Жол, архивтегі фото

Төтенше жағдайлар министрлігі шұғыл хабар таратты

10185
(Жаңартылды 12:41 19.02.2021)
Қазақстанның 15 өңірінде дабылды ескерту жарияланып, Нұр-Сұлтан қаласындағы,  Алматы, Шығыс Қазақстан, Солтүстік Қазақстан, Павлодар облыстарында жолдар жабылды

НҰР-СҰЛТАН, 19 ақпан – Sputnik. Қазақстанның төтенше жағдайлар министрлігі төрт облыс пен Нұр-Сұлтан қаласында 48 жол учаскесі жабылғанын хабарлады.   

"Қазгидромет" РМК дерегі бойынша еліміздің 15 өңірінде дабылды ескерту жарияланды: Нұр-Сұлтан қаласы, Шымкент қаласы, Ақмола, Атырау, Алматы, Шығыс Қазақстан,Жамбыл, БҚО, Қарағанды, Қостанай, Павлодар, Қызылорда,  Маңғыстау, СҚО және Түркістан облыстары", - делінген ведомствоның баспасөз қызметі таратқан хабарламада.

ТЖМ Ахуалдық орталығында республикалық жедел штаб құрылды. Оның құрымында "Қазавтожол" ҰК АҚ, "Казахавтодор" ЖШС өкілдері және ІІМ ӘПК қызметкері бар. Ақмола, СҚО, Қостанай облыстары және Нұр-Сұлтан қаласы ТЖД де осындай штабтар жұмыс жасайды.

Посмотреть эту публикацию в Instagram

Публикация от SPUTNIK|ҚАЗАҚСТАН (@sputnik_kz)

Қазіргі уақытта ауа райының нашарлауына байланысты (боран, қар, жолдың нашар көрінуі, көктайғақ) еліміздің бес өңірінде Нұр-Сұлтан қаласындағы,  Алматы, Шығыс Қазақстан, Солтүстік Қазақстан, Павлодар облыстарындағы республикалық маңызы бар автожолдардың 8 учаскесі мен облыстық маңызы бар автожолдардың 40 учаскесінде қозғалыс жабылды.

Шұғыл жұмыстарға жалпы ТЖМ, ІІМ, жол қызметтері мен жергілікті атқарушы органдардан 611 адам және 321 бірлік техника жұмылдырылды.

Халықты эвакуациялау үшін жолдардың жабық учаскелерінде 284 жылыту пункті дайындалды, онда 227 адам, оның ішінде 14 бала орналастырылды: СҚО (132, оның ішінде 7 бала), Қостанай облысында (64 адам, оның ішінде 7 бала).

Оқи отырыңыз: Биылғы қыс қандай болады – синоптиктер болжам жасады 

ТЖМ аумақтық бөлімшелері Ақмола, Алматы, Атырау, Қостанай, Павлодар облыстарындағы автожолдарда 77 адамды, оның ішінде 6 баланы эвакуациялады, 20 адамды, оның ішінде 3 баланы құтқарды.

Халықты ескерту мақсатында ауа райының нашарлағаны туралы 21 СМС-хабарлама таратылды. "Дәрмен" мобильді қосымшасы арқылы 16 хабарлама жіберілді.

Уақтылы ақпараттық-психологиялық көмек көрсету үшін Республикалық жедел штабта және өңірлерде (Ақмола, Қостанай облыстары мен Нұр-Сұлтан қаласында)  жедел байланыс желісі ашылды.

10185
Теміртау қаласы

Қақаған аязда қала жылусыз қалды: Теміртау әкімі жағдай қашан қалыпқа келетінін айтты

30
Қала әкімінің айтуынша, тұтынушылар үшін жылуға ақы төлеу мәселесі қарастырылып, қайта есеп жүргізілетін болады

НҰР-СҰЛТАН, 26 ақпан – Sputnik. Жылу электр станциясындағы апатқа байланысты жылу беру тоқтатылған Теміртау қаласының әкімдігі жұма күні жағдай қалыпқа келетіндігін мәлімдеді.

Бейсенбі күні Теміртау қаласының тұрғындары ЖЭО-2-дегі жөндеу жұмыстарына байланысты жылусыз қалған болатын. Қала әкімі Қайрат Бегімов "АрселорМиттал Теміртау" ЖЭО-2 қазандығындағы жағдайды түсіндіріп, қала тұрғындарынан кешірім сұраған.

Сонымен қатар, ол тұтынушылар үшін жылуға ақы төлеу мәселесі қайта есептелетінін ескертті.

"Сағат 07.00-дегі жағдай бойынша ЖЭО-2-дегі 3 қазандық жұмыс істеп тұр, екеуінде жөндеу жұмыстары аяқталды. Қазандықтар сағат 11.00 мен 13.00 аралығында іске қосылады. Жалпы қаладағы температуралық режим сағат 13.00-ге дейін қалпына келтіріледі", – деп жазды ол Instagram парақшасында.

Айта кетейік, Теміртауда бейсенбіде күні ауа температурасы -25 градусқа дейін төмендеп, желдің жылдамдығы секундына 18 метрге жетті. Ал жұма күні қалада -27 градус аяз болды.

Оқи отырыңыз: Павлодарда құбыр жарылып, бірнеше тұрғын үй жылусыз қалды – видео

Ауа райының қолайсыздығына байланысты қалалық білім басқармасы 0-11 сынып оқушылары үшін қашықтықтан форматта сабақ өтетіндігін хабарлады.

30
Кілт сөздер:
"АрселорМиттал Теміртау" АҚ, жылу
Тақырып бойынша
Қай қала тұрғындары жылу үшін ең көп ақша төлейді
Ақмола облысындағы ауыл мектебінде қазандық өртенді, құрбан болғандар жоқ
Қошанов Шаханда жарылған қазандық жайында: апат қайталанбайды
Екі есе ақыны не үшін төлейміз: елорда тұрғындары жылу бағасына наразылық білдірді
Алматының қақ ортасында жылу құбыры жарылды: төрт адам күйіп қалды - видео
Кісен, архивтегі сурет

Тәжік азаматының арызынан кейін Сарыағаш тұрғыны төрт жарым жылға сотталды

50
(Жаңартылды 10:13 26.02.2021)
Пысықай "кәсіпкер" көліктерді сатқаннан кейін туысының үйінде жасырынып жүргенімен, полицейлер оны тауып алды

НҰР-СҰЛТАН, 26 ақпан – Sputnik. Тәжікстан азаматтарын алдап кеткен Сарыағаш ауданының тұрғыны төрт жарым жылға түрмеге тоғытылды, деп хабарлайды Sputnik Қазақстан AstanaTV арнасына сілтеме жасап.   

Былтыр күзде Сарыағаш аудандық полиция бөлімшесіне Тәжікстан Республикасының бір топ азаматтары арызданған. Олар карантин күшейтілген кезде "Қапланбек" шекара бекетіне жақын үйдің иесімен келісіп, ауласына 9 автокөлікті қалдырып кеткен. Ал бір айда кейін қайтып барғанда үй иесін де, көліктерін де таппай қалды. Сөйтсе, Сарыағаш ауданының 31 жастағы тұрғыны көлік құралдарын сатып, 11 миллион теңгеге байыған.

"Тергеу барысында тергеушілердің анықтағанындай 31 жастағы тұрғын шетел азаматтарының көліктерінің алтауын Шымкент қаласындағы базарлардың бірінде сатып жіберген. Ал қалған үшеуін Сарыағаш ауданында бөлшектеп сатып жіберген. Заңды иелеріне автокөліктер қайтарылды", – дейді Түркістан облыстық полиция департаментінің ресми өкілі Салтанат Қаракөзова.

Пысықай "кәсіпкер" көліктерді сатқаннан кейін туысының үйінде жасырынып жүрген. Бірақ полицейлер оны тауып алды. Оның бұған дейін алаяқтық әрекеті үшін сотталғаны белгілі болды. Енді сот үкімімен тағы түрмеге тоғытылды. Бұл жолы ол төрт жарым жылын түзеу мекемесінде өткізеді.

Оқи отырыңыз: Полицейлер Сарыағаш саунасында сұмдық істің үстінен түсті

50
Кілт сөздер:
Сарыағаш, сату
Тақырып бойынша
Куратор желі арқылы жетекшілік еткен: Ақтөбеде 18 жастағы екі студент сотталды
"Ондай жағдай болған жоқ": Шымкентте мектеп директоры 8 жылға сотталды
Маңғыстау облысында педофил өмір бойына сотталды
Қазақстандық 1 000 теңге үшін сегіз жылға сотталды
Танысын зорлады: Алматыда бұрынғы прокурор мен банк менеджері сотталды
Жауынгерлер

1 наурызда әскерге шақыру басталады министрлік негізгі өзгерістерді жариялады

0
Әскерге шақыру барысынан хабардар ету процесін автоматтандыру мақсатында биыл пилоттық режимде SMS-хабарламалар тарату жоспарланып отыр

НҰР-СҰЛТАН, 26 ақпан – Sputnik. Қорғаныс министрлігі көктемгі әскерге шақыру шараларын өткізу тәртібін түсіндірді, деп хабарлайды Sputnik Қазақстан тілшісі.

Бас штабтың ұйымдастыру-жұмылдыру жұмысы департаментінің бастығы Сәкен Жүсіповтің айтуынша, көктемгі әскерге шақыру науқаны 1 шілдеге дейін жалғасады. Осы уақыт ішінде 18 бен 27 жастағы 13,5 мыңнан астам адам әскерге жіберіледі деген жоспар бар. Пандемияға байланысты сақтық шараларына баса назар аудырылады.

Сонымен қатар, халықпен тікелей қарым-қатынасты азайту әрі көктемгі әскерге шақыру барысынан хабардар ету процесін автоматтандыру мақсатында пилоттық режимде мерзімді әскери қызметке шақырылуға тиісті азаматтарға SMS-хабарламалар тарату жоспарланып отыр. Хабарламалар "1414" арқылы жіберіледі.

Департамент бастығының айтуынша, әскерге шақырылғандар ПТР-тесттен өтіп, коронавирусқа қарсы вакцина да салынады.

"Әскерге шақырылатындарға ПТР-тест екі рет жасалады. Біріншісі – әскери жиын пунктінде, ал екіншісі – әскери бөлімдерде жүргізіледі. Ал оларға вакцина егу жеке құраммен бірге қызмет өткеру орындарында ұйымдастырылатын болады", – деді Жүсіпов орталық коммуникациялар қызметінде өткен онлайн брифингте.

Осы орайда департамент басшысы әскери міндеттіліктен жалтарғаны үшін әкімшілік және қылмыстық жазаның бар екенін еске салды.

"Әскерге шақыруды кейінге қалдыру немесе одан босату мәселелерін ақша үшін көмек көрсетуге уәде беретін адамдар арқылы шешуге әрекет етпеңіздер. Олар – алаяқтар. Әскерге шақыруды кейінге қалдыруды онсыз да беруге болатынын біле тұра, халықтың хабарсыз екенін пайдаланып, ақша алуға тырысатындар жоқ емес. Ондай жағдайда сыбайлас жемқорлық жағдайлары бойынша қорғаныс істері жөніндегі департаменттерге немесе сенім телефонына хабарласу қажет", – деп атап көрсетті Жүсіпов.

Қандай жағдайда кейінге қалдыруға болады?

Бүгінде заң бойынша әскерге шақыруды бірнеше жағдайда кейінге қалдыруға болады. Олар:

  • отбасы жағдайына байланысты;
  • білімді жалғастыруға;
  • денсаулыққа байланысты.

Бұдан бөлек, педагог мамандарға да әскерге шақыруды кейінге қалдыруға мүмкіндік беріліп отыр.

Оқи отырыңыз: "Біз емес, коронавирус кінәлі": Қазақстанда әскерге шақыру қалай жүріп жатыр

Айта кетейік, 8 ақпанда Қазақстан президенті Қасым-Жомарт Тоқаев мерзімді әскери қызметтегі әскери қызметшілерді запасқа шығару, сондай-ақ, 2021 жылдың наурыз – шілдесінде және қыркүйек – желтоқсанында мерзімді әскери қызметке шақыру туралы жарлыққа қол қойған болатын.

0
Кілт сөздер:
әскерилер, әскери борыш
Тақырып бойынша
Дабыл бойынша көтерілді: қазақстандық әскерилер тауда құтқару операциясын бастады
Әскерилер коронавирус індетімен күресуге қауқарлы ма?
Тоқаев дезинфекция жасап жүрген жігітті таныды - видео
Президент әскерилер мен полицейлерді марапаттады
Әскерге шақыру басталды: полковник күзгі науқан несімен ерекшеленетінін айтты