Ер адам, иллюстративті сурет

"7 жасар қызымызды кепілге алды": Балқашта шарасыз ана жанайқайын жеткізді

1011
(Жаңартылды 12:08 13.04.2021)
Полиция департаменті ер адамның жеті жасар қызын кепілге алғаны туралы факті расталмағанын хабарлады

НҰР-СҰЛТАН, 13 сәуір – Sputnik. Балқаш тұрғыны бұрынғы күйеуінің түн ішінде үйге кіріп, кішкентай қызын кепілге алғанын айтты. 31 жастағы келіншек балаларының әкесін жазалауды сұрап отыр.

"НеМолчи.kz" қоры әлеуметтік желідегі парақшасында 31 жастағы әйелдің оқиғасын жариялады. Балқаш тұрғыны бұрынғы күйеуін кішкентай қызын кепілге алды деп айыптады.

Айтуынша, 26 ақпан күні түнде бұрынғы күйеуі терезені сындырып, пәтерге кірген. Үйде келіншекпен бірге қарт анасы, ұлы және қызы болыпты. Әйел анасы мен ұлын алып, сыртқа шығып үлгерген. 7 жасар қызы бұл уақытта ұйықтап жатқандықтан, пәтерде қалып қойған.

Әйелдің сөзінше, пәтерде жалғыз қалған экс-күйеуі ас үй пышағымен қаруланып, туған қызын кепілге алған.

Оқиға орнына полиция келген. Тәртіп сақшылары ер адаммен келіссөз жүргізгеннен кейін, бала анасымен қауышты. Жәбірленушінің айтуынша, ер адам қызын босатқаннан кейін, өз-өзін пышақпен жарақаттаған.

Сонымен қатар, 31 жастағы келіншек тергеушілердің жұмысына шағымданды. Айтуынша, іс әлі сотқа жетпеген.

"Тергеуші өз міндетіне салғырт қарап отыр деп санаймын немесе оның өз көздегені бар. Егер бәрі осылай жалғаса берсе, бұрынғы күйеуім жазадан құтылып кетеді. Ал маған өмір бойы үрей құшағында өмір сүруге тура келеді. Біз ажырасқалы бері ол мені бірнеше рет қорқытты, үйімнің жанында күтіп тұрды, аңдыды. Төрт рет қорғау ұйғарымы жазылды, ұрып-соғу фактісі бойынша екі әкімшілік іс қозғалды. Бұл адам күннен күнге қатігезденіп барады. Мен өзім және кішкентай балаларымның өмірі үшін қорқамын", - деп көмек сұрады жәбірленуші.

Тағы оқыңыз: Нұр-Сұлтанда полициядан көмек сұраған әйелді үйінің кіреберісінде өлтіріп кетті    

Қарағанды облысы полиция департаментінің баспасөз қызметі әйелдің жазбасына қатысты түсініктеме берді.

"Facebook әлеуметтік желісінде Балқаш тұрғынының бұрынғы күйеуі кішкентай қызын кепілге алғаны туралы хабарламасы жарияланды. Алайда аталған факті расталған жоқ", - деді полиция департаментіндегілер.

Баспасөз қызметінің ақпаратынша, осы жылдың 26 ақпанында Балқаш қаласының полиция бөліміне 31 жастағы әйелден арыз түскен. Ол 32 жастағы бұрынғы күйеуіне қатысты шара қабылдауды сұраған. Айтуынша, ер адам терезені сындырып, пәтерге заңсыз кірген.

"Сол күні полиция бөлімінде Қылмыстық кодекстің 149-бабы "Тұрғынжайға онда тұратын адамның еркiнен тыс заңсыз басып кiру" бойынша қылмыстық іс қозғалды. Полицейлер оқиға орнын қарап шықты, жәбірленуші мен оның бұрынғы жұбайынан жауап алды, көзбе-көз кездестірді. Қазір куәгерлерді анықтауға бағытталған тергеу амалдары жүріп жатыр. Тергеу нәтижесі бойынша процессуалды шешім қабылданады", - делінген хабарламада.

Бұған қоса, ПД ақпаратынша, жәбірленушінің бұрынғы күйеуі 4 наурызда әкімшілік жауапқа тартылып, үш тәулікке қамалды.

1011
Кілт сөздер:
полиция, Балқаш, ер адам, әйел
Тақырып бойынша
Ақтауда екі ер адам әйелді кепілге алды
"Тамағына пышақ тақаған" Қарағанды тұрғыны туған қызын кепілге алды
"Балаларымды қайтарыңдар" Қорғалжында ер адам бұрынғы әйелін кепілге алды
Балтасы бар: Ресейде ер адам алты баланы кепілге алды
Ыстық ауа райы

36 градус ыстық және жел: ертең ауа райы қандай болады

1273
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1273
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

146
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

146
Кілт сөздер:
Шымкент, карантин, шектеу
Тақырып:
Төтенше жағдай және карантин
Жол көлік апаты

Алматыда жүк көлігі жаппай жол апатына себеп болды: 6 адам зардап шекті

0
Жол-көлік оқиғасы салдарынан алты адам жарақат алған, оның ішінде екі бала ауруханаға жеткізілді

НҰР-СҰЛТАН, 16 мамыр - Sputnik. Алматыдағы Алатау ауданында ірі жол апаты болды.

Оқиға куәгерлері мен қатысушыларының айтуынша, Volvo жүк көлігі кептелісте тұрған авткөліктерге соғылды.

Volvo жүк көлігінің жүргізушісі артқы айнаға алаңдап қалған.

Фура протаранила автомобили
© Sputnik / Стрингер
Алматыда жүк көлігі мен үш автокөлік соқтығысты

Ең алдымен ол жылдамдықпен Lexus-тың артынан соғып, жаппай жол апатына себеп болады.  Жеңіл автокөлік өз кезегінде Toyota Surf-ті, ол алдында тұрған Nissan Almera-ға соғылды.

Жол апаты салдарынан алты адам зардап шекті, оның ішінде екі бала бар.

Оқи отырыңыз: Шығыс Қазақстан облысында өртенген жүк көлігінен екі адамның мәйіті табылды

Фура протаранила автомобили
© Sputnik / Стрингер
Алматыда жүк көлігі мен үш автокөлік соқтығысқан

Атап айтсақ, Lexus RX 300 көлігіндегі бес адам: жүргізуші мен жолаушылар, оның ішінде 10 жасар бала. Сондай-ақ Nissan Almera-ның жолаушысы - төрт жасар қыз.

Алтауы да түрлі жарақаттармен ауруханаға жеткізілді.

0
Кілт сөздер:
Алматы, балалар, жүк көлігі, автокөлік, жол апаты
Тақырып бойынша
Рөлде шенеуніктің ұлы болған: Нұр-Сұлтанда жетім баланы көлік қағып кетті  
Алматыда екі көлік бетпе-бет соқтығысты: жүргізуші апат орнынан қашып кетті
Жаяу адамды басып кетті: Алматыда атышулы жол апатына кінәлілер сотталды – видео
Туысының көлігін ұрлап мінген: Шымкентте жасөспірім сұмдық жол апатын жасады – видео