Көрермен залы

Облыстардың бірінде карантин жеңілдетіледі

142
Енді Қарағандыда театр, музей және кинотетарларға баратын адамдар саны артады. Сонымен қатар, топталып құлшылық етуге рұқсат берді және демалыс күндері қалааралық автобустардың жұмысы қалпына келтірілді

НҰР-СҰЛТАН, 18 ақпан — Sputnik. Қарағанды облысында карантин шаралары жеңілдетіледі. Бейсенбі, 18 ақпанда өңірдің бас санитарлық дәрігері Юрия Залыгина жаңа қаулыға қол қойды.

Өңірдегі компанияларға қашықтан жұмыс істейтін қызметкерлер (штатта 15 және одан да көп адам болған жағдайда) санын 50%-ке дейін қысқарту тапсырылды. Бұған дейін үйде отырып жұмыс істейтіндер саны 60% болатын.

Сонымен қатар, мәдениет нысандары адам саны 50-ден, залдың толуы 30%-тен аспайтын режимде жұмыс істей алады. Бұған дейін аталған нысандарға залдың 20%-ке толуы және 30 адамнан аспайтын шектеу қойылған еді.

Сондай-ақ, жалпы саны 50-ден (бұған дейін 30) аспайтын адам санымен репитициялар өткізуге рұқсат берілді. Кинотеатрлар да залдың 30%-тен аспайтын толуымен және 50 адам саны шегімен жұмыс істей алады. Бұған дейін кино тамашалаушылар санына қойылған шектеу сәкейсінше 30 адам мен 20% болатын.

Бұдан басқа, санитарлық дәрігер демалыс (сенбі және жексенбі) күндері мына бағыттар бойынша қалааралық, облысішілік тұрақты жолаушылар тасымалын қайта жандандыруды тапсырды: Қарағанды - Теміртау - Қарағанды; Қарағанды - Саран - Қарағанды; Қарағанды - Шахтинск - Қарағанды; Қарағанды - Абай - Қарағанды; Қарағанды - Шахан - Қарағанды; Қарағанды - Топар – Қарағанды.

Бұған қоса, діни нысандарда ұжымдық намаз оқу және құлшылық етуге рұқсат берілді. Бірақ, мешіттер мен шіркеулер адамға толуы деңгейі үштен бір шамасында болуы керек (100 адамға дейін). Ал, жамағаттың қатысуымен өтетін жұма намаз 50 адамға дейін қабылдай алатын ауылдық жерлерде ғана оқылатын болады. Діни нысандардың төрттен бір бөлігі ғана адамға толуы керек.

Еске салсақ, Қарағанды облысында 65 жастан асқан азаматтарға аса қажеттілік туындамаса, далаға шықпауға кеңес беріледі.

Базарлар, сауналар, моншалар, СПА-орталықтар, массаж салондары, аумағы екі мың шаршы метрден үлкен сауда-ойын-сауық орталықтары, сауда үйлері мен сауда желілері жексенбі күні жұмыс істемейді. Сенбі күндері бұл нысандар сағат 9-дан кешкі 20:00-ге дейін жұмыс істейді. Алайда, бұл шектеу аталған ірі нысандардағы азық-түлік дүкендері, дәріханалар, сұлулық салондары мен химиялық тазалау орындарына қатысты емес.

Халыққа қызметк өрсету орталықтары, банктер мен Қазпошта алдын ала жазылу арқылы сағат 09:00-18:00 аралығында жұмыс істейді.

Тамақтану орындары ұжымдық және түрлі мерекелік жиындарды өткізбей, залдың 50%-ке толуымен сағат 07:00-22:00 аралығында жұмыс істейді.

Қаулы 2021 жылдың 20 ақпанынан бастап күшіне енеді.

142
Кілт сөздер:
карантин, Қарағанды облысы
Тақырып бойынша
Қытайда балмұздақтан коронавирустың жаңа түрі табылғаны рас па
Ғалымдар коронавирустың түсін анықтады
Коронавирустан кейін денсаулығы нашарлағандарға тегін дәрі беріле ме?
Жаркенттік фармацевт науқастың өліміне кінәлі деп танылды
Қазақстанда бір тәулікте 10 адам коронавирустан көз жұмды
Түркістандағы бес адам қайтыс болған үй

Ұйықтап үлгермеген: полиция Түркістандағы қайғылы жағдай қалай болғанын айтты

281
(Жаңартылды 13:15 28.02.2021)
Отбасы өз меншігіндегі үш бөлмелі баспанада уақытша тұрып жатқан, оның жанында үлкен үйдің құрылысы жүріп жатыр

АЛМАТЫ, 28 ақпан –  Sputnik. Түркістан қаласында иіс тиіп қайтыс болған бес адамның денесін отбасының таныстары тапқан. Әйел 27 ақпанда жұмысқа шықпаған соң әріптесі іздей бастайды. Полицияның хабарлауынша, қайғылы жағдай 26 ақпан кешкі сағат жетілер шамасында болған, деп хабарлайды Sputnik Қазақстан тілшісі.

"Аталған жайт туралы хабарлама 27 ақпан күні кешке 18:12-де түсті. 26 ақпан күні кешке дейін Болатова Гүлназ базарда жұмыс істеген. Оның базарда бірге істейтін әріптесі 27-сі күні жұмысқа шықпаған соң іздеп, түсте үйіне баласын жіберген. Баласы үйінде ешкім жоқ деп қайтып келген соң, жұмыстан кейін күйеуін жіберген. Себебі ол жұмысқа келмеген, өздерінің кездесетін жоспары болған екен. Күйеуі үйдің терезесінен іште жарық жанып тұрғанын және әйелдің жатқанын көріп хабарлаған", - деді облыстық полиция департаменті бастығының бірінші орынбасары Әбдуғани Сейдуәлиев өңірлік коммуникациялар қызметінде өткен онлайн-брифингте.

Полицияның болжамына сәйкес, қайғылы жағдай әйел жұмыстан келген соң болды. Отбасы үш бөлмелі үйде тұрған.

"26 ақпанда ұйықтауға үлгермеген. Өйткені шешініп, төсекке де жатпаған. Кешкі уақытта пешті қосып, тамақтанып болған соң қайғылы жағдай болды деп болжап отырмыз. Әрқайсысы әр бөлмеде қимылдап жүріп, осы жағдайға тап болған. Байқамаған. Оқиға шамамен 26 ақпан кешкі сағат жеті-сегіз шамасында болды деп отырмыз. Оның дәл уақытын сараптама анықтайды", - деді Сейдуәлиев.

Түркістан облысы әкімінің бірінші орынбасары Арман Жетпісбайдың айтуынша, отбасы өз меншігіндегі үйде тұрып жатқан. Уақытша үш бөлмелі баспанада тұрған, жанында үлкен үйдің құрылысы жүріп жатыр.

"Қаза болған азаматтардың денесі сот-медициналық сараптамадан өткізіліп, туыстарына табысталды. Жергеу орнына жеткізу үшін көліктер ұйымдастырылды. Қазір Қызылорда облысы Жаңақорған ауданында Түркістан қаласының әкімі Рашид Аюпов жерлеу рәсіміне қатысып жатыр. Зардап шеккен отбасыға қаржылай көмек көрсетіледі", - деді Арман Жетпісбай.

Айтуынша, облыстағы мемлекеттік қызметкерлер отбасыға көмек ретінде бір күндік жалақысын беруге ниет білдіріп отыр.

"Бұл жерде ашық өрт шықпаған, мүлікке зиян келмеген. Бәрі орнында тұр. Сол себепті демеушілер арқылы 7 миллион теңге қаржылай көмек көрсетеміз деп отырмыз", - деді облыс әкімінің орынбасары.

Алдын ала болжам бойынша, оқиғаға үй ішіндегі пеш себеп болған.

"Төтенше жағдай департаментіне 18:35-те жедел жәрдем бөлімінен хабарлама түсті. Түркістан қаласы Сұлтан Бейбарыс көшесінде орналасқан жеке үйден әйел мен төрт баланың денесі табылды. Жеке тұрғын үй табиғи газбен жабдықталған. Иран пешінің орнатылғаны анықталды. Алғашқы болжам бойынша иісті газбен уланып қайтыс болған", - деді облыстың төтенше жағдай департаментінің бастығы Нұрғали Жүнісов.

Айта кетейік, бұл оқиғаға байланысты қылмыстық іс қозғалды. Облыстық полиция департаменті бастығының бірінші орынбасары Әбдуғани Сейдуәлиевтің айтуынша, ҚК 292-бабы 3-бөлігі "Абайсызда екі немесе одан да көп адамның өліміне әкеп соққан өрт қауіпсіздігі талаптарын бұзу" бойынша іс біріңғай тізілімге тіркелді.

"Қазір өлім себебін анықтау үшін сот-медициналық сараптама белгіленді. Пештің талапқа сай немесе сай еместігін анықтау үшін сот-техникалық сараптама жасалады. Тергеу жүргізіліп жатыр", - деді Сейдуәлиев.

Түркістандағы қайғылы жағдай

27 ақпанда Түркістан қаласындағы жеке тұрғын үйлердің бірінен әйел мен төрт баланың мәйіті табылды. 40 жастағы әйел және 2004, 2006, 2013, 2016 жылы туған балалары иіс тиіп қайтыс болды. Үйде газбен жылытатын жабдық қойылған. Отағасы кәсіпкерлікпен айналысады, ол емделу үшін Шымкент қаласына кеткен.

281
Кілт сөздер:
полиция, Түркістан
Өмірзақ Шөкеев бес адамның қаза болу себебін анықтау жөніндегі комиссия отырысын өткізді

Түркістандағы төрт бала мен анасының өлімі: қылмыстық іс қозғалды

2059
(Жаңартылды 10:19 28.02.2021)
Облыс әкімі полиция мен төтенше жағдайлар департаментіне қайғылы оқиғаға байланысты жан-жақты тергеу жүргізуді тапсырды

НҰР-СҰЛТАН, 28 ақпан — Sputnik. Түркістанда әйел мен оның төрт баласының қазасынан кейін қылмыстық іс қозғалды.

Түркістан облысы әкімінің баспасөз қызметінің хабарлауынша, өңір басшысы Өмірзақ Шөкеев бес адамның қаза болу себебін анықтау жөніндегі комиссия отырысын өткізген.

"Облыс басшысы полиция департаментіне, төтенше жағдайлар департаментіне жан-жақты тергеу жүргізуді, болған оқиғаға кінәлілерді табу және жазалауды тапсырды. Қылмыстық іс қозғалды. Тергеу амалдары жүргізілуде", - делінген хабарламада.

Денсаулық сақтау басқармасының психологтары қайтыс болған жандардың туыстары мен жақындарына көмек көрсетеді.  5 адамның денесін жерлеу орнына жеткізу үшін көлік берілді, жерлеуді ұйымдастыруға қосымша жәрдем көрсетіледі.

27 ақпанда Түркістан қаласындағы жеке тұрғын үйлердің бірінен әйел мен төрт баланың мәйіті табылғаны хабарланды. 40 жастағы әйел және 2004, 2006, 2013, 2016 жылы туған балалары иіс тиіп қайтыс болған. Үйде газбен жылытатын жабдық қойылған. Отағасы кәсіпкерлікпен айналысады, ол емделу үшін Шымкент қаласына кеткені белгілі болды.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы
2059
Кілт сөздер:
қылмыстық іс, Түркістан облысы