Полицейское авто и автомобиль скорой помощи, иллюстративное фото

12 күнде үш полицей көз жұмды: Атырау облысында тағы да қайғылы оқиға тіркелді

8355
25 жастағы полиция қызметкерінің мәйіті стадиондағы турникте (белтемір) ілініп тұрған жерінен табылды

АЛМАТЫ, 30 наурыз – Sputnik. Атырау облысы Құрманғазы ауылында 29 наурызда таңғы сағат 8 шамасында полиция қызметкері асылып қалды. Бұл туралы жерігілікті "Ақ жайық" басылымы жазды.

Редакцияның хабарлауынша, Құрманғазы ауданының 25 жастағы тұрғыны Теңіз полиция бөлімі кезекшісінің көмекшісі болып жұмыс істеген. Мәйіт стадиондағы турникте (белтемір) ілініп тұрған жерінен табылды. Қазір қылмыстық кодекстің 105-бабы (өзін өлтіруге дейін жеткізу) бойынша қылмыстық іс қозғау мәселесі шешілуде.

"Қазірге кезде 2021 жылдың 29 наурызында Құрманғазы ауданында 1996 жылы туған полиция қызметкерінің қайтыс болу фактісі бойынша сотқа дейінгі тергеу жүргізілуде", – деп хабарлады Атырау облысы полиция департаменті бастығының орынбасары Әділхан Байдосов.

Айта кетейік, Атырау облысында наурыз айының екінші жартысында осымен үшінші полиция қызметкері көз жұмып отыр.

19 наурызда полиция лейтенанты өз үйінде көз жұмған. Марқұмның әйелінің айтуынша, оның өліміне ауруы себеп болған.

Ал 20 наурызда Махамбет ауданы аумағындағы Орал өзенінен аудандық полиция бөлімінің 25 жастағы қызметкерінің мәйіті табылды. Оның көлігі өзен жағасында тұрған.

Оқи отырыңыз: Полиция автокөлігін күлкі қылғандардың видеосы таралып кетті

Полиция департаментінің хабарлауынша, осы күндері полицейлердің өліміне қатысты тергеу амалдары жүргізілуде.

8355
Кілт сөздер:
Атырау, полицейлер
Тақырып бойынша
Екібастұзда 8 наурызға дайындалып жүрген ер адамды полиция ұстап әкетті
"Жұмабектің бажасымын!": полиция майоры шулы видеодан кейін жұмыстан қуылды
Алматылық полиция жұртты дүрліктірген хабарламаға қатысты тың ақпарат берді
Аяжан Еділованың өлімі: полиция күдікті туралы ақпарат берді
Үйдің кіреберісінен нәресте табылды: полиция қарағандылықтардан көмек сұрады
Сиыр

Шығыс Қазақстанда сиыр шұңқырға түсіп кетті - құтқару сәтінің видеосы

53
Сиырды құтқару үшін арнайы құралдар қолданылды. Бірнеше адамның үйлестірілген жұмысы нәтижесінде ірі қара мал құтқарылды

НҰР-СҰЛТАН, 11 сәуір - Sputnik. Шығыс Қазақстан облысының құтқарушылары шұңқырға түсіп кеткен сиырды шығарды.  

Бұл жағдай Қатон Қарағай ауданының Үлкен Нарын ауылында болды, деп хабарлайды Semeynews.kz жергілікті сайты.

Жер үйдің айналасында жайылып жүрген сиыр шұңқырға түсіп кеткен. Сиырды құтқару үшін арнайы техника тартылды.

Ол жергілікті коммуналдық кәсіпорын ұсынған тиегіштің көмегімен шығарылды.

53
Кілт сөздер:
Шығыс Қазақстан, сиыр
Тақырып бойынша
Түркістан облысында жоғалған ер адам құдықтан табылды – құтқару сәтінің видеосы
Маңғыстау облысында ағайынды екі бала құдыққа құлап, мерт болды
Ақтауда жылу құбыры жүргізілген құдықтан ер адамның мәйіті табылды
Ақсуда мектеп оқушысы бес метрлік құдыққа құлап кетті
Взрыв газового баллона в Хромтау

Ақтөбе облысында белгісіз зат жарылды: екі әйел жансақтау бөлімінде жатыр

76
(Жаңартылды 20:54 11.04.2021)
Үйде болған адамдар жарақат алды. Олар ауруханаға жеткізілді

НҰР-СҰЛТАН, 11 сәуір - Sputnik. Ақтөбе облысы Ақжар ауылындағы жер үйлердің бірінде жарылыс болды. Салдарынан үйдің бір бөлігі құлап, жеті адам жарақат алды, оның үшеуі балалар.

© Photo : mgorod.kz
Ақтөбе облысы Ақжар ауылындағы жер үйлердің бірінде жарылыс болды

Қайғылы оқиға 11 сәуірде сағат 16.00 шамасында Хромтау ауданы, Ақжар ауылында болған. Бұл туралы mgorod.kz жергілікті сайты Ақтөбе облысының төтенше жағдайлар департаментіне сілтеме жасап хабарлады.

"Олардың барлығы күйік алған. Жарылған газ емес. Ақ зат. Біреу оны үйге алып келген, зардап шеккендер ештеңе айтпайды. Екі әйел жансақтау бөлімінде жатыр. Қалғандары, оның ішінде балалар да бар, күйікпен палатада жатыр", - деп хабарлады Хромтау аудандық ауруханасындағылар.

Оқиғаның мән-жайы анықталуда. 

76
Кілт сөздер:
Ақтөбе облысы, жарылыс
Тақырып бойынша
Теміртаудағы жарылыс: зардап шеккен жұмысшы көз жұмды
Ақмола облысында мектепте жарылыс болды
Ақтауда ауруханада жарылыс болды
Ақсуда кәсіпорын қоршауға алынып, адамдар эвакуацияланды
Нұр-Сұлтан

Қазақстанда 12 сәуірде қандай маңызды оқиғалар болады

0
Sputnik Қазақстан 12-30 сәуірде өтетін негізгі іс-шаралар мен оқиғаларға шолу жасайды (ақпарат толықтырылып отырады)

12 СӘУІРГЕ ЖОСПАРЛАНҒАН ШАРАЛАР

НҰР-СҰЛТАН

09.00 – Үкімет отырысы. Күн тәртібінде Қазақстан республикасының 2021 жылғы қаңтар-наурыз айындағы әлеуметтік-экономикалық дамуының қорытындысы және республикалық бюджеттің атқарылуы талқыланады. Отырыс PrimeMinister.kz сайтында және әлеуметтік желілердегі ресми аккаунттарында онлайн режимде көрсетіледі.

11.00 – "Халықтан заңсыз сақтаулы қару-жарақты, оқ-дәріні және жарылғыш заттарды сатып алу бойынша кезекті акция өткізу туралы" ішкі істер министрлігінің брифингі. Спикерлер: ішкі істер министрлігінің әкімшілік полиция комитеті төрағасының орынбасары Милюк Алексей Казимирович, ішкі істер министрлігінің әкімшілік полиция комитетінің бөлім басшысы Ыдырысов Асылбек Түлкібекұлы. Брифинг тақырыбы бойынша сұрақтарды 9 сәуір сағат 18:30-ға дейін mvd_pr@mail.ru электронды поштаға немесе 8 705 440-83-65 нөміріне (WhatsApp) жолдауға болады.

11.00 – Елорданың оң жағалауындағы Елбасы кітапханасының музейінде "Адамға табын, жер, енді" халықаралық онлайн көрмесі өтеді. Көрме Қазақстан Республикасы Тәуелсіздігінің 30 жылдығын мерекелеу аясында өткізіліп отыр. Сондай-ақ бұл шара Юрий Гагариннің ғарышқа ұшуының 60 жылдығына және Тоқтар Әубәкіровтың ғарышқа ұшуының 30 жылдығына арналған (Бейбітшілік көшесі, 11).

12.00 - Қазақстан Ғылым қызметкерлері күні Л.Н. Гумилев атындағы Еуразия ұлттық университетінде "Функционалдық материалдар және нанотехнологиялар", сондай-ақ "Функционалдық материалдарды кванттық-химиялық модельдеу" атты екі инновациялық білім беру-ғылыми зертханасы ашылады. Университеттің 25 жылдық мерейтойына арналған іс-шара ЖОО басшылығы мен физика-техникалық факультетінің ғалымдары және шақырылған профессорлардың қатысуымен өтеді. Өтетін орны: Қажымұқан көшесі 13, Л.Н.Гумилев атындағы ЕҰУ, №3 ғимарат.

БАЙКОҢЫР

"Ғарыштағы алғашқы адамдар" мерекелік концерті. Шараға танымал музыканттар мен актерлер, симфониялық оркестр қатысады. Концерт Байқоңыр ғарыш айлағының №1 ұшу алаңындағы "Гагарин стартында" өтеді.

Концертті Ресей Федерациясының мәдениет министрлігі, Ресей Федерациясы президенті әкімшілігі және адамзаттың алғаш рет ғарышқа ұшуының 60 жылдығын атап өту бойынша ұйымдастыру комитетінің қолдауымен Бүкілресейлік мемлекеттік телевизиялық және радиотарату компаниясымен бірлесіп орыс концерт агенттігі ұйымдастырды. Жобаның көркемдік жетекшісі – ресейлік танымал музыкант Юрий Башмет.

Концерт сценографиясында заманауи айрықша технологиялық құралдар қолданылады. Салтанатты кеште әлемнің түрлі елінен келген танымал композиторлар ғарыш пен жаңа кеңістікті игеруге арналған музыкалық туындыларының таныстырылымын өткізеді.

30 СӘУІРГЕ ЖОСПАРЛАНҒАН ШАРАЛАР

Денсаулық сақтау министрі Алексей Цой есеп беру үшін халықпен кездеседі. Кездесуде министр ведомствоның 2020 жылғы жұмысын қорытындылайды және алдағы жоспарлар жайлы айтады, сондай-ақ азаматтардың сұрағына жауап береді. Есеп беру кездесуі министрліктің ресми сайтында тікелей эфирде көрсетіледі. Министрге сұрақты мына электронды мекенжайға жіберуге болады: s.kopeev@dsm.gov.kz.

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

0