қыз бала, архив

"Жертөледе есімді жидым": Павлодарда жоғалған 12 жасар қыз табылды

3756
Полиция қызметкерлері мен еріктілер жоғалған қызды бірнеше сағат бойы іздеген, бірақ ол үйге өзі оралды

НҰР-СҰЛТАН, 23 наурыз — Sputnik. Павлодарда қоқыс төгуге шыққан 12 жасар қыз жоғалып кетті. Кешке қарай ол үйіне өзі келіп, жертөледе есін жиғанын айтқан. Полиция осы оқиғаның мән-жайын анықтады, деп хабарлайды Sputnik Қазақстан.

22 наурызда кешкі сағат 18:20-да қалалық полиция бөлімшесіне 12 жасар қыздың жоғалғаны туралы ақпарат түсті. Баланы асырауына алған тәтесі оның қоқыс төгуге шыққанын, бірақ үйге келмегенін айтты. Полицейлер жасөспірімді іздеуге кіріседі. Іздеу шараларына еріктілер де қосылған. Ал үш сағаттан кейін жоғалған қыз үйге өзі келді. 

Ювеналды полиция қызметкерлері баламен сөйлесіп, одан не болғанын сұрайды. Ол есінен танып қалғанын, артынан гараж әлде жертөлеге ұқсас жерде есін жиғанын айтқан. Бірақ нақты не болғанын түсіндіре алмады.

Оқи отырыңыз: Алматыда үш күн бұрын жоғалған қыз өлі табылды

Мамандар қызды қарап шығып, ешқандай дене жарақатын таппады. Сөйтсе ол қоқыс шығарғанда қаланы араламақ болып кетіп қалған. Содан адасып, жол таба алмаған. Ал үйге келгесін тәтесінен қорқып, есінен танып қалғанын ойдан шығарып айта салған.

Полицияның хабарлауынша, бұған дейін де жасөспірім бірнеше рет рұқсатсыз үйден кетіп қалған.

3756
Кілт сөздер:
жертөле
Ыстық ауа райы

36 градус ыстық және жел: ертең ауа райы қандай болады

1029
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1029
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

112
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

112
Кілт сөздер:
Шымкент, карантин, шектеу
Тақырып:
Төтенше жағдай және карантин