Алматы

Қаланы жабу деген әңгіме жоқ Жандарбек Бекшин

87
Науқастар дер кезінде ауруханаға жатқызылып жатыр, олардың саны 250-270 шамасында, деп мәлімдеді Алматының бас санитар дәрігері

АЛМАТЫ, 5 сәуір – Sputnik. Алматы қаласының бас санитар дәрігері Жандарбек Бекшин қаланы карантинге жабу туралы сауалға жауап берді, деп хабарлайды Sputnik Қазақстан тілшісі.

"Әрине, қазіргі ахуал өте күрделі. Бірақ қыстан бері жасаған дайындығымыз қазіргі жағдайдан өтуге мүмкіндік беріп отыр. Қазір 7 011 төсек-орын бар. Бос төсек-орын саны – 44,9%. 2 520 орын бос тұр. Жансақтау бөлімінде 62% бос. Бұл мәселе күнделікті бақылауда тұр. Ешқандай алаңдататын мәселе жоқ. Бәрі де дер уақытында ауруханаға жатқызылып жатыр. Олардың саны 250-270 шамасында. Әлі ауруханаға түсетіндер саны 500-ге жеткен жоқ. Сондықтан қазір ешқандай локдаун, қаланы жабу деген әңгіме жоқ", - деді Бекшин.

Оқи отырыңыз: Бекшин Рамазан айы қарсаңында үндеу жасады 

Айта кетейік, Алматыда бір тәулікте 611 адамнан коронавирус инфекциясы табылды. Қаланың бас санитар дәрігері науқастар арасында жастардың, оқушылардың көп екенін айтты. Соған байланысты Бекшин ата-аналарға кеңес берді.

"Бұл ауру жасарды. Қазір жас балалар, бір жасқа толмаған нәрестелер алаңдатады. Наурыздың алғашқы аптасында 10 жағдай тіркелген еді, өткен аптада 160 жағдай тіркеліп отыр. Бұл мәселеге мән беру керек. Ата-аналардың балаларды көпшілік жүретін іс-шараларға, тойларға апаратынын көріп отырмыз. Соған мән беру керек. Үш айдың ішінде 1700 бала ауырып қалды", - деді Бекшин.

Оның сөзінше, ауырып қалған балалардың 80%-і онлайн форматта оқыған.

"Балалардың не істеп жатқанын білмей жатырмыз. Сондықтан балаларды бақылауға алу қажет. Әрине, баланы үйде отырғыза алмайсың. Бірақ көп адам жиналатын жерден бас тарту керек", - деді ол.

Айта кетейік, 3 сәуірде қалада бас санитар дәрігердің жаңа қаулысы шықты. Құжаттың толық нұсқасымен мына жерден танысуға болады.

87
Кілт сөздер:
Жандарбек Бекшин, коронавирус
Тақырып бойынша
Қазақстанда бір күнде коронавирус пен пневмониядан 20 адам қайтыс болды
Тоқаев кредит төлеу мерзімін кейінге қалдыруды тапсырды
Цой коронавирустың таралуына қатысты болжам жасады
Қазақстанда қатаң карантин енгізіле ме?
Тоқаев министр Цойға бір ай уақыт берді
жер

Жері заңсыз сатылып кеткен университет маңындағы тұрғындар үйсіз қалудан қорқады

0
(Жаңартылды 23:29 15.10.2021)
Халық университет мен әкімдік арасындағы соттың шешімі дұрыс болмай, үйсіз қаламыз деп үрейленіп отыр

НҰР-СҰЛТАН, 15 қазан – Sputnik. Қазақ ұлттық қыздар  педагогикалық университетіне тиесілі жерді заңсыз саудалағандар ұсталды, деп хабарлады "Астана" телеарнасы. 

Алматы облыстық сыбайлас жемқорлыққа қарсы қызмет агенттігі күдіктілердің 9 гектар жер телімін сатқандарын мәлімдеді.

Ал талан-таражға кеткен учаскілерді кезінде сатып алып, үй салған халық қайда барарын білмейді. Жер телімдері тұрғындарға 3 жыл бұрын сатыла бастаған. Учаскілерді олар заңды құжатпен алғандарын айтады.

Халық ҚызПУ мен әкімдік арасындағы соттың шешімі дұрыс болмай, үйімізді тартып ала ма деп үрейленеді.

"Өзім 2019 да алдым жерді. Наурызда келіп фундамент құйдым. 80 процент халық тұрады осы жерде. Газ, су жүргізілді, өзіміздің ақшамызға жолды жөндеттік. Әр үй 40 мың теңгеден шығардық", - дейді Кемертоған ауылының тұрғыны Алмас Нұртазин.  

Ал облыстық сыбайлас жемқорлыққа қарсы қызмет агенттігі жерді заңсыз сатқандарды анықтады. Күдікті ретінде білім ордасының бұрынғы қызметкері, "Азаматтарға арналған үкімет" облыстық филиалының Қарасай аудандық тіркеу және жер кадастры бөлімі, Қарасай ауданы әкімдігінің жер қатынастары бөлімі басшылары ұсталған.

"Біз де жәбірленуші тараптанбыз. Университеттің балансындағы меншік жоғалып отыр", - дейді университеттің ресми өкілі Жандарбек Асан.

Облыстық сыбайлас жемқорлыққа қарсы қызметі агенттігі күдіктілерге қатысты тиісті тергеу шаралары жүріп жатқанын айтты.

Білім ордасының басшылары тергеу амалдарының әділ жүргізілетіне үмітті. Ал халық маңдай терімен алған жер телімінің бір қарысын да қайтармауға бекінген. Олар енді қол жинап президент атына хат жазбақшы.

Оқи отырыңыз: 

0
Кілт сөздер:
жер, заң бұзу, видео
Тақырып бойынша
Қазақстанда тағы бір университет бас лицензиясынан айырылды
Қазақстанда 3,5 мыңға жуық студент оқыған университет жабылды
Вакцина салдырған студенттерге сыйлық беретін университет көбейді
Тағы бір университет жабылудың аз-ақ алдында тұр
мектеп

Будақтаған түтін мен балалардың айғайы: желіде тараған видео жұртты шошытты

29
(Жаңартылды 22:44 15.10.2021)
Енді балалардың денсаулығы үшін кім жауап береді, деп жазылған видео астында

НҰР-СҰЛТАН, 15 қазан – Sputnik. Ақтөбе облысының мектептерінің бірінде түсірілген видео жұртты алаңдатты. 

Видеодағы кадрда мектептің жоғарғы қабаттағы терезесінен түтін бе, бу ма шығып жатқаны көрінеді. Сондай-ақ балалардың шыңғырған дауысы естіледі.

Бұл кадр Ақтөбе облысының инстаграм пабликтерінің бірінде пайда болды.

"№9 мектепте сабақ үстінде тышқандар мен тарақандарды улауға кірісті. Улы бу барлық қабатқа тарады. Балалар шошып, айғайлай бастады. Түтін тамақты қырып, көзден жас ағызды. Сабақ үстінде улау жұмыстарын жүргізуге бола ма? Енді балалардың денсаулығы үшін кім жауап береді?", - деп жазылған видео астында.

"Мой город" басылымына облыстың санитарлық бақылау департаменті №9 мектепте тышқандарды улау туралы бұйрық берілмегенін хабарлады.

Дезинфекция мектептің жертөлесінде жүргізілген. Мұндай шараны бөлмеде заласыздандыруды жасаушы мамандардан өзге бөтен адамдар болмағанда өткізеді. Балалар арасында улану фактілері тіркелмеген.

"Мектепте жұмыстарды келісімшартқа отырған мекеме жүргізді. №9 мектеп директорына дезинфекцияны сабақ өтіп жатқан уақытта жүргізуге рұқсат бергені үшін сөгіс жарияланды", - деді қалалық білім беру басқармасындағылар.

Залалсыздандыруды "Дезинфекция қызметі" медициналық мекемесі жүргізгені белгілі болды. Мектептегілер дезинфекция "К-Отрин 50" ыстық буымен жасалғанын айтты. Ол тарақан, шыбын мен масаны жоюға арналаған улы зат.

Оқи отырыңыз: 

29
Кілт сөздер:
Ақтөбе облысы, мектеп, түтін, видео
Тақырып бойынша
Желіде адамдарды улау үшін азық-түлікке химикат себеді деген ақпарат тарады
Шымкентте оқушы қыз әкесінің сыйлығымен сыныптастары мен мұғалімді улап тастады
"Бізді улап жатқан жоқ па?": Ақтау үстіндегі қою түтін жұртты алаңдатты - видео