Шымкенттегі Асанбай Асқаров атындағы дендросаябақ

Шымкентте карантин күшейтіледі: не өзгереді

1485
(Жаңартылды 13:11 07.04.2021)
Жаңа қаулы бойынша Шымкентте карантин шаралары 12-сәуірден 26 сәуірге дейін күшейтіледі

НҰР-СҰЛТАН, 7 сәуір – Sputnik. Шымкент қаласы бас мемлекеттік санитар дәрігерінің жаңа қаулысы шықты. Оған сәйкес қалада каратин шаралары күшейтіледі, деп хабарлайды Sputnik Қазақстан.

"12 сәуір сағат 00:00-ден 26 сәуір 00:00-ге дейін Шымкентте коронавирустық инфекцияның таралуын болдырмау шаралары күшейтілсін", – делінген құжатта.

Құжатқа сәйкес, қала тұрғындары мен қонақтарына бұқаралық іс-шараларды өткізуге тыйым салынады (ауызашар, еске алу, туған күн, мерейтой, қоштасу, үйлену тойы, беташар және т.б.).

Ал жасы 65-тен асқан адамдарға қала бойынша жүруге шектеу қойылған.

Сол сияқты қоғамдық көліктерді қоса алғанда, азаматтарға қызметіне рұқсат етілген объектілерге барғанда маска кию мен әлеуметтік арақашықтықты сақтауға және антисептиктерді қолдануға қойылатын талаптарды қатаң сақтау міндеттеледі.

Сондай-ақ кеңсе қызметкерлерінің 50%-ін қашықтықтағы жұмысқа ауыстыру көзделеді.

Азық-түлік пен азық-түлікке жатпайтын базарлардың, жәрмеңкелердің қызметі шектеліп, толу деңгейі 30%-тен аспауы тиіс. Ал қызмет көрсету уақыты жұмыс күндері 06:00-ден 18:00-ге дейін, демалыс және мереке күндері 09:00-ден 17:00-ге дейін.

Банкет залдары мен аквапарктердің, жағажайлардың қызметіне тыйым салынады.

Косметологиялық қызметтерді ұсынатын СПА-орталықтар мен сұлулық салондары алдын ала жазылу бойынша 09:00-ден 23.00-ге дейін жұмыс істейді, жексенбіде жұмысы тоқтатылады.

Оқи отырыңыз: Қазақстанда қатаң карантин енгізіле ме?

Кезекші топтарды қоспағанда (20 адамнан аспайтын) балаларды сауықтыру лагерлері мен мектепке дейінгі мекемелердің жұмыс істеуіне тыйым салынады.

Қаулыда балаларға арналған ойын-сауық орталықтары мен цирктердің жұмысына, сондай-ақ караоке, бильярд, түнгі клубтар мен боулинг орталықтарының қызметі тоқтатылатыны айтылған.

Қаулының толық мәтінімен мына сілтемеге арқылы танысуға болады.

1485
Кілт сөздер:
Шымкент, шектеу, карантин
Тақырып:
Төтенше жағдай және карантин (788)
Тақырып бойынша
Тағы бір облыста карантин күшейтіледі
Неліктен Алматыда елордамен салыстырғанда едәуір қатаң карантин енгізілгені белгілі болды
Елордада мейрамхана мен дәмхана жұмысына шектеу енгізілді
Малдан қауіпті ауру табылған: Қазақстанның батысында карантин енгізілді
Сағынтаев карантин кезінде кәсіпкерлерге қандай көмек көрсетілетінін айтты
Архивтегі сурет

Қазақстанның бес облысында ашқан: полиция ұйымдасқан қылмыстық топты ұстады видео

1284
Трансұлттық ұйымдасқан қылмыстық топтың кураторлары психотроптық заттарды шетелден жеткізу арнасын ұйымдастырған

НҰР-СҰЛТАН, 17 сәуір – Sputnik. Қарағанды облысының полиция департаменті мен ІІМ есірткі қылмысына қарсы іс-қимыл департаментінің қызметкерлері Қазақстанның бес облысында синтетикалық есірткі өндіретін зертхана ашқан оннан астам адамды ұстады.

Полицейлердің мәліметінше, қылмыстық топтың басшылары шетелде жүр. Алайда бұл оларға Қазақстанның түрлі облысында заңсыз бизнесті жолға қоюға еш кедергі келтірмеген.

"Бұл зертханалардың ұйымдастырушылары Қазақстаннан тыс жерде жүріп, Қазақстан, Ресей, ТМД мен алыс шет елдердің аумағында психотропты заттарды дайындаумен, сақтаумен, тасымалдаумен және сатумен айналысатын трансұлттық ұйымдасқан топ құрды. Сондай-ақ мессенджерлер арқылы Қазақстан аумағында жұмыс істейтін құрылымдық бөлімшесін басқарумен және үйлестірумен айналысқан",- деп мәлімдеді Қарағанды облысы полиция департаментінің бастығы Ерлан Файзуллин.

Айтуынша, трансұлттық ұйымдасқан қылмыстық топтың кураторлары психотроптық заттарды шетелден жеткізу арнасын ұйымдастырған. Оларды  сұйық күйінде, автокөлік майы мен алкогольді ішімдік сияқты көрсетіп, майлы радиаторлар мен өрт сөндіргіштердің ішіне құйып логистикалық фирмалар арқылы тасымалдаған.

Трансұлттық ұйымдасқан топ қатысушыларынан құрғақ және сұйық түрінде 70 келіден астам синтетикалық есірткі тәркіленді. Сонымен қатар есірткі дайындауға пайдаланылатын 3,5 тоннадан аса прекурсор алынды.

Трансұлттық ұйымдасқан топты ұйымдастыру және басқару фактісі бойынша Қылмыстық кодекстің 264-бабы 1 және 2-тармақтары негізінде сотқа дейінгі тергеу басталды. Күдіктілер, егер кінәсі дәлелденсе, он бес жылға дейін бас бостандығынан айырылуы мүмкін.

Тергеу жалғасып жатыр.

1284
Кілт сөздер:
видео, полиция, Қарағанды
Тақырып бойынша
ҰҚК ұйымдасқан қылмыстық топты ұстады – арнайы операцияның видеосы жарияланды
Қызылордада қылмыстық топты ұстау сәтінің видеосы пайдасы болды
ҰҚК "Боратқа" қатысы бар қылмыстық топты ұстады – видео
Арнайы операция: ҰҚК аса қауіпті қылмыстық топты ұстады – видео
Теңге

Шымкент тұрғыны шетел азаматының 343 миллион теңгесін алдап алған

66
Ол танысына Қазақстан аумағынан полиметалл кенінің сызбасын тауып беремін деп, сеніміне кіріп, оған материалдық шығын келтірген

НҰР-СҰЛТАН, 17 сәуір – Sputnik. Шымкентте 38 жастағы ер адам алаяқтық жасады деген күдікпен ұсталды.

2021 жылдың 14 сәуірінде Қаратау аудандық полиция басқармасының "102" арнасы арқылы Бурятия Республикасының 63 жастағы тұрғыны шағымданған.

"Ол өз арызында 2017-2019 жылдар аралығында өзінің танысы Қазақстан Республикасы аумағынан полиметалл кенінің сызбасын тауып беремін деп, сеніміне кіріп, алаяқтық жолмен 343 250 000 теңгесін алып, материалдық шығын келтіргенін көрсеткен", - деп жазды Otyrar.kz.

Қаратау аудандық полиция басқармасы Криминалдық полиция бөлімінің қызметкерлері Шымкент қаласының 38 жастағы тұрғынын анықтап, ұстады. Тексеру жұмыстары жүргізіліп жатыр.

Шымкент қаласының полицейлері азаматтарға абай болуға және бейтаныс азаматтарға ақша бермеуге кеңес береді. Егер алаяқтықтың құрбаны немесе куәгері болсаңыз, тез арада 102 нөміріне хабарласыңыз.

 

66
Жол, асфальт, архивтегі сурет

Ақмола облысында жол жиегінде болған қайғылы оқиғаның видеосы тарап кетті

923
(Жаңартылды 18:38 17.04.2021)
Жүк көлігі еріген қар суына толы шұңқырға аударылды. Кабинада отырған ер адам оқиға орнында көз жұмды

НҰР-СҰЛТАН, 17 сәуір – Sputnik. Ақмола облысы Шортанды ауданында карьерлердің біріне жақын маңда жүк көлігі еріген қар суына толған жол жиегіне аударылды. Рөлде отырған 27 жастағы ер адам қаза болды, деп хабарлайды Sputnik Қазақстан.

Қайғылы оқиғаның видеосы әлеуметтік желіде тарады. Кадрдан бірнеше ер адам техниканың көмегімен жол жиегінде батып қалған жүк көлігін шығаруға тырысып жатқанын көруге болады. Машина бірнеше секундқа жолға шығады, алайда кейін батпақ пен қар суына толған шұңқырға құлайды.

Посмотреть эту публикацию в Instagram

Публикация от NewsMakers (@newsmakers.kz)

Шортанды ауданының әкімдігі трагедия 16 наурыз күндіз үштер шамасында Бектау ауылдық округіне жетпей, Шортанды-Жолымбет жолының учаскесінде болғанын нақтылады.

"Шансиман" көлігінің жүргізушісі рөлге ие бола алмады. Машина алдымен қара жолдың жиегіне аударылды. Кейін оны бульдозермен шығармақ болғанда, еріген қар суына толған шұңқырға батып кетті, жүргізуші қаза болды", - деп атап өтті әкімдіктің баспасөз қызметі.

Жүк көлігі "Гранит +" ЖШС карьеріне қиыршақ тас алу үшін барған. Шыға берерде жол апаты болды. Карьер жұмысшылары көлікті шығарып, жүргізушіні құтқаруға тырысты.

Тағы оқыңыз: Ақмола облысында екі бала шөп тиелген трактордың астына түсті

Көз жұмған ер адам – 1994 жылғы Мақсат Данияров, Қызылорда облысының тумасы. Полиция марқұмның денесін Нұр-Сұлтанға сараптамаға жіберді.

Бектау ауылдық округінің әкімдігі мерт болған жігіт аталған жүк көлігінің жүргізушісі емес екенін мәлімдеді. Жүк көлігі аударылғаннан кейін, марқұм рөлге отырып, көлікті алып шықпақшы болған, алайда өзі көз жұмды.

Аудандық әкімдіктің ақпаратынша, жүргізуші – 1981 жылғы Абылайхан Мұхамеджанов. Елордада тұрады.

"Шансиман" автокөлігі елордалық "Альстрой Транс Групп" фирмасына тиесілі.

Sputnik Қазақстан түсініктеме үшін Ақмола облысы полиция департаментінің баспасөз қызметіне хабарласты.

923
Кілт сөздер:
видео, жол, жүк көлігі, Ақмола облысы
Тақырып бойынша
Төрт адам жол жиегінде тұрған: жантүршігерлік жол апатының видеосы жарияланды
Алматыда жол апатынан төрт адам зардап шекті: арасында екі бала бар
Қарағанды облысында жол апатынан полицей көз жұмды
"Жедел жәрдемнің" тежегіші істен шыққан: Алматыда жаппай жол апаты болды