысында – қар, жаңбыр, тұман және көктайғақ.

Қостанай облысында бұрқасын, тұман және көктайғақ болады.

Мегаполистердегі ауа райы

Нұр-Сұлтанда күн бұлтты, түнде ауа температурасы -2-4°C, күндіз 0+2°C. Желдің жылдамдығы – секундына 15-20 метр.

Алматыда күн бұлтты, сынап бағанасы түнде 0+2°C, күндіз +10+12°C көрсетеді.

Шымкентте ауа райы жауын-шашынды. Желдің екпіні секундына 13 метрге дейін барады, ауа температурасы түнде +2+4°C, күндіз +7+9°C.

2171
Кілт сөздер:
дабылды ескерту, Қазгидромет, ауа райы болжамы
Қасым-Жомарт Тоқаев

Тоқаев ауыл мұғаліміне хат жазды

256
Тәжірибелі оқытушы зейнетке шыққаннан кейін Кемел Тоқаев атындағы қайырымдылық қорын басқарған, қор көпбалалы отбасыларға қолдау көрсетеді

НҰР-СҰЛТАН, 7 наурыз – Sputnik. Қазақстан президенті Қасым-Жомарт Тоқаев Үштөбеде тұратын білім саласының ардагерін Халықаралық әйелдер күнімен құттықтады, деп хабарлайды Алматы облысы әкімдігінің баспасөз қызметі.

Мемлекет басшысы құттықтау хатты 74 жастағы орыс тілі және әдебиеті пәнінің мұғалімі Валентина Спиридоноваға жолдады.

Валентина Григорьевнаның педагогикалық қызметі 1963 жылдан басталады. Спиридонова 1995 және 2009 жылдар аралығында Кемел Тоқаев атындағы жалпы білім беретін мектепті басқарған.

"Құрметті Валентина Григорьевна! Сізді Халықаралық әйелдер күнімен құттықтаймын. Көктемнің сұлулық пен нәзіктік мерекесінде мейірімділігіңіз, түсіністігіңіз бен жемісті еңбегіңіз үшін шынайы ризашылығымды білдіремін. Әр күн сізге және жақындарыңызға қамқорлық пен махаббат сыйласын. Зор денсаулық, жан тыныштығы мен бақыт тілеймін", - деп жазды Тоқаев өз құттықтауында.

Президенттің құттықтау хатын Алматы облысының әкімі Амандық Баталов табыстады. Өңір басшысы да блім саласының ардагерін 8 наурызбен құттықтады.

Валентина Спиридонова и Амандык Баталов
© Photo : Акимат Алматинской области
Валентина Спиридонова мен Амандық Баталов

"Мен ауыл мұғалімімін. Президент Қасым-Жомарт Тоқаевтың жұмысбастылығына қарамастан мені және біздің мектепті ұмытпайтыны қатты қуантады. Оған үлкен алғысымды айтамын. Қазақстанымыз әрқашан гүлдене берсін",  - деді Валентина Спиридонова.

Ардагер педагог "Алтын барыс", "Ыбырай Алтынсарин", "ҚР Білім беру ісінің құрметті қызметкері" төс белгілерімен, сондай-ақ "Шапағат" медалімен марапатталған.

Зейнетке шыққаннан кейін 2009 жылы Кемел Тоқаев атындағы қайырымдылық қорын басқарды. Қор көпбалалы және тұрмысы төмен отбасыларға қолдау көрсетеді. Соңғы бірнеше жылда отандық және шетелдік жоғары оқу орындарына елуден астам грант ұсынған.

256
Кілт сөздер:
Халықаралық әйелдер мерекесі, мұғалім, Қасым-Жомарт Тоқаев