Полиция көлігі, иллюстративті фото

Бағасы 124 миллион теңге: полицейлер су шашатын көлікті сатып алу себебін түсіндірді

671
(Жаңартылды 14:50 21.02.2021)
Көпшілікті су шашып таратуға арналған көлік осы кезге дейін қолданыста болғанымен, ол гаражда тұрып немесе оқу-жаттығу алаңдарында ғана жүріп ескірген

НҰР-СҰЛТАН, 21 ақпан – Sputnik. Солтүстік Қазақстан облыстық полиция департаментінің материалдық-техникалық қамтамасыз ету бөлімі су атқылау құрылғыларымен жабдықталған автокөліктің не үшін қажет екенін түсіндірді, деп хабарлайды жергілікті Petropavlovsk.news сайты.

Бұған дейін қазақстандық ақпарат құралдарында аталған мекеменің арнайы құрылғылармен жабдықталған техниканы сатып алу үшін құны 124 миллион теңгені құрайтын автокөлік сатып алуға арнайы лот жарияланған.

Полиция департаменті таратқан ақпаратқа сүйенсек, бұл өңірде қажеттілік туындаған алғашқы көлік емес. Қолданыстағы нұсқаулықтарға сәйкес, 2005 жылдан бері баланста тұрған ескі машинаны есептен шығаруға тура келген.

"Бұл техниканы қолдану – полиция қызметінің дүниежүзілік тәжірибесінде бар. 15 жылдан астам уақыттан бері СҚО полиция департаментінің есебінде тұрған техникада ақау пайда болуы мен қызмет ету мерзімінің аяқталуына байланысты жаңа көлік сатып алынуда", – делінген материалдық-техникалық қамтамасыз ету басқармасының хабарламасында.

Жергілікті басылым дегерінше, арнайы құралдармен жабдықталған көлік көпшілікті су шашып таратуға арналған. Ал осы кезге дейін қолданыста болған техника гаражда тұрып немесе оқу-жаттығу алаңдарында ғана жүріп, ескірген болуы мүмкін.

671
Кілт сөздер:
Петропавл, полицейлер
Тақырып бойынша
Желіде полиция көлігі бастаған той кортежінің видеосы шықты
Алматыда полиция көлігі ірі жол апатына түсті
Полиция көлігі тротуарға шығып, адамдарды басып кетті - видео
Оралда полиция көлігі 11 жастағы баланы қағып кетті
Таразда 80 полиция көлігі түнде орталық көшеге жиналды – видео
Өмірзақ Шөкеев бес адамның қаза болу себебін анықтау жөніндегі комиссия отырысын өткізді

Түркістандағы төрт бала мен анасының өлімі: қылмыстық іс қозғалды

1661
(Жаңартылды 10:19 28.02.2021)
Облыс әкімі полиция мен төтенше жағдайлар департаментіне қайғылы оқиғаға байланысты жан-жақты тергеу жүргізуді тапсырды

НҰР-СҰЛТАН, 28 ақпан — Sputnik. Түркістанда әйел мен оның төрт баласының қазасынан кейін қылмыстық іс қозғалды.

Түркістан облысы әкімінің баспасөз қызметінің хабарлауынша, өңір басшысы Өмірзақ Шөкеев бес адамның қаза болу себебін анықтау жөніндегі комиссия отырысын өткізген.

"Облыс басшысы полиция департаментіне, төтенше жағдайлар департаментіне жан-жақты тергеу жүргізуді, болған оқиғаға кінәлілерді табу және жазалауды тапсырды. Қылмыстық іс қозғалды. Тергеу амалдары жүргізілуде", - делінген хабарламада.

Денсаулық сақтау басқармасының психологтары қайтыс болған жандардың туыстары мен жақындарына көмек көрсетеді.  5 адамның денесін жерлеу орнына жеткізу үшін көлік берілді, жерлеуді ұйымдастыруға қосымша жәрдем көрсетіледі.

27 ақпанда Түркістан қаласындағы жеке тұрғын үйлердің бірінен әйел мен төрт баланың мәйіті табылғаны хабарланды. 40 жастағы әйел және 2004, 2006, 2013, 2016 жылы туған балалары иіс тиіп қайтыс болған. Үйде газбен жылытатын жабдық қойылған. Отағасы кәсіпкерлікпен айналысады, ол емделу үшін Шымкент қаласына кеткені белгілі болды.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы
1661
Кілт сөздер:
қылмыстық іс, Түркістан облысы
Рука ребенка, иллюстративное фото

Петропавлда анасы өлімші етіп сабаған үш жасар қыз қайтыс болды

528
Бала бір айдан астам уақыт комада жатты, ол есін жимастан көз жұмды

ПЕТРОПАВЛ, 27 ақпан – Sputnik. Петропавлда анасы өлімші етіп сабаған үш жасар қыз қайтыс болды, деп хабарлайды Sputnik Қазақстан тілшісі.

Солтүстік Қазақстан облыстық балалар ауруханасының дәрігерлері сәбидің өмірі үшін бір айдан астам күресті.

"Бала комада жатты, ол есін жимастан қайтыс болды", - деп хабарлады облыстық денсаулық сақтау басқармасының баспасөз қызметі.

Еске сала кетсек, 17 қаңтарда ауруханаға ессіз күйде үш жасар қыз жеткізілді. Баланы ұрып-соқты деген күдікпен 22 жастағы анасы ұсталды.

Денсаулық сақтау басқармасының хабарлауынша, әйел нәрестені дүниеге әкелген соң оны асырауға жағдайы болмағандықтан уақытша балалар үйіне берген. Ол қызына келіп тұрған, ал бес айдан кейін 2017 жылдың желтоқсанында оны алып кеткен. Осыдан кейін бала әкесінің үйінде тұрады. 2020 жылдың 25 желтоқсанында ер адам қызды шешесіне қайтарады. 17 қаңтарда сәби "бас жарақаты" диагнозымен ауруханаға түседі.

Қыз мүгедек болған, оған сегіз айында сал ауруы диагнозы қойылды.

Баланың анасына қатысты қылмыстық іс қозғалды. Ол тергеу аяқталғанша уақытша ұстау изоляторында отырады.

528
Алматыда автобус Mega сауда орталығына соғылды

Алматыда автобус "Mega" сауда орталығына соғылды: бес адам зардап шекті

1
Автобус екі жолаушы мен екі көлікті соғып, одан кейін "Mega" сауда ойын-сауық орталығының автотұрағына кіріп кеткен

АЛМАТЫ, 28 ақпан — Sputnik. Алматыда сенбі кешке Сейфуллин мен Төреқұлов көшелерінің қиылысында ірі жол апаты болды, деп хабарлайды Sputnik Қазақстан тілшісі.

№123 автобус Hyundai Elantra көлігіне соғылады, ол жол жиегіне ұшып кеткен. Бұған қоса автобус жол-жөнекей электр қалқанын құлатып, бағдаршамның жануын күтіп тұрған екі адамды қағады. Әрі қарай автобус автотұрақ аумағына кіріп кетіп, Mega park қабырғасына барып соғылады. Сондай-ақ ол тұрақтан шығып келе жатқан Volkswagen Polo көлігін соққан.

Автобус врезался в стену ТРЦ Мега
© Sputnik / Стрингер
Автобус жүргізушісі көше қиылысында рөлге ие бола алмай қалған

Апат салдарынан бес адам зардап шекті – автобус жүргізушісі, Volkswagen Polo жүргізушісі мен екі жолаушысы және жаяу жүргіншілер жолында тұрған екі адам. Соңғы екеуі ауыр хәлде жансақтау бөлімінде жатыр.

Автобус врезался в стену ТРЦ Мега
© Sputnik / Стрингер
Автобус екі көлік пен екі адамды соққан, зардап шеккендер қазір жансақтау бөлімінде жатыр

Автобус жүргізушісінің не себепті рөлге ие бола алмай қалғаны әзірге белгісіз. Полиция жол апатының мән-жайын анықтап жатыр.

Автобус врезался в стену ТРЦ Мега
© Sputnik / Стрингер
Апат салдарынан бес адам зардап шекті, оның ішінде автобус жүргізушісі де бар
1
Кілт сөздер:
жол апаты, Алматы