Иллюстративті фото

Ақ "Аудиге" мінген: Жамбыл облысында 23 жастағы келіншек жоғалып кетті

4642
Із-түзсіз жоғалып кеткен келіншек ең соңғы рет бұрынғы күйеуімен бірге көлікке мініп, сол күйі оралмаған

НҰР-СҰЛТАН, 17 сәуір – Sputnik. Жамбыл облысында екі ай бұрын үйінен шығып кеткен 23 жастағы келіншек іздестіріліп жатыр. Тәртіп сақшылары оны жер-көктен іздегенімен, әзірге еш нәтиже жоқ.

Шу ауданының тұрғыны Гүлдана Санақбайдың туыстары оны бұрынғы күйеуі ұрлап әкетті деп күдіктенеді. Өйткені із-түзсіз кеткен келіншек ең соңғы рет сонымен бірге көлікке мініп, сол күйі оралмаған, деп хабарлады КТК.

Гүлдана Санақбай 11 ақпан күні Алматыға жолға шығамын деп жұмыстан үйіне ерте қайтады. Жолай оны-мұны алу үшін сауда орталығына соғады. Бейнебақылау камерасы түсірген видеодан 23 жастағы келіншектің ақ "Ауди" көлігіне мінгені анық көрінеді.

"Орталықтан шығып, бұрынғы жолдасы Қалқан Берікпен бір көлікке отырғаны бар. Одан кейін көрген-білген адам жоқ", - дейді Гүлдананың анасы Индира Тілеубаева.

Индира Тілеубаева қызын бұрынғы күйеу баласы ұрлап кетті ме деп күдіктенеді. Оның айтуынша, Гүлдана алты жыл бұрын тұрмыс құрған. Бірақ беташардан кейін көп ұзамай күйеу баласы істі болып, бес жарым жыл жазасын өтеп шыққан. Кейін ерлі-зайыптының діни көзқарасы сәйкес келмей, ақыры ажырасып тынған. Алайда бұрынғы күйеуі Гүлдананы қорқытып, соңынан қалмай қойыпты.

Оқи отырыңыз: Із-түзсіз жоғалып кеткен қызды өлтірген жеңгесі болып шықты 

"Біртоға қыз, оның ішінде не болып жатқанын ешкім білмейді. Айтпайды. Күйеуінің ұрып-соққанын да білген жоқпыз. Жоғалғаннан кейін естіп жатырмыз", - дейді Гүлдананың әжесі Тілеукүл Тілеубаева.

Гүлдана мінген көлікте күйеуімен бірге тағы екі жігіт болған. Бәрі бір ауыздан 23 жастағы келіншекті туысының үйіне жеткізіп салдық деп түсініктеме берген. Осыған иланған тәртіп сақшылары оларды күдікті деп қарамаса керек. Ал полицейлер тек дерекке қатысты қылмыстық істің қозғалғанын айтады.   

"Дерекке қатысты Қазақстан Қылмыстық кодексінің 99-бабымен қылмыстық іс қозғалған. Полиция департаментімен арнайы топ құрылып, қылмысты ашуға кешенді тергеу жүргізіліп жатыр. Тергеу құпиялығына байланысты өзге мәлімет жария етілмейді", - деп түсіндірді Жамбыл облысы ПД тергеу басқармасының тергеушісі Азамат Қалмен.

Із-түзсіз кеткен келіншектің бұрынғы жолдасынан 6 жастағы баласы бар. Оны қазір әжесі бағып отыр. Мұхамедәлі анасының жоғалғанын жуырда ғана естіген. Бұған дейін оған шешесі іс-сапарда деп алдап келіпті. Енді ол анасының табылып, үйге оралғанын тағатсыздана күтіп жүр. Ал Гүлдананың туыстары күштік құрылымдардың іздеу жұмысына көңілі толмайды. Сондықтан олар Нұр-Сұлтаннан білікті мамандардың келуін қалайды.  

4642
Тақырып бойынша
Аяжан Еділованың сүйегі жер қойнына тапсырылды
"Жертөледе есімді жидым": Павлодарда жоғалған 12 жасар қыз табылды
Аяжан Еділованың өлімі: полиция күдікті туралы ақпарат берді
Қызылордада жоғалған үш қыздың екеуі Алматыға кетіп қалғаны анықталды
Петропавлда 22 жастағы қыз тоғыз күннен бері табылмай жатыр
Жұмыс іздеуге шыққан: Қызылордада ер адам жоғалып кетті
Ордабасы клубы

"Масқара": Шымкентте ашынған жанкүйерлердің стадиондағы әрекеті видеоға түсіп қалды

290
Оқиға "Ордабасы" - "Ақтөбе" матчынан кейін болды, бұл кездесуде шымкенттік команда қарсыласынан 0-1 есебімен жеңіліп қалды

НҰР-СҰЛТАН, 19 маусым – Sputnik. Әлеуметтік желілерде наразы жанкүйерлердің видеосы тарады. Автордың айтуынша, ролик  "Ордабасы" мен  "Ақтөбе" матчынан кейін түсірілген.

Видео астында жазылғандай, кадрлар Шымкент стадионының маңында түсірілген. Жанкүйерлер "Ордабасы" басшылығынан әңгімелесуге шығуын талап етіп, клуб автобусының жолын бөгеген.

Посмотреть эту публикацию в Instagram

Публикация от Спорт Шрёдингера (@sportilinet)

Бұл іске құқық қорғау органдарының араласуына тура келді. Жағдай бейбіт жолмен реттелді: клуб басшылығы наразы жанкүйерлермен сөйлесіп, жақын арада баспасөз мәслихатын өткізуге уәде етті.

"Ордабасы" – "Ақтөбе" матчы 18 маусым кешке Шымкенттегі Қажымұқан Мұңайтпасов атындағы стадионда өтті. 0:1 есебімен ақтөбелік команда жеңді.

Шымкенттік клубтың әлеуметтік желідегі парақшасында қолданушылар матчтың нәтижесіне көңілі толмағанын білдірген. "Масқара", "Клубты жабыңдар", "Қарауға бет жоқ", "Шымкент әкімін ақшаны оңды-солды шашқаны үшін отставкаға жіберу керек", "Мұндай хәлде Қазақстан кубогы үшін қалай таласасыңдар?, - деп жазды ашынған фанаттар.

Шымкент қаласының спорт басқармасы жағдайға түсініктеме берді.

"Өкінішке қарай тұрғындардың сүйікті командасы жеңілгенде мұндай жағдайлар болып тұрады. Мұндай әр елде болуы мүмкін, біздің елде де болды. Біздің команда тартысты бәсекеде жеңіліске ұшырады, осыған байланысты жанкүйерлер ашуланып, спортшылардың шығуына кедергі келтірді", - деді Sputnik Қазақстанға басқармадағылар.

Ведомствоның ақпаратынша, қазіргі таңда жағдай реттелді. Футболшылар өзін жақсы сезінеді, келесі жарыстарға дайындалып жатыр.

Футболдан Қазақстан чемпионатының 15 турының қорытындысы бойынша шымкенттік "Ордабасы" 21 ұпаймен алтыншы орында келе жатыр. Клуб 22 маусымда өтетін матчта елордалық "Астанамен" ойнайды.

290
Кілт сөздер:
жанкүйерлер, Ақтөбе, Ордабасы, Шымкент
Тақырып бойынша
Калининградта жанкүйерлер Қазақстан құрамасына тосынсый жасады – видео
Нұр-Сұлтанда жанкүйерлер арасында төбелес болды – видео
Хоккейден Қазақстан құрамасын жанкүйерлер ерекше қошеметпен қарсы алды – видео
Қазақстан өңірлерінде жанкүйерлер стадионға Ashyq арқылы кіргізілуі мүмкін
Кісен, архивтегі фото

Алматыда сотталушыға күш көрсеткен абақты қызметкерінің өзі түрмеге түсті

112
Ол "Билік немесе лауазымдық өкілеттігін асыра пайдалану" бабы бойынша сотталды

НҰР-СҰЛТАН, 18 маусым — Sputnik. Алматының Түркісіб аудандық соты Қазақстан ІІМ ҚАЖК ЛА-155/18 мекемесінің режимдік бөлім және күзет қызметкері Ережеповты алты жылға соттау туралы үкім шығарды, деп хабарлады сыбайлас жемқорлыққа қарсы іс-қимыл агенттігі.

Ол сотталушыға арнайы құралдармен (кісен және резеңке таяқшаны қолдану) күш көрсетті деп айыпталды. Уақытша ұстау изоляторының қызметкері осы әрекеті арқылы сотталушының денсаулығына, заңды құқықтарына және мүдделеріне үлкен зиян келтірген.

Оқи отырыңыз: Ақтаудағы тергеу абақтысында түсірілген видео тарап кетті – тексеріс басталды 

Ережепов Қылмыстық кодекстің 362-бабының 4-тармағы (Күш және қару немесе арнайы құралдарды қолдану арқылы билікті немесе лауазымдық өкілеттікті асыра пайдалану) бойынша сотталды.

112
Тақырып бойынша
Челахтың түрмеде көз жұмғаны рас па – ресми жауап
"Бәрі өз еркіммен болды". Ақтөбелік әйел өзін жабылып зорлағандарды ақтап отыр
Жынысын ауыстырған жігітті түрмеде зорлады: адвокаты мән-жайды түсіндірді
Әлеуметтік желіде жарияланған шағымнан соң Қарағандыдағы түрме тексерілді
Білім министрі Асхат Аймағамбетов

Бірыңғай кеңістік құрылады: білім министрлері Аймағамбетовтің идеясын қолдады

127
Орталық Азия елдері өңірлік ынтымақтастықты кеңейтіп, жоғары оқу орындарының ғылыми, зияткерлік және шығармашылық әлеуетін біріктіреді

НҰР-СҰЛТАН, 19 маусым – Sputnik. Орталық Азия елдерінде жоғары білім берудің бірыңғай Орталық Азия кеңістігі құрылады. Мұндай шешім Түркістандағы Орталық Азия елдері білім министрлерінің қатысуымен өткен форумда қабылданды, деп хабарлайды білім министрлігінің баспасөз қызметі.

Шараға Қазақстан, Өзбекстан, Түркіменстан және Қырғызстан білім министрлері, сондай-ақ Орталық Азия елдеріндегі білім министрліктерінің өкілдері, халықаралық ұйымдар, ректорлар және тағы басқалары қатысты.

Қазақстанның білім және ғылым министрі Асхат Аймағамбетов жоғары білім беру саласында Орталық Азия кеңістігін құруды ұсынды. Шетелдік әріптестері оның бастамасына қолдау білдірген. Форум қорытындысы бойынша Түркістан декларациясы қабылданды.

"Жоғары білім берудің бірыңғай Орталық Азия кеңістігін құру бүгінгі таңда объективті қажеттілік болып отыр. Жыл сайын танылатын білім туралы құжаттардың жалпы санының 70%-ке жуығы –  Орталық Азия жоғары оқу орындарының құжаттары. Бүгінде Орталық Азия елдерінің 20 мыңға жуық азаматы Қазақстанның жоғары оқу орындарында білім алады. Бұл көрсеткіш жыл сайын өсіп келеді", - деді Аймағамбетов.

Тағы оқыңыз: 2021 жылы магистратура және докторантураға түсу ережелері қандай

Министр бірыңғай кеңістік аясында Еуропадағы сияқты біліктілікті танудың жеңілдетілген процедурасы мәселесін қарастыруға болатынын айтты.

Түркістан декларациясына сәйкес, енді Орталық Азия мемлекеттері өңірлік ынтымақтастықты кеңейтіп, бүкіл Орталық Азия жоғары оқу орындарының ғылыми, зияткерлік және шығармашылық әлеуетін біріктіреді.

Сондай-ақ тараптар студенттермен алмасу үшін білім бағдарламаларының, бірлескен ғылыми жобалардың санын ұлғайтуға және ОА елдерінің көшбасшы студенттері арасында өзара байланыс орнатуға, тәжірибе алмасу және жұмыс бағыттарын талқылау үшін ОА елдерінің жоғары оқу орындары ректорларының форумдарын өткізуге келісті. 

Орталық Азия кеңістігіне қатысушы елдердің ынтымақтастығы Болон процесі қағидаты бойынша ұйымдастырылады. Сондай-ақ жоғары білім саласындағы Орталық Азия кеңістігі жанынан білім министрліктері арасындағы жұмысты үйлестіру, жоғары білімнің тартымдылығын арттыру және бәсекеге қабілеттілікті күшейту үшін хатшылық құрылады.

Түркістан декларациясы ынтымақтастықтың келесі бағыттарын көздейді:

  • ОА елдері жоғары оқу орындарының альянсын қалыптастыру;
  • ОА елдерінің білім беру сапасын қамтамасыз ету жөніндегі аккредиттеу кеңесін құру;
  • ОА елдері студенттерінің альянсын құру;
  • Біліктілікті және білім туралы құжаттарды тану жөніндегі ұйымдар қауымдастығын құру.
127
Кілт сөздер:
Орталық Азия, жоғары білім алу, Асхат Аймағамбетов
Тақырып бойынша
Қыркүйектен бастап студенттер 31 мың теңге алады
"Әділдік үшін өзгертіп жатырмыз": Аймағамбетов биылғы жаңашылдықтар туралы айтты
"Бұл - өте маңызды мәселе": Аймағамбетов жаңа бұйрыққа қол қоятынын айтты
Аймағамбетов қазақстандық мұғалімдерге хат жазды