Өңірлер

Сәтбаевтағы тәртіпсіздік: 54 адам сот алдында жауап берді

© Sputnik / Абзал КалиевСудебное разбирательство в отношении экс-заместителей министра энергетики - Гани Садибекова и Бакытжана Джаксалиева
Судебное разбирательство в отношении экс-заместителей министра энергетики - Гани Садибекова и Бакытжана Джаксалиева - Sputnik Қазақстан, 1920, 19.02.2021
Жазылу
Бастапқыда жаппай тәртіпсіздік туралы іс бойынша кәмелет жасына толмаған үш бозбала жауап берді. Оның біреуі өткен жылдың желтоқсанында 18 жасқа толды

НҰР-СҰЛТАН, 19 ақпан — Sputnik. Сәтбаев қаласындағы жаппай тәртіпсіздік ісі бойынша 54 адам сот алдында жауап берді. Басты сот отырысы 1 наруызға белгіленді, деп хабарлады Sputnik Қазақстан агенттігіне Қарағанды облысының кәмелет жасына толмағандар ісі бойынша мамандандырылған ауданаралық сотының үйлестіруші соты Елена Баткульдина.

"Тәртіпсіздік бойынша іс бізде қаралды. Кеше алдын ала тыңдау өтті. Басты сот отырысы 1 наурызға белгіленді. 54 сотталушы бар. Оның ішінде бастапқыда кәмелет жасына толмаған үш бозбала болды. Бірақ оның біреу өткен жылдың желтоқсанында 18 жасқа толды", - деді үйлестіруші сот.

Ол тағы екі адамға іздеу жарияланғанын растады.

Сәтбаевта қызды зорлады

2020 жылдың 24 шілдесіне қараған түні Сәтбаев қаласында ауыр қылмыс жасалды. Қалалық полиция бөліміне бес жасар қыздың әкесі арызданып, баласының жоғалғанын хабарлады. Осыдан кейін іздеу шаралары басталды. Жергілікті полицияның жеке құрамы тартылды. Жүздеген ерікті де қызды іздеуге шықты. Түнде жоғалған бес жасар қыз белгісіз ер адамның пәтерінен табылды.

Бала табылғаннан кейін күдікті тұратын үйдің маңына бір топ адам жиналды. Олар ер адамды өздері жазаламақ болған. Ашулы топ барлық пәтердің есігін қағып, тұрғындардың зәресін ұшырған.

Сәтбаевта 5 жасар қызды зорлаған ер адам изоляторда өлі табылды

Жиналған жұрт күдіктіні беруді талап етіп, қалалық әкімдікке және полицияға барды. Бірнеше көлік өрттенді. Қалаға ұлттық ұлан күштері кіргізіліп, жағдай бақылауға алынды.

Ал 6 қазанда Қарағанды қаласының тергеу изоляторында күдіктінің өлі денесі табылды. Ол өз-өзіне қол салды.

Бес жастағы қызды ұрлау және зорлау ісі бойынша екі адам сотталып жатыр. БАҚ таратқан ақпаратқа сәйкес, олар –  ерлі-зайыпты.

Жаңалықтар
0