Ақтөбеде күзетшілер дүкенді қоршап алды
(Жаңартылды 20:01 17.02.2021)
Ақтөбе қаласындағы азық-түлік дүкендерінің бірінде күзет дабылы іске қосылғаны туралы ақпарат келіп түстіНҰР-СҰЛТАН, 17 ақпан — Sputnik. Ақтөбеде дүкенге ұрлыққа түскен ер адам қылмыс үстінде ұсталды, деп хабарлады Polisia.kz.
Түнгі уақытта "Күзет" мамандандырылған күзет бөлімшесі акционерлік қоғамының дабыл беру пультіне Ақтөбе қаласындағы азық-түлік дүкендерінің бірінде күзет дабылы іске қосылғаны туралы ақпарат келіп түскен. "Күзет" МКБ АҚ мобильді тобы дереу оқиға орнына шықты.
"Келген кезде күзетшілер сынған терезені көріп, дүкенді қоршап алды, ішке кіріп, ұрыны ұстады. Ол бұрын ұрлық үшін бірнеше рет сотталған Ақтөбе қаласының тұрғыны болып шықты", - делінген хабарламада.
Түнде ол терезені ашу арқылы азық-түлік дүкеніне кіріп, жалпы сомасы 250 мың теңге болатын темекі, алкогольді ішімдіктер, азық-түлік және дүкен иесінің ұялы телефондарын қолды қылмақ болған.
Қаскүнем қылмыс үстінде ұсталып, полицейлерге тапсырылды. Аталған факті бойынша 188-баптың 3-бөлігі (Ұрлық) бойынша сотқа дейінгі тергеу жүргізілуде.
Алматыда пәтер тонауға келген ұры үйде жүрген келіншекті зорлап кетті
Тергеу барысында күдікті тағы екі пәтерге түскенін мойындады. Сонымен қатар, осы жылдың басынан бері күзет мекемелерінің көмегімен бес қылмыс ашылды.
Түркістан облысында 8 наурыз қарсаңында үшем дүниеге келді
НҰР-СҰЛТАН, 8 наурыз – Sputnik. Түркістан облысында Сарыағаш ауданының 34 жастағы тұрғыны Лаура Тұрарбекова 8 наурыз – Халықаралық әйелдер күні мерекесі қарсаңында үш қызды дүниеге әкелді.
Шала туған үшемнің өмірін дәрігерлер аман алып қалды. Бүгінде нәрестелерді №1 облыстық перинаталдық орталығының дәрігерлері бақылауға алған, деп хабарлады Otyrar.kz.
"Үш қызымның рақатын көрейін енді. Үйімде тағы екі ұлым мен екі қызым асыға күтіп отыр. Мереке қарсаңында босанып отырмын. Осы орайда ақ халатты әйелдер қауымын мерейлі мерекемен шын жүректен құттықтаймын. Дәрігерлерге мың алғыс", – дейді көпбалалы ана.
Жаңа туған сәбилерге Жания, Рабия, Сания есімдері берілді.
Ақ халаттылардың біліктілігі мен тынымсыз еңбегінің арқасында шала туған шақалақтарды анасы бауырына басты. Себебі жеті жарым айлық нәрестелердің өкпесі дұрыс дамымаған, бәрі жасанды тыныс алу аппаратына қосылған.
Балаға берілетін жәрдемақы - 2021: кімге, қалай және қанша төленеді?
Айта кетейік, жыл басынан бері орталықта 1571 бала дүние есігін ашқан. Олардың 38-і егіз болса, екеуі үшем.
Кілт сөздер:
Аймағамбетов қол астындағы қызметкерінің адам өлтіруіне не себеп болғанын айтты
(Жаңартылды 19:47 08.03.2021)
Екеуара жанжал кезінде құрдасын атып тастаған Қостанай полициясының бағдарламашысы ұсталып, қамауға алындыНҰР-СҰЛТАН, 8 наурыз – Sputnik. Қостанай облысы полиция департаментінің бастығы Бекет Аймағамбетов 8 наурызға қараған түні Қостанай полициясының қызметкері жасаған қылмыстың жай-жапсарын баяндады. Жанжалдасқан екеу сыныптас екені анықталды.
Облыс полициясының бастығы қарсыласын тіркелген қарумен атып тастаған қызметкердің департамент құрылымында басшылық қызмет атқармағанын, қарапайым бағдарламашы болғанын атап өтті. Ол қақтығысқа не себеп болғанын да хабарлады.
"Екі сыныптастың арасында жанжал шыққан. Ол оннан астам адам тіркелген чатта жалғасқан. Бағдарламашыға сыныптасы қоқан-лоқы жасаған", - деп жазды Аймағамбетов өзінің Facebook парақшасында.
Оның айтуынша, полицейдің сыныптасы оған қарулы адамдар жібергенін айтып, өлтіремін деп қорқытқан. Ондай хабарламаны бірнеше рет жазған.
"Бұрын сотталған сыныптас ішімдік ішіп, 8 наурызда түнгі сағат үш шамасында танысымен бірге полицейдің үйіне келген. Ол оған тағы да қоқан-лоқы жасаған. Өзінің атына тіркелген қаруды алып шыққан полицей оқ атқан, жәбірленуші көз жұмды", - деді Қостанай облысы полиция департаментінің бастығы.
Аймағамбетов қазіргі уақытта полиция қызметкері қамауға алынғанын хабарлады.
Қазақстан Қылмыстық кодексінің 99-бабы 1-бөлігі – "Адам өлтіру" бойынша сотқа дейінгі тергеуден бөлек, ішкі қауіпсіздік басқармасының қызметкерлері қызметтік тексеріс жүргізіп жатыр. Іс ерекше бақылауға алынды.
Оқи отырыңыз: Қостанайда ер адам құрдасын өлтірді - полицей ұсталды
Еске сала кетейік, бұған дейін 8 наурызға қараған түні Қостанайдағы Тәуелсіздік көшесінде ер адам ерегіскен қарсыласын атып өлтіргені хабарланған болатын.
Кейін күдіктінің құқық қорғау органының қызметкері екені белгілі болды. Егер оның кінәсі дәлелденсе, сегіз жылдан он бес жылға дейінгі мерзімге бас бостандығынан айырылуы мүмкін.