Ертіс өзені, архивтегі сурет

Экологтар Ертіс өзеніндегі сынапқа қатысты пікір білдірді

37
Су сынамасының нәтижесі бойынша өзен суында зиянды металдың шекті концентрациясы жоғары емес екені дәлелденді

НҰР-СҰЛТАН, 24 ақпан – Sputnik. Павлодарлық экологтар судағы сынап жайлы қауесеттен кейін Ертіс өзенінде сынақ жүргізді. Ресеймен шекарадағы су сынамалары сынаптың шекті концентрациясы жоқ екенін көрсетті, деп хабарлады Павлодар облысы экология департаментінің баспасөз қызметі.

Бірнеше күн бұрын "Омск-информ" Ресей ақпарат агенттігі 15 ақпанда Омбы шекарасындағы Ертіс өзенінде сынаптың шекті концентрациясы үш-төрт есе жоғары екенін хабарлады. Омбылық экологтар мен блогерлер Павлодардағы бұрынғы химия зауытынан сынап жылыстауы ықтимал екенін мәлімдеді. Олардың айтуынша, мұнда сазды саркофагта 900 тоннадан астам сынап сақтаулы тұр.

Қазір Омбы мамандары да сынаптың қай жақтан таралғанын анықтау бойынша жұмыстар жүргізіп жатыр. Алайда, әзірше сынаптың өзенде қайдан пайда болғанына қатысты нақты жауап жоқ.

Сонымен қатар, Қазақстанда экология департаментінің мобильді тобы Павлодар облысындағы "Қазгидромет" РМК филиалымен бірлесіп, су сынамаларын алды. Сынап концентрациясын анықтау үшін сынамалар Ресейдің Железинск ауданындағы Прииртышское аулы мен Павлодар ауданындағы Мичурино аймағына жақын өзен сағасынан алынды.

"Зертханалық зерттеу нәтижелері бойынша, су сынамалары алынған екі нүкте бойынша Ертіс өзеніндегі сынап көлемі белгіленген нормадан айтарлықтай төмен екенін көрсетті", – деп хабарлады ведомствода.

Павлодар облысының экология департаменті басшысының орынбасары Дархан Есжанов бұл жағдай бақылауда деп сендірді. Мұндай пікірді облыстық жер қойнауын пайдалану, қоршаған орта және табиғи ресурстар басқармасы да растады.

Өзен суының ластану деңгейі қалай бағаланды

Облыстық басқармадағылар зақымдалуы ықтимал аймақтардағы жағдайды бақылауда ұстау мақсатында "Қазгидромет" РМК 2005 жылдан бері тоғыз су торабында жыл сайын гидрохимиялық сынап мониторингін жүргізетінін айтты. Осы уақыт ішінде Ертіс өзенінде сынап нормасының жоғары болуы тіркелмеген. Ертіс суы "ластанудың бірқалыпты деңгейі" ретінде бағаланады.

Оқи отырыңыз: Ертіс өзеніне ерекше мәртебе беріле ме: экологтар талабына министр жауап берді

Атап өтсек, Ертіс пен Омбы облысының басқа су айдындарында нормадан асатын сынап концентрациясы сирек кездеседі. Оның нормадан жоғары болуы соңғы екі жылда бір-ақ рет, яғни 2020 жылдың қаңтарында тіркелді.

37
Кілт сөздер:
экология, Ертіс, өзен
Тақырып бойынша
Желіде Ертіс өзеніндегі мұздың сөгілуінің әсерлі бейнесі пайда болды
Ертіс өзенінде 5 бала мұз астына түсіп кете жаздады
Ертіс өзенінен мәйіті табылған әйелдің кім екені анықталды
Қазақстан мен Ресей экологтары Жайық және Ертіс өзендерін бірге құтқармақ
Семейде Ертіс өзені тасып, тұрғындар шұғыл көшіріліп жатыр
Шымкент қаласы

Шымкенттің бас санитар дәрігері жаңа қаулы шығарды

36
(Жаңартылды 19:09 05.03.2021)
Бұған дейін қаланың бас санитары ас беру шараларын өткізуге рұқсат берген. Бірақ ғимаратты 30 проценттен артық толтыруға және 50 адамнан көп жиналуға тыйым салынады

НҰР-СҰЛТАН, 5 наурыз – Sputnik. Шымкент қаласының бас мемлекеттік санитарлық дәрігері Әбдіманап Түлебаев жаңа қаулыға қол қойды, деп хабарлайды Sputnik Қазақстан санитарлық-эпидемиологиялық бақылау департаментінің ресми сайтына сілтеме жасап. 

"Шымкент қаласының аумағында 2021 жылдың 8 наурызы сағат 00:00-ден бастап 2021 жылдың 29 наурызы сағат 00:00-ге дейін карантин және шектеу шаралары ұзартылсын", - делінген құжатта. 

Айта кетейік, бұған дейін қаланың бас санитары ас беру шараларын өткізуге рұқсат берген. Бірақ ғимаратты 30 проценттен артық толтыруға және 50 адамнан көп жиналуға тыйым салынады. Басқа шараларды, соның ішінде еске алу, туған күн, мерейтой, құдалық, беташар және тойды өткізуге болмайды.

Ашық алаңда және ғимаратта орналасқан қоғамдық тамақтану нысандарын 50 процентке дейін толтыруға рұқсат беріліп отыр. Алайда жалпы адамдар саны 50-ден аспауы тиіс. Балаларға арналған ойын-сауық орталықтары да жұмыс істейді. Адам санына қарай шектеу бар.

Жанар-жағармай станциялары мен ондағы дүкендер, автоэкспресс, автожуу, көліктер, сағаттар, телефондар, компьютерлер мен аяқкиім жөндеу, тігін ательесі, кір жуу, химиялық тазалау, кілттерді жасау, қонақ үйлер, шипажайлар, демалыс үйлері мен туристік базалар қалыпты режимде жұмыс істейді.

Бұдан бөлек, спорттық шаралар өткізуге рұқсат беріліп отыр. Бірақ көрермен саны ғимарат сыйымдылығының 20 процентінен аспауы қажет. Ал кеңсе қызметкерлерінің 30 проценті қашықтан жұмыс істеуге көшірілуі шарт.

Ресми мәліметке сәйкес, осы уақытқа дейін республика бойынша коронавируспен 216 467 адам тіркелген. Соңғы бір тәуліктің ішінде ПТР-тест арқылы тағы 857 адамның инфекция жұқтырғаны анықталды. Соның ішінде Шымкент қаласында тіркелген 27 науқас бар.

 

36
Тақырып:
Коронавирус эпидемиясы
Тақырып бойынша
Полиция Шымкентте жұртты шошытқан жағдайға байланысты түсініктеме берді
Шымкентте куәгерлер "қыз алып қашқандарды" видеоға түсіріп алды
Шымкентте 41 жастағы әйел оныншы рет сәбилі болды
Вакцинаның әсері: Цой эпидемиологиялық жағдайға болжам жасады
Шымкентте із-түзсіз жоғалып кеткен оқушы қыз табылды
Алтын құймасы

Ақмола облысында ірі мөлшерде алтын ұрланды полиция істің мән-жайын жариялады

1219
Қазіргі кезде Қылмыстық кодекстің 188-бабы, 4-бөлігі бойынша сотқа дейінгі тергеу шаралары жүргізіліп жатыр

НҰР-СҰЛТАН, 5 наурыз – Sputnik. Ақмола облысында "Қазақалтын" компаниясына тиесілі 122 миллион теңгенің алтыны ұрланды, деп хабарлады облыстық полиция департаменті.

Ресми мәліметке сәйкес, 2 наурызға қараған түні "Қазақалтын" тау-кен комбинатында катодтық алтын ұрлап кеткен. Компанияға ірі көлемде шығын келді.

Қазіргі кезде Қылмыстық кодекстің 188-бабы, 4-бөлігі (ұрлық) бойынша сотқа дейінгі тергеу шаралары жүргізіліп жатыр. Шығынның жалпы көлемі 122 миллион теңгені құрап отыр.

"Осы іске қатысты адамдарды анықтау мақсатында арнайы шұғыл тергеу тобы құрылды. Оның құрамына криминалды полиция мен тергеудің тәжірибелі мамандары еніп отыр", – дейді полицейлер.

Оқи отырыңыз: Айдос Сарым жұрттың ашуын келтірген депутаттық төсбелгінің неге қымбат екенін түсіндірді

1219
Кілт сөздер:
Ақмола облысы, ұрлық
Тақырып бойынша
"Алтын қима": сұлулық қалай өлшенетінін білесіз бе – фото
Қазақстандық оқушылар халықаралық олимпиададан алтын медаль жеңіп алды
Қазақстандықтар 2020 жылы 21 мыңнан астам алтын құйма сатып алған
"Қара" алтын іздеушілер: кеніштердегі заңсыздарға тосқауыл болатын не
Қазақстандық миллиардер Абрамовичтен 900 млн долларға не сатып алғаны жарияланды
Вакцина, коронавирус

Ресейде "Спутник Лайт" вакцинасының кезекті сынағы аяқталды

0
Вакцинаның "лайт нұсқасы" негізінен инфекция белең алған эпидемиялық ошақтары бар сыртқы нарыққа арналған. Ал Ресей бұрынғыдай "Спутник V" вакцинасын қолдана береді

РФ Денсаулық сақтау министрі Михаил Мурашко Ресейде "Спутник Лайт"вакцинасының клиникалық зерттеулерінің екінші кезеңі аяқталғанын мәлімдеді, деп хабарлайды РИА Новости

"Қазір ол мәліметтер сарапшылардың бағалауына жолданды", - деді ол журналистерге. 

Зерттеулердің үшінші кезеңін жүргізуге арналған рұқсат қолда бар. Ол құжатты ақпан айының соңында берген болатын. Бұл зерттеу плацебо қолдану арқылы екі топқа жүргізіледі. Зерттеу жұмыстары 2022 жылдың 28 ақпанына дейін аяқталуы керек. 

"Спутник Лайт" вакцинасы Ресейдің тікелей инвестициялар қоры Гамалея орталығымен бірлесіп әзірлеген "Спутник" препараттар тобына жатады. Бұл вакцина адамның жақсы зерттелген аденовирусты векторлары платформасында әзірленген. 

РТИҚ басшысы Кирилл Дмитриевтің айтуынша, вакцинаның "лайт нұсқасы" негізінен инфекция белең алған эпидемиялық ошақтары бар сыртқы нарыққа арналған. Ал Ресей үшін бұрынғыдай "Спутник V" вакцинасын қолдана береді. 

Гамалея орталығының директоры Александр Гинцбург осы елдерде "Спутник Лайт" вакцинасын қолдану арқылы ауру жұқтыру деңгейін төмендетіп, жергілікті денсаулық сақтау саласына түскен жүктемені азайтуға болады. Вакциналаудан кейінгі иммунитет шамамен 3-4 ай сақталады. Ғалымның айтуынша, екпе тиімділігі 85%-і құрайды. 

Вакциналау бойынша тек бір ғана екпе, яғни, "Спутник V" препатанының бірінші компоненті салынады.

Сондықтан, антиденелердің түзілу уақыты да қысқа болады. Екпе алған адам коронаиврус инфекцциясын жұқтырған жағдайда да ауру ауыр түрде болмайды.

Себебі, вирус қоздырғышы өкпеге қарай өте алмайды. Бұл қорғанысты ұзарту үшін үш айдан кейін вакцинаның екінші компонентін салдыруға болады.

0
Тақырып:
COVID-ке қарсы вакцина