Көлік, жол

Алматыда қай ауданда автотұрақ бағасы қымбаттайтыны хабарланды

37
Бұл шара қаланың ең проблемалық учаскесінде жүргізушілер үшін бірқатар орын босатуға мүмкіндік береді

НҰР-СҰЛТАН, 22 ақпан — Sputnik. 2021 жылдың 1 наурызынан бастап 1501 аумағында сараланған тариф іске қосылады. Енді алматылықтар базар айналасындағы тұрақ орындарын пайдаланғаны үшін сағатына 150 теңгеден төлейтін болады. Бұл жөнінде Aparking (Алматының ақылы автотұрақтары жөніндегі жоба) компаниясы өзінің Instagram парақшасында хабарлады.

Бұл шара қаланың ең проблемалық учаскесінде жүргізушілер үшін бірқатар орын босатуға мүмкіндік береді. Жүргізушілер базар айналасына машиналарын күн ұзаққа қоймайтын болады. Себебі, бұл тиімсіз, деп жазылған хабарламада.

"2020 жылы базар айналасына машина қоюдың орташа ұзақтығы үш сағатты құрады. Бұл Алматы–1 немесе Тастақтағы көтерме базарлардағы ақылы автотұрақтармен салыстырғанда екі есе көп", - деп атап өтті Aparking компаниясы.

Қазір 1501 аймақта 317 тұрақ орны бар.

"Бір тұрақ орнының орташа айналымы күніне 2,6 автомобиль. 2017 жылы бұл көрсеткіш жеті көлік шамасында болған. Таңертең немесе түскі қарбалас уақытында базар маңындағы автотұрақтардың жүктемесі 100 процент болады", - деп жазылған хабарламада.

Сараланған тариф – "сұраныс неғұрлым көп болса, тұрақ орнының бағасы да соғұрлым қымбат немесе сұраныс болмаса, арзан" принципі бойынша орындар жүктемесін реттеу әдісі.

37
Кілт сөздер:
көлік, базар, Алматы
Тақырып бойынша
Ақтауда паркингте той жасағандар кім екені анықталды – видео
Сағаты 5 мың: Нұр-Сұлтан әуежайы "қымбат тұраққа" қатысты түсініктеме берді
Нұр-Сұлтанда жеңілдігі бар көлік картасын қайта шығару бағасы өзгерді
"Көлік пен телефон береміз": Нұр-Сұлтанда ұтыс соңы немен аяқталды
Мас жүргізуші тұрақта тұрған үш көлікті соғып, қарама-қарсы бетке шығып кеткен
Иллюстративті фото

Түркістан облысында 8 наурыз қарсаңында үшем дүниеге келді

2503
Үш қызды дүниеге әкелген 34 жастағы көпбалалы ананың үйінде тағы екі ұлы мен екі қызы асыға күтіп отыр

НҰР-СҰЛТАН, 8 наурыз – Sputnik. Түркістан облысында Сарыағаш ауданының 34 жастағы тұрғыны Лаура Тұрарбекова 8 наурыз –  Халықаралық әйелдер күні мерекесі қарсаңында үш қызды дүниеге әкелді.

Шала туған үшемнің өмірін дәрігерлер аман алып қалды. Бүгінде нәрестелерді №1 облыстық перинаталдық орталығының дәрігерлері бақылауға алған, деп хабарлады Otyrar.kz.

"Үш қызымның рақатын көрейін енді. Үйімде тағы екі ұлым мен екі қызым асыға күтіп отыр. Мереке қарсаңында босанып отырмын. Осы орайда ақ халатты әйелдер қауымын мерейлі мерекемен шын жүректен құттықтаймын. Дәрігерлерге мың алғыс", – дейді көпбалалы ана.

Жаңа туған сәбилерге Жания, Рабия, Сания есімдері берілді.

Ақ халаттылардың біліктілігі мен тынымсыз еңбегінің арқасында шала туған шақалақтарды анасы бауырына басты. Себебі жеті жарым айлық нәрестелердің өкпесі дұрыс дамымаған, бәрі жасанды тыныс алу аппаратына қосылған.

Балаға берілетін жәрдемақы - 2021: кімге, қалай және қанша төленеді?

Айта кетейік, жыл басынан бері орталықта 1571 бала дүние есігін ашқан. Олардың 38-і егіз болса, екеуі үшем.

2503
Кілт сөздер:
Түркістан облысы, үшем
Тақырып бойынша
"Өтірік айтасың деп сенбеді": алты баланың анасы атанған 23 жастағы келіншектің әңгімесі
Депутат бес жылдан кейін бала туатын әйелдер санының азаятынын айтты
Түркістан облысында 23 жастағы келіншек алты баланы дүниеге әкелді
Нұр-Сұлтанда егіздер мен үшемдер көбейді
Нұр-Сұлтанда жаңа туған нәрестеге жиі қойылған есімдер жарияланды
25 жасында көпбалалы ана атанды: Маңғыстауда төртем дүниеге келді
Архивтегі фото

Аймағамбетов қол астындағы қызметкерінің адам өлтіруіне не себеп болғанын айтты

1424
(Жаңартылды 19:47 08.03.2021)
Екеуара жанжал кезінде құрдасын атып тастаған Қостанай полициясының бағдарламашысы ұсталып, қамауға алынды

НҰР-СҰЛТАН, 8 наурыз – Sputnik. Қостанай облысы полиция департаментінің бастығы Бекет Аймағамбетов 8 наурызға қараған түні Қостанай полициясының қызметкері жасаған қылмыстың жай-жапсарын баяндады. Жанжалдасқан екеу сыныптас екені анықталды.

Облыс полициясының бастығы қарсыласын тіркелген қарумен атып тастаған қызметкердің департамент құрылымында басшылық қызмет атқармағанын, қарапайым бағдарламашы болғанын атап өтті. Ол қақтығысқа не себеп болғанын да хабарлады.

"Екі сыныптастың арасында жанжал шыққан. Ол оннан астам адам тіркелген чатта жалғасқан. Бағдарламашыға сыныптасы қоқан-лоқы жасаған", - деп жазды Аймағамбетов өзінің Facebook парақшасында.

Оның айтуынша, полицейдің сыныптасы оған қарулы адамдар жібергенін айтып, өлтіремін деп қорқытқан. Ондай хабарламаны бірнеше рет жазған.

"Бұрын сотталған сыныптас ішімдік ішіп, 8 наурызда түнгі сағат үш шамасында танысымен бірге полицейдің үйіне келген. Ол оған тағы да қоқан-лоқы жасаған. Өзінің атына тіркелген қаруды алып шыққан полицей оқ атқан, жәбірленуші көз жұмды", - деді Қостанай облысы полиция департаментінің бастығы.

Аймағамбетов қазіргі уақытта полиция қызметкері қамауға алынғанын хабарлады.

Қазақстан Қылмыстық кодексінің 99-бабы 1-бөлігі – "Адам өлтіру" бойынша сотқа дейінгі тергеуден бөлек, ішкі қауіпсіздік басқармасының қызметкерлері қызметтік тексеріс жүргізіп жатыр. Іс ерекше бақылауға алынды.

Оқи отырыңыз: Қостанайда ер адам құрдасын өлтірді - полицей ұсталды

Еске сала кетейік, бұған дейін 8 наурызға қараған түні Қостанайдағы Тәуелсіздік көшесінде ер адам ерегіскен қарсыласын атып өлтіргені хабарланған болатын.

Кейін күдіктінің құқық қорғау органының қызметкері екені белгілі болды. Егер оның кінәсі дәлелденсе, сегіз жылдан он бес жылға дейінгі мерзімге бас бостандығынан айырылуы мүмкін.  

1424
Тақырып бойынша
Өскеменде ер адам полицейдің мойнына пышақ сұғып алды – оқиғаның видеосы
Алматыда төрт лауазымды полицей қызметінен қуылды
Демалыста жүрген полиция майорының заңсыз әрекеті әшкере болды
Полиция басшылары ұсталды - ІІМ видео жариялады