Қызғылт түтін

Теміртауда министрлікті алаңдатқан видео пайда болды

3307
(Жаңартылды 19:05 20.02.2021)
Шығарындылардың рұқсат етілген нормадан асып кетуіне байланысты кәсіпорынға жоспардан тыс тексеру жүргізіледі

НҰР-СҰЛТАН, 20 ақпан – Sputnik. 19 ақпан күні әлеуметтік желіде "АрселорМиттал Теміртау" мекемесіне тиесілі кәсіпорында ауаны ластаушы заттар шығарындыларының видеосы жарияланды.

Бұған дейін еліміздің экология, геология және табиғи ресурстар министрлігі "АрселорМиттал Теміртау" кәсіпорнында жоспардан тыс тексеру жүргізілетінін хабарлаған. Ал оған видеодағы атмосфераға ластаушы заттар шығарындыларының рұқсат етілген нормадан асып кетуі себеп болған.

Посмотреть эту публикацию в Instagram

Публикация от Sputnik Казахстан (@sputniknewskz)

Ал министрлік кәсіпорынның №2 конвертеріндегі газды алғашқы тазартудағы үрлеу кезінде қысымдық-скруббер қабырғаларына жабысқан шаң құлағанын айқындады. Осыдан кейін балқыту процесі дереу тоқтатылды.

"Экология министрлігі аймақтағы азаматтардың экологиялық ахуалға алаңдаушылығын назарға алды. Мұндай фактілерге қатысты жедел шаралар қолданылады", – делінген ведомство хабарламасында.

Тексеріс нәтижелері көпшілікке жария етілетін болады.

Оқи отырыңыз: Семейде қара қар жауды: тұрғындар наразылық білдірді

3307
Кілт сөздер:
түтін, экология
Тақырып бойынша
Бозжырада қонақ үй салуға қатысты экологтар пікір білдірді
Мадрид орталығында жойқын жарылыс болды – видео
Алматыда мәслихат отырысы өтті: қалада экология бойынша жаңа комиссия құрылды
"Қыз әжесінің үйінде түнеген": Қазақстанның солтүстігінде бір отбасы опат болды
Алматының экологиялық ахуалын онлайн-карта арқылы бақылауға болады
Жұдырық, иллюстративті фото

Павлодар облысында әйел күйеуін бұзақылардан құтқарып қалды

2082
(Жаңартылды 17:09 28.02.2021)
Төбелеске қатысушылар анықталып, полиция бөліміне жеткізілді, қазіргі уақытта тексеріс жұмыстары жүргізіліп жатыр

НҰР-СҰЛТАН, 28 ақпан – Sputnik. Әлеуметтік желіде Павлодар облысында екі жігіттің ер адамды жабылып ұрып жатқаны жайлы видео жарияланды.

Ролик авторының айтуынша, оқиға сенбіден жексенбіге қараған түні Ақсу қаласында болған. Ер адам жергілікті мектептің жанынан отбасымен – әйелі және екі баласымен бірге өтіп бара жатқанда оны белгісіз біреулер соққыға жыққан.  

Видеодан жеңіл киінген екі жігіт жерде жатқан адамды ұрып жатқанын көруге болады. Әйел ер адамға араша түсіп, бұзақыларға қарсылық көрсетеді. Қаскүнемдер әйелден мұндай батылдықты күтпесе керек, жерде жатқан ер адамды тепкілеуін доғарады.

Қалалық полицияның мәліметінше, бұл факт Ақсу полиция бөлімінде тіркелген.

"Төбелеске қатысқандар анықталып, полиция бөліміне жеткізілді. Тексеру жүргізілуде, оның нәтижесі бойынша процессуалдық баға беріледі", - дейді құқық қорғау органдарының қызметкерлері.  

2082
Қыз терезе қарап тұр, архивтегі фото

Ақмолалық полицейдің 6 жасар қызы ұйықтауға бара жатып үлкен апаттың алдын алды видео

2886
Нұрия терезеден аулалардың бірінде тұрған көліктің астынан шығып жатқан ұшқындарды көріп қалған, ол дереу әкесіне хабарлаған

НҰР-СҰЛТАН, 28 ақпан — Sputnik. Ақмолалық полицейдің 6 жасар қызы жанып жатқан көлікті байқап, дер кезінде ата-анасына айтып берген. Оқиға Көкшетау қаласының Юбилейный шағын ауданында 25 ақпан күні болған, деп хабарлады Polisia.kz.   

Ақмола облысы ПД жергілікті полиция қызметі басқармасы бастығы Серік Баймұқановтың 6 жасар қызы ұйықтауға бара жатып терезеден аулада тұрған көліктің астынан шығып жатқан ұшқындарды көріп қалған. Қауіпті жағдайларда не істеу керек екенін жақсы білетін Нұрия бірден әкесіне хабарлаған.

Серік Керімбайұлы анасы мен әйеліне өрт сөндіру қызметіне қоңырау шалуды тапсырып, ойланбастан көшеге шыққан. Өрт шыққан көліктің жанында басқа да көлік құралдары тұрған. Ол басқа көлік құралдарының дабылын іске қосып, көлік иелерінің назарын аудару үшін оларды соға бастаған.

Оқи отырыңыз: Нұр-Сұлтанда жеті жасар қыз анасын құтқару үшін полицияға телефон соқты 

Бұдан кейін көлік иелері тысқа шыққанда көліктерді өрт ошағынан алыстатуды өтініп, сыртқа шыққан жастармен бірге өрт ошағын оқшаулауға кіріскен.

Осылайша кішкентай қыздың қырағылығының арқасында үлкен апаттың жолы кесілді.   

2886
Архивтегі фото

"Үй арзандаса, сапасы нашарлайды": экономист баспаналы болғысы келетіндерге кеңес берді

0
Әлеуметтік желіде Dauletten деген атпен таныс экономист Дәулет Мұқаев баспана алу, кәсіп бастау үшін де алдымен сенім қажет дейді

АЛМАТЫ, 28 ақпан –  Sputnik. Экономист, тұрғын үй саласындағы сарапшы Дәулет Мұқаев үй алу кезінде тиімді бағдарламалар мен жылдық процентті төмендетуге көмектесетін бағалау көрсеткішін түсіндірді. Ол Sputnik Қазақстан тілшісімен әңгіме барысында тұрғын үй бағасының шарықтауына, ақша жинау жолдарына тоқталды.

Тиімді-тиімсіз бағдарламалар

Әлеуметтік желіде Dauletten деген атпен таныс экономист баспана алу үшін де, кәсіп бастау үшін де ең алдымен сенім қажет дейді.

"Адам өз болашағына сеніп, негативті жинай бермегені жөн. Барлығы қолымнан келеді, істей аламын деп, үй алатынына сенуі керек. Жалпы алғанда үй алуға, әрекет етуге ниет пен сенім қажет. Екінші кезекте табыс табуға ұмтылуы керек. Себебі тегін үй жоқ. Ешкім нарықтық экономикада тегін үй бере салмайды. Соны да ескеруіміз керек. Үнемі әрекетке берекет деп айтып жүремін. Табыс тауып, табысты молайту керек", - дейді Дәулет.

Оқи отырыңыз: Қазақстанда процентсіз ипотека алуға болады: жалақы қанша болу керек

Дей тұрғанмен ақшаны жинаумен қатар тиімді бағдарламаны таңдау да маңызды. Осы тұста Дәулет Мұқаев халық "Отбасы банк", "7-20-25", "Баспана хиттен" хабардар екенін айтып, "Орда" бағдарламасының тиімді тұстарына тоқталды.

"Кейінгі кезде айтылып жүрген "Орда" ипотекалық бағдарламасының бір тиімді тұсы бар. Атыңызда үй болса, соны кепілге қойып, бастапқы жарнасыз да үй алуға мүмкіндік береді. Бірақ ол жерде банктің проценті – 12-14%. Процент табыс деңгейін растау бойынша белгіленеді. Десе де бір артықшылығы, үйді кепілге қойып, жаңа үй алуға болады", - дейді экономист.

Ал халыққа тиімсіз бағдарламалар жылдық проценттің жоғары болуымен өлшенеді.

"Банктің ішкі стандарт бағдарламалары болады. Ол жерде жылдық процент 16%-тен асады. Тіпті 25-28%-ке дейін жоғары болып кетеді. Бұл жерде 12 миллион теңге тұратын үйдің бағасы сатып алушыға 28 миллионға түседі. Бұл бағдарламалар туралы жазбаймын. Себебі өте тиімсіз", - дейді ол.

"Отбасы" банкте ақша жинау

Экономист Дәулет Төлеутай әлеуметтік желідегі парақшасында "ОП (оценочный показатель) түсінбеген опық жейді" деген тіркесті жиі қолданады. Бұл жердегі ОП – бағалау көрсеткіші. "Отбасы банкте" ақша жинайтындарға арналған көрсеткіш.

"Бағалау көрсеткіші өскен сайын банкке төлейтін ақша азая береді. "Отбасы банк" бағалау көрсеткішін өсіру үшін кемі үш жыл бойы ақша жина дейді. Сол үш жыл жинаған кезде бағалау көрсеткіші 16-ға жетсе, табыс көзін растамай, бірден 5%-пен үй алуға болады", - дейді ол.

Экономист мысал ретінде 12 миллион теңге тұратын үйді "Отбасы банк" арқылы алу жолын есептеп берді.

"12 миллион теңге тұратын үйді "Отбасы банк" арқылы алатын болсаңыз, үш жыл ішінде ол соманың тең жартысын – 50%-ін жинайсыз. Бағалау көрсеткіші 16 болған кезде ипотека 6 жылға 5%-пен беріледі. Ол кезде 12 миллион теңгенің үйіне артық төлем 957 000 теңге болады. Бір миллион теңгеге жетер-жетпес баға. Ай сайынғы төлем 96 630 теңге. Алматы, Нұр-Сұлтан секілді қалаларда 12 миллион теңгеге бір бөлмелі үй алған тиімді деп санаймын. Себебі адамдар пәтерді жалдап тұрғанда да сол ақшаны төлейді", - дейді Мұқаев.

Посмотреть эту публикацию в Instagram

Публикация от Даулет Мукаев (@dauletten)

Бағалау көрсеткіші өсу үшін ақша салу керек, дейді ол. Сондай-ақ, ақша жинаудың жолдары туралы да айтты.

"Ақша санағанды жақсы көреді. Есеп-қисапты жақсы көреді. Бірақ басқаның емес, өз ақшамызды санауымыз керек. Қарапайым өмірде өзгенің ақшасын көп санап кетеміз. Ең бірінші кезекте дәптер алып, өз ақшамызды санап, соны көбейту жолдарын қарастырсақ жақсы болар еді. 50 мың теңге тапсаңыз да, бес мың теңге жинап үйрену керек. Той мен беталды ақша жаратуды қысқарту керек", - дейді ол.

Банкке ақша салатындар арасында банктің банкрот болып қалу-қалмауы туралы сұрақ қоятындар көп.

"Ақша жинаған адамда мұндай сұрақ болуы орынды әрі заңды. Бізде kdif.kz деген сайт бар. Бұл – Қазақстанның депозиттерге кепілдік беру қорының ресми сайты. Қазақстанда бірінші деңгейлі бір ғана банк бар, ол – Ұлттық банк. Одан кейін екінші деңгейлі банкке Халық банк, Форте банк, Каспий банк, Сбербанк, т.б. банктер жатады. Оның ішіне "Отбасы" банк те кіреді", - дейді Мұқаев.

Айтуынша, Ұлттық банк ешкімге кредит бермейді. Екінші деңгейлі банктерді қадағалайды.

Сондай-ақ, Қазақстанның депозиттеріне кепілдік беру қоры азаматтардың депозитіндегі сомаға жауап береді. Егер екінші деңгейлі банк банкрот болып қалса, қор кісі басына 15 миллион теңгеге дейінгі соманы қайтаруға кепілдік береді.

Пәтер бағасы арзандай ма?

Экономистің айтуынша, қазір шарықтап тұрған баспана бағасы арзандамауы мүмкін. Мұндай жағдайда үйдің сапасы да сын көтермейтін болады.

"Сұраныс бар жерде баға да өседі. Бұл – экономика заңдылығы. Қазір баспана бағасы шарықтап тұр. Бұл баға тұрақтауы мүмкін, бірақ арзандап кетуі екіталай. Оған тек бағдарламалардың талаптары ғана емес, доллардың өсімі, құрылыс материалдарының қымбаттауы, жұмыс күшінің айлығы әсер етеді", - дейді ол.

Мысалы, осыдан бес жыл бұрын құрылысшы 100 мың теңге алса, қазір сол жұмысқа 150-160 мың теңге сұрайды. Бәрі бір-біріне байланысты. Үйдің бағасы арзандап кетсе, оның сапасы да құлдырап кетеді. Нарықтық экономика заңдылығына сәйкес, соған көну керек, соған сай жұмыс істеу керек, дейді ол.

Айта кетейік, мемлекет басшысы Қасым-Жомарт Тоқаев ұлттық қоғамдық сенім кеңесінің бесінші отырысында баспана бағасын арзандатудың жолын ұсынды. Президент құрылыс компанияларымен алдын ала сатып алу келісімін жасасуды ұсынды. Соның нәтижесінде тұрғын үйлер "Нұрлы жер" бағдарламасындағы бағамен сатылады.

0
Кілт сөздер:
баспана
Тақырып бойынша
Тоқаевтың тапсырмасы: Пәтер жалдау ақысының 80 процентін мемлекет төлейді
Қазақстанда тұрғын үй құрылысының бірыңғай операторы іске қосылады
Қазақстандықтардың мемлекеттік тұрғын үй бағдарламасына қатысуына шектеу енгізілді
Депутат шенеуніктер былығы кесірінен кейбір отбасы үйсіз жүргенін айтты