Ғашықтар, архивтегі сурет

СҚО-да ауылда есірткі зертханасын ашқан отбасы ұсталды

1527
(Жаңартылды 18:40 23.02.2021)
Қылмыстық топ есірткі зертханасында синтетикалық "тұз" өндіру үшін  барлық жағдайды жасаған, бөлмеден колбалар, қорғаныш костюмдері, респираторлар табылды

НҰР-СҰЛТАН, 23 ақпан – Sputnik. Солтүстік Қазақстан облысында синтетикалық есірткі дайындап, сатумен айналысқан отбасы ұсталды.

Есірткі Петропавлда сатылған, ал зертхананың өзі қаладан 120 шақырым жердегі ауылда орналасқан, деп хабарлайды Polisia.kz.

"Жедел іздестіру шаралары барысында есірткінің Петропавлда сатылғаны анықталды. Ал есірткі препараттарын өндіретін орын-жай қаладан 120 шақырым жерде – Жамбыл ауданына қарасты ауылдардың бірінде орналасқан", - деді полицейлер.

Есірткі зертханасында синтетикалық "тұзды" өндіруге барлық жағдай жасалған: желдетілетін бөлме, колбалар, өлшегіш ыдыстар, қорғаныш костюмдері мен респираторлар.

Құқыққорғаушылардың ақпаратынша, криминалды бизнеспен отбасы мен олардың жақын туыстары айналысқан.

Тағы оқыңыз: Нұр-Сұлтан тұрғынынан 40 миллион теңгенің тауары тәркіленді – видео

"Күдіктілерді ұстау және тінту барысында 55 грамм синтетикалық есірткі табылып, тәркіленді. Есірткі дозаларын буып-түйіп, сатуға дайындап қойған", - деп мәлімдеді полиция департаментінен.

Сонымен қатар, қаптама материалы, ұялы телефондар, таразы, дәптер және тағы басқалары тәркіленді.

Сондай-ақ, синтетикалық есірткіге ұқсайтын 700 грамм ұнтақ тәрізді зат табылды. Барлық тәркіленген зат сот-химиялық зерттеуге жіберілді.

Қазір бұл факті Қылмыстық кодекстің 297-бабы "Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу" бойынша сотқа дейінгі тергеулердің бірыңғай реестріне енгізілді.

Төрт фигурант – екі ер адам және екі әйел қамауға алынды. Тергеу жүріп жатыр.

1527
Кілт сөздер:
отбасы, Солтүстік Қазақстан облысы, есірткі
Өмірзақ Шөкеев бес адамның қаза болу себебін анықтау жөніндегі комиссия отырысын өткізді

Түркістандағы төрт бала мен анасының өлімі: қылмыстық іс қозғалды

1437
(Жаңартылды 10:19 28.02.2021)
Облыс әкімі полиция мен төтенше жағдайлар департаментіне қайғылы оқиғаға байланысты жан-жақты тергеу жүргізуді тапсырды

НҰР-СҰЛТАН, 28 ақпан — Sputnik. Түркістанда әйел мен оның төрт баласының қазасынан кейін қылмыстық іс қозғалды.

Түркістан облысы әкімінің баспасөз қызметінің хабарлауынша, өңір басшысы Өмірзақ Шөкеев бес адамның қаза болу себебін анықтау жөніндегі комиссия отырысын өткізген.

"Облыс басшысы полиция департаментіне, төтенше жағдайлар департаментіне жан-жақты тергеу жүргізуді, болған оқиғаға кінәлілерді табу және жазалауды тапсырды. Қылмыстық іс қозғалды. Тергеу амалдары жүргізілуде", - делінген хабарламада.

Денсаулық сақтау басқармасының психологтары қайтыс болған жандардың туыстары мен жақындарына көмек көрсетеді.  5 адамның денесін жерлеу орнына жеткізу үшін көлік берілді, жерлеуді ұйымдастыруға қосымша жәрдем көрсетіледі.

27 ақпанда Түркістан қаласындағы жеке тұрғын үйлердің бірінен әйел мен төрт баланың мәйіті табылғаны хабарланды. 40 жастағы әйел және 2004, 2006, 2013, 2016 жылы туған балалары иіс тиіп қайтыс болған. Үйде газбен жылытатын жабдық қойылған. Отағасы кәсіпкерлікпен айналысады, ол емделу үшін Шымкент қаласына кеткені белгілі болды.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы
1437
Кілт сөздер:
қылмыстық іс, Түркістан облысы
Рука ребенка, иллюстративное фото

Петропавлда анасы өлімші етіп сабаған үш жасар қыз қайтыс болды

422
Бала бір айдан астам уақыт комада жатты, ол есін жимастан көз жұмды

ПЕТРОПАВЛ, 27 ақпан – Sputnik. Петропавлда анасы өлімші етіп сабаған үш жасар қыз қайтыс болды, деп хабарлайды Sputnik Қазақстан тілшісі.

Солтүстік Қазақстан облыстық балалар ауруханасының дәрігерлері сәбидің өмірі үшін бір айдан астам күресті.

"Бала комада жатты, ол есін жимастан қайтыс болды", - деп хабарлады облыстық денсаулық сақтау басқармасының баспасөз қызметі.

Еске сала кетсек, 17 қаңтарда ауруханаға ессіз күйде үш жасар қыз жеткізілді. Баланы ұрып-соқты деген күдікпен 22 жастағы анасы ұсталды.

Денсаулық сақтау басқармасының хабарлауынша, әйел нәрестені дүниеге әкелген соң оны асырауға жағдайы болмағандықтан уақытша балалар үйіне берген. Ол қызына келіп тұрған, ал бес айдан кейін 2017 жылдың желтоқсанында оны алып кеткен. Осыдан кейін бала әкесінің үйінде тұрады. 2020 жылдың 25 желтоқсанында ер адам қызды шешесіне қайтарады. 17 қаңтарда сәби "бас жарақаты" диагнозымен ауруханаға түседі.

Қыз мүгедек болған, оған сегіз айында сал ауруы диагнозы қойылды.

Баланың анасына қатысты қылмыстық іс қозғалды. Ол тергеу аяқталғанша уақытша ұстау изоляторында отырады.

422
Нұр-Сұлтан

Нұр-Сұлтан коронавирус бойынша "қызыл" аймаққа кірді

9
Қазақстан астанасы коронавирус бойынша "қызыл" аймақта 11 ақпаннан бері болған жоқ

НҰР-СҰЛТАН, 28 ақпан — Sputnik. Қазақстанда коронавирустық инфекция бойынша эпидемиологиялық жағдайды бағалаудың мартицасы жаңартылды.

28 ақпандағы жағдай бойынша Нұр-Сұлтан "қызыл" аймаққа кірді, бұған дейін қала "сары" аймақта еді.

"Сары" аймақтағы өңірлер – Ақмола, Атырау, Батыс Қазақстан, Қостанай, Павлодар облыстары.

Қалған өңірлер "жасыл" аймақта – Жамбыл, Алматы, Ақтөбе, Қызылорда, Маңғыстау, Қарағанды, Шығыс Қазақстан, Солтүстік Қазақстан, Түркістан облыстары және Шымкент пен Алматы қалалары.

Матрицаға сәйкес, Қазақстан "жасыл" аймақта тұр.

Оқи отырыңыз: ДДҰ COVID-19 пандемиясының аяқталу мерзімін атады

 

9
Кілт сөздер:
Нұр-Сұлтан, коронавирус