Қыз су ішіп тұр

Батыс Қазақстанда Рамазан айында ауызашар өткізуге тыйым салынды

98
Мешіттер мен шіркеулер жұмыс істей береді, бірақ онда ұжымдық шараларды өткізуге тыйым салынады, қаулы 1 сәуірде күшіне енеді

НҰР-СҰЛТАН, 30 наурыз – Sputnik. Батыс Қазақстан облысында карантиндік шектеулер туралы жаңа қаулы қабылданды. Оған сәйкес, Рамазан айында ұжымдық ауызашар өткізуге тыйым салынады, деп хабарлайды Sputnik Қазақстан.

БҚО бас мемлекеттік санитар дәрігері жаңа қаулы қабылдады. Құжатқа сәйкес, діни нысандарға (мешіттер, шіркеулер, соборлар, синагогалар және тағы басқа) залды 30%-ке ғана толтырып жұмыс істеуге рұқсат етіледі. Жұма намазы, діни жоралар сияқты бұқаралық шараларға тыйым салынады.

"Қасиетті Рамазан айында бірге тұратын отбасы мүшелерінің арасындағы ауызашарды қоспағанда, ұжымдық ауызашар өткізуге тыйым салынады", - делінген қаулыда.

Сонымен қатар, қоғамдық тамақтану орындары жұмыс күндері сағат 9:00-ден 22.00-ге дейін істейді. Демалыс күндері тамақты жеткізу және өзімен бірге алып кету қызметін ғана көрсетеді.  

Фудкорттарға тамақты тек жеткізу және алып кету қызметіне рұқсат етілді.

Оқушылар қалай оқиды

Орал қаласы, Бөрлі, Бәйтерек аудандарында контингенті 300 оқушыға дейінгі қалалық және ауылдық мектептерде сыныптарда бала санын 15-тен асырмай дәстүрлі форматта оқытуды қоспағанда, контингенті 300 оқушыға дейінгі ауылдық мектептерде сыныптарда бала санын 25 оқушыдан асырмай дәстүрлі форматта оқытуға рұқсат етіледі.

Сабақтан тыс уақытта 15 адамнан аспайтын топтарда оқушыларды жеке оқытуға да рұқсат етіліп отыр.

Тағы оқыңыз: Қазақстан "қызыл" аймаққа кірді

Жалпы білім беретін мектептерде мектепалды сыныптардың оқушылары, 1-5-сыныптар, халықаралық мектептерде 1-7-сыныптар аралас форматта оқиды. Сыныптарда бала саны 25 адамнан аспауы тиіс.

Оқу бітіретін 9, 11 (12) сынып оқушылары аптаның 6 күні аралас форматта оқиды: пәндердің 70%-ін штаттық режимде, 30%-ін қашықтан. Сыныпта оқушылар саны 15-тен аспауы керек, "1 сынып – 1 кабинет" қағидаты сақталады.

Колледждер мен жоғары оқу орындарының 1 курс студенттері аралас форматқа көшіріледі.

Қаулы 1 сәуірден бастап күшіне енеді.

98
Кілт сөздер:
ауызашар, коронавирус, карантин, Батыс Қазақстан
Тақырып:
Рамазан - 2021 (16)
Тақырып бойынша
Қазақстанның тағы бір облысында карантин күшейді
Нұр-Сұлтанда карантин күшейтілді – жаңа қаулыда не айтылған
Архивтегі сурет

Қазақстанның бес облысында ашқан: полиция ұйымдасқан қылмыстық топты ұстады видео

1393
Трансұлттық ұйымдасқан қылмыстық топтың кураторлары психотроптық заттарды шетелден жеткізу арнасын ұйымдастырған

НҰР-СҰЛТАН, 17 сәуір – Sputnik. Қарағанды облысының полиция департаменті мен ІІМ есірткі қылмысына қарсы іс-қимыл департаментінің қызметкерлері Қазақстанның бес облысында синтетикалық есірткі өндіретін зертхана ашқан оннан астам адамды ұстады.

Полицейлердің мәліметінше, қылмыстық топтың басшылары шетелде жүр. Алайда бұл оларға Қазақстанның түрлі облысында заңсыз бизнесті жолға қоюға еш кедергі келтірмеген.

"Бұл зертханалардың ұйымдастырушылары Қазақстаннан тыс жерде жүріп, Қазақстан, Ресей, ТМД мен алыс шет елдердің аумағында психотропты заттарды дайындаумен, сақтаумен, тасымалдаумен және сатумен айналысатын трансұлттық ұйымдасқан топ құрды. Сондай-ақ мессенджерлер арқылы Қазақстан аумағында жұмыс істейтін құрылымдық бөлімшесін басқарумен және үйлестірумен айналысқан",- деп мәлімдеді Қарағанды облысы полиция департаментінің бастығы Ерлан Файзуллин.

Айтуынша, трансұлттық ұйымдасқан қылмыстық топтың кураторлары психотроптық заттарды шетелден жеткізу арнасын ұйымдастырған. Оларды  сұйық күйінде, автокөлік майы мен алкогольді ішімдік сияқты көрсетіп, майлы радиаторлар мен өрт сөндіргіштердің ішіне құйып логистикалық фирмалар арқылы тасымалдаған.

Трансұлттық ұйымдасқан топ қатысушыларынан құрғақ және сұйық түрінде 70 келіден астам синтетикалық есірткі тәркіленді. Сонымен қатар есірткі дайындауға пайдаланылатын 3,5 тоннадан аса прекурсор алынды.

Трансұлттық ұйымдасқан топты ұйымдастыру және басқару фактісі бойынша Қылмыстық кодекстің 264-бабы 1 және 2-тармақтары негізінде сотқа дейінгі тергеу басталды. Күдіктілер, егер кінәсі дәлелденсе, он бес жылға дейін бас бостандығынан айырылуы мүмкін.

Тергеу жалғасып жатыр.

1393
Кілт сөздер:
видео, полиция, Қарағанды
Тақырып бойынша
ҰҚК ұйымдасқан қылмыстық топты ұстады – арнайы операцияның видеосы жарияланды
Қызылордада қылмыстық топты ұстау сәтінің видеосы пайдасы болды
ҰҚК "Боратқа" қатысы бар қылмыстық топты ұстады – видео
Арнайы операция: ҰҚК аса қауіпті қылмыстық топты ұстады – видео
Теңге

Шымкент тұрғыны шетел азаматының 343 миллион теңгесін алдап алған

69
Ол танысына Қазақстан аумағынан полиметалл кенінің сызбасын тауып беремін деп, сеніміне кіріп, оған материалдық шығын келтірген

НҰР-СҰЛТАН, 17 сәуір – Sputnik. Шымкентте 38 жастағы ер адам алаяқтық жасады деген күдікпен ұсталды.

2021 жылдың 14 сәуірінде Қаратау аудандық полиция басқармасының "102" арнасы арқылы Бурятия Республикасының 63 жастағы тұрғыны шағымданған.

"Ол өз арызында 2017-2019 жылдар аралығында өзінің танысы Қазақстан Республикасы аумағынан полиметалл кенінің сызбасын тауып беремін деп, сеніміне кіріп, алаяқтық жолмен 343 250 000 теңгесін алып, материалдық шығын келтіргенін көрсеткен", - деп жазды Otyrar.kz.

Қаратау аудандық полиция басқармасы Криминалдық полиция бөлімінің қызметкерлері Шымкент қаласының 38 жастағы тұрғынын анықтап, ұстады. Тексеру жұмыстары жүргізіліп жатыр.

Шымкент қаласының полицейлері азаматтарға абай болуға және бейтаныс азаматтарға ақша бермеуге кеңес береді. Егер алаяқтықтың құрбаны немесе куәгері болсаңыз, тез арада 102 нөміріне хабарласыңыз.

 

69
Қасым-Жомарт Тоқаев

Мемлекет басшылары Тоқаевты құттықтап жатыр

0
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

0
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды