Архивтегі фото

ҰҚК ұйымдасқан қылмыстық топты ұстады арнайы операцияның видеосы жарияланды

1397
(Жаңартылды 12:54 10.04.2021)
Ұйымдасқан қылмыстық топ басшыларының бірі Армения азаматы деген ақпарат бар. Ұсталғандардан қару, алтын, доллар, теңге және армян драмы тәркіленді

КӨКШЕТАУ, 10 сәуір – Sputnik. Ұлттық қауіпсіздік комитеті Ақмола облысындағы кәсіпорыннан алтын ұрлаған ұйымдасқан қылмыстық топтың ұсталғанын хабарлады. Оның екі басшысының бірі – Армения азаматы. Тінту кезінде алтын, ақша және қару тәркіленді, деп хабарлайды Sputnik Қазақстан.

Ақмола облысының қала құраушы өнеркәсіптік кәсіпорнынан құрамында алтын бар материалдарды ұрлаумен айналысқан қарулы ұйымдасқан қылмыстық топ жойылды.  

Айта кетейік, Ақмола облысында екі ірі алтын өндіруші компания – "Қазақалтын" тау-кен металлургиялық комбинаты және "Алтынтау Көкшетау" ЖШС жұмыс істейді. ҰҚК департаментінің баспасөз қызметі оның қайсында ұрлық жасалғанын айтудан бас тартты.

"ҰҚК арнайы операциясы кезінде алтын жымқырудың қылмыстық схемасын ұйымдастырған қылмыстық топтың екі басшысы ұсталды. Олардың бірі – Армения азаматы", - деп хабарлады ҰҚК-нің Ақмола облысы бойынша департаменті.

Ұйымдастырушылар мен қылмыстық топ мүшелерінің тұрғылықты жерін тінту кезінде алтын, ақша және қару тәркіленді.

"41 оқ-дәрісі бар әскери тапанша, газ тапаншасы, сигналдық револьвер, салмағы бір килограмға жуық алтын құйма, бір килограмнан астам катодты алтын, 33 500 доллар, 800 000 теңге, 32 000 армян драмы, отқұндақты пеш тәркіленді", - деп хабарлады департамент.

Күдіктілердің кінәсі дәлелденсе, он жылға дейін бас бостандығынан айырылады.

Ұйымдасқан қылмыстық топтың қызметі 19 қаңтарда тоқтатылған. Бірақ объективті себептерге байланысты ақпарат енді ғана жарияланып отыр, деп атап өтті ведомство.  

1397
Тақырып бойынша
Арнайы операция: ҰҚК аса қауіпті қылмыстық топты ұстады – видео
ҰҚК Түркияда ұсталған қазақстандықтың аты-жөнін жариялады
ҰҚК бірнеше қалада арнайы операция жүргізді – видео 
Атылған оқтың дауысы мен түтін ақтаулықтардың зәресін ұшырды – ҰҚК не болғанын айтты
Ыстық ауа райы

36 градус ыстық және жел: ертең ауа райы қандай болады

1021
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1021
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

109
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

109
Кілт сөздер:
Шымкент, карантин, шектеу
Тақырып:
Төтенше жағдай және карантин