Иллюстративті фото

Көкшетауда жас жігіт түнде серуендеуге шыққан әйелді зорламақ болды

11516
(Жаңартылды 09:32 17.03.2021)
Полиция қызметкерлері әйел зорлауға оқталған күдіктіні анықтады. Ол бұрын сотталған Бурабай ауданының 26 жастағы тұрғыны болып шықты

НҰР-СҰЛТАН, 17 наурыз — Sputnik. Ақмола облысында әйел зорламақ болған ер адам ұсталды, деп хабарлады Polisia.kz.  

13 наурызда Көкшетау полиция басқармасының кезекші бөліміне қала тұрғынынан шамамен түнгі сағат 3-те белгісіз біреудің үйінің кіреберісінде күштеп киімін шешіп, зорлауға әрекеттенгені туралы арыз келіп түсті.

Оқи отырыңыз: Ақтөбеде зорландым деген 20 жастағы келіншектің өзі сотталып кетті 

Жәбірленуші ұйқысыздық салдарынан түнде серуендеуге шыққаны белгілі болды. Әйел көршілерінің көмегімен қылмыскердің құрығынан құтылған.  

Жедел іздестіру іс-шаралары барысында полицейлер бейнебақылау камераларының көмегімен күдіктіні анықтады. Ол бұрын сотталған Бурабай ауданының 26 жастағы тұрғыны болып шықты.

Қазақстан Қылмыстық кодексінің зорлауға оқталу бойынша сотқа дейінгі тергеу басталды.

Айта кетейік, қылмысқа қарсы күресті күшейту, қоғамдық орындарда жасалатын құқық бұзушылықтардың алдын алу және жолын кесу мақсатында 12-18 наурыз аралығында Ақмола облысында "Құқықтық тәртіп" жедел-алдын алу іс-шарасы өткізіліп жатыр. 

11516
Тақырып бойынша
Ақтау тұрғыны өзін зорламақ болғандардың қылмысын дәлелдей алмай жүр
Ақтөбеде баланы зорламақ болған қарт: Түрмеден тірі шықпайтын шығармын
Тараздықтарды төрт күн бойы үрейде ұстаған адам қолға түсті
Шымкентте зейнеткерді зорламақ болған азғын неліктен арам ойынан айнығанын айтты
Шымкентте екі ер адам қызды зорламақ болғанда күтпеген оқиға болды
Қар, архивтегі сурет

Қар және жаңбыр: синоптиктер ертең ауа райы қандай болатынын айтты

237
Қазақстанның басым аумағында атмосфералық ауа ағымдарының әсерінен жаңбыр жауып, жел күшейеді

НҰР-СҰЛТАН, 17 сәуір – Sputnik. Ертең, 18 сәуірде елдің басым аумағында ауа райы құбылмалы болады. Кей жерлерде жаңбыр жауады, түнгі уақытта солтүстікте қар аралас жаңбыр болжануда. Кейбір облыстарда тұман түсіп, жел күшейеді, оңтүстік-шығыста, батыста және солтүстік-батыста найзағай ойнайды, деп хабарлайды Қазгидромет.

Өңірлердегі ауа райы

Ақмола облысында кей жерлерде тұман түсіп, таңертең және күндіз желдің жылдамдығы секундына 15-20 метрге дейін барады.

Жамбыл облысында, күндіз Алматы облысында найзағай ойнайды, жел 15-20 м/c дейін күшейеді.

Қостанай облысында кей жерлерде найзағай ойнайды, дауыл тұрады, тұман түседі, күндіз желдің жылдамдығы 15-20, екпіні секундына 25 метрге дейін барады.

Тағы оқыңыз: Биыл жаз қандай болады – синоптиктер болжам жасады

Солтүстік Қазақстан облысында кей жерлерді тұман басады, күндіз желдің екпіні 23-28 м/c дейін жетеді.

Шығыс Қазақстан, күндіз Павлодар, Қарағанды, Қызылорда облыстарында жел 15-20 м/c дейін күшейеді, Қарағанды облысында кей жерлерде – тұман.

Маңғыстау, Батыс Қазақстан облыстарында, түнде және таңертең Атырау облысында кей жерлерді тұман басады. Батыс Қазақстан облысында кей жерлерде найзағай жарқылдайды.

Мегаполистерде ауа райы қандай болады

Нұр-Сұлтанда 18 сәуірде күн ашық, жауын-шашынсыз. Ауа температурасы күндіз 18 градусқа дейін көтеріледі, түнде – плюс бір градус. Жел жоқ.

Алматыда көшпелі бұлт шығады, оқта-текте жаңбыр жауады. Күндіз сынап бағанасы плюс 19 градус, түнде плюс 8 градусты көрсетеді.

Шымкентте де күн ашық. Күндіз – плюс 22, түнде – плюс 11 градус.

237
Кілт сөздер:
ауа райы болжамы, Қазгидромет
Тақырып бойынша
Көктемде 276 елді мекенді су басуы мүмкін – ТЖ министрі
Қар аралас жаңбыр: Қазақстанның барлық дерлік өңірінде дабылды ескерту жарияланды
Архивтегі сурет

Қазақстанның бес облысында ашқан: полиция ұйымдасқан қылмыстық топты ұстады видео

1627
Трансұлттық ұйымдасқан қылмыстық топтың кураторлары психотроптық заттарды шетелден жеткізу арнасын ұйымдастырған

НҰР-СҰЛТАН, 17 сәуір – Sputnik. Қарағанды облысының полиция департаменті мен ІІМ есірткі қылмысына қарсы іс-қимыл департаментінің қызметкерлері Қазақстанның бес облысында синтетикалық есірткі өндіретін зертхана ашқан оннан астам адамды ұстады.

Полицейлердің мәліметінше, қылмыстық топтың басшылары шетелде жүр. Алайда бұл оларға Қазақстанның түрлі облысында заңсыз бизнесті жолға қоюға еш кедергі келтірмеген.

"Бұл зертханалардың ұйымдастырушылары Қазақстаннан тыс жерде жүріп, Қазақстан, Ресей, ТМД мен алыс шет елдердің аумағында психотропты заттарды дайындаумен, сақтаумен, тасымалдаумен және сатумен айналысатын трансұлттық ұйымдасқан топ құрды. Сондай-ақ мессенджерлер арқылы Қазақстан аумағында жұмыс істейтін құрылымдық бөлімшесін басқарумен және үйлестірумен айналысқан",- деп мәлімдеді Қарағанды облысы полиция департаментінің бастығы Ерлан Файзуллин.

Айтуынша, трансұлттық ұйымдасқан қылмыстық топтың кураторлары психотроптық заттарды шетелден жеткізу арнасын ұйымдастырған. Оларды  сұйық күйінде, автокөлік майы мен алкогольді ішімдік сияқты көрсетіп, майлы радиаторлар мен өрт сөндіргіштердің ішіне құйып логистикалық фирмалар арқылы тасымалдаған.

Трансұлттық ұйымдасқан топ қатысушыларынан құрғақ және сұйық түрінде 70 келіден астам синтетикалық есірткі тәркіленді. Сонымен қатар есірткі дайындауға пайдаланылатын 3,5 тоннадан аса прекурсор алынды.

Трансұлттық ұйымдасқан топты ұйымдастыру және басқару фактісі бойынша Қылмыстық кодекстің 264-бабы 1 және 2-тармақтары негізінде сотқа дейінгі тергеу басталды. Күдіктілер, егер кінәсі дәлелденсе, он бес жылға дейін бас бостандығынан айырылуы мүмкін.

Тергеу жалғасып жатыр.

1627
Кілт сөздер:
видео, полиция, Қарағанды
Тақырып бойынша
ҰҚК ұйымдасқан қылмыстық топты ұстады – арнайы операцияның видеосы жарияланды
Қызылордада қылмыстық топты ұстау сәтінің видеосы пайдасы болды
ҰҚК "Боратқа" қатысы бар қылмыстық топты ұстады – видео
Арнайы операция: ҰҚК аса қауіпті қылмыстық топты ұстады – видео