Алматы көрінісі

Бекшин Алматыда локдаун енгізуге қатысты түсініктеме берді

1973
(Жаңартылды 16:57 15.03.2021)
Ол 10 наурыздан бастап Алматы коронавирустың таралуы бойынша "қызыл" аймақта екенін айтып өтті. Науқастар саны 3 наурызда бастап көбейген

АЛМАТЫ, 15 наурыз – Sputnik. Алматының бас санитар дәрігері Жандарбек Бекшин коронавирустың таралуына байланысты жағдай нашарласа, мегаполис локдаунға жабылуы мүмкін екенін мәлімдеді, деп хабарлайды Sputnik Қазақстан тілшісі.

Қаланың бас санитар дәрігері қабылданып жатқан шаралар тиімділігін көрсетіп жатқанын айтып өтті. Сол себепті бұл шаралар жеңілдетілмейді.

"Бүгінде бізде 3400 төсек-орын бар, олардың жүктемесі 40%-тен аспайды. Сонымен қатар 7 мың резервтік төсек-орын бар, бірақ резервтердегі орындар да таусылуы мүмкін. Егер ауруханаға тәулігіне 500 науқас жатқызылса, онда бір инкубациялық кезең ішінде барлық төсек-орын толады. Бұған жол беруге болмайды. Күніне 300 адам ауруханаға жатқызылса, қала локдаунға жабылады", - деді Бекшин.

Ол 10 наурыздан бастап Алматы коронавирустың таралуы бойынша "қызыл" аймақта екенін айтып өтті. Науқастар саны 3 наурыздан бастап көбейген.

"3 наурызда 121 адам коронавирус жұқтырса, 12 наурызда бұл көрсеткіш 360 адамға жетті. Науқастар саны көбейіп жатыр, алайда шектеу шаралары нәтижесін көрсетіп отыр. Сенбіден бері вирус жұқтырғандар саны азайды. Жұмада 360 жаңа жағдай тіркелсе, сенбіде 342 адамнан инфекция анықталды. Жексенбіде 297-ге дейін төмендеді", - деді Бекшин.

Қаланың бас санитар дәрігері шектеу шаралары уақытылы қабылданбаса, барлық сала қызметін тоқтату қажет болатынын айтты.

"Күніне 300 адамнан коронавирус анықталса, ішкі локдаун енгізіледі, 500-ден астам адамнан инфекция табылса, қала толық жабылады. Ішкі локдаун деген – қоғамдық көлік, қызметтің жекелеген түрлерінің тоқтауы. Мұндай жағдайда халықтың қозғалысы толық тоқтамайды", - деп түсіндірді сөзін Жандарбек Бекшин.

Айта кетейік, пандемия басталғалы Алматыда 27 703 адамнан коронавирус табылды.

1973
Кілт сөздер:
түсініктеме, коронавирус, Алматы
Тақырып:
Коронавирус эпидемиясы (2261)
Тақырып бойынша
Министр Цой коронавирусқа қатысты үндеу жасады
Иммунолог коронавирусқа қарсы антиденелер жайлы өтіріктің бетін ашты
Әлем халқының небәрі 10 процентінде коронавирусқа қарсы антидене бар – ДДҰ
Алматыда демалыста қоғамдық көлік жүрмейді – қозғалыс қашан қалпына келеді
Әбілдина мереке күні болған жағдай туралы: мына сұмдыққа нүкте қойылсын
Қар, архивтегі сурет

Қар және жаңбыр: синоптиктер ертең ауа райы қандай болатынын айтты

39
Қазақстанның басым аумағында атмосфералық ауа ағымдарының әсерінен жаңбыр жауып, жел күшейеді

НҰР-СҰЛТАН, 17 сәуір – Sputnik. Ертең, 18 сәуірде елдің басым аумағында ауа райы құбылмалы болады. Кей жерлерде жаңбыр жауады, түнгі уақытта солтүстікте қар аралас жаңбыр болжануда. Кейбір облыстарда тұман түсіп, жел күшейеді, оңтүстік-шығыста, батыста және солтүстік-батыста найзағай ойнайды, деп хабарлайды Қазгидромет.

Өңірлердегі ауа райы

Ақмола облысында кей жерлерде тұман түсіп, таңертең және күндіз желдің жылдамдығы секундына 15-20 метрге дейін барады.

Жамбыл облысында, күндіз Алматы облысында найзағай ойнайды, жел 15-20 м/c дейін күшейеді.

Қостанай облысында кей жерлерде найзағай ойнайды, дауыл тұрады, тұман түседі, күндіз желдің жылдамдығы 15-20, екпіні секундына 25 метрге дейін барады.

Тағы оқыңыз: Биыл жаз қандай болады – синоптиктер болжам жасады

Солтүстік Қазақстан облысында кей жерлерді тұман басады, күндіз желдің екпіні 23-28 м/c дейін жетеді.

Шығыс Қазақстан, күндіз Павлодар, Қарағанды, Қызылорда облыстарында жел 15-20 м/c дейін күшейеді, Қарағанды облысында кей жерлерде – тұман.

Маңғыстау, Батыс Қазақстан облыстарында, түнде және таңертең Атырау облысында кей жерлерді тұман басады. Батыс Қазақстан облысында кей жерлерде найзағай жарқылдайды.

Мегаполистерде ауа райы қандай болады

Нұр-Сұлтанда 18 сәуірде күн ашық, жауын-шашынсыз. Ауа температурасы күндіз 18 градусқа дейін көтеріледі, түнде – плюс бір градус. Жел жоқ.

Алматыда көшпелі бұлт шығады, оқта-текте жаңбыр жауады. Күндіз сынап бағанасы плюс 19 градус, түнде плюс 8 градусты көрсетеді.

Шымкентте де күн ашық. Күндіз – плюс 22, түнде – плюс 11 градус.

39
Кілт сөздер:
ауа райы болжамы, Қазгидромет
Тақырып бойынша
Көктемде 276 елді мекенді су басуы мүмкін – ТЖ министрі
Қар аралас жаңбыр: Қазақстанның барлық дерлік өңірінде дабылды ескерту жарияланды
Архивтегі сурет

Қазақстанның бес облысында ашқан: полиция ұйымдасқан қылмыстық топты ұстады видео

1582
Трансұлттық ұйымдасқан қылмыстық топтың кураторлары психотроптық заттарды шетелден жеткізу арнасын ұйымдастырған

НҰР-СҰЛТАН, 17 сәуір – Sputnik. Қарағанды облысының полиция департаменті мен ІІМ есірткі қылмысына қарсы іс-қимыл департаментінің қызметкерлері Қазақстанның бес облысында синтетикалық есірткі өндіретін зертхана ашқан оннан астам адамды ұстады.

Полицейлердің мәліметінше, қылмыстық топтың басшылары шетелде жүр. Алайда бұл оларға Қазақстанның түрлі облысында заңсыз бизнесті жолға қоюға еш кедергі келтірмеген.

"Бұл зертханалардың ұйымдастырушылары Қазақстаннан тыс жерде жүріп, Қазақстан, Ресей, ТМД мен алыс шет елдердің аумағында психотропты заттарды дайындаумен, сақтаумен, тасымалдаумен және сатумен айналысатын трансұлттық ұйымдасқан топ құрды. Сондай-ақ мессенджерлер арқылы Қазақстан аумағында жұмыс істейтін құрылымдық бөлімшесін басқарумен және үйлестірумен айналысқан",- деп мәлімдеді Қарағанды облысы полиция департаментінің бастығы Ерлан Файзуллин.

Айтуынша, трансұлттық ұйымдасқан қылмыстық топтың кураторлары психотроптық заттарды шетелден жеткізу арнасын ұйымдастырған. Оларды  сұйық күйінде, автокөлік майы мен алкогольді ішімдік сияқты көрсетіп, майлы радиаторлар мен өрт сөндіргіштердің ішіне құйып логистикалық фирмалар арқылы тасымалдаған.

Трансұлттық ұйымдасқан топ қатысушыларынан құрғақ және сұйық түрінде 70 келіден астам синтетикалық есірткі тәркіленді. Сонымен қатар есірткі дайындауға пайдаланылатын 3,5 тоннадан аса прекурсор алынды.

Трансұлттық ұйымдасқан топты ұйымдастыру және басқару фактісі бойынша Қылмыстық кодекстің 264-бабы 1 және 2-тармақтары негізінде сотқа дейінгі тергеу басталды. Күдіктілер, егер кінәсі дәлелденсе, он бес жылға дейін бас бостандығынан айырылуы мүмкін.

Тергеу жалғасып жатыр.

1582
Кілт сөздер:
видео, полиция, Қарағанды
Тақырып бойынша
ҰҚК ұйымдасқан қылмыстық топты ұстады – арнайы операцияның видеосы жарияланды
Қызылордада қылмыстық топты ұстау сәтінің видеосы пайдасы болды
ҰҚК "Боратқа" қатысы бар қылмыстық топты ұстады – видео
Арнайы операция: ҰҚК аса қауіпті қылмыстық топты ұстады – видео