Прокурор погоны

Байқоңырдың қазақстандық прокуроры белгісіз себеппен қызметінен кетті

330
Нұржан Рахметов өзінің өтініші бойынша Байқоңыр қаласының прокуроры қызметінен ғана емес, сонымен қатар прокуратура саласынан да кетті

НҰР-СҰЛТАН, 4 сәуір – Sputnik. Ресей Федерациясының жалдау шартындағы Байқоңыр қаласының прокуроры Нұржан Рахметов өз қалауымен қызметінен кетті.

Ол бұл туралы өзінің Facebook парақшасында хабарлады.

"Құрметті достар, әріптестер және туыстар! Мен Байқоңыр қаласының прокуроры қызметінен ғана емес, жалпы прокуратура жүйесінен кеткенімді хабарлаймын!", – деп жазды ол.

Рахметов өз жазбасында мұндай шешім қабылдауға итермелеген себептерді түсіндірмеген. Бірақ бұл таңдау оңай болмағанын атап өткен.

"Бұл менің саналы қадамым. Мен ұзақ уақыт ойланып, осындай шешім қабылдадым. Бұл мен үшін қиын болды. Дегенмен, алға жылжудың уақыты келді. Өзімді мүлдем жаңа нәрседе сынап көрейін деп өз таңдауымды жасадым", – деді экс-прокурор.

Байқоңыр прокуроры болып жұмыс істеген екі жыл ішінде құрмет пен сенімділікті сезіне білген жергілікті тұрғындар Рахметовке жүздеген пікір жазып, оған сәттілік тіледі.

Нұржан Рахметовтің өмірбаяны

Нұржан Рахметов 38 жаста, ол Павлодар қаласының тумасы. Гумилев атындағы Еуразия ұлттық университетін халықаралық құқық мамандығы мен "Тұран-Астана" университетінде қаржы мамандығын және Инновациялық Еуразия университетінің магистратурасын бітірген.

2006 жылы ол тергеу мен анықтаудың заңдылығын қадағалау бойынша астанадағы Алматы ауданы прокурорының көмекшісі және сот шешімдерінің заңдылығын қадағалау мен атқарушылық іс жүргізу бойынша Алматы ауданы прокурорының көмекшісі болған.

2007-2008 жылдар аралығында Рахметов тергеу мен анықтаудың заңдылығын қадағалау жөніндегі Нұр-Сұлтан қаласы Алматы ауданы прокурорының көмекшісі болды.

2008 жылдан 2009 жылға дейін – жедел-іздестіру қызметінің заңдылығын қадағалау жөніндегі Нұр-Сұлтан қаласы Алматы ауданы прокурорының аға көмекшісі.

2009-2010 жылы Нұр-Сұлтан қаласы Алматы ауданы прокуратурасының тергеу және анықтау заңдылығын қадағалау бөлімінің бастығы лауазымын атқарды. 2010 жылы Нұржан Рахметов ұлттық қауіпсіздік органдарында, қаржы полициясы мен кеден органдарында тергеу мен анықтаудың заңдылығын қадағалау бөлімінің прокуроры болып жұмыс істеді.

2010-2011 жылы елордалық прокуратурада қылмыстық процестің заңдылығын қадағалау жөніндегі қаржы полициясының басқармасында тергеу мен анықтаудың заңдылығын қадағалау бөлімінің прокуроры болды.

2011 жылдың қаңтарынан маусымына дейін – Нұр-Сұлтан қалалық прокуратурасында қылмыстық процестің заңдылығын қадағалау бөлімінің прокуроры.

2011-2012 жылы – ұлттық қауіпсіздік органдары мен Нұр-Сұлтан қаласы қаржы полициясының кеден органдарында тергеу мен анықтаудың заңдылығын қадағалау жөніндегі топтың заңдылығын қадағалау басқармасының прокуроры.

2012 жылдың қазанынан 2015 жылдың шілдесіне дейін Рахметов елорда прокурорының тергеу және қала прокуратурасы арнайы прокурорлар бөлімінің тергеу топтарының жетекшілігі жөніндегі көмекшісі болды.

2015 жылы – Павлодар облысы прокуратурасының қылмыстық процестің сотқа дейінгі сатысының заңдылығын қадағалау бөлімінің прокуроры.

Оқи отырыңыз: Ресей елшісі: Байқоңыр қаласы мен ғарыш айлағының болашағы зор

2015 жылдың тамызынан бастап 2017 жылдың қазан айына дейін – Павлодар облысы прокуратурасының бөлім бастығы – аппарат жетекшісі.

2017 жылдан бастап бас прокуратураның байланыс тобы бас прокурорының аға көмекшісі қызметін атқарды.

Нұржан Рахметов Байқоңыр қаласының прокуроры қызметіне 2019 жылдың мамырында тағайындалды.

330
Кілт сөздер:
прокурор, Байқоңыр
Тақырып бойынша
"Байқоңыр" кешенінде туристік ойын-сауық аймағы құрылады
Қазақстан Байқоңыр маңындағы жерді қайтарады – президент заңға қол қойды
Қазақстан мен Ресей Байқоңыр ЖЭС-ін қайта құру мәселесін талқылап жатыр
"Байқоңыр" ғарыш айлағы: жұлдыздар әлеміне апарар жол – фото
Байқоңыр тұрғыны 60 теңге үшін 14 жасар баланы соққыға жықты
Архивтегі фото

"Барлық әке осылай істейді деп ойладым": Отбасылық құпияны білген әйел есеңгіреп қалды

7699
Ер адам туған қызын зорлаған, қыз не болып жатқанын түсінбеген, өйткені ол барлық әке қыздарына осылай істейді деп ойлаған

НҰР-СҰЛТАН, 26 қыркүйек – Sputnik. Қостанай облысында ер адам туған қызын 8 жасынан бастап бірнеше жыл бойы азғырып, содан кейін зорлаған, деп хабарлады "ТоболИнфо".   

"Ер адам қызын 12 жасқа дейін азғырған, содан кейін оны алғаш рет зорлаған. Мұның бәрі күн сайын соңғы уақытқа дейін жалғасқан, – деп түсіндірді жәбірленушінің адвокаты. – Бұл жағдай ешқандай есепте тұрмайтын қарапайым отбасыда болды".

Адвокат зорлық көрген жәбірленушінің нақты жасын және отбасы тұратын елді мекенді атамады.  

Оның айтуынша, қыз не болып жатқанын түсінбеген, өйткені ол барлық әке қыздарына осылай істейді деп ойлаған.

"Анасы мұның бәрін алдыңгүні ғана білді. Қыз жабырқап отыр" - деп түйіндеді жәбірленушінің қорғаушысы.

Полиция Қазақстан Қылмыстық кодексінің 122-бабы бойынша сотқа дейінгі тергеуді бастады. Кәмелетке толмаған баланың құқығын қорғау мақсатында қылмыстық істің егжей-тегжейі жария етілмейді. Қазір зардап шегушімен психологтар жұмыс істеп жатыр.

Оқи отырыңыз: 

7699
қырылған мал

Маңғыстаудағы құрғақшылық: мал азығы үшін қанша қаржы бөлінді

77
 Депутаттар қысқы мал азығы қорын қалыптастыруға қосымша қаражат бөлуді мақұлдады

НҰР-СҰЛТАН, 25 қыркүйек – Sputnik. Маңғыстау облысында мал азығы қорын қалыптастыруға қосымша қаражат бөлінеді, деп хабарлады облыс әкімдігінің баспасөз қызметі.

"Нұрлан Ноғаевтың қатысуымен өткен облыстық мәслихаттың кезектен тыс жетінші сессиясында депутаттар қысқы мал азығы қорын қалыптастыруға қосымша қаражат бөлуді мақұлдады. Атап айтқанда, қосымша 3,2 млрд теңге бөлінеді. Бұл қаражатқа 26200 тонна жем мен 4000 тонна шөп сатып алу жоспарлануда", - делінген хабарламада.

Сонымен қатар депутаттар әлеуметтік маңызы бар азық-түлік тауарларының қорын толықтыруға, тұтынуға берілген ауыз су құнын субсидиялауға, қала ішілік маршрутының 6 бағыты бойынша автопарктың жаңартылуын субсидиялау сияқты бірқатар әлеуметтік маңыздағы мәселелерді қаржыландыруға келісім берді.

Естеріңізге сала кетейік, қуаңшылық салдарынан биыл еліміздің бірқатар өңірінде жем-шөп тапшылығы туындады. Бұдан әсіресе Маңғыстау облысы зардап шегіп отыр.

Әкімдік мәліметі бойынша Маңғыстау облысында құрғақшылық салдарынан 1 163 бас мал қырылып қалды. Ал шаруалар бұл сан 5 мыңнан асып жығылатынын айтуда.

Жуықта облысқа жұмыс сапарымен бароған президент Қасым-Жомарт Тоқаев Маңғыстау облысында малдың қырылуына кінәлілерді атаған болатын.

Мемлекет басшысы мұқтаж фермерлерге көмек көрсету кезінде шенеуніктердің сылбырлығын сынға алды. Оның айтуынша, облыс әкімдігі мен құзырлы министрлік қайта-қайта қағазын түгендеп, құжатын реттеп отырғанда ахуалды тұрақтандыру үшін резервтен бөлінген тиісті қаражат қиналған шаруаларға мезгілінде жетпеген.  

Оқи отырыңыз: 

 

77
Кілт сөздер:
Маңғыстау облысы, мал, қаржыландыру
Тақырып бойынша
Құрғақшылық зардабы: сенатор ауа райына бейімделген жаңа жүйеге көшуді ұсынды
Құрғақшылық салдарын жою үшін не істеліп жатыр
Батыс аймақтарға шөп жіберген жігіт: "Мал қырылып жатқанда, тыныш жата алмадым"
Президент БҰҰ-да Қазақстандағы құрғақшылық туралы айтты
Архивтегі сурет

"Қорқыныш бар": Ираннан көшіп келген қандастар неге алаңдайтынын айтты

222
Қандастар тарихи отанына неге оралғанын, солтүстіктегі ауылдарды не себепті таңдағанын және Ирандағы қиыншылықтар туралы айтты

НҰР-СҰЛТАН, 26 қыркүйек – Sputnik. Таяуда 20 отбасы Ираннан атажұртына оралды. Қазір қандастар Солтүстік Қазақстандағы үш елді мекенде тұрады. Баспана, мектеп, жұмыс жайы шешілді. Sputnik Қазақстан тілшісі тарихи Отанына жеткен этникалық қазақтармен әңгімелесіп, бүгінгі жай-күйі мен парсы еліндегі қандастардың тұрмысына қанықты.

Қуаныш пен қорқыныш

Ираннан атамекенге ат басын бұрған көшті 52 жастағы Хадиша Адай бастап келген. Екі ай бұрын ол Қазақстанға келіп, өңірлерді аралап, халықтың тыныс-тіршілігімен танысып қайтыпты. Иранға барғаннан кейін қандастармен көрген-білгенін бөліседі. Осылайша жиырма отбасының атажұртпен қауышуына түрткі болған.

"Әр қазақ әлемнің қай түкпірінде жүрмесін, ата-бабасының кіндік қаны тамған топыраққа оралуды армандайды. Біздің де ең басты арман-тілегіміз осы еді. Шынын айтсам, ел-жұртымды ауыстырып, өз туған еліме келгенде өте қуанышты едім. Бірақ, қазір қуанышпен қатар қорқыныш та бар. Болашағым қалай болар екен, мені қалай қабылдар екен, артымнан ілескен адамдардың одан арғы жағдайы не болады, сіңісіп кетер ме екен, өз балаларымның келешегі қандай болар екен деп уайымдаймын", - деді әңгімесін бастаған Хадиша Адай.

Хадиша Адайдың жұбайы – өзге ұлттың өкілі. Айтуынша, жолдасы Иранда қалған, ал өзі екі баласымен Отанына біржолата қоныс аударуға бел буған.

"Мен жас кезімде парсы жігітіне тұрмысқа шықтым. Одан бір ұл, бір қыз сүйдім. Бірақ, кейін өзім қазақтың келіні болмасам да, балаларымды қазақ қыламын деп шештім. Олардың қазақы ортада тәрбиеленгенін, болашағын Қазақстанмен байланыстырғанын қаладым. Оларды Қазақстанға әкелуді армандадым. Аллаға шүкір, арманым орындалды", - дейді қандас.

Қазір Хадиша Адай балаларымен Есіл ауданындағы Петровка ауылында тұрады. Иранда ұшақ жөндейтін инженер мамандығына оқыған 21 жастағы ұлы Петропавл университетіне ауысқан. Сабаққа онлайн қатысады. Ал 15 жастағы қызы мектепке барып жүр. Екеуі де Иранда тұрғанда қазақ тілі мен орыс тілін онлайн оқып, меңгеріп алған.

Үкіметтің жұмысына кірмеймін

Хадиша Адай Иранда парсы тілі мен әдебиетінен университетте жиырма бес жыл сабақ берген. Кейін өз еркімен зейнетке шыққан. Үйде бос отырмай, кәсіптің көзін табады. Табиғи маталардан ерекше дизайнмен плащ тігіп сатады. Ісі өрге домалап, екі дүкен ашады. Алаша мен табиғи теріні қосып, сырт киімдерге келістіріп, сөмке тігуге кіріседі. Алайда былтыр пандемия басталып, дүкендерін жабуға мәжбүр болған. Тауарларын онлайн сатуға көшкен.

Посмотреть эту публикацию в Instagram

Публикация от SPUTNIK|ҚАЗАҚСТАН (@sputnik_kz)

"Бір күні ойыма тағы бір идея сап ете түсті. Қойдың жүнінен кілем тоқып, оны қазақтың ою-өрнегімен нақыштап безендіру. Солтүстіктегі ауылды таңдаған себебім де осы. Біріншіден, Қызылжардың әсем табиғаты баураса, екіншіден, ата-бабамыздан мұраға жеткен қолөнерді қайта дамыту", - деді ол.

Айтуынша, үкімет елге оралған қандасқа жұмыс ұсынған. Бірақ Хадиша Адай өз кәсібін ашуды құп көріпті.

"Үкіметтің жұмысына кіремін деген ой болған жоқ. Мен өзім кілеммен айналысамын деп шештім", - деді алдағы жоспарын бөліскен әйел.

Отанға келіп, отын жардым

"Ауыл ішінде Қазақстан бәрін елге шақырып жатыр екен деген әңгіме тарады. Рас-өтірігін білу үшін көшті ұйымдастыратын адамдардың телефонын сұрастырдым. Қоңырау шалсам, Хадиша Адай деген апай екен. Ол кісімен сапар жайлы ұзақ сөйлестік, ақылдастық. Үйге келіп, жолдасыммен де кеңестім. "Балаларды туған жерге апарайық, өз топырағында, өз қандастарының ортасында жүрсін, тілін жоғалтпасын" дедім. Жарым да қарсылық танытпады. Сөйтіп, әрі-бері ойланып, ақыры көшуге бел будық", - деп еске алды Ираннан әйелі және төрт баласымен атажұртқа оралған 35 жастағы Нәжіп Қазақ.

Нәжіп отбасымен Қазақстанға осыдан бес-алты жыл бұрын қыдырып келген. Айтуынша, Ақтауда туыстары тұрады. Парсы елінде туып-өссе де, тарихи отанға оралуды бұрыннан ойлап жүрген. Биыл сәті түсіп, қандастар туған топыраққа аяқ басты.

Ираннан қоныс аударған қандастар
© Photo : Дүниежүзі қазақтары қауымдастығының СҚО филиалы
Ираннан қоныс аударған қандастар

"Ұшақ әуежайға қонғанда, жүрегімді қуаныш кернеді. Атажұртыма шынымен оралғаныма сене алмадым. Шыны керек, екі көзім жасқа толды", - дейді Нәжіптің әйелі Махтаб Шадкам.

Бұл отбасын әкімдік Есіл ауданының Николаевка ауылына жіберді. Қандастар ақшалай көмек пен жұмысқа құжат тапсырып қойған.

"Үш бөлмелі үй берді. Ваннасы, дәретханасы ішінде. Ауыл адамдары бізді жылы шыраймен қарсы алды, халқы маған қатты ұнады. Бауырым деп сыйлап жатыр. Ауылда бидай егіледі, мал бағады. Өте жайлы жер екен", - дейді Нәжіп Қазақ.

Қыста қар көрмейтін Иран қазақтары күздің қара суығынан пеш жағып жылынып отыр.

"Иранда қыста жаңбыр жауып, аздап жел соғады. Жылдың қалған мезгілінде күн ашық. Мына жақта адамдар белге дейін қар келеді дейді. Соны естіп, шошып кеттім. Өз ақшама отын сатып алдым. Енді оны жару керек. Бүгінге дейін отын жарып көрмеп едім. Отанға келіп, отын жарып жатырмыз", - деп күлді Нәжіп.

Егін ектім, нан пісірдім, мал бақтым

Нәжіп Қазақ Иранда Горган қаласынан 35 шақырымдағы Бендер-Түрікменде тұрған. Айтуынша, этникалық қазақтардың дені сол елді мекенде шоғырланған.

"Иранда менің екі-үш жұмысым болды. Нан пісіретін наубайханам бар еді. Қол астымда төрт бала істейтін. Оны ініме тапсырып кеттім. Сосын бидай, арпа егетінбіз. Ағаммен бірге он жылдай мал да бақтық. 400-500 қой ұстадық. Бірақ кейінгі жылдары Иранда жем-шөп қымбаттап, қой басын азайттық. Біразын сатып жібердік", - дейді ол.

Оқи отырыңыз: "Ауғанстанда көп қазақ қалды": атажұртқа оралған қандастар нені түсінгенін айтты - видео

Нәжіп Қазақ енді солтүстіктің шөбі шүйгін, құнарлы жайылымында мал ұстап, егін еккісі келеді.

Айтуынша, Бендер-Түрікменде әкесі көзі тірісінде тұрғызған мешіт бар. Бүкіл қазақ сол мешітке баратын көрінеді.

"Бәрін тастап, Қазақстанға көшуге бел байлағанда, ештеңеден қорыққан жоқпын. Өйткені ол жақта қазақ мектебі жоқ. Барлық қазақ баласы парсы тілінде оқиды. Бірақ сонда да ана тілімізді жоғалтпадық. Өзге ұлттан қыз алып, қыз бермейміз. Беташар, келін түсіру, Наурыз мейрамы – ата-бабамыздан қалған салт-дәстүрлер сақталған", - деп атап өтті қандасымыз.

Ирандағы қазақ жастарының проблемасы

Хадиша Адайдың айтуынша, Иранда тек қазақ жастары ғана емес, бүкіл ұлт өкілдері жұмыс таба алмай қиналып жүр. Оған коронавирус індеті де себеп.

"Иранда көп фабрика тоқтап, тауарлар шетелге шықпай қалды. Ел экономикасы біраз қысым көрді. Оқыған мамандар жұмыссыз жүр. Тағы бір қиыншылық, өкінішке қарай, Иран қазақтарының арасында жас жігіттер мен балалар есірткіге құмар болып жатыр. Ана тіліміз жойылудың аз-ақ алдында. Қазір 10-15 жастағы балалар қазақ тілінде таза сөйлей алмайды", - деп қапаланды этникалық қазақ.

Ал Нәжіп Қазақ Ирандағы қазақ жастарының жат ағымның жетегіне еріп кетуіне алаңдады.

"Жастардың жоғары оқу орындарында тегін оқуға мүмкіндігі жоқ. Содан екі қолға бір күрек таба алмай, теріс жолға түсіп кетеді. Бүкіл жерде сақалдылар бар. Олар жас балалардың ойы мен ұстанымын өзгертіп, өз қатарына қосады. Сөйтіп көп кісі қор болып жүр", - дейді ол.

Әйелдер еркін жүреді

Хадиша Адай Иранда ерлер мен әйелдердің құқықтары тең екенін атап өтті. Нәзік жандар хиджаб киіп, оранып жүретіні болмаса, еш қысым көрмейді.

Оқи отырыңыз: "Тамақ алуға ақшамыз болмады": Сириядан оралған қыздың әңгімесі – видео

"Мақтағаным емес, Иран тарихы терең, дамыған мемлекет. Қандай жұмыс істеймін десе де, әр әйелдің өз еркі. Әйелдер мен еркектердің ешқандай айырмашылығы жоқ. Қысым көрген жоқпыз, емін-еркін жүрдік. Тек хиджаб мәселесі бар. Енді әр үкіметтің өз заңы бар ғой. Оны қабылдауымыз керек. Өкініштісі, Иранда қазақ мектебі жоқ, мәдени жағынан жиналысқа рұқсат бермейді. Бірақ ата-бабамыздан қалған салт-дәстүрді сақтауға тырыстық. Үйде ата-анамыз тек қазақ тілінде сөйлеуге рұқсат беретін, парсы тілінде сөйлеттірмейтін", - деді ол.

Көктемде тағы 50 отбасы келеді

Нәжіп Қазақтың айтуынша, Қазақстанға көшкелі бері телефонына тыным жоқ. Ирандағы ағайын, жора-жолдастар хабарласып, қандастардың жай-күйін сұрастырып жатыр. Баспана берсе, атажұртқа қоныс аударатын ойлары бар.

Хадиша Адай Ираннан наурыз айында тағы елу отбасы көшіп келуді жоспарлап отырғанын жеткізді.

222
Кілт сөздер:
Иран, этникалық қазақ, қандастар