Елік, архивтегі сурет

Еліктер қырылып жатыр: Солтүстік Қазақстанда жануарлар өліміне не себеп болды

3989
(Жаңартылды 11:46 08.04.2021)
Жергілікті тұрғындар еліктер аштан қырылып жатыр деп санайды. Ал орман шаруашылығының қызметкерлері мүлдем кереғар пікірде

НҰР-СҰЛТАН, 8 сәуір – Sputnik. Солтүстік Қазақстанда еліктер қырылып жатыр. Әлеуметтік желілерде тараған өлі жануарлардың видеосына облыс тұрғындары дабыл қақты, деп хабарлайды Almaty.tv.

Инстаграм желісінде Солтүстік Қазақстанда тұрғындары түсірген видеолар көптеген парақшаларда тарады. Жергілікті тұрғындардың ойынша еліктер аштан қырылып жатыр деп санайды.

"Ересек жануарлар мұндай жағдайды бұрын да бастан кешкен және олар тірі қалады деп ойлаймын. Себебі олар не жеу керегін біледі, ал жас еліктер білмейді. Барлығы биыл қардың көп мөлшерде түсуіне байланысты. Соның салдарынан еліктер азық таба алмай жүр", – дейді Сергеевка ауылының тұрғыны Михаил Михайленко.

Жануарлардың жансыз денелері өңірдің басқа да аудандарында табылып жатыр. Саудыраған сүйек пен салбыраған теріден басқа дым жоқ.

"Жолдың шетінен бірнеше еліктің өлексесін таптық, ал орман ішінде олардың саны бұдан да көп. Орман шаруашылының өкілдері жануарларды жем-шөппен қамтамасыз етуі тиіс. Алайда біз ештеңе көріп тұрған жоқпыз", – дейді облыс тұрғыны Санжар Асқаров.

Орман шаруашылығының қызметкерлері болса, мұндай пікірмен келіспейді. Олар жануарлардың жаппай қырылуына азық тапшылығы емес, басқа факторлардың әсер еткенін айтады.

"Бұл биылғы қар көлемінің көп түсуіне байланысты. Тиісінше еліктер жол бойындағы ағаш бұтақтармен қоректенеді. Өлім фактілері туралы айтатын болсақ, оған көбінесе көлікпен соқтығысу не қаңғыбас иттердің талауы себеп болып отыр", – деді облыстық орман шаруашылығы және жануарлар әлемі аймақтық инспекциясының бөлім басшысы Олег Беспалов.

Осылайша, сан алуан пікір қайшылығы болғандықтан тәуелсіз сарапшының көмегіне жүгінуді жөн санадық.

"Әрине, бізді желідегі видеолар қатты алаңдатты, әсіресе, мұндай видеолар бір емес бірнеше. Бүгін біз орман шаруашылығы инспекциясында өткен отырысқа қатысып, осы сұрақты қойдық. Бірақ нақты жауап ала алмадық. Сондықтан еліктер қырылып жатқан жерлерді бірге аралайық деген ұсыныс айттық. Алайда қардың көп түсуіне байланысты қазір мүмкін емес деп өтінішімізді қабылдамады", – деді облыстық "Добрая планета" қорының директоры Татьяна Мұхамеджанова.

Оқи отырыңыз: "Адамдар қырылып жатыр": Танымал тұлғалар Тоқаевқа жанайқайын жеткізді

Ресми дерек көздеріне сүйенсек өңірде шамамын 15 мыңдай елік бар. Ал олардың қаншасының қырылғаны әзірге белгісіз.

3989
Кілт сөздер:
Солтүстік Қазақстан облысы, жануарлар әлемі
Тақырып бойынша
"Ақжайық" резерватында құс қырылып жатыр
"Су қоймасында балық жаппай қырылып жатыр": желіде таралған ақпарат тексерілуде
Қостанай облысында елік атып жүрген бір топ браконьер ұсталды
Солтүстік Қазақстанда ауру өршіп тұр: Петропавлда құс қырылып жатыр
ОҚО-да жабайы елік пен қарақұйрық өсірілмек
Полицей, архивтегі фото

Түркістанда жүргізуші полиция қызметкерін көлігімен сүйрей жөнелді видео

1044
Ол мұндай әрекеті үшін миллиондаған айыппұл төлеп, қоғамдық жұмыстарға тартылуы немесе үш жылға дейін бас бостандығынан айырылуы мүмкін

НҰР-СҰЛТАН, 13 сәуір — Sputnik. Түркістан облысында полиция тәртіп сақшысын 30 метр қашықтыққа сүйреген жүргізушіге қатысты сотқа дейінгі тергеу жүргізіп жатыр.

Оқиға Жетісай ауданында болған. Жергілікті полиция қызметкерлері көшелердің бірінде патрульдеу кезінде терезесі қараңғыланған автокөлікті тоқтатқан, деп хабарлады Түркістан облысы полиция департаментінің баспасөз қызметі.

Құжат тексеру барысында патрульдік қызмет инспекторы полиция майоры Ертау Саурамбаев автокөлік терезесін қараңғылау неліктен заңға қайшы екенін түсіндіріп жатқан. Полиция қызметкері Әкімшілік құқық бұзушылықтар туралы кодекстің 590-бабының 5-бөлімі "Көлік құрадарын пайдалану ережелерін бұзу" бойынша әкімшілік хаттама толтырған. Аталған бапқа сәйкес көлік иесі 5 айлық есептік көрсеткіш (14,5 мың теңге немесе 4 доллар) көлемінде айыппұл төлеуге тиіс.

"Тәртіп сақшысы автомобиль иесінен көліктегі қараңғылайтын қабыршақты алып тастауды сұраған кезде жүргізуші талапқа бағынбай, жасырынбақ болған. Адам өміріне төнген қауіпке қарамастан, құқық бұзушы полиция қызметкерін автокөлікпен 30 метр қашықтыққа сүйрей жөнелген. Мұның барлығы патрульдік полицейдің бейнежетонына түсіп қалған", - деді департамент.

Нәтижесінде полиция Қылмыстық кодекстің 380-бабының 1-бөлімі – "Билік өкіліне қатысты күш қолдану" бойынша сотқа дейінгі тергеуді бастады. Бұл бап 3 000 АЕК (8,7 миллион теңге немесе 20 мыңнан астам доллар) көлемінде айыппұл төлеуді немесе үш жылға бас бостандығын шектеуді немесе дәл осы мерзімге бас бостандығынан айыруды қарастырады.

Заңға қайшы әрекет жасаған азаматтың көлігі айып тұрағына қойылды. Істің мән-жайын анықталып жатыр.

1044
өлі балық

Ақтөбе облысында балық қырылды экологтар зерттеу жүргізеді

22
Балықтың жаппай қырылуы тіркелген су айдыны малды суару үшін қолданылады, жақын маңда өндірістік нысан жоқ

НҰР-СҰЛТАН, 13 сәуір — Sputnik. Суаттан бірнеше тонна өлі балық табылғаннан кейін экологтар Кузьмин тоғанындағы суға лабораториялық зерттеу жүргізетін болды.

Экология министрлігінің ақпараты бойынша, өлі балықтың жалпы салмағы 4 тоннаны құрады. Мөңке балықтарды жою бойынша жұмыстар ұйымдастырылды.

12 сәуірде балықтың жаппай қырылуы тіркелді. Бұл туралы хабарлама Экология, геология және табиғи ресурстар министрлігінің балық шаруашылығы комитетінің Тобыл-Торғай облысаралық бассейн инспекциясына келіп түсті.

Дәл сол күні инспекция мамандары ветеринарлық бақылау және қадағалау комитетінің Ақтөбе облыстық өңірлік инспекциясы және Ақтөбе облыстық табиғи ресурстар басқармасының қызметкерлерімен бірлесіп аталған тоғанға тексеру жүргізді.

"Лабораториялық зерттеу жүргізу үшін су мен балық сынамалары алынды. Алдын ала болжам бойынша балықтың жаппай қырылуына қыс мезгілінде су деңгейінің төмендігіне байланысты (1,0-1,5 метр) судағы оттегінің жетіспеушілігі себеп болған", - деп жазылған хабарламада.

Лабораториялық зерттеу жүргізілгеннен кейін балықтың жаппай қырылуының нақты себебі туралы хабарланады.

Кузьмин тоғаны Ақтөбеден 140 километр қашықтықта Қобды ауданындағы Жарсай ауылдық округінде орналасқан. Тоған аумағы шамамен 3 гектарды құрайды. Ол балық шаруашылығы суаттары тізіміне енбеген.

Суат малды суару үшін қолданылып келген. Оған жақын маңда өндірістік нысандар жоқ.

22
Кілт сөздер:
балық, Ақтөбе
Нұр-Сұлтан

Нұр-Сұлтанда әлеуметтік пәтер саны 2018 жылмен салыстырғанда 9 есе өседі

0
(Жаңартылды 20:00 13.04.2021)
Көлгінов үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырды

НҰР-СҰЛТАН, 13 сәуір – Sputnik. Нұр-Сұлтан әкімі Алтай Көлгінов әлеуметтік пәтерлер саны артқанын, сол сияқты Алматы ауданында бірқатар мектептің құрылысы жүргізіліп жатқанын мәлім етті, деп хабарлады елорда әкімдігінің ресми сайты.

"Елорда аудандарын "Нұр-Сұлтан - жайлы қала" мастер-жоспары аясында дамытып жатырмыз. Аудандар полиорталық қағидатына сай дамуда, яғни қажетті әлеуметтік нысандар жаяу қашықтықта орналасқан", — деп жазды қала әкімі Instagram парақшасында.

Көлгінов бүгін жеңілдікпен берілетін бірқатар қолжетімді тұрғын үй құрылысының барысымен танысты. Әлеуметтік тұрғын үй Алматы ауданында орналасқан. Тұрғын үй кешенінің бірінші қабаттарында оңалту орталықтары, балабақшалар, балаларға арналған үйірмелер және тағы басқа әлеуметтік нысандар ашылады.

Әкімнің айтуынша, Алматы ауданында бірқатар мектептің құрылысы жүргізіліп жатыр. Бұл бір мезгілде жаңа ТК тұрғындарының оқушы орындарына деген қажеттілігін жабуға мүмкіндік береді.

Оқи отырыңыз: "Бақытты отбасы" бағдарламасы бойынша өтінім қабылдау басталды 

"Үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырдым. Сапасыз жұмыс қабылданбайды", - деді ол.

Көлгінов мемлекет басшысының тапсырмасына сәйкес жеңілдікпен берілетін қолжетімді тұрғын үй көлемін ұлғайту бойынша жоспарлы жұмыс жүргізіліп жатқанын атап өттіз. Биыл көрсеткішті 10 мың әлеуметтік пәтерге дейін көтеру жоспарланған. Көрсеткіш 2018 жылмен салыстырғанда 9 есеге артады.

2019 жылы 2900 әлеуметтік пәтер салынып, пайдалануға берілсе, өткен жылы 7 мыңнан астам пәтер салынды.

0