Пәтер кілті

Жаңатаста 5 баласынан айырылған отбасыға пәтер берілді

776
Демеушілер қаражатына пәтер сатып алынды. Ал жергілікті кәсіпкерлер жиһаз бен тұрмыстық техника алуға көмектесті

НҰР-СҰЛТАН, 22 ақпан — Sputnik. Жаңатаста 5 баласынан айырылған отбасыға пәтер берілді, деп хабарлады Жамбыл облысы әкімдігінің баспасөз қызметі.

Президент Қасым-Жомарт Тоқаевтың тапсырмасымен өңір әкімдігі жан-жақты қолдау көрсетілуде. Өрт салдарынан бес баласынан айырылған отбасыға қаржылай, медициналық және психологиялық көмек ұсынылды.

Пятеро детей из одной семьи скончались в результате пожара
© Photo : МЧС РК
Трагедия 19 ақпанда Жамбыл облысы Сарысу ауданының Жаңатас қаласында болды

Жерлеу рәсімін әкімдік өтеді. Демеушілер қаражатына үш бөлмелі пәтер сатып алынды. Ал жергілікті кәсіпкерлер жиһаз бен тұрмыстық техника алуға қол ұшын созды.

Бұдан бөлек, қоғамдық ұйымдар мен демеушілер 3 миллион теңгеден астам қаражат жинағаны айтылып отыр.

Мемлекеттік орган қызметкерлері қаржылай көмек ретінде бір күндік жалақысын аударды.

Жаңатастағы трагедия

Трагедия 19 ақпанда Жамбыл облысы Сарысу ауданының Жаңатас қаласында болды. Пәтерде ата-ананың қарауынсыз қалған, кәмелеттік жасқа толмаған 2015, 2016, 2017, 2019 және 2020 жылдары туған балалар болды. 2 ұл мен 3 қыз газдан уланып көз жұмды.

Өрт шыққан кезде балалардың анасы дүкенге кеткен. Әкесі жұмыста болған.

Мемлекет басшысы Әбдімәліковтер отбасының қайғысын бөлісіп, қаза болған балалардың ата-анасы мен туыстарына жұбату лебізін білдірді. Президент бұл жағдайды бір ғана отбасының емес, бүкіл еліміздің басына түскен трагедия деп санайды. Ол балалардың ата-анасына жан-жақты көмек көрсетуді тапсырды.

Жамбыл облысының басшысы Бердібек Сапарбаев мәселені жеке бақылауына алғанын жеткізді.

776
Кілт сөздер:
бала, өрт, отбасы, Жамбыл облысы
Тақырып бойынша
Жаңатастағы трагедия: өрт шыққан үйдің көршілері оқиға қалай болғанын айтты
"Бұл еліміздің қасіреті": Тоқаев Жаңатастағы балалар өлімі туралы айтты
Бүкіл елді есеңгіреткен қайғылы оқиға болды – Бердібек Сапарбаев
Жаңатаста 5 баланың өмірін қиған өрттің себебі анықталды
Бір үйдің 5 баласы көз жұмды – Жамбыл облысында пәтер отқа оранды
Иллюстративті фото

Түркістан облысында 8 наурыз қарсаңында үшем дүниеге келді

2654
Үш қызды дүниеге әкелген 34 жастағы көпбалалы ананың үйінде тағы екі ұлы мен екі қызы асыға күтіп отыр

НҰР-СҰЛТАН, 8 наурыз – Sputnik. Түркістан облысында Сарыағаш ауданының 34 жастағы тұрғыны Лаура Тұрарбекова 8 наурыз –  Халықаралық әйелдер күні мерекесі қарсаңында үш қызды дүниеге әкелді.

Шала туған үшемнің өмірін дәрігерлер аман алып қалды. Бүгінде нәрестелерді №1 облыстық перинаталдық орталығының дәрігерлері бақылауға алған, деп хабарлады Otyrar.kz.

"Үш қызымның рақатын көрейін енді. Үйімде тағы екі ұлым мен екі қызым асыға күтіп отыр. Мереке қарсаңында босанып отырмын. Осы орайда ақ халатты әйелдер қауымын мерейлі мерекемен шын жүректен құттықтаймын. Дәрігерлерге мың алғыс", – дейді көпбалалы ана.

Жаңа туған сәбилерге Жания, Рабия, Сания есімдері берілді.

Ақ халаттылардың біліктілігі мен тынымсыз еңбегінің арқасында шала туған шақалақтарды анасы бауырына басты. Себебі жеті жарым айлық нәрестелердің өкпесі дұрыс дамымаған, бәрі жасанды тыныс алу аппаратына қосылған.

Балаға берілетін жәрдемақы - 2021: кімге, қалай және қанша төленеді?

Айта кетейік, жыл басынан бері орталықта 1571 бала дүние есігін ашқан. Олардың 38-і егіз болса, екеуі үшем.

2654
Кілт сөздер:
Түркістан облысы, үшем
Тақырып бойынша
"Өтірік айтасың деп сенбеді": алты баланың анасы атанған 23 жастағы келіншектің әңгімесі
Депутат бес жылдан кейін бала туатын әйелдер санының азаятынын айтты
Түркістан облысында 23 жастағы келіншек алты баланы дүниеге әкелді
Нұр-Сұлтанда егіздер мен үшемдер көбейді
Нұр-Сұлтанда жаңа туған нәрестеге жиі қойылған есімдер жарияланды
25 жасында көпбалалы ана атанды: Маңғыстауда төртем дүниеге келді
Архивтегі фото

Аймағамбетов қол астындағы қызметкерінің адам өлтіруіне не себеп болғанын айтты

1509
(Жаңартылды 19:47 08.03.2021)
Екеуара жанжал кезінде құрдасын атып тастаған Қостанай полициясының бағдарламашысы ұсталып, қамауға алынды

НҰР-СҰЛТАН, 8 наурыз – Sputnik. Қостанай облысы полиция департаментінің бастығы Бекет Аймағамбетов 8 наурызға қараған түні Қостанай полициясының қызметкері жасаған қылмыстың жай-жапсарын баяндады. Жанжалдасқан екеу сыныптас екені анықталды.

Облыс полициясының бастығы қарсыласын тіркелген қарумен атып тастаған қызметкердің департамент құрылымында басшылық қызмет атқармағанын, қарапайым бағдарламашы болғанын атап өтті. Ол қақтығысқа не себеп болғанын да хабарлады.

"Екі сыныптастың арасында жанжал шыққан. Ол оннан астам адам тіркелген чатта жалғасқан. Бағдарламашыға сыныптасы қоқан-лоқы жасаған", - деп жазды Аймағамбетов өзінің Facebook парақшасында.

Оның айтуынша, полицейдің сыныптасы оған қарулы адамдар жібергенін айтып, өлтіремін деп қорқытқан. Ондай хабарламаны бірнеше рет жазған.

"Бұрын сотталған сыныптас ішімдік ішіп, 8 наурызда түнгі сағат үш шамасында танысымен бірге полицейдің үйіне келген. Ол оған тағы да қоқан-лоқы жасаған. Өзінің атына тіркелген қаруды алып шыққан полицей оқ атқан, жәбірленуші көз жұмды", - деді Қостанай облысы полиция департаментінің бастығы.

Аймағамбетов қазіргі уақытта полиция қызметкері қамауға алынғанын хабарлады.

Қазақстан Қылмыстық кодексінің 99-бабы 1-бөлігі – "Адам өлтіру" бойынша сотқа дейінгі тергеуден бөлек, ішкі қауіпсіздік басқармасының қызметкерлері қызметтік тексеріс жүргізіп жатыр. Іс ерекше бақылауға алынды.

Оқи отырыңыз: Қостанайда ер адам құрдасын өлтірді - полицей ұсталды

Еске сала кетейік, бұған дейін 8 наурызға қараған түні Қостанайдағы Тәуелсіздік көшесінде ер адам ерегіскен қарсыласын атып өлтіргені хабарланған болатын.

Кейін күдіктінің құқық қорғау органының қызметкері екені белгілі болды. Егер оның кінәсі дәлелденсе, сегіз жылдан он бес жылға дейінгі мерзімге бас бостандығынан айырылуы мүмкін.  

1509
Тақырып бойынша
Өскеменде ер адам полицейдің мойнына пышақ сұғып алды – оқиғаның видеосы
Алматыда төрт лауазымды полицей қызметінен қуылды
Демалыста жүрген полиция майорының заңсыз әрекеті әшкере болды
Полиция басшылары ұсталды - ІІМ видео жариялады