Иллюстративті фото

"Алматы жастары" бағдарламасына құжат қабылдау басталды

151
Өткен жылы "Алматы жастары" бағдарламасы аясында 1000-ға жуық жас отбасы жеке жеке тұрғын үйге қол жеткізді

НҰР-СҰЛТАН, 10 наурыз – Sputnik. "Алматы жастары" бағдарламасына өтінім қабылдау басталды. Бұл туралы қалалық тұрғын үй саясаты басқармасы мәлімдеді, деп хабарлады Almaty.tv. 

Бағдарлама бойынша өтінімдер мен құжаттар осы жылдың 31 наурыз айына дейін almaty-zhastary.kz веб-сайты арқылы қабылданады.

 Биыл бағдарлама мүмкіндіктерді кеңейтті — кредит сомасы 18 000 000 теңгеге дейін ұлғайтылды және бағдарламаға қатысушылар санатына құқық қорғау органдарының қызметкерлері енді. Сонымен қатар, биыл қатысушылардан Алматы қаласында тұру  талабы алынып тасталды.

Басқарма атап өткендей, өтініштер мен құжаттарды қабылдау процесі бұрынғыдай толығымен автоматтандырылған күйінде жүргізіледі. Өтініштерді сайтқа жіберу электрондық цифрлық қолтаңба арқылы жүзеге асырылады, автоматты түрде балл жинау үшін электронды калькулятор енгізілген.

Тұрғын үй заемын берудің шынайылығын және ашықтығын қамтамасыз ету үшін резервке енгізілген, бірақ өтінімі қабылданбаған  қатысушылардың тізімдері өтінім сайтында орналастырылады. Іріктелген үміткерлерге Отбасы банк төлем қабілеттілігін растау үшін веб-сайттағы жеке кабинетіне сілтеме беріледі, төлем қабілеттілігін сәтті растаған қатысушылар 45 күнтізбелік күн ішінде бастапқы және қайталама нарықтардағы тұрғын үйді өз бетінше таңдайды.

Оқи отырыңыз: "Елорда жастары" тұрғын үй бағдарламасына қатысты тың ақпарат жарияланды 

Қатысушылардың бағдарлама талаптарына сәйкестігі қаралады — олардың жасы 35-тен аспауы тиіс, бағдарламаға өтініш беруші мен оның отбасы мүшелерінде меншік құқығында тұрғын үй болмауы керек, тұрғын үй жағдайларын қасақана нашарлату фактілері соңғы 5 жыл ішінде Қазақстан Республикасы бойынша тексерілді.

Қатысушының Алматы қаласындағы ресми жұмыс өтілі келесідей мамандықтарда — денсаулық сақтау, білім беру, мәдениет, спорт, университеттер мен ғылыми-зерттеу институттары, бұқаралық ақпарат құралдары және құқық қорғау органдары сияқты санаттарда кемінде соңғы 6 айды құрауы керек.

Естеріңізге сала кетейік, қала әкімі Бақытжан Сағынтаевтың тапсырмасымен басталған аталмыш бағдарлама 35 жасқа дейінгі алматылық жастарға жеңілдетілген тұрғын үй заемдары бойынша баспана сатып алуға мүмкіндік береді. Өткен жылы бағдарлама аясында 1000-ға жуық жас отбасы жеке тұрғын үйге қол жеткізді.

 

151
Кілт сөздер:
Алматы, баспана
Тақырып бойынша
Ақшаны "копилкаға" да жинадық: 8 баланың анасы астанадан екі пәтерді қалай алғанын айтты 
Баспана кезегіне өзгеріс енгізілуі мүмкін – депутаттардың ұсынысы үкіметке жолданды
Мәжіліс депутаты қызметтік пәтерін көрсетті - видео
"Үй арзандаса, сапасы нашарлайды": экономист баспаналы болғысы келетіндерге кеңес берді
Қызмет бабында қаза тапқан полицейлердің отбасына тұрғын үй төлемі сақталатын болды
Қазақстанда баспана тағы қымбаттады
Ыстық ауа райы

36 градус ыстық және жел: ертең ауа райы қандай болады

974
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

974
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

106
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

106
Кілт сөздер:
Шымкент, карантин, шектеу
Тақырып:
Төтенше жағдай және карантин