Әлімжеттік, иллюстративті фото

Жалақысын талап етіп, таяқ жеді: Павлодарда болған оқиғаны басқарма өкілдері түсіндірді

707
(Жаңартылды 22:03 18.04.2021)
Қапанов оқиға автокөлік жуу аумағында өрбіген болса, онда бұл істі өндірістік жарақат ретінде тіркеу қажеттігін алға тартады

НҰР-СҰЛТАН, 18 сәуір – Sputnik. Жалақысын сұрап барып, соққының астында қалған павлодарлық әйел Instagram желісінде суретін жариялап, қоғамнан араша сұраған болатын. Қазіргі кезде бұл іспен жергілікті полицейлер айналысып жатыр, деп хабарлайды Pavlodarnews.kz.

Павлодар облыстық еңбек және халықты әлеуметтік қорғау басқармасы әлеуметтік желіде тараған жарияланымды назарға алып, түсініктеме берді.

Ал бұған дейін желідегі pavlo.detka парақшасында денесінің бірнеше жері көгеріп, жарақаттанған әйел қаладағы көлік жуу орындарының бірінде болған заңсыздыққа шағымданған еді. Ол өзінің қызметтен кететінін айтып, жалақысын сұрай барғанда жұмыс беруші өзін соққыға жыққанын мәлімдеген.

Алайда, облыстық еңбек және халықты әлеуметтік қорғау басқармасы, бұл мәселеге қатысты әлі ресми шағым түспегенін атап өтті.

"Бізге мұндай шағым түспегенімен, көлік жуу орталығына қатысты шешім қабылдауға ықпал ете аламыз. "Шағын және орта бизнес" санатын тексеруге мораторий жарияланғаны белгілі. Солай десек те, біз сотқа жүгіну арқылы жәбірленушінің жалақысын алуына көмектесеміз", – дейді басқарма басшысы Асқар Қапанов.

Оның айтуынша, тараптардың арасында еңбек шарты болмаса, онда еңбек қатынастарын сот арқылы растау қажет болады. Ал ол үшін полиция қылмыстық іс аясында еңбек басқармасының іске араласуын сұрап, ұсыныс білдіруге құқылы.

"Міне, сол кезде біз мораторийге қарамастан жұмыс берушіні әкімшілік жауапкершілікке тарта аламыз", – дейді ол.

Сонымен қатар, Қапанов егер оқиға автокөлік жуу аумағында болса, онда бұл істі өндірістік жарақат ретінде тіркеу қажеттігін де қаперге салды. Бірақ ол үшін жұмыс беруші еңбек қатынастарын мойындауы тиіс.

Оқи отырыңыз: Анасы мен әжесін өлімші етіп сабады: мән-жайды туысы айтып берді - видео

Қазірге кезде Павлодар қаласындағы көлік жуу орталығында әйелді ұру фактісі бойынша полицейлер тергеу жүргізіп жатыр.

707
Кілт сөздер:
Павлодар, әлімжеттік
Тақырып бойынша
Күйеуін соққыға жыққан бұзақыларға тойтарыс берді - Ақсудағы төбелестің мән-жайы
Шымкенттік журналист өзін полицейлер соққыға жыққанын мәлімдеді
Тоқал болудан бас тартқан: соққыға жығылған ақтөбелік бойжеткен мән-жайды айтты
Талғарда белгісіз біреулер жас жігітті аяусыз соққыға жықты – видео
Байқоңыр тұрғыны 60 теңге үшін 14 жасар баланы соққыға жықты
Сумен ойнаған бала

Шығыс Қазақстанда үй маңындағы арықтан үш жастағы екі баланың мәйіті табылды

62
Балалар жоғалған сәтте-ақ ата-анасы мен туыстары шұғыл іздеуге кіріскенімен, олар тым кеш қалған

НҰР-СҰЛТАН, 17 мамыр – Sputnik. Шығыс Қазақстан облысының Елтай ауылында жоғалған үш жастағы екі баланың мәйіті үй маңындағы арықтан табылды, деп хабарлады облыстық полиция департаментінің баспасөз қызметі.

Қайғылы оқиға 17 мамырда түстен кейін болған.

"Шағым түскен сәттен бастап учаскелік полиция қызметкерлері жедел-іздестіру шараларын жүргізді. Оған жергілікті тұрғындар мен құтқарушылар да қатысты. Балалардың денесі үйден 350 метр қашықтағы бақша дақылдарын суаруға арналған арықтан табылды", – деп мәлімдеді полиция өкілдері.

Аталған факт бойынша сотқа дейінгі тергеу басталды. Қазіргі кезде өлімнің себеп-салдарын анықтау үшін сот-медициналық сараптама тағайындалды. Соның нәтижесінде процессуалдық шешім қабылданатын болады.

Оқи отырыңыз: 25 жастағы әйел бірден тоғыз бала дүниеге әкелді

Жергілікті полиция департаментінің мамандары тұрғындарды су айдындарында сақтық шараларын қатаң сақтауға шақырады.

62
Кілт сөздер:
ШҚО, балалар өлімі
Тақырып бойынша
Маңғыстау облысында бір жасар бала даладағы дәретханаға құлап кетті
Ақтөбе маңында екі бала суға батып кетті
Павлодарда бес жасар бала терезеден құлап кетті
Бала тамақтан уланса не істеу керек
Ақтауда кәріз құдығына құлап кеткен бала күйіп қалды
Өрт, архивтегі сурет

Павлодарда ірі өрттен екі үй түгі қалмай жанып кетті  видео

15
(Жаңартылды 18:13 17.05.2021)
Өрттен зардап шеккендер мен қаза болғандар жоқ. Сарапшылар тілсіз жаудың неден шыққанын анықтауға кірісті

НҰР-СҰЛТАН, 17 мамыр – Sputnik. Павлодарда екі үй және үш шаруашылық қора-жай өртеніп кетті. Бұл туралы Павлодар облысы төтенше жағдайлар департаментінің баспасөз қызметі хабарлады.

Дүйсенбі 12.50-де Қостанай 34 көшесінде өрт шыққаны туралы хабар түсті. Жеке тұрғын үй секторында екі жер үй мен үш шаруашылық қора-жайдың шатыры жанған. Жалын 390 шаршы метр аумаққа шарпыды.

ТЖ орнына бірден тоғыз автомашинамен 39 құтқарушы, бір техникамен апаттар медицинасы орталығының үш қызметкері және екі автокөлікпен төрт полицей аттанды.

Бір сағаттан соң, 14.15-те тілсіз жау ауыздықталды. Өрт әлі толығымен сөнген жоқ.

Өрт сөндірушілер сыйымдылығы 27 литр газ баллонын сыртқа шығарды.  

Қаза болғандар мен зардап шеккендер жоқ. Оқиғаның себебі мен шығын анықталып жатыр.

15
Кілт сөздер:
видео, өрт, Павлодар облысы
Тақырып бойынша
Риддердегі өрт: Даниал Ахметов баспана мәселесін күзге дейін шешуге уәде берді
Көкшетаулық полицейлер 17 адамды өрттен құтқарды
Риддердегі өрт толығымен сөндірілді
Өрттен 5 бала қайтыс болғаннан кейін аудан әкімі жұмыстан кетті
Газ терминалы

АҚШ сұйылтылған табиғи газ экспортын арттырды

0
Америкалық сұйылтылған табиғи газ экспорты (СТГ) рекордтық көрсеткішке жетті. Бірақ Вашингтон бұл дүрбелең жақында басылады деп қауіптеніп отыр

Өйткені, "Солтүстік ағын – 2" жобасы іске қосылғаннан кейін Еуропаға ресейлік арзан отын жеткізіле бастайды, деп жазды РИА Новости.

Наурызда америкалықтар шетелге күніне 10,5 миллиард текше фут сұйылтылған газ жөнелтіп отырды, деп хабарлады АҚШ энергетика министрлігінің энергетикалық ақпарат басқармасы (ЕІА). Сәуірде бұл көрсеткіш 9,2 болатын. Оның өзі көктем басындағы мінсіз максимум болды.

Баяндамада көрсетілгендей, өткен жылы және осы жылдың қаңтарында АҚШ-тан жеткізілетін СТГ экспортының басым бөлігі Азияға тиесілі болды. Бірақ ақпан мен наурызда ол газдың жартысын Еуропа сатып алып тұрды. Себебі ол жақтағы спотта баға азиялықпен теңесті.

"Мамырда тәулігіне 8,6 миллиард футқа дейін қысқарады деп күтіп отырмыз. Жаз айларында Еуропа мен Азиядағы сұранысты қанағаттандыру аясында бұл көрсеткіш 9 миллиардтан жоғарылайды деген болжам бар", – дейді ведомствода.

Халықаралық энергетика агенттігі 2024 жылға қарай америкалықтар осы сегментте көшбасшы боулы мүмкін екенін жоққа шығармады. ХЭА есебі бойынша АҚШ, Австралия және Ресейдегі табиғи газды сұйылту бойынша бірлескен қуат ол уақытқа дейін СТГ әлем экспортының 90%-ін құрайды.

Алайда Катар сынды ірі экспорттаушы Азия нарығына АҚШ-қа жол бере қоюы екіталай. 2020 жылы таяушығыстық бұл мемлекет 77,6 миллион тонна СТГ экспорттады. Бұл жалпы жеткізулердің 26,5 процентін құрайды. 2024 жылға қарай Парсы шығанағы жағалауындағы кішкентай монархияның газ өндіру көлемі екі есе артады. Ақпанда Дохада Солтүстік кен орнының шығыс бөлігін пайдалану бойынша инвестициялық соңғы шешім қабылданды.

Катардан кейінгі орында 26 проценттік көрсеткішпен Австралия тұр. Үшінші орынға АҚШ (14,7) және төртінші орынға Ресей (10) жайғасты.

Солтүстік мұзды мұхиттағы мұнай және газ ресурстарын жоспарлы түрде игеру он бес жылдан бері ресейлік биліктің әлеуетінде тұр. Наурызда Ресейдің министрлер кабинеті сұйылтылған табиғи газ өндірісін дамытудың ұзақ мерзімді бағдарламасын бекітті. Ол пайдлы қазба көздерін әртараптандыруға, ең алдымен Арктика қайраңы мен Қиыр Шығысты пайдалануға бағытталған.

OilPrice америкалық басылымы жазғандай, егер АҚШ тақтатас өндірісі есебінен ірі экспорттаушының біріне айналса, Ресейге Арктика көмектеседі. Аймақтағы пайдалы қазба қоры үлкен: табиғи газ – 35,7 миллиард текше метр, мұнай мен конденсат – 2,3 миллиард тонна.

Ресей энергетика министрі Александр Новактың айтуынша, 2025 жылға қарай Ресей жылына 68 миллион тонна сұйылтылған табиғи газ өндіріп, әлем нарығындағы үлесін 25 процентке арттыра алады.

OilPrice аналитиктері еуропалықтар үшін ресейлік құбыр желілік газ ғана емес, сондай-ақ сұйылтылған табиғи газ да тартымды екенін атап өтті.

"Ұзақ мерзімді келешекте Ресейдегі СТГ Еуроодақ тұтынушылары үшін оң шешім болады. Себебі АҚШ-қа қарағанда жеткізу жылдамырақ және арзан. Энергетикалық тәуелсіздікті қалайтын Литваның да Ресейден СТГ сатып алуы бекер емес", – деп санайды өнеркәсіптік тәуелсіз сарапшы Леонид Хазанов.

Оның айтуынша, америкалық жеткізушілер үшін Қытай мен Жапония басымдылыққа ие. Себебі бұл мемлекеттерде баға жоғары. Сондықтан ресейлік СТГ мұхиттың арғы жағынан жеткізілетін газды Еуропа нарығынан ысыруы мүмкін.

Қалай болғанда да сын-қатер де жоқ емес. 2025 жылға дейін сұйылтылған табиғи газдың әлем нарығында шамадан тыс көп болуы есебінен бағаның аса жоғары болуын күтудің қажеті жоқ.

0
Кілт сөздер:
мұнай, газ