Архивтегі фото

Павлодар облысында туысын өлтірген көпбалалы ана қамаудан босатылды

1489
(Жаңартылды 20:56 13.04.2021)
Туысын өлтіргені үшін сегіз жылға сотталған әйелдің жазасы жеңілдетіліп, үкімді орындау мерзімі кейінге қалдырылды

ПАВЛОДАР, 13 сәуір – Sputnik. Павлодар облыстық сотының апелляциялық алқасы сотталушының жазасын жеңілдетіп, оны орындауды кейінге қалдырды, деп хабарлады сот ведомствосының баспасөз қызметі.

Қамаудан босатылды

Павлодар облысының Павлодар ауданындағы Жаңа-Қала ауылының көпбалалы тұрғыны 8 жылға сотталған болатын. Заң бойынша, жеңілдететін ерекше мән-жайлар болған жағдайда, сот жеңіл жаза тағайындай алады.

Отырысқа қатысқан зардап шеккен тарап, марқұмның анасы сотталушыға бас бостандығынан айырумен байланысты емес жаза кесуді сұрады. Жаңа-Қала ауылының тұрғындары да сотқа осындай өтініш білдірді. Сонымен бірге олар жәбірленушіге жаман мінздеме берілгенін және оның бірнеше рет әкімшілік жауапкершілікке тартылғанын ескеруді өтінді.

Оқи отырыңыз: Байқоңырда көпбалалы ана сотталды  

Сот алқасы сотталушының алты кішкентай баласы бар екенін (ең кішісі – үш айлық), тергеуге көмектескенін, оң мінездеме берілгенін, сондай-ақ жәбірленуші заңға қайшы әрекет еткенін ерекше жеңілдететін мән-жайлар деп таныды.

Осыған байланысты жаза бес жылға бас бостандығынан айыруға дейін қысқартылып, жазаның орындалуы бес жылға шегерілді. Сотталушы қамаудан босатылды.

Еске сала кетейік, сотталушы 2020 жылдың қыркүйегінде күйеуінің бауырын пышақтап өлтірді. Тергеу барысында әйелдің ас үйде болғаны, ал туысы оны балағаттап, жағынан тартып жібергені анықталды. Жауап ретінде әйел оның жүрегіне пышақ сұғып алған. Оқиға Павлодар облысының Жаңақала ауылында болды.

Полиция бөліміне жеткізілген әйелді тексеру кезінде орташа мас екені анықталды. Сараптама нәтижесіне сәйкес, одан дене жарақаты табылмаған.

Әйел осы жылдың ақпан айында сегіз жылға сотталып, сот залында қамауға алынған болатын.

1489
Тақырып бойынша
Қапшағай ойынханасындағы төбелес видеоға түсіп қалды
Алматыдан келген жиен бір отбасын ойран етті: қанды оқиғаның мән-жайы анықталды
ОҚО көпбалалы ана ақша табу мақсатында полиция киімін киген
Нұр-Сұлтанда полициядан көмек сұраған әйелді үйінің кіреберісінде өлтіріп кетті      
Павлодар облысында көпбалалы ана жантүршігерлік қылмыс жасады
Ыстық ауа райы

36 градус ыстық және жел: ертең ауа райы қандай болады

1110
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1110
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

127
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

127
Кілт сөздер:
Шымкент, карантин, шектеу
Тақырып:
Төтенше жағдай және карантин