Алматы, архивтегі фото

Жандарбек Бекшин Алматыдағы эпидемиологиялық жағдайға баға берді

90
(Жаңартылды 13:37 30.03.2021)
Өткен аптада жиналған сынамалардан өзгеріс табылды. Қалада екі зертхана зерттеу жұмыстарын жүргізді. Бірінен британиялық және оңтүстікафрикалық штамм табылды

АЛМАТЫ, 30 наурыз – Sputnik. Алматының бас санитар дәрігері Жандарбек Бекшин қаладағы эпидемиологиялық жағдайдың күрделі екенін айтты, деп хабарлайды Sputnik Қазақстан тілшісі.

"Қазір қала коронавирустың таралуы бойынша "қызыл" аймақта тұр. Өршудің ең бірінші себебі – қалада таралып жатқан мутациядан өткен штаммдар. Өткен аптада жиналған сынамалардан өзгеріс табылды. Қалада екі зертхана зерттеу жұмыстарын жүргізді. Бірінен британиялық штамм мен оңтүстікафрикалық штамм табылды. Соған байланысты арнайы күшейтілген шектеу шараларын қабылдадық", - деді Жандарбек Бекшин.

Оқи отырыңыз: Қазақстан "қызыл" аймаққа кірді 

Ал Алматы қаласы қоғамдық денсаулық басқармасының басшысы Нариман Табынбаев үй жағдайында емделіп жатқан науқастар жайлы айтты.

Қалада 5 мың инфекциялық төсек-орын жасақталған. Оның ішінде 2 696 адам емделіп жатыр. Ішінде 108 бала бар. Науқастар арасында 32 адам аса ауыр жағдайда, 302 науқас ауыр жағдайда, 2 362 науқас орташа деңгейде жатыр.

Реанимация бөлімінде 135 науқас бар.

"Қазір 3 369 адам үй жағдайында емделіп жатыр. Ішінде 992 адам симптомсыз, қалғаны жеңіл түрде ауырып жатыр. Оларды телемедицина орталығы мен жергілікті емхана дәрігерлері бақылап отыр. Телефон арқылы, видео арқылы жағдайын біліп тұрады. Жағдайына байланысты жергілікті емханаға хабарласады. Одан кейін мобильді топ барады. Қажет болса, ауруханаға жеткізеді", - деді Нариман Табынбаев.

Үйде емделуге мүмкіндігі жоқ азаматтарға шипажай немесе ауруханаға жатқызуға жағдай жасалған.

"Үйдегі науқастың жанында болатын адамдарға қауіп төнеді. Сондықтан барынша бөлектену керек. Егер бір-біріне жұқтырған болса, жағдайына байланысты мамандар жағдайы ауыр адамды ауруханаға әкетіп, жағдайы тұрақты науқасты үйде емделуге қалдырады. Бір отбасыда 3-4 адам ауырып жатса, мүмкіндігінше баласымен бірге анасын бір ауруханаға жатқызуға шешім қабылдап жатырмыз", - дейді Табынбаев.

Бір үйдің екі адамы бір уақытта инфекция жұқтырса, ауруханада да бір бөлмеге жатқызылады.  

Мектептер онлайн форматқа көшті

Қаланың бас санитар дәрігерінің айтуынша, биыл былтырмен салыстырғанда ауру жұқтырған балалардың саны бірнеше есе артқан.

"Мутациядан өткен штаммдардың ерекшелігі балаларға да әсерін тигізіп жатыр. Былтыр жарты жылда 280 бала ауырып шықты, биыл 3 айда  1 468 бала ауырды. Балалардың саны көбеюіне байланысты қатаң шаралар енгіздік. Барлық мектепті онлайн форматқа көшірдік. Тек кезекші сыныптар қалды. Оқушылар саны 15-тен аспайды. Бұл – 1-5 сыныптар және халықаралық деңгейдегі мектептердегі 1-7 сынып оқушылары. Биыл мектепті бітіретін 9,11-сыныптарда кезекші сыныптар іске қосылды. Оларда да бала саны 15-тен аспайды", - деді Жандарбек Бекшин.

Бұл шектеулер мемлекеттік мектептерге ғана емес, жеке меншік мектептерге де қатысты.

Алматыда карантин күшейтілді

Жандарбек Бекшин қол қойған жаңа қаулыға сәйкес, эпидеомиологиялық жағдай ушыққан кезде де Ashyq қосымшасына қосылған мекемелердің жұмысы жалғаса береді.

Халыққа қызмет көрсету орталықтары, "Қазпошта" бөлімдерінің жұмыс уақытына шектеу қойылмаған. Алдын ала жазылу бойынша қабылдайды.

Дәмхана, мейрамханалардың жазғы ашық алаңдары ғана жұмыс істейді, тек жартылай толуы керек. Үстелдер арақашықтығы екі метрден кем емес.

Студенттер оқу жылының соңына дейін қашықтан оқиды, жатақханада тұрмайды.

Мектеп оқушылары да негізінен қашықтан білім алады.

90
Кілт сөздер:
Жандарбек Бекшин, коронавирус
Тақырып бойынша
Тоқаев пандемия салдарын жеңілдетуге қатысты ұсыныс жасады
Сәуір айында 60 мыңнан астам астаналыққа вакцина егіледі
Нұр-Сұлтанның бас санитар дәрігері блок бекет туралы айтты
Бекшин жаңа қаулы шығарды
COVID-тың "британдық" және "оңтүстікафрикалық" штаммы: астанада сынама жасалды
Далада маскасыз қыдырып жүретін уақыт емес – денсаулық сақтау басқармасы
Алматыда қар, архивтегі сурет

Қар аралас жаңбыр: Қазақстанның барлық дерлік өңірінде дабылды ескерту жарияланды

2544
Алдағы күндері бірқатар өңірде қар аралас жаңбыр жауып, бұрқасындатады, көктайғақ болады, жел күшейеді

НҰР-СҰЛТАН, 16 сәуір – Sputnik. Қазгидромет республиканың барлық дерлік өңірінде дабылды ескерту жариялады.

17 сәуірде Атырау облысында түнде және таңертең кей жерлерде тұман түсіп, күндіз найзағай ойнайды. Оңтүстік-батыстан солтүстік-батысқа ауысатын желдің күші күндіз кей жерлерде 15-20 м/с дейін барады.

Атырау қаласында күндіз желдің екпіні 15-18 м/с жетеді.

17 сәуірде Ақтөбе облысының кей жерлерін тұман басады, күндіз найзағай жарқылдайды. 19 сәуірде күндіз ауа температурасы +5... +10 градусқа дейін күрт төмендейді. 20 сәуірде түнде минус 3-8 градус суық, күндіз 2-7 градус жылы болады. Желдің күші 15-20 м/с, екпіні 25 м/с дейін барады.

17 сәуірде Маңғыстау облысының кей жерлерінде және Ақтау қаласында тұман болжанып отыр.

17 сәуірде Батыс Қазақстан облысында кей жерлерде найзағай күтілуде. Солтүстік-шығыстан соғатын желдің жылдамдығы – 15-20 м/с.

17 сәуір күндіз, 18-19 сәуірде тәулік бойы Жамбыл облысында кей жерлерде найзағай ойнайды. 18-19 сәуірде желдің екпіні 15-20 м/с болады. Таразда 18 сәуірде найзағай жарқылдайды, жел күшейеді.

19 сәуірде Солтүстік Қазақстан облысының кей жерлерінде жаңбыр жауып, арты қарға ұласады. Бұрқасын, көктайғақ, тұман болады, жел күшейеді. Ауа температурасы түнде минус 7-12 градусқа дейін, күндіз 0-5 градусқа дейін төмендейді.

19 сәуірде түнде Қостанай облысының кей жерлерінде жауын-шашын (жаңбырдың соңы қарға ұласады), бұрқасын, көктайғақ, тұман болжанып отыр. Желдің жылдамдығы 15-20 м/с, екпіні 23 м/с дейін барады.  Ауа температурасы түнде минус 3-8 градусқа дейін төмендесе, күндіз минус 3 градустан плюс 2 градусқа дейін көтеріледі.

Тағы оқыңыз: Күн қайта суытады – алдағы күндері ауа райы қандай болады

19 сәуірде Ақмола облысының кей жерлерінде жауын-шашын (жаңбыр соңы қарға ұласады), бұрқасын, көктайғақ, тұман болады деп күтілуде. Солтүстіктен, солтүстік-шығыстан соғатын желдің күші – 15-20 м/с. Сынап бағанасы түнде минус 5-10 градус, күндіз 0-5 градус суықты көрсетеді.

19 сәуірде Павлодар облысының кей жерлерінде жауын-шашын (жаңбыр соңы қарға ұласады), бұрқасын, көктайғақ, тұман болжануда. Солтүстік-батыстан соғатын желдің бағыты солтүстік-шығысқа ауысады, күші 15-20 м/с, екпіні 23 м/с. Ауа температурасы түнде минус 2-7 градус, күндіз 0-5 градус суық болады. 20-21 сәуірде түнде температура минус 7-12 градусқа дейін түседі.

19-20 сәуір күндері Қарағанды облысының кей жерлерінде де жаңбыр жауып, арты қарға ұласады, көктайғақ, тұман болады, 20 сәуірде бұрқасындатады. Желдің екпіні 23-28 м/с дейін барады. 19 сәуірде түнде ауа температурасы минус 3 градус пен плюс 2 градус аралығында құбылады. 20-21 сәуірде түнде минус 7-12 градусқа дейін төмендейді.

20 сәуірде Шығыс Қазақстан облысында жауын-шашын (жаңбырдың соңы қарға ұласады), көктайғақ, тұман, бұрқасын күтілуде. Солтүстік-шығыстан жел соғады, күші 15-20 м/с, екпіні 23-28 м/с. 20 сәуірде ауа температурасы түнде минус 2-7 градус, күндіз минус 3 градустан плюс 2 градус жылы болады. 21-22 сәуірде түнде сынап бағанасы минус 5-13 градусқа дейін түседі.

20 сәуірде Қызылорда облысының кей жерлерінде тұман түседі деп болжануда. Солтүстік-шығыстан соғатын желдің күші 15-20 м/с, екпіні 23-28 м/с. 20 сәуірде түнде ауа температурасы плюс 2-7 градусқа дейін күрт төмендейді, 21 сәуірде түнде кей жерлерде 3 градус үсік жүреді.

2544
Кілт сөздер:
дабылды ескерту, ауа райы
Пациент

Шымкентте инфекциялық ауруханада түсірілген жантүршігерлік видео желіде тарады

8930
(Жаңартылды 20:09 16.04.2021)
Басқарма басшысының стационарда түсірген видеосынан пациенттердің ауыр дем алып жатқанын байқауға болады

НҰР-СҰЛТАН, 16 сәуір – Sputnik. Шымкент қалалық денсаулық сақтау басқармасының басшысы Бақытжан Позилов инфекциялық ауруханадағы жағдайды көрсетті, деп хабарлайды Sputnik Қазақстан.

Қаланың бас дәрігері "Асар" шағын ауданында орналасқан инфекциялық стационарға барып, жансақтау бөлімін видеоға түсірген.

"Бұл жерде коронавируспен ауыратын науқастар жатады. Жансақтау бөлімінде науқастар өте көп. Көбісі – жастар. 40, 30, тіпті 20 жастағы науқастар бар. Олар өте ауыр жағдайда жатыр", – деді Позилов.

Басқарма басшысы дәрігерлерді, сондай-ақ науқастарды да көрсетті. Видеода кейбір пациенттердің ауыр дем алып жатқанын байқауға болады. 

Посмотреть эту публикацию в Instagram

Публикация от Бакытжан Позилов (@bakhytzhan_pozilov)

  "Өз өмірлеріңізді қатерге тікпей, ертерек коронавирусқа қарсы вакцина садыруға шақырамын. Қазіргі кезде Шымкент қаласында жекеменшік емхана болсын, мемлекеттік емхана болсын, барлық жерде коронавирусқа қарсы "Спутник V" вакцинасы тегін салынып жатыр. Міндетті түрде вакцина салдырып алыңыздар", – деп атап көрсетті Позилов.

Айта кетейік, соңғы бір тәулік ішінде Қазақстанда 2 656 адамнан коронавирус инфекциясы анықталды. Ал Шымкент қаласында 119 науқас тіркелді.

8930
Кілт сөздер:
вакцина, коронавирус
Тақырып:
COVID-ке қарсы вакцина
Тақырып бойынша
Балалар бөлімшесі бар Қазақстандағы тұңғыш COVID-аурухана қандай – видео
Қазақстанда балаларға коронавирусқа қарсы вакцина салынуы мүмкін бе
Онлайн-емхана: дәрігер мен пациент үшін қаншалықты тиімді
Вакцина салдырған соң бетпердесіз жүруге бола ма – сарапшы пікірі
Түркістанда салмағы 135 келі болатын пациент асқазанын кішірейтті
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

0
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

0
Кілт сөздер:
Украина, Ресей