Жаркенттік фармацевт науқастың өліміне кінәлі деп танылды
ТАЛДЫҚОРҒАН, 18 ақпан – Sputnik. Алматы облысында әйелдің өліміне қатысы бар деп айыпталған фармацевтке үкім шықты, деп хабарлады өңірлік полиция департаменті.
Қайғылы жағдай Жаркентте 2018 жылдың 16 наурызында болған. Әйел адам қаладағы дәріханалардың біріне келіп, дәрігер тағайындаған препаратты көктамырға құйып беруін өтінген. Алайда кенеттен науқастың жағдайы нашарлап кеткен. Шокқа қарсы шаралар және "жедел жәрдемнің" көмегі нәтиже берген жоқ, әйел қайтыс болды.
Осыдан кейін полиция фармацевтке қарсы Қазақстан Қылмыстық кодексінің 317-бабы (Медицина немесе фармацевтика қызметкерінің кәсіби міндеттерін дұрыс орындамауы) бойынша қылмыстық іс қозғады, тергеу екі жылға жуық уақытқа созылды.
Атырауда науқас Жаңа жыл қарсаңында көз жұмды: кездейсоқтық па, салғырттық па?
Тергеу барысында комиссиялық сот-медициналық сараптама қайта өткізілді. Оның нәтижесі бойынша қылмыстық іс Қазақстан Қылмыстық кодексінің 322-бабының 3-бөлігіне (Заңсыз медициналық және фармацевтикалық қызмет және есірткі немесе психотроптық заттарды алуға құқық беретін рецептілерді немесе басқа құжаттарды заңсыз беру немесе қолдан жасау, соның салдарынан абайсызда адамның қайтыс болуы) қайта ауыстырылды.
Іс материалдары айыптау қорытындысымен бірге сотқа жолданды.
Панфилов аудандық сотының үкімімен сотталушы кінәлі деп танылып, екі жыл алты айға бас бостандығынан айырылды.
- Тақырып бойынша
- Көпбалалы ананың өлімі: перзентхананың үш дәрігері сотталды
Павлодар облысында әйел күйеуін бұзақылардан құтқарып қалды
(Жаңартылды 17:09 28.02.2021)
Төбелеске қатысушылар анықталып, полиция бөліміне жеткізілді, қазіргі уақытта тексеріс жұмыстары жүргізіліп жатырНҰР-СҰЛТАН, 28 ақпан – Sputnik. Әлеуметтік желіде Павлодар облысында екі жігіттің ер адамды жабылып ұрып жатқаны жайлы видео жарияланды.
Ролик авторының айтуынша, оқиға сенбіден жексенбіге қараған түні Ақсу қаласында болған. Ер адам жергілікті мектептің жанынан отбасымен – әйелі және екі баласымен бірге өтіп бара жатқанда оны белгісіз біреулер соққыға жыққан.
Посмотреть эту публикацию в Instagram
Видеодан жеңіл киінген екі жігіт жерде жатқан адамды ұрып жатқанын көруге болады. Әйел ер адамға араша түсіп, бұзақыларға қарсылық көрсетеді. Қаскүнемдер әйелден мұндай батылдықты күтпесе керек, жерде жатқан ер адамды тепкілеуін доғарады.
Қалалық полицияның мәліметінше, бұл факт Ақсу полиция бөлімінде тіркелген.
"Төбелеске қатысқандар анықталып, полиция бөліміне жеткізілді. Тексеру жүргізілуде, оның нәтижесі бойынша процессуалдық баға беріледі", - дейді құқық қорғау органдарының қызметкерлері.
Ақмолалық полицейдің 6 жасар қызы ұйықтауға бара жатып үлкен апаттың алдын алды – видео
НҰР-СҰЛТАН, 28 ақпан — Sputnik. Ақмолалық полицейдің 6 жасар қызы жанып жатқан көлікті байқап, дер кезінде ата-анасына айтып берген. Оқиға Көкшетау қаласының Юбилейный шағын ауданында 25 ақпан күні болған, деп хабарлады Polisia.kz.
Ақмола облысы ПД жергілікті полиция қызметі басқармасы бастығы Серік Баймұқановтың 6 жасар қызы ұйықтауға бара жатып терезеден аулада тұрған көліктің астынан шығып жатқан ұшқындарды көріп қалған. Қауіпті жағдайларда не істеу керек екенін жақсы білетін Нұрия бірден әкесіне хабарлаған.
Серік Керімбайұлы анасы мен әйеліне өрт сөндіру қызметіне қоңырау шалуды тапсырып, ойланбастан көшеге шыққан. Өрт шыққан көліктің жанында басқа да көлік құралдары тұрған. Ол басқа көлік құралдарының дабылын іске қосып, көлік иелерінің назарын аудару үшін оларды соға бастаған.Оқи отырыңыз: Нұр-Сұлтанда жеті жасар қыз анасын құтқару үшін полицияға телефон соқты
Бұдан кейін көлік иелері тысқа шыққанда көліктерді өрт ошағынан алыстатуды өтініп, сыртқа шыққан жастармен бірге өрт ошағын оқшаулауға кіріскен.
Осылайша кішкентай қыздың қырағылығының арқасында үлкен апаттың жолы кесілді.
Әйгілі Ниагара сарқырамасы мұзға айналды – фото
Ақпан айындағы қалыптан тыс төмен температура мен күшті қарлы боран Ниагара сарқырамасын жып-жылтыр айсбергке айналдырды.
Американың кейбір штаттарында ауа температурасы минус 20-30°C-ге дейін, кей жерлерде тіпті минус 40°C-ге дейін төмендеді.
Оқи отырыңыз: Өзбекстанда сарқырама қатып қалды
Туристер сирек болатын бұл құбылысты көзбен көруге құмартып, Нью-Йоркке қарай ағылуда.
Күн шыққан кезде сарқыраманың етек жағында кемпірқосақ пайда болады.
Соңғы рет Ниагара сарқырамасы 2019 жылы ішінара мұз боп қатса, 1848 жылы толық мұзға айналған болатын. Ол кезде сарқырама тоқтап қалып, жергілікті тұрғындарды әбігерге салды.
© REUTERS / Lindsay DeDarioНиагараның сарқыраған суы фантастикалық мұз мүсіндерге айналды.
© REUTERS / Lindsay DeDarioМұзға айналған Ниагара сарқырамасына туристер үлкен қызығушылық танытып жатыр.
© REUTERS / Lindsay DeDarioСарқырама биігіндегі айналаны шолу орындарын да мұз басып қалған.
© REUTERS / Lindsay DeDarioНиагара сарқырамасының етегіндегі су бетінде мұзды "құймақтар" қалқып жүр
© REUTERS / Lindsay DeDarioТуристер сарқыраманың үстіңгі жағында пайда болған кемпірқосаққа сүйсіне қарап тұр.
© REUTERS / Lindsay DeDarioКатерлердің біріндегі палубада қажетті жабдықтар қалың мұз астында қалып қойған.
© REUTERS / Lindsay DeDarioӘдетте су басып жататын аймақтың қарлы және мұзды қалашыққа айналғанына балалар дән риза.
© REUTERS / Lindsay DeDarioНиагара сарқырамасының жанындағы ағаштардың бұтасын мұз басып, олар сыңғырлаған дыбыс шығаруда.
© REUTERS / Lindsay DeDarioАдамдар Нью-Йорктегі Ниагара-Фолс қаласындағы сарқырама жанындағы саябақта серуендеп жүр.
© REUTERS / Lindsay DeDarioСарқыраманың мұзға айналмаған бөлігінде бу көтеріліп, ол мұзды кемпірқосаққа айналды.