Ан-26 ұшағы, архивтегі фото

ҰҚК әскери ұшақ апатына қатысты түсініктеме берді

1835
(Жаңартылды 21:07 13.03.2021)
ҰҚК Ан-26 апатының себебі анықталып жатқанын хабарлады. Қазір дәрігерлер тірі қалған әскери қызметкерлердің өмірі үшін күресуде

НҰР-СҰЛТАН, 13 наурыз – Sputnik. Ұлттық қауіпсіздік комитеті апатқа ұшыраған ұшақ ведомствоның авиация қызметіне тиесілі екенін растады.  

"Авиациялық оқиғаның себебі анықталып жатыр. Бортта 6 экипаж мүшесі болды, оның төртеуі қаза тауып, екеуі ауыр жарақатпен госпитальға жатқызылды", - делінген ҰҚК хабарламасында.

Еске сала кетейік, 13 наурызда сағат 17:22-де Ан-26 әскери ұшағы Алматы әуежайына қонған кезде апатқа ұшырады.

Алматы әкімдігінің мәліметінше, жарақат алғандардың жағдайы өте ауыр. Дәрігерлер зардап шеккендердің өмірін сақтап қалуға бар күшін салуда.

"Барлық кадр, соның ішінде қаланың бас реаниматологы жұмылдырылды", - деп хабарлады әкімдіктегілер.

Тірі қалғандар бас сүйек-ми жарақатын алған, аяқ-қолы сынып, денесін күйік шалған.

Посмотреть эту публикацию в Instagram

Публикация от Sputnik Казахстан (@sputniknewskz)

Бұған дейін Қазақстан президенті төрт экипаж мүшесінің қайтыс болуына байланысты көңіл айтты.

Сондай-ақ, Қасым-Жомарт Тоқаев өзінің тапсырмасы бойынша ұшақтың апатқа ұшырау себебін анықтау жұмыстары басталғанын мәлімдеді.

"Бұндай оқыс оқиғалар қайталанбауы керек", - деп жазды президент Twitter-дегі парақшасында.

1835
Кілт сөздер:
ұшақ апаты, Алматы
Тақырып бойынша
Тоқаев Алматы әуежайындағы трагедия туралы жазды
Алматы маңында ұшақ құлады – видео
Алматы түбіндегі ұшақ апатынан 4 адам қаза тапты – ТЖМ
Алматы әкімі ұшақ құлаған жерге барды
Ыстық ауа райы

36 градус ыстық және жел: ертең ауа райы қандай болады

970
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

970
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

106
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

106
Кілт сөздер:
Шымкент, карантин, шектеу
Тақырып:
Төтенше жағдай және карантин